موقف في منتهي الخطورة

[LEGION]

إستمرارا لمسلسل الهلس الموجود في مصر
من زمان أوي مش بس بعد الثورة

أول إمبارح إثنين من أصدقائي إتقبض عليهم
للأسف في جريمة حيازة سلاح
و هو برضه للأسف سلاح في منتهي الخطورة
( بندقية رش كرال )

علي فكرة أنا مش بهزر أنا بتكلم بجد
إتمسكوا ببندقية رش كرال و 3 علب رش
و راحوا قسم المرج بالفعل
و مخرجوش غير تاني يوم العصر
و مأخدوش البندقية و لا الرش

التفسير الوحيد لموضوع زي ده
إن للأسف الحلقة المفقودة بين الإنسان و القرد ظهرت في مصر
لما عنصر فرض قانون ( ضابط شرطة يعني )
يقبض علي مواطن واقف جنب كام شجره بيضرب عصافير ببندقية رش
و بعمله محضر حمل سلاح
و ياخده القسم و يبيته ليله لتاني يوم العصر
و يصادر منه البندقية
يبقي الضابط ده يا إما مختل عقليا يا إما كان شارب حاجة

مع العلم إن الإتنين مهندس بترول و طبيب أسنان
يعني مش عربجية أو مسجلين
و شنطة العربية عليها عصافير و يمام
و علبة الرش مفتوحة علي شنطة العربية

الضابط إللي ميعرفش يفرق بين بندقية الرش و بين السلاح الحي
يبقي يفتح محل كشري أفضل ليه و للناس
أو يقدم في مصلحة البريد
لأنها بصراحة مش ناقصة قرف و عك أكتر من كده

بصراحة أنا بقالي فترة بفكر أشتري بندقية لأن الصيد إستهواني بعد تجربة مع أصدقاء
لكن دلوقتي إنتقلت من مرحلة التفكير لمرحلة التصميم
و نفسي و مني عيني أقابل واحد من عينة الضابط الهلس ده
علشان تبقي حفلة شاي إنجليزي للصباح الباكر

بجد حاجة تقرف

[ابو مروان]

بعيدا عن النرفزة......القانون شىء والمفروض شىء تانى....القانون يجيز لظابط الشرطة القبض على حامل السلاح ..وظابط الشرطة ليس خبيرا فبالتالى يعرض الموضوع على النيابة للتصرف ويعرض السلاح على الطب الشرعى لبيان نوعة وهل هو حى ام صوت ام رش......وتحدد جلسة موضوعية بناء على ذلك يتم ان شاء الله القضاء بالبراءة فيها وغالبا لا يتم مصادرة البنادق الرش....فى قضايا المخدرات ظابط الشرطة فى حال القبض على احدهم ومعة نبات البغانجو مثلا لا يستطيع الظابط القول بانه تم القبض على فلان وبحوزتة نبات البانجو يجب ان يقول نبات اخضر عشبى يشبة نبات البانجو لانة ليس خبير علما بان الطفل الصغير اليوم يستطيع تمييز البانجو...قس على ذلك الموقف الحاصل لصديقيك......الاستاذ ايمن كاتن بيصتاد من اسبوع وقابلة ظابط ووقف يهزر معاة هو والمخبرين وقالة لو احتاج حاجة يروح القسم والموضوع دى بسلام خالص...هى بتفرق من ظابط لظابط ومن معاملة الشخص معاة واسلوب الحديث........ربنا يطمنك على اصدقائك

[LEGION]

بعيدا عن النرفزة......القانون شىء والمفروض شىء تانى....القانون يجيز لظابط الشرطة القبض على حامل السلاح ..وظابط الشرطة ليس خبيرا فبالتالى يعرض الموضوع على النيابة للتصرف ويعرض السلاح على الطب الشرعى لبيان نوعة وهل هو حى ام صوت ام رش......وتحدد جلسة موضوعية بناء على ذلك يتم ان شاء الله القضاء بالبراءة فيها وغالبا لا يتم مصادرة البنادق الرش....فى قضايا المخدرات ظابط الشرطة فى حال القبض على احدهم ومعة نبات البغانجو مثلا لا يستطيع الظابط القول بانه تم القبض على فلان وبحوزتة نبات البانجو يجب ان يقول نبات اخضر عشبى يشبة نبات البانجو لانة ليس خبير علما بان الطفل الصغير اليوم يستطيع تمييز البانجو...قس على ذلك الموقف الحاصل لصديقيك......الاستاذ ايمن كاتن بيصتاد من اسبوع وقابلة ظابط ووقف يهزر معاة هو والمخبرين وقالة لو احتاج حاجة يروح القسم والموضوع دى بسلام خالص...هى بتفرق من ظابط لظابط ومن معاملة الشخص معاة واسلوب الحديث........ربنا يطمنك على اصدقائك

القانون يجيز لضابط الشرطة القبض علي حامل السلاح اه
إنما مش حامل بندقية رش
لو مش عارف يفرق بين الإتنين يبقي يفتح كشك سجاير
أو يسرح ببطاطا و ميقرفناش

[مورو]

هو الموضوع مكرر ولا اتحزف منه مشاركات

[بكر سعودى]

هههههههههههههههههه والله انت عسل

[LEGION]

هو الموضوع مكرر ولا اتحزف منه مشاركات

لا يا افندم كالمعتاد اتحذف منه مشاركات
عادي مش جديدة :)