استفسار من الاعضاء القدامى

[telefighter]

السلام عليكم ورحمة الله

خالص التحيات لشعب منتدى الصيدفى مصر العظيم
كل عام وانتم بخير ....اللهم بلغنا رمضان ونحن فى احسن الحال

بستفسر من الاعضاء القدامى عن الطريقة السليمة و الصحيحة لتخزين الطلقات الصوتية و طلقات الخرطوش

من حيث وضعية التخزين ودرجة الحرارة المناسبة؟ وفى اسئلة تحيرنى جدا زى
هل لو الطلقة الخرطوش مثلا وقعت هل تنفجر ؟
هل درجة الحرارة العالية فى التخزين ونحن فى الصيف تؤدى الى اشعال الطلق ؟
هل طلق الصوت ممكن ان ينفجر اذا تم وضعه فى جسم الخزنة بشكل عنيف ؟

وبالمناسبة احب اوجة لاكل الاعضاء النصيحة فى عدم الاستهتار بطلق الصوت و التعامل معاها انها طلقة صوت وبس ......... مكتوب على علبة الطلق انه يؤدى الى جروح حادة اذا اطلق على الاحياء من مسافة اقل من 1 متر ولقد تعرضت بالفعل لحادث صعب ولكن ربنا ستر من انفجار طلقة صوت

بجد نصيحة لكل الغاليين الذين يعشقون ولا يستطيعون التخلى عن اعز واهم هواية لديهم
لازم تكون حذر جدا اثناء استخدام السلاح الصوت وعدم اعتباره لعبة حتى مع اقصى درجات الاحترافية من التعامل مع السلاح


وشكرا للجمييع

[besho]

اولا افضل طريقه لتخزينه في كيس فيه رز و سيلكا جل و ايه اللي حصل مع حضرتك

[elmasrey123]

بص يافندم الانفجار فى اى نوع طلق سببه هو اشتعال البارود اين كانت ايه الطريه بس الشائع فى الموضوع ده بقه اكتر من حاجة انفجار الطلقة وده عن طريق الصاعك الى فى الكعب وده عن طريق ابرة ضرب النار اما بتخبط فيه ويطلع شرارة تولع البارود الى فى الطلقه او اى حاجة تانيه تقوم بعمل دور ابرة ضرب النار مع الصاعق ان اى حاجة مدببة او بسن تعلم فى الصاعك فاتخليه ينفجر فى الطلقه والاحتمال التانى درجة الحرارة العاليه اوى الى بجد الى تؤدى اشعال البارود ودة مش من الحر بتاعنا اصل انته مش حاططهم فوق البوتجاز دول الحالات الى بتسبب انفجار الطلقه اين كان الطريقة

[مورو]

وضع الطلقات في الرز او في علبه خشب في الدولاب والبنسبه لأنفجار الطلقات لو درجة الحراره عاليه مايضربش الا لو تعرض لأشعة الشمس المباشره وقت طويل اوي اوي او وضع الطلقات في النار مثلا ووضع الطلقات في الخزنه بشكل عنيف ازاي يعني هههههههه ع العموم مش هيحصل حاجه ان شاء الله لأن الطلاقات علشان تضرب لازم تكون في المنتصف الكعب والخرطوش لو وقعت ع الارض لاتنفجر طبعا

[telefighter]

وضع الطلقات في الرز او في علبه خشب في الدولاب والبنسبه لأنفجار الطلقات لو درجة الحراره عاليه مايضربش الا لو تعرض لأشعة الشمس المباشره وقت طويل اوي اوي او وضع الطلقات في النار مثلا ووضع الطلقات في الخزنه بشكل عنيف ازاي يعني هههههههه ع العموم مش هيحصل حاجه ان شاء الله لأن الطلاقات علشان تضرب لازم تكون في المنتصف الكعب والخرطوش لو وقعت ع الارض لاتنفجر طبعا


100 like شكرا جدا يا استاذ مورو على الرد السريع معلش انا بسال اسئلة غريبة لان الحادث خلانى اخاف شويه من مسكة الطلقة حتى هههههههههههه :)

[lord of the war]

ملاحظه صلاحيه استخدام الخرطوش عشر سنوات 10

[_SAIKO_]

هل لو الطلقة الخرطوش مثلا وقعت هل تنفجر ؟
هل درجة الحرارة العالية فى التخزين ونحن فى الصيف تؤدى الى اشعال الطلق ؟
هل طلق الصوت ممكن ان ينفجر اذا تم وضعه فى جسم الخزنة بشكل عنيف ؟

الطلقة زي ما قالوا الاعضاء اهم حتة فيها الكبسولة ..لو الكبسولة تعرضت لطرقة او خبطة ف هتخلي الطلقة تنفجر و بالتالي لو وقعت الطلقة عالارض عالكبسولة ف ممكن تنفجر و في فيديوهات عالنت لحوادث زي كدة .. بالنسبة لدرجة الحرارة اللي تخلي الطلقة تنفجر ف دي بتكون درجة حرارة عاااااالية تكفي لتحفيز البارود عالانفجار و بالنسبة للجو بتاعنا ف درجة الحرارة لاتؤدي لانفجار الطلقة و عن تجربة انا كنت بحط طلقات عيار 7.62 مم و 14.5 مم ف الشمس قبل الرماية لمجرد ان الطلقة تضيع الرطوبة لو فيها رطوبة لكن مش بتنفجر .. و بالنسبة لطلق الصوت ف نفس الكلام ينطبق علية بشكل كبير

تقبل مروري

[Target Store]

* كبسولة الطلقات الاوزكرسان الفضى بالذات حساسة جدا لاى طرق او ضغط عليها و ممكن تضرب بسهولة لوحدها من اقل ضغط عليها
تعرض الطلقات للشمس القوية المباشرة لفترة تزيد عن نصف ساعة قد يعرض الطلقات للانفجار.
تخزين الطلقات المثالى هو فى علبة محكمة الغلق من الهواء و فى ارتفاع يزيد عن متر من مستوى الارض و فى مكان جاف و يفضل استخدام رز الطعام و اكياس السيلكا المضادة للرطوبة و قطع صغيرة من الفحم.
مفيش حد و انا اولكوا يفتكر نفسه كبير على اى نوع من انواع مسدسات الصوت و لازم نراعى تعليمات الامن و السلامة عند الاقتراب او الامساك و تأمينها كلما امكن.

[adel152]

جزاك الله خير على هذه النصائح المفيدة يااستاذ احمد.
خالص تحياتى.

[وليد سالم]

تعليقات غاية في الاتقان والمعرفة تسلم ردودكم جميعا