تحزير من الشادو 1000 الاصدار الجديد

[elmasrey123]

السادة الاعضاء
تحيه طيبه وبعد
اتقدم بنصيحة لكل واحد مقبل على شراء جاموشادو 1000 الاصدار الجديد الى بشمسيه على النشان الامامى
اوعى تشتريها لاكتر من سبب
اولا الشركة اصلا موقفه انتاجها يبقه ازاى اصدارات جديده
سرعة البندقيه عن تجربه من 160 ل180 متر طب فين ال220
خامات اضعف من سابقاتها بنفك المسمار طبعا نجمة من اول فكه اتاكل وغيرناها
كنت فى المنوفيه انهارده وطالع بيها وهى لاجل الحق دقيقة جدا بظبط النشان يمين وشمال لقيت المسطرة وقعت ولقيت سنها الى بينام على المسمارمتاكل وللعلم ده لا يمكن يتكر الا ازا انته حاولت تشد المسطرة دى بالقوة اواتغاشمت عل النشان جامد فما بالك من خامة بلاستيك اتاكلت من المسمار وهى بتروح وتيجلى عليه امال لو كانت اتخبطت بقه حاجة كده تقيسها تلاقى التركى والصينى احسن منها انا حبيت ابلغكم عن تجربتى علشان تخدو بالكم
الشادوهات اضربت يارجاله
يارب ارحمنا برحمتك
يارب نكمل تمن الديان علشان نخلص من القرف الى عندنا

[ابو مروان]

معلومات مهمة نرجو الرد من خبراء البنادق والسادة اصحاب المحلات والتجار

[elmasrey123]

معلومات مهمة نرجو الرد من خبراء البنادق والسادة اصحاب المحلات والتجار

ابو مروان بلاش حكاية اصحاب المحلات والتجار لسببين
السبب الثالث ان دى ارزاق وربنا ميجعلنا من قطاعين الارزاق نا بتكلم عن تجربتى

[adel152]

وبالمرة بلاش حكاية الخبراء علشان لما بننصح فى ناس بتزعل من النصيحة.
معليهش يامصرى لكن الرزق مش لازم يكون بضرر الناس ولا بغشهم.
انت شخص محترم يامصرى لأن عندك الجراءة انك تكتب اللى حصل معاك فى بندقيتك.

[Orabi]

وبالمرة بلاش حكاية الخبراء علشان لما بننصح فى ناس بتزعل من النصيحة.
معليهش يامصرى لكن الرزق مش لازم يكون بضرر الناس ولا بغشهم.
انت شخص محترم يامصرى لأن عندك الجراءة انك تكتب اللى حصل معاك فى بندقيتك.

لا يا أستاذنا رأي الخبراء زي حضرتك عمره ما يزعل حد لأنك دايماً بتتكلم في الصالح العام اللي فيه مصلحة الكل و الحمد لله التجار اللي موجودين بالمنتدي كلهم ناس محترمه و مادام الكلام صح و عن معرفه و وعي فلا يمكن حد هيزعل.
ربنا يخليك لينا يا أستاذنا و كلنا بنتعلم منك.

[ابو مروان]

خلى بالك يا مصرى ان البنادق ممكن بندقية تختلف عن التانية زى العربيات كدا الاتنين طالعين من نفس خط الانتاج فنفس اليوم وتلاقى فرق.....بس لو كان كل الشادو الجديد كدا يبقى فية حاجة غلط.....ممكن لو حد معاه الشادو الاصدار الجديد يكتبلنا هى عاملة معاة ايه

[aymank2]

والله انتا انسان محترم وخسرت بسبب الموضوع ده ممكن يوقف حال بندقيتك بس ان شاء الله ربنا يعوضك خير بأحسن بندقيه ديانا.

[adel152]

لا يا أستاذنا رأي الخبراء زي حضرتك عمره ما يزعل حد لأنك دايماً بتتكلم في الصالح العام اللي فيه مصلحة الكل و الحمد لله التجار اللي موجودين بالمنتدي كلهم ناس محترمه و مادام الكلام صح و عن معرفه و وعي فلا يمكن حد هيزعل.
ربنا يخليك لينا يا أستاذنا و كلنا بنتعلم منك.

ياعرابى باشا انت شخص محترم وكلامك محترم. انا بأحاول بقدر المستطاع انى ما أكتبش حاجة غير لما أكون متأكد منها بنسبة %99 لأن الكلمة أمانة.
خالص تحياتى.

[adel152]

خلى بالك يا مصرى ان البنادق ممكن بندقية تختلف عن التانية زى العربيات كدا الاتنين طالعين من نفس خط الانتاج فنفس اليوم وتلاقى فرق.....بس لو كان كل الشادو الجديد كدا يبقى فية حاجة غلط.....ممكن لو حد معاه الشادو الاصدار الجديد يكتبلنا هى عاملة معاة ايه

أخى العزيز ابو مروان بعد التحية.
كلام حضرتك مضبوط جدا. لكن العيب بيكون بسيط جدا بين عربية وعربية مش ممكن تكون مجموعة أخطاء طالعة من المصنع فى عربية واحدة. لما تشوف اللى حصل مع اخى العزيز المصرى بدأ بالسوستة ثم خامة المسامير ثم مشكلة النيشان. انا شخصيا لم أسمع عن هذه المشاكل فى الجامو الشادو من قبل خصوصا ان البندقية لم تستعمل غير أستعمال خفيف جدا ومن معرفتى بالمصرى هو من الناس اللى بتحافظ على حاجتها بدليل البنادق اللى كانت معاه قبل كده بيستعملها استعمال خفيف وبيبعها كأنها لسه زيرو.
تحياتى.

[adel152]

والله انتا انسان محترم وخسرت بسبب الموضوع ده ممكن يوقف حال بندقيتك بس ان شاء الله ربنا يعوضك خير بأحسن بندقيه ديانا.

اخى العزيز أيمن باشا بعد التحية.
ربما يكون المصرى خسر بعض النقود ولكنه كسب رضا ربه لمصديقته أمام الجميع. وان شاء الله ربنا هيعوض عليه بأحسن منها مليون مرة.
تحياتى.

[elmasrey123]

شكرا لتعليقتكم ياجماعة وفى ملحوظة صغيره عم عادلوعم محمد محمود متابعنى من اول ماجبت البندقيه ومن ساعة مشكلة السوسته وضعفها وعارف الى فيها
باحج ايمن الى مردهوش لنفسى مردهوش لغيرى انا مرداش اشترى بندقيه كده وانازى منتا قلت احب انا ربنا يباركلى فى اى حاجة عندى وانا راجل ماشى بمبدا الفلوس عمرها ماعملت رجالة الرجاله الى بتعمل الفلوس
ابو مروان حبيى انا بحكى على تجربه حصلت معايا مش اكتر ومش بعيد ابقا قليل البخت الى لقى الغضم فى الكرشة وتبقى الحته الى عندى مش شكل اى شادو تانيه هههه

[bekhet]

بارك اللة فيك يا اخ مصرى بس أنا مستغرب لكل العيوب دى رجاء من كل معاة شادو يكتب تجربتة
أما بالنسبة لعدم شراء البندقية دى أرزاف حضرتك قول كل عيوب البندقية الى قابلتك وبعد كدة قرار الشراء يتأخذة الى هيشترى زى الكرال القديمة والجديدة بالرغم من العيوب الى فيهم الناس بتشترى وتعدل ( دى وجهة نظر والإختلاف لا يفسد للود قضية )

الفكرة لما تشترى وإنت عارف العيوب (أكيد هتشترى بسعر أقل ) غير لما تبقى مخدوع وفاكر إنك معاك أحسن بندقية

تحية ليك أستاذ مصرى

[Target Store]

قليل البخت يلاقى العضم فى الكرشة :)

[ahmed abd ellatif]

انا عندي شادو و شاريها من حوالي سنتين ونصف وكانت ب3250 وبصراحة البندقية معايا زي الفل ومفيرتش سوستة وبتجيب مسافات لحد 35 متر تقريبا وجايب بيها صقر من المسافة قبل كده بس انا خدت فترة لغاية ما اتعودت علي منحني الرماية بتاعها بس أفضل تجميع ليها في ال25 متر وديه تجربتي مع الشادو بكل صراحة وفي انتظار باقي الأعضاء

[nileprince]

بصراحه حاجه تحزن ان يوصل الغش لهذه الدرجه من اجل تحقيق الربح
و تحياتي ليك يا مصري لمشاركتك الامينه لتحذير باقي الاعضاء
و ربنا يرحمنا من انحدار الاخلاق المفرط اللي احنا بنقابله في ايامنا دي

[MBadr]

لا حول ولا قوة الا بالله مشكور يا مصرى على التحذير وربنا يعوضك بالاحسن

[pooforever_2010]

كل حاجه تتظبط معلش يا مصرى فداك
الحمد لله انك بخير