الفتاكه Diana 52

[charesma]

السلأم عليكم ورحمه الله
ايه اخبار كم وحشتونى والله
وايه اخبار الصيد والقناصين الى فى المنتدى الجميل ده ؟
انا كنت فاضى انهارده قولت انزل اروح اصطاد من المكان الى انا بحب اصطاد منه وهو طبعا انتوا عرفينه هو مصنع
لتعبئه القمح المهم
انا رحت هناك وسميت بالله وبدات اصطاد
ودى شويه صور من الصيد بتاع انهارده


http://rapidshare.com/files/108560610/18042008405.jpg.html


http://rapidshare.com/files/108561223/18042008408.jpg.html


http://rapidshare.com/files/108561776/18042008409.jpg.html


وبالهنا والشفاء

[venatic13]

تسلم ايدك يا كبير

بس انا عندي سؤالين

هو الحمام ده مش بتاع حد يعني هو الناس بتربيه تقريبا

والسؤال التاني

ايه الفرق بين ديانا ورمسيس

[charesma]

السلأم عليكم ورحمه الله

بالنسبه للحمام هو معظمه برى مش بتاع حد بسساعات ممكن تلأقى اتنين او تلأته من بتاع الناس بس هو الحمام لمل بيجى ينزل بينزل فى مجموهات كبيره جدا حوالى 100 فى النزله الواحد فا طبعا انت مش بتقدر تميز اوى بينهم



اما بالنسبه للبندقيه رمسيس فهى تعتبر من اسوء البنادق الضغط هواء لأن الخشب المصنوعه من من اردءى نوع خشب وكمان القوه بتاعتها ضعيفه جدا جدا وهى اصلأ كلها على بعضها شكلها غلط


اما الديانا فى نظام تانى خالص من حيث القوه ونوع الخشب من افضل الأخشاب وهو خشب الأرو
ومن حيث قوتها فهيا متربعه على عرش القوه طبعا او ممكن تيجىفى المركز التانى بعد بنادق Air Arms

وبس وياريت اكون افدتك

[الهوارى]

مشكووووووووور

[mido_virus]

thanxxxxxxxxxxxxxxxxxxxxxxxxxxxxx

[msgm]

الحمام المملوك للناس بيكون من النوع البلدي . و الي تعرفة من ألوان ريشه . بيكون ملون بعدة ألوان و شكله
جميل جدا .بدرجات اللون الرمادي

أما الحمام البري . بيكون لونه بني بدرجاته .. وده الي نصطاده ..


اللهم بلغت .! اللهم فإشهد

[علاء معيوف]

السلام عليكم .......... اسمحولى الفت نظركم لحاجة ...............الناس الكبار عندنا كانو بيقولو " الطير الطاير مش ملك حد"

[msgm]

يعني أستنى عند أي برج حمام . ولا تحت أي بيت في حد مربي حمام . و أول ما طير يطير . هو أرميه ... عشان هو طار . و بكده بقى مش بتاع ناس ...

..... الواحد يقعد يربي و يصرف أكل و شرب و مجهود على الحمام و بعدين يلاقيه عدديا بينقص عشان ناس بتصيده ..

ده فعلا الحرام ..




على فكرة الصور مش عارف أنزلها من على الرابيد شير ..

[عاصــم الشبراوينــي]

انت عارف يا charesma
تعرف احلي حاجه انك بتحب بندقيتك

[msgm]

يا جماعة أنا سألت قرايب و أصدقاء ليا بيربوا الحمام فوق البيت ,,, قالولي . أن الحمام الي بيتربى في برج أو فوق سطح منزل . ما بينزلش على أرض غير أرض البرج أو العشة الي بيتربى فيها .. و بيطير فوق العشة رايح جاي و ينزل جواها تاني ..! !
لأن أكلة و شربه كله جوة العشة .. و فراخه و بيضه جوة العشة ..

الكلام ده معناه أن الحمام الي موجود على الأرض .. مش بتاع ناس .. عدا الي بيطير فوق عشته .. وبيكون بأسراب كبيرة

[msgm]

الله أكبر .. ما شاء الله ...
.. إيه الجمال ده يا عم...

بالهناء والشفاء

لازم إن شاء الله . نصيد سوا في المصنع .. أول أما أخلص إمتحانات .. إنشاء الله

[charesma]

السلأم عليكم ورحمه الله
بالنسبه للبندقيه Diana انا مش بحبها وبس انا بموت فيها لأنها بجد تستاهل ومش بتكسفنى ابدا
لما اطلع اصطاد بيها . بالأقيها حاضره معايا على طول وكمان طلقتها مميته من اول العصفوره لحد العنز
والحديات علشان كده انا مش بستخسر فيها اى حاجه خالص وبحاول بقدر الأمان احافظ عليها ...



اما بالنسبه للحمام هو فعلأ الحمام الى بيبقى بتاع ناس دايما بتلأقيه على ابراج الحمام وكمان على اسطح البيوت الى مربياه
اما الحمام الى بيون فى اراضى زراعيه وبياكل ويشرب هناك هو ده الى بضربه بس انا لما بحب اصطاد الحمام انا بروح مصنه لتعبئه القمح بيكون فيه هناك حمام كتير جدا ومافيش اى شائبه انه بتاع ناس وبس0000
وكمان انا ليا طلب صغير يا ريبت يتحقق
اننا ننظم رحله صيد بجد وماتكونش اى حاجه تكون جامده وفى منطقه حلوه وبس ويايت اسمع الردود

[msgm]

ربنا يخليلنا بنادقنا .. يا رب .. .وتكون بحالة ممتازة إن شاء الله .. طول ما إحنا بنحافظ عليها ..

و الرحلة إنشاء الله .. ننظمها ... بس عايزة ترتيبات كتيير . و نعرف مين مستعد ليها ..

[القناص]

صيد جميل وأبقى خدنا معاك مرة أحنا بردة صيادين
ولو ممكن سؤال هو المصنع دة فى محافظة اية
وربنا يوفقك ويوفقنا

[وليد الشيمى]

السلام عليكم يا سيد كاريزما
ممكن تدينى عنوان مصنع القمح ده واكون شاكر لك جدا

[smsmn8888]

العنوان ايوة هو تا الكلام ومتقلاقش الحمام مش هيخلص علشان المشوار اكيد بعيد ف مش هنروح كل يوم بس عام انت الواجد ميخفش عليك

[KHALED]

طبعا الحمام الجبالى بمتاز بصغر حجمه عن الحمام البيتى ولونه مميز وهو بينزل باعداد كبيرة وطبعا حمام المنزل مش بيطير بعيد عن البيت واحنا الصيادين بنراعى ان نصتاد بعيد عن المساكن بمسافة اكثر من ثلاثة كيلو متر

[ابو الشوق]

يا استاز عاصم كاريزما لازم يحب بندقيتة علشان هى تتحب
انا ضربت بيها عند ااستاز احمد كمال بجد البندقية ملهاش حل جميلى وقوية ربنا يكفية شرها ويخليهالو
على راى كاريزما ( فتاكة)