سوال مهم

[el7awi]

مش ملاحظين يا جماعة ان مسدس ايكول فرات سعرة نزل اوي بزيادة يعني هو سعرة حاليا 1125 يا تري اية السبب في هبوط سعرة كدة ؟!! علما بأن معظم التركي لسة بنفس سعرة يعني مثلا بي29 1250 علي سبيل المثال معني كدة ان البي29 افضل من الفرات ؟ ارجو الرد من التجار و اصحاب خبرة او اللي عارف لان انا عايز اشتري فرات بس قلقان من هبوط سعرة مرة واحدة كدة و شكرا

[مورو]

سؤال وجيه جدا هههههههه انا اخدت بالي برده وسألت اصدقاء ليه وقالولي انه موجوده منه كميه في السوق علشان كده سعره نزل
وان شاء الله حد من التجار يفيدنا

[على عزت]

اعتقد من وجهة نظرى اللى ممكن تكون غلط ان الطبنجة ممكن يكون لها اصدار جديد نزل السوق ... بدليل ان فية طبنجات تانية نزلها اصدارات مختلفة وسعرها مختلف من اصدار لاخر .

[el7awi]

استاذ مورو اصل احنا شبراوية لماحين زي بعض ف متفوتناش الحاجات دي بس انا عايز فعﻻ اجابة للسوال دة ﻻني عايز اشترية و قلقان من انخفاض سعره دة ﻻن انا هبيع البي 29 و اشترية فخايف ابيع اﻻفضل و اشتري اﻻقل جودة

[el7awi]

استاذ علي عزت انا فعلا فكرت في الموضوع دة بس برضة مجرد تخمينات مش اكيد احنا عايزين السبب من اهل الخبرة و التجار المحترمين وشكرا لاهتمام حضرتك

[el7awi]

يا اعضاء معقول محدش يعرف اية السبب ؟ !

[lord of the war]

ده اكيد اصدار مختلف او فرز تاني او تالت كمان

[abo amar]

باشا باختصار شديد اللي بيتحكم في الاسعار دي فطاحل وحيتان بيغلو ويرخصو كيفما يشاءون وعلشان عارفين كويس انك رايحلهم رايحلهم ومش هتعرف تجيب المنتج بتاعهم الا من عندهم ولو عرضتها وفكرت تستورد من بره وتعمل لنفسك اسم وسعر هتلبس في الحيط والامثله كتير وربنا يصلح الحال

[LEGION]

و الله أعلم و الله أعلم
أعتقد إنها نفس الحركة بتاعة الريتاي بارون إتش كي
الإصدار الجديد الطباعة مش الحفر
الأصلي منه و لا أحلي و لا أروع
إنما نزل منه مليون نسخة أغلبها صيني درجة عاشرة

أعتقد إن ده إللي بيحصل مع الإيكول فرات
و لو في تاجر من الزملاء الأعزاء هنا في المنتدي
و كلهم يتصفوا بالذمة و الأمانة
أكيد هيوضح الصورة

[el7awi]

شكرا لكل من اضاف رد بس السوال دلوقتي اية رايكم ابيع البي 29 و اشتري الفرات ابو 1125 دة ولة رايكم اية ؟؟

[beretta 912]

اعتقد من وجهة نظرى اللى ممكن تكون غلط ان الطبنجة ممكن يكون لها اصدار جديد نزل السوق ... بدليل ان فية طبنجات تانية نزلها اصدارات مختلفة وسعرها مختلف من اصدار لاخر .

اللع ينور عليك هو فعلا اصدار جديد يعنى تعبان

[el7awi]

هو اللي انا عرفتة من شخص موثوق فية صاحب محل اسلحة حي و صوت فهمني ان تم استيراد كميات كبيرة منو فدة السبب في هبوط سعرة و فاهمني ان مفهوش اي عطل و مش فرز و ﻻ اي حاجة من الكلام دة

[el7awi]

اللي انا عايز اخد رأي حضرتكم فية انهي صوتة اعلي البي29 ولة الفرات بالنسبة اللي جرب دة ودة او عندة خبرة او سمع من حد موثوق فية