البندقية الشنغهاى القريبة الشبه للديانا 350.

[adel152]

جميع الاخوة الاعزاء بعد التحية.
كثرت فى الاونة الاخيرة الاسألة والمواضيع الخاصة ببعض البنادق الموجودة فى السوق المصرى ومدى علاقاتها بشركة شنغهاى.
بعد البحث عن معلومات لهذه البنادق أريد توضيح شئ واحد مؤكد ان شركة شنغهاى ليس لها أى علاقة بهذه البنادق.
البندقية الوحيدة القريبة الشبه للديانا 350 هى الشنغهاى ماجنوم AR1000 وهذا هو رابط البندقية من موقع الشركة نفسها:
http://www.airrifle-china.com/products_detail/&productId=953d180e-0239-4e7e-9d37-06327e4a5e32&comp_stats=comp-FrontProducts_list01-1317100449435.html

طبعا زى ماحضرتكم هتشوفوا هذه البندقية الموجودة فى الرابط لأعلاه ليس لها أى علاقة من البنادق الموجودة حاليا تحت مسميات مختلفة زى السيلفر فالكون والسيلفر ايجل والصقر الفضى. دى صورة الكانون للبندقية الشنغهاى من قرب:

http://im60.gulfup.com/ZI7XYu.jpg (http://www.gulfup.com/?lBdj5N)

طبعا هنلاحظ ان البندقية الشنغهاى الامان بتاعها أمام الزناد وليس خلف الكانون. هنشوف الاختلاف فى النيشان الفيسفورى الامامى...الخ.

ده تقرير وتقييم لهذه البندقية من بعض مستخدميها فى الخارج ولاحظوا تاريخ التقييم من سنة 2007 واحنا فى 2014 وبنقول بنادق جديدة.

http://www.airgunsmith.com/cgi-bin/airgun_review/reviews.pl?review=1230ar1022

ده الفرق بين بندقية من مصدر معلوم ومصدر غير معلوم زى البنادق الموجودة عندنا فى الوقت الحالى.

أتمنى ان اى حد عنده معلومة مؤكدة عن البنادق الموجودة حاليا فى السوق المصرى تكون موثقة بروابط لتأكيد المعلومة. حتى الان لا يوجد موقع واحد بأى اسم من اسماء شركات البنادق المطروحة حاليا فى الاسواق المصرية.
للمرة لالف انا لا أقييم هذه البنادق الغير معلومة المصدر ولكنى أوضح صورة للأعضاء الذى ليس لديهم خبرة كافية فى هذا المجال.
خالص تحياتى للجميع.

[abo amar]

بالرغم من اني متفق معك يا استاذ عادل في ان هناك بنادق فعلا مجهوله الهويه وجدت في الاونه الاخيره في السوق المصري واكيد كانت بتيجي تهريب الا انني اري انها اثبتت كفاءه واذكر علي سبيل المثال ليس الحصر البنادق السلفر فالكون الصيتذ ذات الفئه السعريه التي تتراوح ما بين 700 جنيه الي 900 جنيه ودي البندقيه ذات السرعه المتوسطه 160 متر في الثانيه وفي منها هاي باور بسعر بيتراوح بين 1500 الي 2000 جنيه والصقر الفضي جربتها برده بصراحه اداء عالي وكفاءه عاليه وسعرها بيبدا برده من 2000 جنيه للهاي باور وبصراحه عن تجربه واقعيه اني ذهلت من اداء البنادق دي وخامتها فالغريب هنا بقي ليه البنادق دي الشركات اللي بتعملها بدام بتعمل حاجات ذات كفاءه عاليه وفئه سعريه مناسبه ليه متبقاش شركات مشهوره وكبيره وتخش الدول بشكل رسمي ويبقي اسم منتجاتها في السوق مرتبط بشركه كبيره ومصانع عملاقه ومنتجات بتغزو العالم كله !!!!

[adel152]

بالرغم من اني متفق معك يا استاذ عادل في ان هناك بنادق فعلا مجهوله الهويه وجدت في الاونه الاخيره في السوق المصري واكيد كانت بتيجي تهريب الا انني اري انها اثبتت كفاءه واذكر علي سبيل المثال ليس الحصر البنادق السلفر فالكون الصيتذ ذات الفئه السعريه التي تتراوح ما بين 700 جنيه الي 900 جنيه ودي البندقيه ذات السرعه المتوسطه 160 متر في الثانيه وفي منها هاي باور بسعر بيتراوح بين 1500 الي 2000 جنيه والصقر الفضي جربتها برده بصراحه اداء عالي وكفاءه عاليه وسعرها بيبدا برده من 2000 جنيه للهاي باور وبصراحه عن تجربه واقعيه اني ذهلت من اداء البنادق دي وخامتها فالغريب هنا بقي ليه البنادق دي الشركات اللي بتعملها بدام بتعمل حاجات ذات كفاءه عاليه وفئه سعريه مناسبه ليه متبقاش شركات مشهوره وكبيره وتخش الدول بشكل رسمي ويبقي اسم منتجاتها في السوق مرتبط بشركه كبيره ومصانع عملاقه ومنتجات بتغزو العالم كله !!!!

اخى العزيز ابو عمار بعد التحية.
الجزء الاخير من رد حضرتك هوه ده اللى مخوفنى من هذه البنادق. وزى ما انا قلت فى موضوعى انه ليس تقييم لأى بندقية موجودة ولكن انا مستغرب لو بندقية بهذه المواصفات فأكيد هتكون مصنعة فى مصنع محترم (طيب ليه المصنع غير معلوم) انا خوفى ان يكون تم الاهتمام بالفنش فقط. والاجزاء المهمة والتى تكمن فيها الخطورة وفى الغالب هذه الاجزاء غير مرئية تكون غير مطابقة للمواصفات. لو تحدثنا عن الاسماء الموجودة حاليا السلفر فالكون والصقر الفضى هم ليهم نفس المعنى بالعربى والانجليزى. طيب لو دى شركة واحدة ليه بتنزل بأسمين مختلفين؟ ولو شركتين مختلفتين فلماذا هذا التناسخ فى الاسماء. الاكثر غرابة وده اللى بيأكد شكوكى فى هذه البنادق هل يوجد أى معلومات فى الخارج عنها وعن مصدرها؟ الاجابة لأ. طيب ليه؟ فى أسألة كثيرة ياباشا حول هذه البنادق ومافيش حد عنده اجابة مباشرة عن مصدر البنادق لكن كل الاجابات انها بندقية قوية وخامتها ممتازة ودقيقة عن تجربة (هذه اجابات لتقييم البندقية وانا أبحث عن مصدر البندقية وليس تقييمها).
خالص تحياتى.

[Mohamed Mahmoud]

والله انا متحير جداااااااااااا من الانواع الكتيرة من البنادق اللى بتنزل السوق فى الفترة الاخيرة دة حتى الشادو 1000 مش موجودة فى موقع شركة جامو

[elmasrey123]

ياجماعة الخير المهم النتيجة النهائية للبندقيه من خامات ودقة وقوة انشالله تبقى جاية من بير السلم انا واحد من الناس عايز اجيب 350 ماجنم اما الاقى حاجة اخته وبثلث تمنها وخامه حلوة ودقيقة هاجبها طبعا وتبقى معايا الشادو 1000 ومعايا الشنجهاى ماجنم واهو الواد ابن خالى ياخدله واحده وانا واحده اما نطلع مع بعض

[MBadr]

ملاحظه قويه يا استاذ عادل فعلا البندقيه الشبيه للديانا 350 بالضبط هى السلفر فالكون وليس لها علاقة بالشنغهاى ولكن الغريب جدا انها ليست معلومة المصدر رغم ان كثير من الصيادين بيمدحوا فيها وده فى حد ذاته شئ مريب لو عامل منتج جيد شئ بديهى لازم افتخر بيه واضع البراند نيم بتاعى عليه تفتكر يا استاذ عادل ده ليه علاقه بالمستورد لهذه البندقيه

[big man]

عندي الصقر الفضي وخامات ممتازة ودقة وقوة رهييييييبة ومكتوب made in china

[adel152]

ملاحظه قويه يا استاذ عادل فعلا البندقيه الشبيه للديانا 350 بالضبط هى السلفر فالكون وليس لها علاقة بالشنغهاى ولكن الغريب جدا انها ليست معلومة المصدر رغم ان كثير من الصيادين بيمدحوا فيها وده فى حد ذاته شئ مريب لو عامل منتج جيد شئ بديهى لازم افتخر بيه واضع البراند نيم بتاعى عليه تفتكر يا استاذ عادل ده ليه علاقه بالمستورد لهذه البندقيه

اخى العزيز محمد باشا بعد التحية.
ياباشا علشان اجيب لحضرتك من الاخر استيراد البنادق متوقف من 1995 يعنى مافيش مستورد رسمى لأى بندقية فى الوقت الحالى.
نيجى بقى للنقطة المهمة اللى حضرتك نوهت ليها لو البنادق الصينى الجديدة دى بنادق ممتازة زى كل الاخوة اللى جربوها ما بيقولوا. ليه اللى دخل البنادق دى مش عايز يقول مصدرها ايه فى الصين؟ طيب لو البندقية دى صناعة مصنع محترم (الكل أجمع ان خامات البندقية هائلة) هل من المعقول ان مصنع محترم ممكن يصنع بندقية بهذه الخامات العالية وبعد كده يكتب عليها أى اسم غير معلوم لأى حد غير معروف لا فى الداخل ولا فى الخارج؟ طيب لو فرضنا كل ده حصل هل من المعقول ان تجار الاسلحة فى الخارج مافيش ولا واحد فيهم شاف البندقية واستوردها للبلاد الاوروبية؟ دائما البنادق المعروفة سواء كانت صينى او تركى بتكون فى اوروبا قبل احنا ما نسمع عنها حاجة على الاقل ب3 سنين. اشمعنا البنادق دى اللى ماحدش عارف عنها حاجة ولا سمع عنها غير عندنا فى مصر؟ وليه فيه ناس بتحاول تنسب البنادق دى لشركة معروفة زى شنغهاى؟ كل هذه الاسالة اللى بدون اجابة لازم تثير الشك عند أى حد ياباشا. انا كل اللى قلقنى فى هذا الموضوع ماهى نسبة الامان فى الاجزاء الحساسة زى مجموعة الزناد مثلا؟ الكل بيتكلم على الشكل الخارجى والفينيش بتاع البندقية لكن مافيش حد أتكلم عن مدى جودة الاجزاء الداخلية لهذه البندقية رغم تداولها فى مصر من أكثر من سنة ونصف لكن لم تكن منتشرة مثل هذه الايام. انا اتكلمت عن مخاوفى من ناحية بندقية غير معلومة المصدر. اللهم بلغت اللهم فأشهد.
خالص تحياتى.

[adel152]

والله انا متحير جداااااااااااا من الانواع الكتيرة من البنادق اللى بتنزل السوق فى الفترة الاخيرة دة حتى الشادو 1000 مش موجودة فى موقع شركة جامو

مساء الفل ياحاج محمد.
عندك حق فعلا الاصدار الجديد من الشادو مش موجود فى موقع جامو لكن على الاقل موجود فى شركات التسويق الاسبانية. والشادو بندقية معروفة وموجودة فى موقع الشركة.
http://www.gamo.com/portal/international/rifles/ctnt/s0_0/_/_/rdu6r/Black-Shadow.html

http://www.aceros-de-hispania.com/gamo-airguns/gamo-espana-airgun.asp?product=carabina-gamo-espana
تحياتى يابرنس.

[adel152]

ياجماعة الخير المهم النتيجة النهائية للبندقيه من خامات ودقة وقوة انشالله تبقى جاية من بير السلم انا واحد من الناس عايز اجيب 350 ماجنم اما الاقى حاجة اخته وبثلث تمنها وخامه حلوة ودقيقة هاجبها طبعا وتبقى معايا الشادو 1000 ومعايا الشنجهاى ماجنم واهو الواد ابن خالى ياخدله واحده وانا واحده اما نطلع مع بعض

وجهة نظرك يابرنس تحترم وأكيد فيه أعضاء كثير ليهم نفس وجهة النظر بتاعتك يامصرى. لكن انا عندى وجهة نظر مختلفة يعنى احسن اشترى بندقية معلومة المصدر وأكون متأكد من خامات الاجزاء المهمة فيها زى مثلا مجموعة الزناد أحسن ما أمسك بندقية سرعتها تتعدى ال300 متر فى الثانية وفى لحظة ألاقى الرشة طالعة على خوانه فى أى اتجاه وممكن تصيبنى او تصيب أى حد أخر قريب منى. فى هذه اللحظة أفضل بندقية جامو او حتى تل مجرى متوسطة السرعة وتكون مضمونة من ناحية الامان بتاعها.
تحياتى يابرنس.

[هشام سمير]

استذنا عادل بك شهاده منى وانا بفضل الله صياد ابا عن جد قبل ما اكون تاجر البندقيه تنافس الاسبانى وتنافس الالمانى كمان انا فرجت المصرى عليها ايام ماكن المحل بتاعى مفتوح
دقه وقوه وجوده فى الصناعه وخامات ولا احلى من كده

[elmasrey123]

استذنا عادل بك شهاده منى وانا بفضل الله صياد ابا عن جد قبل ما اكون تاجر البندقيه تنافس الاسبانى وتنافس الالمانى كمان انا فرجت المصرى عليها ايام ماكن المحل بتاعى مفتوح
دقه وقوه وجوده فى الصناعه وخامات ولا احلى من كده

فعلا انا شفتها عندك ياهشام فى المحل بس دى كانت الصقر الفض بسم الله ماشاء الله حديده وخشبه 10 على عشرة ونشانتها تخلى الاعمى يشوف وكنت حلوة فى عنيا بس مكنتش عامل حسابى لانى كنت اشتريت قبلها باسبوع الاسترونج التركى

[ابو مروان]

طب عايزين صورة ليها يا اخواننا وسعرها كام.....ممكن تكون تصنيع شنغهاى فعلا بس مستورد اخد خط انتاج او عمل طلبية بالاسم دة .....ودة عادى جدا جدا فى الصين المهم تديهم فلوس وهما يعملولك ام الحنة ما بتفرقش معاهم الاسم والعلامة التجارية والكلام دة

[adel152]

طب عايزين صورة ليها يا اخواننا وسعرها كام.....ممكن تكون تصنيع شنغهاى فعلا بس مستورد اخد خط انتاج او عمل طلبية بالاسم دة .....ودة عادى جدا جدا فى الصين المهم تديهم فلوس وهما يعملولك ام الحنة ما بتفرقش معاهم الاسم والعلامة التجارية والكلام دة

ده رابط فيه كتالوج 10 صفحات من انتاج شركة شنغهاى كلها بالصور.
http://www.airrifle-china.com/products.html
للعلم انا راسلت شركة شنغهاى من 10 ايام بخصوص هذه البنادق ولم يردوا على ايميلى.
والله يا ابو مروان انا قلت وجهة نظرى ووضحت مخاوفى. وسألت بعض الاسألة لكن للأسف مافيش ولا تاجر واحد من اللى بيسوقوا هذه البندقية رد على سؤال واحد يؤكد فيه مصدر هذه البنادق. أظن مش معقول كل الناس اللى بتبيع البنادق دى ماتعرفش عنها حاجة وكأن الدنيا مطرت بالليل هذه البنادق فى مصر. وعموما أقرب من الايام مافيش وبكره الايام تثبت لو مخاوفى فى محلها او انى كنت غلطان فى هذه المخاوف. كل تمنياتى لو ان مخاوفى فى محلها ان مافيش حد يصيبه أى ضرر من هذه البنادق.

[adel152]

استذنا عادل بك شهاده منى وانا بفضل الله صياد ابا عن جد قبل ما اكون تاجر البندقيه تنافس الاسبانى وتنافس الالمانى كمان انا فرجت المصرى عليها ايام ماكن المحل بتاعى مفتوح
دقه وقوه وجوده فى الصناعه وخامات ولا احلى من كده

ياهشام باشا بلاش نغالط نفسينا ونقارن بندقية غير معلومة الهوية بالبنادق الالمانى والاسبانى. المنافسة الوحيدة فى هذه الحالة هى سعر البنادق فقط.
هل قمت بفك هذه البنادق وتأكدت من الاجزاء الهامة للبندقية من الداخل؟
حتى لو أغلب الاعضاء حكموا على البندقية من الشكل الخارجى وقوة البندقية فأنت على الاخص كتاجر وخبير كان المفروض ان تهتم بالأجزاء الهامة والتى عليها عامل الامان فى البنادق زى مجموعة الزناد مثلا. على فكرة انا ما يهمنيش لو البنادق دى متصنعة تحت بير السلم فى مصر حتى مش فى الصين. لكن انا كل مخاوفى من عامل الامان لهذه البنادق حفاظا على الاعضاء اثناء استخدام بنادق بهذه القوة.

[big man]

بعد سنة البندقية هنشوف ازا هتثبت كفائتها من ناحية الامان ولا لا

[adel152]

بعد سنة البندقية هنشوف ازا هتثبت كفائتها من ناحية الامان ولا لا

الايام مافيش أقرب منها ياكيرو باشا. وأتمنى ان تكون وجهة نظرى خاطئة.

[adel152]

والله انا متحير جداااااااااااا من الانواع الكتيرة من البنادق اللى بتنزل السوق فى الفترة الاخيرة دة حتى الشادو 1000 مش موجودة فى موقع شركة جامو

أتحير أكتر وأكتر ياحاج محمد... أتفضل ياباشا رد شركة جامو فى أمريكا بيأكد ان الشادو 1000 والهانتر 440 توقف انتاجهم لأمريكا.
وللأسف جامو أنترناشونال مالهمش عنوان أيميل للمراسلة والاستعلام لكن المؤكد ان البندقيتين مش موجودين على الموقع ولا فى الكتالوجات الحالية.
كما تم مراسلة شركتى شنغهاى فى الصين وزيسكو فى امريكا منذ أكثر من أسبوعين بخصوص البنادق الصينى الموجودة حاليا فى الاسواق ولم ترد اى شركة على ايميلاتى وده أكبر دليل فى اعتقادى ان الشركتين دول ليس لهم أى علاقة بهذه البنادق زى ماقلت من البداية.
تحياتى.

http://im56.gulfup.com/8Vzb4d.jpg (http://www.gulfup.com/?MPqlPn)

[Orabi]

تسلم إيدك يا أستاذ عادل .. ما شاء الله عليك كل مواضيعك حاجه تحفه بصراحه.

[adel152]

تسلم إيدك يا أستاذ عادل .. ما شاء الله عليك كل مواضيعك حاجه تحفه بصراحه.

ربنا يباركلك ياعرابى باشا. دى شهادة أعتز بها من شخصية محترمة زى حضرتك. نحن نجتهد للحصول على المعلومة الصحيحة بقدر المستطاع.
خالص تحياتى.

[big man]

أتحير أكتر وأكتر ياحاج محمد... أتفضل ياباشا رد شركة جامو فى أمريكا بيأكد ان الشادو 1000 والهانتر 440 توقف انتاجهم لأمريكا.
وللأسف جامو أنترناشونال مالهمش عنوان أيميل للمراسلة والاستعلام لكن المؤكد ان البندقيتين مش موجودين على الموقع ولا فى الكتالوجات الحالية.
كما تم مراسلة شركتى شنغهاى فى الصين وزيسكو فى امريكا منذ أكثر من أسبوعين بخصوص البنادق الصينى الموجودة حاليا فى الاسواق ولم ترد اى شركة على ايميلاتى وده أكبر دليل فى اعتقادى ان الشركتين دول ليس لهم أى علاقة بهذه البنادق زى ماقلت من البداية.
تحياتى.

http://im56.gulfup.com/8vzb4d.jpg (http://www.gulfup.com/?mpqlpn)

زي ما انا قلت مرتين قبل كده ان جامو الامريكية مبتنتجش الشادو
شكرا يبا باشا طول عمرك سباق

[Mohamed Mahmoud]

زي ما انا قلت مرتين قبل كده ان جامو الامريكية مبتنتجش الشادو
شكرا يبا باشا طول عمرك سباق

ولا اي جامو بتنتج الشادو 1000
يعنى اية جامو الامريكية مش بتنتج الشادو 1000
هو دة معناة ان الاسبانية بتنتج يا كيرو؟!!

[bekhet]

ولا اي جامو بتنتج الشادو 1000
يعنى اية جامو الامريكية مش بتنتج الشادو 1000
هو دة معناة ان الاسبانية بتنتج يا كيرو؟!!



أولا أنا سعيد بوجودك المثمر فى المنتدى بعد فترة غياب بجد المنتدى بقة لى رونق تانى (رجع زى زمان تعمل موضوع أو تستفسر عن حاجة تلاقى كمية ردود وتفاعل ومناقشة مثمرة ودة نتيجة إن فى أعضاء كثير رجعت المنتدى تانى بمواضيع ومشاركات ) شكر ا لعودة جميع الأعضاء الغائبين

ثانيا طيب ممكن تفسير
الجامو شادو الى عندنا فى مصر جاية منين بالضبط

[bekhet]

شكرا للأستاذ عادل على الموضوع الرائع
بس علامات الإستفهام كتير وكذلك علامات التعجب

[adel152]

شكرا للأستاذ عادل على الموضوع الرائع
بس علامات الإستفهام كتير وكذلك علامات التعجب

والله ياباشا زى ماقال أخى العزيز الحاج محمد محمود العملية كلها اصبحت محيرة جدا. انا كل اللى بأعمله انى بأجنهد وبأقوم بمراسلة الشركات للوصول الى حقيقة الموضوع وبأضع الرد زى ماجالى بالضبط وبأسيب كل واحد يفهم الرسالة من وجهة نظره. لكن بالنسبة لوجهة نظرى الشخصية انا شايف ان فيه غموض حول عدم وجود الشادو 1000 والهانتر 440 فى كتاوج وموقع الشركة خاصة انهم تعديل شكل البندقيتين عند نهاية القميص ليتشبهوا مع الموديلات الاخرى الحديثة من جامو. وكلمة حق تقال هناك بندقية تسمى بلاك شادو بالتعديل الجديد ومش عارف لو هى دى الشادو 1000 الجديدة تحت مسمى جديد. لكن الهانتر 440 لا أثر لها مواقع شركة شادو.
اللى بيزيد من حيرتى ان احنا معانا فى المنتدى كمية تجار لا بأس بهم وأعتقد ان لديهم هذه البنادق والبنادق الصينى ولم يحاول أى واحد منهم الرد فى أى من هذه المواضيع رغم ان المفروض انهم يكونوا أكثر ناس عندهم خلفية عن مصادر البنادق اللى بيشتروها بالجملة علشان يبيعهوا للأعضاء.
فهل التجار نفسهم ماعندهمش معلومة أكيدة عن مصادر السلع المعروضة لديهم؟
ولو العكس صحيح فلماذا هذا الصمت الرهيب؟ رغم ان المفروض انهم يكونوا أول المشاركين فى المواضيع الخاصة بأى سلعة بيبيعوها للأعضاء.
انا عارف ان كلامى ده ممكن يزعل منى ناس كثير لكن انا شخص الكلام اللى فى قلبى على لسانى وماليش اى مصلحة ولا فى بيع ولا فى شراء لأى من هذه السلع.
أسف على الاطالة وخالص تحياتى للجميع.

[big man]

ايوة يا استاذ محمد الاسبانية مدية توكيل للامريكية ودول شركتين مفصلتين تماما
اية المكلة لماالاتنين ينتجو بنادق ختلفة
؟؟؟؟ طيب ما الاسبانية مبتنتجش اليج كات والحاجات الحديثة والدليل انها موصلتش مصر

[Mohamed Mahmoud]

اولا مش معنى ان البيج كات مش موجودة فى مصر معنى كدة ان الحاجات الجديدة مش بتنزل مصر لا طبعا المشكلة الاساسية ان التاجر مش بيجيبوا كل البنادق الجديدة و على فكرة لو عايز البيج كات تعالى دلوقتى خدها علشان هى موجودة بسعر 3250 عند الشيخ مجدى
ثانيا
مين اللى قال انهم شركتين منفصلتين ما عندك جامو ايطاليا و جامو فنلندا و جامو فرنسا وجامو اسبانيا و جاموا امريكا معنى كدة انهم خمس شركات فى خمس بلاد لا طبعا يا حبيبى دة هو هو نفس الانتاج فى كل البلاد واحد مفيش اى اختلاف

[big man]

لا واخدين توكيل بالاسم
حتى اسمهم مختلف gamo spain ----gamo usa - gamo france

[Mohamed Mahmoud]

لا واخدين توكيل بالاسم
حتى اسمهم مختلف gamo spain ----gamo usa - gamo france

يعنى انت عمرك شفت بندقية جامو مكتوب عليها جامو امريكا !!!!
ثم مش انت برضة قولت ان البيج كات انتاج امريكا و مش موجودة فى مصر انا رديت و قولتلك موجودة و حضرتك مردتش على الجملة دية
يا ريت تجيب مصدر المعلومة يا كيرو من فضلك

[Mohamed Mahmoud]

يا كيرو يا حبيبى الموقع بتاع جامو امريكا دة يعتبر مركز بيع اون لاين مش شركة او مصنع

[big man]

يعنى انت عمرك شفت بندقية جامو مكتوب عليها جامو امريكا !!!!
ثم مش انت برضة قولت ان البيج كات انتاج امريكا و مش موجودة فى مصر انا رديت و قولتلك موجودة و حضرتك مردتش على الجملة دية
يا ريت تجيب مصدر المعلومة يا كيرو من فضلك

خلاص يبقا اليج كات وصلت
ايوة انا شفت كده انا بندقيتي الشادو مكتوب ميد ان اسباين
يعني مش يو اس

[big man]

يعني اية مركز بيع اونلاين ؟؟؟ يعني بيعرض منتجات مصنع امريكا مش انترناشونال
اصل الجامو في اسبانيا والامريكية دي شركة واخدة توكيل ومتفرعة منها
وهيا شافت ان الشادو ملهاش لزمة لان في موديلات كتيرة شبيها بيها وكمان الشادو من التسعينيات يعني قدمت

[big man]

the gamo hunter and the shadow are out prouduce and no longer for usa
واخد بالك من الحته دي no loger for usa هو ما تكلمش عن الانترناشونال
فهمتني حضرتك

[big man]

وبعدين الي رد gamo outdoor usa يعني بيتكلم بالنيابة عن مصنع امريكا مش اي مصنع تاني
لو استاذ عادل تكرم وسال ازا انو بينتجو في اسبانيا ولا لا يبقا كتر خيرة

[Mohamed Mahmoud]

أولا أنا سعيد بوجودك المثمر فى المنتدى بعد فترة غياب بجد المنتدى بقة لى رونق تانى (رجع زى زمان تعمل موضوع أو تستفسر عن حاجة تلاقى كمية ردود وتفاعل ومناقشة مثمرة ودة نتيجة إن فى أعضاء كثير رجعت المنتدى تانى بمواضيع ومشاركات ) شكر ا لعودة جميع الأعضاء الغائبين

ثانيا طيب ممكن تفسير
الجامو شادو الى عندنا فى مصر جاية منين بالضبط


ربنا يخليك يا استاذ بخيت دة من ذوق حضرتك
وصدقنى انا مش عارف هى جاية منين
بس فى زميل عزيز على المنتدى لسة منزل كتالوج من شركة جامو و كان فية اخر اصدار منها 2011 -2012 وان شاء الله هنرفعة قريبا

[Mohamed Mahmoud]

يا كيرو هو مصنع واحد فقط حتى لو اشتريت من gamo usa هيبقى مكتوب عليها برضة made in spain
موقع جامو امريكا دة يعتبر مركز بيع لمنتجات شركة جامو او وكيل جامو فى امريكا

[big man]

http://www.network54.com/Forum/79537/thread/1224568783/Gamo+Hunter+Extreme+American+Made-
ه بيبين ان جامو الامريكية بتنتج بنادق

[big man]

شوف بقا الردود هتلاقي ان فية منها بريتش جيرمن وامريكي وانجلاند

[Mohamed Mahmoud]

شوف بقا الردود هتلاقي ان فية منها بريتش جيرمن وامريكي وانجلاند


يا ريت من فضلك تترجم الكلام و تفهم الكلام كويس:(

[big man]

مانا عملت كده وده الي فهمتو
طب ممكن تفهمني حضرتك

[Mohamed Mahmoud]

حاضر
الراجل بيسال سؤال هل الجامو اكستريم بتصنع فى امريكا ؟

واحد رد علية وقاله خاليك فى الالمانى او الانجليزى احسن

والتانى قال انا كنت فاكرها انجليزى

والتالت قال ان ال 1250 بتعتة انجليزى و كويسة جدا

شوف يا كيرو دة مش المكان اللى تجيب منة معلومة صحيحة دة منتدى زى بتاعنا بالضبك وممكن تلاقى فية معلومات غير صحيحة برضة;)

[big man]

ايوة يعني فية منها انجليزي والماني وبريتش تمام ؟؟؟؟؟؟؟؟

[big man]

واحد قال ال1250 جامو بتاعتي انجليزي
ازا الجامو مش صناعة اسبانية فقط

[Mohamed Mahmoud]

يا ابنى افهم
بيقولة خاليك فى حاجة انجليزى او المانى يعنى مش جامو ياما ديانا او بى اس او فايروخ

ويا حبيبى هقولك تانى دة منتدى زى بتاعنا مش موقع شركة يعنى ممكن تلاقى عضو بيقول اى كلام و خلاص

[big man]

بس واحد بيقول الجامو بتاعتي انجليزي

[big man]

وصاحب الموضوع قال ان فية جامو امريكي وهو شافها

[adel152]

حاجة جميلة جدا ان يكون فيه التفاعل ده كله.
الاخ العزيز كيرو قيه ساعات كثيرة جدا الترجمة الحرفية بتكون غلط لأنه يوجد الكثير من الردود بتكون مكتوبة بالانجليزى بطريقة التهكم ولو ترجمتها حرفيا هتعطيك انطباع خاطئ.
الشركة فعلا غريبة جدا انا استلمت كتالوج من الاخ العزيز المهندس محمود على الايميل بتاعى وفيه جامو شادو 1000 وجامو هانتر 440 الشكل الجديد. بعد كده دخلت بنفسى لكل المواقع المختلفة للشركة ونزلت الكتالوجات وكلهم فيهم اختلاف عن بعض. معنى كده ان الشركة دى بتسوق لكل بلد بطريقة مختلفة يعنى ممكن تلاقى الشادو فى كتالوج وماتلاقيهاش فى كتالوج أخر. بمعنى مش شرط كتالوج الشركة فى ايطاليا تلاقى فيه نفس المنتج فى كتالوج الشركة فى اسبانيا وهتلاقى الاثنين مختلفين عن كتالوج الشركة فى فرنسا.

بخصوص ان بعض البنادق الجامو تم تصنيعه فى انجلترا على حد علمى ان فيه بعض بنادق الجامو 1250 تم تصنيعها فى مصنع بى اس فى انجلترا وهذه البنادق مكتوب عليها صنعت فى انجلترا.

المهم ان الحمد لله اننا وصلنا لمعلومة ان الشادو 1000 والهانتر 440 الشكل الجديد يتم تصنيعه عن طريق شركة جامو لبعض الدول الاوروبية.

عقبال يارب ما نوصل لحاجة اكيدة بخصوص البنادق الصينى.
خالص تحياتى للجميع.

[adel152]

وصاحب الموضوع قال ان فية جامو امريكي وهو شافها

شوف تاريخ الشركة وعند سنة 1995 هتلاقى جواب على سؤاللك. تم انشاء شركة جديدة موزعة (distributorship) فى امريكا الشمالية.
http://www.gamousa.com/aboutus.aspx

[Mohamed Mahmoud]

شوف تاريخ الشركة وعند سنة 1995 هتلاقى جواب على سؤاللك. تم انشاء شركة جديدة موزعة (distributorship) فى امريكا الشمالية.
http://www.gamousa.com/aboutus.aspx


قولوة يا كبــــــــــــــــــير يمكن يقتنع:d

[Mohamed Mahmoud]

رد شركه جامو اليوم على احد الاعضاء المحترمين
الشركة توقفت عن انتاج الشادو 1000 و 440 بس ممكن تعملهم فقط تحت الطلب

[big man]

تمام يا عمالقة اللمنتدى توشكرو جداااا

[ابو مروان]

عايزين صورة للسلفر فالكون الصينى.....واعتقد ان ممكن يكون خط انتاج من الشنغهاى معمول لحساب احد المستوردين ودة عادى جدا جدا فى الصين ما عندهومش مانع فى الاسم التجارى والعلامة والكلام دة اهم حاجة عندهم الدولارات

[adel152]

رد شركه جامو اليوم على احد الاعضاء المحترمين
الشركة توقفت عن انتاج الشادو 1000 و 440 بس ممكن تعملهم فقط تحت الطلب

تمام كلامك يابرنس انا وصلنى صورة من الايميل من العضو المحترم وفعلا يمكن انتاج الشادو و440 تحت طلب مهم وبكميات. وطالبين يعرفوا البنادق موجودة للبيع فين بالضبط فى مصر. طبعا هما فاكرين مصر زى بره فيها شركات كبيرة متخصصة فى الاستيراد والتوزيع زى بيراميد اير مثلا علشان يقدروا يتواصلوا معاهم ومعرفة مصدر البنادق. طبعا مش معقول هنرد عليهم بأسماء أفراد أو محلات زى اللى بيتباع فيها البنادق حاليا لأنهم عايزين يعرفوا مصدر اللى أشترى البنادق من الخارج وده محدش يعرفه والا كانوا ذكروا فى الايميل انه تم انتاج البنادق للشركة الفلانية فى مصر (وده مستحيل لأن كلنا عارفين ان استيراد البنادق متوقف عندنا من 1995). لو فكرنا شوية ياحاج محمد هتلاقى هو ده نفس سؤالى من مدة عن مصدر البنادق الموجودة فى مصر ايه؟ ومافيش حد رد على وماأعتقدش ان فيه حد هيرد على هذا السؤال. ويبقى اللغز محير!!!!
خالص تحياتى.

[adel152]

عايزين صورة للسلفر فالكون الصينى.....واعتقد ان ممكن يكون خط انتاج من الشنغهاى معمول لحساب احد المستوردين ودة عادى جدا جدا فى الصين ما عندهومش مانع فى الاسم التجارى والعلامة والكلام دة اهم حاجة عندهم الدولارات

اخى العزيز ابو مروان بعد التحية.
انه سيلفر فالكون حضرتك تقصد؟ تقليد الشنغهاى B3-1؟ ولا تقليد الشنغهاى الB2؟ ولا تقليد ال350 ماجنوم؟
http://www.egyhunt.net/showthread.php?t=45216
ومازلت أعتقد ان هذه البنادق ليس لها أى علاقة بشركة معروفة عالميا زى شركة شنغهاى.
ولو ده فرضا صحيح المستورد (رغم ان استيراد البنادق متوقف من 1995) الخفى اللى دخلها مصر مش عايز يرد على أسألتنا ليه ولا هوه ولا التجار اللى موجوده عندهم البندقية؟؟؟؟؟
خالص تحياتى

[adel152]

الى جميع الاخوة الاعضاء اللى عندهم البندقية الجامو الشادو 1000 والهانتر 440 الاصدار الجديد (نهاية القميص يشبه البنادق البى اس الايرسبورتر) أرسال صور واضحة للبنادق ولوجوه الشركة الموجود على القميص وارقام السيريال نمبر. لأرسال الصور برجاء التواصل على الخاص لتبادل الايميلات.
يوجد الان خط اتصال عن طريق الايميل مع الشركة الام بخصوص هذه البنادق والشركة مهتمة جدا بمعرفة المزيد عن هذه البنادق لتحديد اذا كانت البنادق أصلية من شركة جامو او تقليد.
أحتمال كبير ان البنادق أصلى وتم شرائها من احد الشركات الموزعة للشركة الام.
شكرا وخالص تحياتى.

[bekhet]

الى جميع الاخوة الاعضاء اللى عندهم البندقية الجامو الشادو 1000 والهانتر 440 الاصدار الجديد (نهاية القميص يشبه البنادق البى اس الايرسبورتر) أرسال صور واضحة للبنادق ولوجوه الشركة الموجود على القميص وارقام السيريال نمبر. لأرسال الصور برجاء التواصل على الخاص لتبادل الايميلات.
يوجد الان خط اتصال عن طريق الايميل مع الشركة الام بخصوص هذه البنادق والشركة مهتمة جدا بمعرفة المزيد عن هذه البنادق لتحديد اذا كانت البنادق أصلية من شركة جامو او تقليد.
أحتمال كبير ان البنادق أصلى وتم شرائها من احد الشركات الموزعة للشركة الام.
شكرا وخالص تحياتى.

أنا شوفت الجامو هنتر 440 من سنة فى محل الرماية فى الرياض
فى إحتمالية إن وكيل جامو فى السعودية يكون بيطلبها من شركة جامو وبعد كدة تكون دخلت مصر بطريقة ما
بس الخبر الأكيد بعد مراسلة الشركة وأعطاء سريال نمبر ودة هيتم إن شاء اللة بمساعدة الأعضاء الى عندهم البندقية

[elmasrey123]

الى جميع الاخوة الاعضاء اللى عندهم البندقية الجامو الشادو 1000 والهانتر 440 الاصدار الجديد (نهاية القميص يشبه البنادق البى اس الايرسبورتر) أرسال صور واضحة للبنادق ولوجوه الشركة الموجود على القميص وارقام السيريال نمبر. لأرسال الصور برجاء التواصل على الخاص لتبادل الايميلات.
يوجد الان خط اتصال عن طريق الايميل مع الشركة الام بخصوص هذه البنادق والشركة مهتمة جدا بمعرفة المزيد عن هذه البنادق لتحديد اذا كانت البنادق أصلية من شركة جامو او تقليد.
أحتمال كبير ان البنادق أصلى وتم شرائها من احد الشركات الموزعة للشركة الام.
شكرا وخالص تحياتى.

حاجتى وصلتك ياكبير ولا لسه :lov:

[adel152]

أنا شوفت الجامو هنتر 440 من سنة فى محل الرماية فى الرياض
فى إحتمالية إن وكيل جامو فى السعودية يكون بيطلبها من شركة جامو وبعد كدة تكون دخلت مصر بطريقة ما
بس الخبر الأكيد بعد مراسلة الشركة وأعطاء سريال نمبر ودة هيتم إن شاء اللة بمساعدة الأعضاء الى عندهم البندقية

أحتمال يابخيت ياباشا تكون من السعودية بس ده ممكن يكون مشكلة للتوكيل بتاع السعودية مع الشركة لأن الشركات الكبيرة دى ما بتحبش توكيل ليها فى بلد يكون مصدر لبلد أخر. على العموم ياخبر النهاردة بفلوس بكره يبقى ببلاش.
تحياتى.

[adel152]

حاجتى وصلتك ياكبير ولا لسه :lov:

100% يابرنس الصور وصلت وهأبعتها للشركة فى أقرب وقت ممكن.
تحياتى ياباشا

[ابو مروان]

يا استاذ عادل انا ما اعرفش شكل السلفر فالكون ....هو اسمها اللى مكتوب على البندقية (el sakr el fady( بيقولوا اسمها كدا وانا طلبت من اى حد يمتلكها يحط صورتها بس للاسف ما حدش لسة حط صورتها..........هو الاستيراد القانونى موقوف فى مصر بس انت عارف ان موش كل حاجة بتدخل قانونى....ممكن تكون الجامو بتنزل ليبيا او السعودية او حتى السودان وتدخل برى تهريب...............يعنى فيه مهرب موش مستورد

[adel152]

يا استاذ عادل انا ما اعرفش شكل السلفر فالكون ....هو اسمها اللى مكتوب على البندقية (el sakr el fady( بيقولوا اسمها كدا وانا طلبت من اى حد يمتلكها يحط صورتها بس للاسف ما حدش لسة حط صورتها..........هو الاستيراد القانونى موقوف فى مصر بس انت عارف ان موش كل حاجة بتدخل قانونى....ممكن تكون الجامو بتنزل ليبيا او السعودية او حتى السودان وتدخل برى تهريب...............يعنى فيه مهرب موش مستورد

Al saqar Alfdi غير السيلفر فالكون رغم ان المعنى واحد بالعربى والانجليزى وعلى فكرة انا مش كاتب الصقر الفضى بالانجليزى غلط لكن هى مكتوبة كده على البندقية يبدو اللى كتب على كانون البندقية الاسم الانجليزى عنده تعبان شوية.
بالنسبة للصور أو المعلومات عن مصدر هذه البنادق يبدو أنه اصبح من الاسرار العسكرية وزى ماقلت قبل كده مافيش حد عنده استعداد يقول أى حاجة عن هذه البنادق. مبروك علينا كلنا البنادق الصينى الجديدة.