استشارة سريعة بخصوص تركيب سوستة

[ابو مروان]

عندى بندقية نوريكا 73 ..السوستة ضعفت شويه وفكيتها عشان اجيب واحدة جديدة النوع اللى زيها فى القطر والتخانة بتاعة سلك السوستة سوستة الديانا 52 او 54 هى اطول بحلقتين ودة موش مشكلة هانقصهم.....المهم سوستة الديانا هاتنفع للنوريكا وممكن تبوظ مجموعة الزناد والا اية ...مع ان سوستة الديانا نفس القطر والتخانة وكل حاجة.......يا ريت الاجابة سريعا عشان السوست فى الطريق لو كدا الغى...الف شكر مقدما للرد من الخبراء

[Orabi]

صباح الفل يا باشا
حضرتك سوستة الديانا قوية جداً في رد فعلها علي النوريكا و بالتأكيد هتأثر علي المجموعة. و لذلك قناعتي الشخصيه إنك متحطش سوستة الديانا.
و أحب أسمع رأي أستاذنا الغالي و كبيرنا الأستاذ عادل.

خالص تحياتي

[MBadr]

بلاش يا باشا لانها اكيد هتؤثر على مجموعة الزناد

[مصطفى ابواسماعيل]

سوستة الديانا لو ركبت مفيهاش اى مشكله ولكن لو هتقص حلقتين خليهم 4 اوخمس حلقات ليه علشان الجهد والحمل على الزناد ما يجيش بالسب والضرر _لان وانت بتعمر هيكون العزم اشد _ ده اذا السوستة ركبت فى البستم وياريت ما دخلهاش حشر فى البستم ____ارجح لك نفس نوع السوستة اللى كانت فيها الاصلية او سوستة اى موديل نفس القطر 18 او 19 مم +تغير الجلبة لجلبة مطاطية وراس مسلوب بدل الجلبة الزفرة كما هو موضح بالصور المرفقة__ لا ن سوستة الديانا 21 مم وتخانة السلك 3.3مم

http://im85.gulfup.com/5BbXkP.jpg (http://www.gulfup.com/?Lu5bB3)

[adel152]

عندى بندقية نوريكا 73 ..السوستة ضعفت شويه وفكيتها عشان اجيب واحدة جديدة النوع اللى زيها فى القطر والتخانة بتاعة سلك السوستة سوستة الديانا 52 او 54 هى اطول بحلقتين ودة موش مشكلة هانقصهم.....المهم سوستة الديانا هاتنفع للنوريكا وممكن تبوظ مجموعة الزناد والا اية ...مع ان سوستة الديانا نفس القطر والتخانة وكل حاجة.......يا ريت الاجابة سريعا عشان السوست فى الطريق لو كدا الغى...الف شكر مقدما للرد من الخبراء

الاخ العزيز ابو مروان بعد التحية.
حضرتك متأكد ان القطر الخارجى والداخلى لسوستة النوريكا 73 هو نفس قطر الديانا؟ خاصة القطر الخارجى؟
حتى لو فرضنا ان السوستة هتدخل داخل البستم بدون مشكلة أعتقد ان سوستة الديانا هتأثر بالسلب على اجزاء فى النوريكا والدليل على كده لو بصيت على جدول السوست بتاع شركة أوكس وشركة تايتن هتلاقى ان سوستة الديانا 48-52-54 فى جدول مختلف تماما عن جدول النوريكا. وده معناه ان تخانة السوستة مختلفة وده من اسباب فرق السرعة فى بندقية زى الديانا 52 وبندقية زى النوريكا 73 ذات ال180 متر/ث وهى جديدة وفى احسن حالتها ومع اخف رش ممكن.
أعتقد سوستة الشادو 1000 مع قطع بعد الحلقات هتكون مناسبة اكثر لهذه البندقية.
بس ياريت تكتبلنا مقاسات السوستة ال73.
تحياتى.

[ابو مروان]

ربنا ما يحرمنى منكوا يارب..اساتذة والله...اخ عزيز هو اللى قالى ان قطر السوستة الديانا ملائم لسوستة النوريكا وعلى هذا الاساس سالتكوا ثم اتضح ان قطر الديانا اكبر ب 1 مليمتر وطبعا موش هاتركب ........المهم السوستة قطرها الخارجى 1.99 سم اتنين ملى الا سنتى.....وطولها 32 حلقة.....سوستة الجامو الشادو تركب معاها يا استاذ عادل؟ لان الاستاذ هشام قاللى ان سوستة الجامو شادو تركبلها بس انا ما اعرفش مقاس السوستة الجامو ياريت لو حضرتك تفيدنى...وربنا ما يحرمنى منكوا جميعا

[adel152]

ربنا ما يحرمنى منكوا يارب..اساتذة والله...اخ عزيز هو اللى قالى ان قطر السوستة الديانا ملائم لسوستة النوريكا وعلى هذا الاساس سالتكوا ثم اتضح ان قطر الديانا اكبر ب 1 مليمتر وطبعا موش هاتركب ........المهم السوستة قطرها الخارجى 1.99 سم اتنين ملى الا سنتى.....وطولها 32 حلقة.....سوستة الجامو الشادو تركب معاها يا استاذ عادل؟ لان الاستاذ هشام قاللى ان سوستة الجامو شادو تركبلها بس انا ما اعرفش مقاس السوستة الجامو ياريت لو حضرتك تفيدنى...وربنا ما يحرمنى منكوا جميعا

تمام كده ياابو مروان. ان شاء الله الجامة الشادو تركب لأن قطرها الخارجى 20مم وقطر النوريكا على كلام حضرتك 19.9مم. بس هتحتاج تتأكد من الطول المطلوب لأن احتمال هتحتاج تقص كام حلقة من سوستة الجامو. عموما طول سوستة الجامو بيكون 28سم تقريبا.
تحياتى.

[ابو مروان]

حبيبى يا استاذ عادل والله........انا قايس بالمسطرة كدا ممكن تكون 20 مم انا عارف الطول هايتقص منة لان السوستة 32 حلقة .......الف شكر لاهتمامك والرد عليا ربنا يديم المحبة...تنصحنى باى محل اجيب منة السوستة انا هاحتاج 2 ان شاء الله وسعرها عامل كام دلوقتى ........تاعبك معايا بس دة العشم

[adel152]

حبيبى يا استاذ عادل والله........انا قايس بالمسطرة كدا ممكن تكون 20 مم انا عارف الطول هايتقص منة لان السوستة 32 حلقة .......الف شكر لاهتمامك والرد عليا ربنا يديم المحبة...تنصحنى باى محل اجيب منة السوستة انا هاحتاج 2 ان شاء الله وسعرها عامل كام دلوقتى ........تاعبك معايا بس دة العشم

ياباشا مافيش تعب ولا حاجة انت تأمرنى فى اى وقت. والله ياباشا انا اشتريت واحدة لبندقيتى التل من حوالى 6 شهور من حبيبى عادل عبده وعلى ما أتذكر كانت ب160 جنيه. واكيد هشام سمير هتلاقى عنده برضه.

[big man]

حبيبى يا استاذ عادل والله........انا قايس بالمسطرة كدا ممكن تكون 20 مم انا عارف الطول هايتقص منة لان السوستة 32 حلقة .......الف شكر لاهتمامك والرد عليا ربنا يديم المحبة...تنصحنى باى محل اجيب منة السوستة انا هاحتاج 2 ان شاء الله وسعرها عامل كام دلوقتى ........تاعبك معايا بس دة العشم

متقسش السوستة بعد اما ضربت بيها وضعفت اكيد كانت هتبقا اطول لو بحالتها

[ابو مروان]

big man>انا قايس الطول بالحلقة موش بالسنتى ....القطرر بالسنتى

[adel152]

big man>انا قايس الطول بالحلقة موش بالسنتى ....القطرر بالسنتى

على فكرة ياباشا قياس الطول بعدد الحلقات غير دقيق بالمرة. يجب قياس الطول بالسنتيمتر. وفى حالة ان السوستة قديمة ومضغوطه بتزود على مقاسها من 3 الى 4 سم.
انا بأقول لحضرتك ان عدد الحلقات غير مفيد فى قياس طول السوستة لأنى ركبت سوستة جامو شادو 35 حلقة لبندقيتى التل وكان متركب فيها سوستة 43 حلقة (علشان كده عدد الحلقات مش مقياس).
تحياتى.