صيد البط في الفيوم اليوم 17/1/2011

[mozo00]

صيد البط في الفيوم من الصعب جدا ان يتم تحديد مكان لصيد البط في الفيوم وذلك لكون من الصعب جدا اخراج الطير من العش الموجود فية انا عن تجربة شخصيه اليوم كنت بصطاد في الفيوم في بركة نادي الصيد من اول ضواء الفجر باستخدام مركب ولكن لم يتم الصيد والتوفيق والحمد لله ولكن كان الغريب ان صوت البط في كل ماكن ولم يظهر اي بط او ديك او اي طير يمكن للصيد حتي انني لم استخدم سواء اربعه خراطيش فقط فكان من المستحيل روية اي نوع من انواع البط ولكني استفدت استفاده خطيره وهي اولا ان صيد البط يحتاج الي مكان ثابت وخفي وخيالات وليس عن طريق مركب ثانيا ضروره ان الشخص المرافق يكون هادي وغير متحدث بكثره حتي يمكن تحديد نوع الاتجاه المراد التعامل معة يعني لا يشتت الافكار لمجرد عدم وجود بط ثالثا وهو المهم الخبره واختيار المكان الجيد والوقت المناسب للصيد .وهذه تجرب يجب ان نستفيد منها جدا لكون اليوم ضاع اليوم من غير ريشة بطه وده رزق والحمد لله

[ابو مروان]

كلام حضرتك سليم_ومن خبرتى المتواضعة فى صيد البط(معظم الصيادين فاكرين ان البط سهل الصيد وفاكرين كمان انة بطىء فى الطيران)ودة عكس الحقيقة البط زكى جدا سريع جدا فى الطيران ونظرة قوى افضل شىء لو عايز تصتادة انك تلبد فى مكان ويفضل من باليل قبل طلوع الشمس بساعتين بعد لما تحط الخيالات بتاعتك ويكون معاك زمامير النداء كل نوع من البط لة زمارة معينة وكمان لازم تكون مموة كويس لبسك ما فيهوش اى لون غير الاخضر او البنى والرمادى لان البط بيشوف كويس جدا والهدوء مطلوب جدا يعنى اللى مرافق لحضرتك لازم يكون صياد وفاهم موش يقعد لوك لوك لوك(ههههههه) وكمان عشان ما يصابش بالملل فيطلب منك انك تروح ويزهقك فى عيشتك المواقف دى كلها حصلت معاية واتعلمت وبعد دة كلة (وفى السماء رزقكم وما توعدون) صدق اللة العظيم

[Consul]

أخي العزيز الأستاذ موزو...بارك الله فيك يا أخي...لا تحزن واليوم لم يضيع على الفاضي...أنت اليوم تعلمت وعلمتنا درس بمليون جنيه...الحمد لله على السلامة...خيرها في غيرها وتتعوض بإذن الله...الجايات أكثر من الرايحات...خالص تحياتي...

[أميجو]

التعليم مش ببلاش
ولكل نجاح ضريبة لابد من دفعها
المهم الخبره

[msa_79]

مين قال ان اليوم راح علي الفاضي
الصيد عموما محتاج تعليم وتجارب والواحد في بداية صيد اليمام ياما رجع وايده فاضيه من غير ريشه واحده الحد ما اتعلم مره مع مره
مابالك بصيد البط اللي هو اصعب بكتير؟؟

[mozo00]

مساء الخير علي جميع اعضاء الجروب واشكر جميع الاعضاء المهتمين بالموضع واشكرهم جميعا وانا ابشر حضرتكم اني ان شاء الله سوف اتوجة الي الاسماعيلية في الايام القادمة لصيد بط وان شاء الله هبشركم بالخير وان شاء الله تكون رحله سعيدة ويارب النصيحه قبل السفر

[سالم777]

ياخي افضل طريقة هي انك تصنع خيالات و تخفي نفسك كويس وتصيح للبط وتصبر لما يتجمع البط عندك اذا عندك بنقية اوتاماتيك لازم تصبر لحتى ما يصير عندك لا يقل عن 5 بطات واذا شفتهم انهم ناوين يغيرون مكانهم بعيد عنك اضرب واهم شي انك ما توتتر. مهند سوريا.

[talha]

هو فعلا صيد البط صعب

[mozo00]

مساء الخير انا سعيد جدا بالرد هو فعلا صيد البط صعبجدا بس ظروف البلد اليومين مخلاش بط ولا وز وربنا يستر ويحفظ مصر من كل شر يارب

[professional sniper]

السلام عليكم ورحمة الله تعالى وبركاته
بكل بحساب وبمقدار , وجزاك الله خير عن الموضوع الجمل ده
بس العيب مش عليك برده البط ممكن يكون كان بيجهز للمظاهرات و إن شاء الله الازمه دى تعدى على خير والميه ترجع لمجاريها قصدى البط يرجع لعشه.
تقبل مرورى,,,
خالص احترامى

[sakr2010]

شكرا ليحضراتكم ع الافادة