ما افضل نوع حتى الان [الأرشيف]

ahmed montaser

11-01-17, 02:05 AM

لو سمحتم يا جماعه حد يقولى افضل البنادق (بندقية العمر) من حيث القوة والدقة والسرعة والمسافة البعيدة ومش مهم السعر ابدااااااااا بس تكون بدقية 100 ميه حاجه اخر كلام علشان انا خلاص محتااااااااااااااااااار بين الديانا والبام والجامو وكل بندقية وصورتها وسعرها لو سمحتم ولكم جزيل الشكر والتقدير
هوه فى بندقية ديانا 56

احمد عزيز

11-01-17, 02:15 AM

الويبلى باتريوت الانجليزى نمرة واحد فى القوة تاتى بعدها الديانا 54 اما بالنسبة لى الدينا 56 دى منزلتش مصر خالصوانا راى الشخصى خليك فى الديانا 54

فارس العرب

11-01-17, 02:16 AM

بص يا ابو حميد انت تسأل عن الموجود في مصر وبعدين نختار منه الافضل لان موش كل البنادق الكويسه موجوده داخل مصر وممكن تلاقي منها بس اكيد هيستغلوك في ثمنها ... وممكن تسأل الاستاذ عادل او الاستاذ جمال لان شكلهم فاهمين في جميع الانواع الموجوده في مصر واكيد هيدلوك علي الصح

ahmed montaser

11-01-17, 03:43 AM

انا بفكر فى الديانا 54سمعت انها افضل الانواع وشكرا ليكم ياجماعة جداااااا

sherif aboudeif

11-01-17, 11:13 AM

يوجد ديانا 350 ماجنوم لدينا نمره 2 سرعتها 280 م/ث ب 6500 جنيه 0106253000

محمد احمد العنانى

11-01-17, 05:36 PM

استاذ شريف البندقية ال350 بالضملن ولا من غير
مثبت بالصور والتجربة انها بتكسر الماسورة عند التعمير ووجود عيب صناعى فى خامة الماسورة ارجو الافادة مع الشكر .

sherif aboudeif

11-01-17, 05:51 PM

ياباشا ده كلام غير معقول بالمره حيث ان البندقيه الرمسيس المصرى لا تكسر الماسوره والبندقيه ال 350 ليس معها ضمان لكن يمكن تجربتها عند الشراء

hazeeeeem

11-01-17, 06:47 PM

انا بفكر فى الديانا 54سمعت انها افضل الانواع وشكرا ليكم ياجماعة جداااااا

انت كده اصبت فى الاختيار
الالمانى المانى وعلى فكره دى سلاحى المفضل

hoka

11-01-17, 07:06 PM

diana 54 airking

محمد احمد العنانى

11-01-17, 08:10 PM

يا استاذى الفاضل ممكن تشوف الرابط دةhttp://www.goldenhunter.net/forums/index.php?showtopic=727

يبقى الكلام معقول مش كدة ولا اية

adel152

11-01-17, 08:49 PM

استاذ احمد منتصر
طالما السعر مش مشكلة أعتقد الديانا 54 اير كنج مش ممكن يختلف عليها اتنين انها بندقية العمر.
ممكن حضرتك تشوف تفاصيل البندقية بالصور على الموقع ده
http://www.eddiecolwell.tzo.com/RWS-54.htm
تحياتى

avensis2010

11-01-17, 09:35 PM

السلام عليكم أنا في رأيي :
1- الفايروخ hw 100 - hw 85
2- الويبلي الباتريوت
3- diana 54 -air king
4- جامو هانتر 1250
وتقبل مروري

أميجو

11-01-18, 12:20 AM

عن تجربة ومع إحترامى لجميع الاراء وأنواع البنادق
ففى نظرى لا يوجد مثل الديانا 54 فهى بالحق تحفه فريده خصوصا وان رد فعلها يكاد لا يذكر على الاطلاق .

خط الصعيد

11-01-18, 12:37 PM

اعتقد افضل نوع air arms tx200 mk3 خرافة تحفة معشوقتى

شلاطه سكوووب

11-01-19, 01:18 AM

السلام عليكم... انا جربت البنادق الاقوى والاحسن في بنادق الرش ... اولا ويبلي باتريوت جوده في الخامه وصناعه انجليزي يعني الدقه والمتانه بس بتكسر السوسته من الشديه المفرطه ورد الفعل الغير عادي ودى مش المواصفات اللي الواحد يتمناها والديانا 52 الويست برضو صناعه ممتازه وقوه جباره بس الرد الفعل القوي اللي كان بيخلي المنظار بيتحرك ويرجع للخلف رغم الربط الشديد.... الماجنوم 350 عند صديق لي وبرضو قوه جباره فكرتني بالمدفع الويبلي بس محتاجه لمجهود جبار في الكسر وده طبعا متعب مع الصيد والكسر المتكرر مع قوة رد الفعل اللي شعرت بيها ... نيجي للاخيرها الاير كينج الديانا 54 قوه كبيره وجمال في التصنيع وجوده الخامات ودي صناعه الماني لا غبار عليها طبعا مع انعدام اي رد فعل نهائيااااا المشكله الوحيده انها تقيله شويها بس ده قدرت امحيه مع الممارسه المستمره ودي الاشياء اللي جعلتها في نظري البندقيه الاولى لوفره قطع الغيار ومن الاخر الديانا ديانا .... ده رائيي وربنا يرشدك للاحسن!!!!! اسف للاطاله

حسام

11-01-19, 03:59 PM

السلام عليكم جميعا معلش أنا بختلف مع أعضاء كتبر رشحوا ال54 ابر كينج لأنها ثقيلة واذا كنت حضرتك مصمم عليها ممكن تجيب ال56 متوافرة فى مصر حاليا حتى مسكتها أريح وتانى عيوب ال54 موجود فى جولدن هانتر موضوع اسمه (هام جدا لكل مالكى الديانا)

rock

11-01-19, 04:26 PM

السلام عليكم ... اسمحلى اقول راى ومعتقدش انه شخصى ....
افضل ما يقتنى الصناعه الانجليزيه ولو قلنا مثلا اير سبورتر mk7 بندقيه دقيقه وقويه نوعا ما وبتعيش لكن لما تيجى تشترى بندقيه واحده يبقى لازم تكون على الشعره فى كل حاجه وزن ودقه ومتانة خامات وآخرهم القوه يبقى ممكن ويبلى اكليبس او بى اس ايه سوبر ستار ... ومش بس دول فيه حاجات كتير بس المهم اختيارك ومقدرتك الماديه والجسديه لان ممكن تجيب الديانا 54 اير كينج (بندقيه ما يختلفش عليها اتنين ) وتلاقيها تقيله .
حضرتك اللى هتختار بندقيتك على حسب امكانياتك .... تحياتى .

شلاطه سكوووب

11-01-20, 11:13 PM

على فكره يا استاذ حسام انتى معترض على ال 54 من نحيه الوزن االثقيل للبندقيه وبترشح ال56 اضافه لمعلوماتك ان ال56 اثقل من الاير كينج تقبل مروري

Consul

11-01-21, 03:30 AM

على فكره يا استاذ حسام انتى معترض على ال 54 من نحيه الوزن االثقيل للبندقيه وبترشح ال56 اضافه لمعلوماتك ان ال56 اثقل من الاير كينج تقبل مروري

كلام سليم وصحيح 100%...الديانا 54 الإير كينج وزنها 10.1 ليبرة حوالي 4.6 كجم...الديانا 56 وزنها 11.1 ليبرة حوالي 5 كجم...وزن شكارة أرز رزية وعايزة مساعد صياد شغلته فقط حمل البندقية...ربنا يديكوا الصحة والعافية يا شباب...خالص تحياتي...

أميجو

11-01-21, 04:42 PM

كلام سليم وصحيح 100%...الديانا 54 الإير كينج وزنها 10.1 ليبرة حوالي 4.6 كجم...الديانا 56 وزنها 11.1 ليبرة حوالي 5 كجم...وزن شكارة أرز رزية وعايزة مساعد صياد شغلته فقط حمل البندقية...ربنا يديكوا الصحة والعافية يا شباب...خالص تحياتي...

كالعادة يحسم الجدل سيادة القنصل بخبرته الفائقة
بارك الله لنا فيك سعادة القنصل

ahmed montaser

11-01-21, 09:41 PM

لوسمحتم يا جماعه الفايروخ wh100عامله كام واجبها منين وشكرااااا وخالص تحياتي لكل الي شرفني برده .....

ahmed6355831

11-01-21, 09:59 PM

رايى الشخصى صديقى العزيز ان البندقية مش بقوتها فقط ولكن بدقة نشانها كمان والبنادق الfull power تبدا من 220م/ث وهى كافية جدا لقتل كل انواع الطيور ومن على مسافات هائلة لو اجدت التنشين وكانت البندقية مضبوطة وانا بضرب بالهنتر الغربان وهى طيور قوية وناشفة وبتتقفل تماما من على مسافات محترمة وكمان كلما زادت قوة البندقية اصبح من الاصعب التحكم فيها بدقة (اصعب من البنادق المحترمة بردة الاقل فى القوة) وعموما البنادق الالمانى هى القمة فى الجودة والصناعة وعن تجربة البنادق الاسبانى تقدر تنافسها بس هى الخامات فيها مش بنفس جودة الالمانى وكل حاجة بسعرها والخلاصة لوجه الله جرب بندقية كاملة القوة 220م/ث فما فوق وذا لم تفى المسافات التى تريد الضرب عليها واشك فى هذا جرب 350 ماجنوم الالمانى فعليها اراء هايلة من الاجانب اللى اتعملوها وربنا يوفقك وابقى قلنا عملت اية احمد رجب

rock

11-01-22, 05:08 PM

لوسمحتم يا جماعه الفايروخ wh100عامله كام واجبها منين وشكرااااا وخالص تحياتي لكل الي شرفني برده .....

السلام عليكم .... بالنسبه للفايروخ 100 هى ليها اكتر من فرجن بس الفرجن الاستاندارد ب 720 جنيه استرلينى والكلام ده طبعا زود عليه منفاخ للبندقيه والشحن ده غير لو اللى بيجيبهالك تاجر يبقى لازم يكسب احسب وقولى جابت معاك كام .... تحياتى .

حسام

11-01-25, 12:56 AM

السلام عليكم ورحمة الله:شلاطة باشا لا أنكر أنى لم أكن أعرف هذه المعلومة لكن طالما احنا حنخش على الثقيل يبقى ندور على المسكة المريحة ودى أكيد ظاهرة فى الصور أن مسكة ال56 أريح من ال54

صائد البوم

11-01-25, 05:11 PM

الله ينور يا سياده القنصل دايما تبهرنا بردودك الدقيقه بس كنت عايز اعرف سعرها كام الديانا 54 وايضا سعر ال460 وا 48 والافضل فيهم ايه وليه (احبك في الله) ارجو الرد

صائد البوم

11-01-25, 05:13 PM

وعلي يا سياده القنصل انا بضرب البوم لانه بياكل الحمام من البرج بتاعنا وده السبب شكرا

Consul

11-01-25, 08:01 PM

الله ينور يا سياده القنصل دايما تبهرنا بردودك الدقيقه بس كنت عايز اعرف سعرها كام الديانا 54 وايضا سعر ال460 وا 48 والافضل فيهم ايه وليه (احبك في الله) ارجو الرد

إبني الغالي الأستاذ صائد البوم

بالنسبة للديانا 54 rws إير كينج في عيار 5.5 ( نمرة 2 ) سرعتها 900 ق/ث حوالي 275 م/ث نظام التعمير عتلة جانبية وبها خاصية مانع الإرتداد وسعرها 645$ وبالجنيه المصري 6750 جنيه وهذه صورتها :
http://img39.imageshack.us/img39/9822/rwsmodel5425calrws21662.jpg

بالنسبة للديانا rws 460 ماجنوم في عيار 5.5 ( نمرة 2 ) سرعتها 1000ق/ث حوالي 305 م/ث نظام التعمير عتلة سفلية وسعرها 566$ لا أعرف سعرها لأني لم أراها في مصر وهذه صورتها :
http://img440.imageshack.us/img440/3803/rws460magnumrws2166445r.jpg

بالنسبة للديانا 48 rws في عيار 5.5 ( نمرة 2 ) سرعتها 900 ق/ث حوالي 275 م/ث نظام التعمير عتلة جانبية وسعرها 400$ وبالجنيه المصري لا تقل عن 4500 جنيه وهذه صورتها :
http://img573.imageshack.us/img573/6092/rwsmodel4825calrws21662.jpg
كل هذه الأسعار بالدولار الأمريكي والمواصفات من موقع بيراميد إير...في رأيي الشخصي أن أفضلهم بالطبع ديانا 54 الإير كينج بنظام مانع الإرتداد...خالص تحياتي...

AMR EBID

11-01-25, 08:07 PM

الديانا 54 تحفه ركب عليها
منظار كويس وادعيلي

Consul

11-01-25, 08:11 PM

وعلي يا سياده القنصل انا بضرب البوم لانه بياكل الحمام من البرج بتاعنا وده السبب شكرا

إذا إستنفذت السبل لدفع أذاه عنكم ولم تستطع...ففي هذه الحالة لا حرج عليك...لا ضرر ولا ضرار...فأنت تقتله لدفع ضرره وأذاه عنكم (وإن كان يخلصكم من الفئران والعرس والثعابين العدو اللدود للحمام )...ولكن في أي مكان آخر وبعيدا عن أبراج الحمام لا تقتله...بارك الله فيك...مع خالص تحياتي...

صائد البوم

11-01-25, 09:23 PM

Consul

11-01-26, 12:01 AM

انا متشكر جدا جدا يا سياده القنصل وبجد انا هبطل اضرب البوم علي قدر المستطاع ان شاء الله* اما بالنسبه للاسعار والتفاصيل الخاصه بالديانا بشكر حضرتك علي هذا الاهتمام الكبير بس ايه الفرق بين ال48 و52و54

كلهم سرعة واحدة وأثقلهم الإير كينج 54 بالإضافة لنظام مانع الإرتداد...يختلفوا في نوعية وشكل الدبشك الخشب...نواحي جمالية في الشكل...تحياتي...

أميجو

11-01-26, 12:35 AM

كلهم سرعة واحدة وأثقلهم الإير كينج 54 بالإضافة لنظام مانع الإرتداد...يختلفوا في نوعية وشكل الدبشك الخشب...نواحي جمالية في الشكل...تحياتي...

منذ اول يوم لى فى المنتدى وانا معجب بخبرتك يا قنصل وبقول انك اسطوره بجد

Consul

11-01-26, 12:45 AM

منذ اول يوم لى فى المنتدى وانا معجب بخبرتك يا قنصل وبقول انك اسطوره بجد

بارك الله فيك أخي الحبيب...ده بس من كرمك وذوقك...خالص تحياتي...

صائد البوم

11-01-26, 03:12 PM

الف شكر لسياده القنصل ياجماعه انا بقترح اننا نسمي سياده القنصل الاب الروحي للمنتدي دا بعد اذن سياده القنصل

خط الصعيد

11-02-20, 10:33 PM

اسمع منى عن تجربة بى اس اية نمرة 2 ماك 7

محمد يونس

11-02-20, 10:52 PM

اسمع منى عن تجربة بى اس اية نمرة 2 ماك 7

الاخ العزيز خط الصعيد انا عندى بى اس ايه ماك 5 وهى ممتازة جدا ودقيقة جدا جدا بس ضعيفة شويه فهل ماك 7 قويه ولا ايه اللى يميزها عن ماك 5 وشكرا .
والله ولى التوفيق ................