أعضاء المنتدى الغاليين.............:)

[mzagngy]

طبعا يشرفنى انى انضم للمنتدى الجميل ده
وانتمى ان اكون اضافة للمنتدى لانى بحب الصيد جدا
وارجو انكم تساعدنى فى استفسار بسيط عندى بندقية ضغط هوا رقم 2 بس قديمة وبقت ضعيفة وقررت انى اشترى موريس بس الموريس لازم لها ترخيص ايه البندقية ضغط الهوا الى زى الوريس فى قوتها واجيبها منين

[osama2011]

اولا لا يوجد وجه مقارنه بين بنادق ضغط الهواء والرصاص
ممكن تجيب حاجة قوية جدا واقتصادية جدا اسمها بام21 او بام22صناعة صيني وهي تقليد الديانا الالماني وسعرها مناسب 1750 اما لو هتجيب الاصلي الديانا 52 فلازم يكون معاك علي الاقل 5000
وفي الأحدث من الديانا 52 وهي الديانا 54 وسعرها حوالي 6250جديدة والفارق بينهم ي الريكويل سيستم وهو نظام ممتص لرد الفعل بمعني ان الديانا 52 رد فعلها قوي جد والديانا 54 رد فعلها قوي جدا برضة بس مش هاتحس بييه بفضل نظام الريكويل سيستم
طبعا الديانا احسن حاجة لو انت بتدور علي القوة والخامه والصناعة الممتازة
والبام = الديانا في القوة فقط وليس في الخامه
البي اس اقل من البام والديانا في القوة ولكن طبعا صناعة انجليزي مفيش كلام
وبعدين نيجي للاسباني
ثم الكرال التركي ودي قوية جدا برضة وسعرها ولا حاجة بالنسبة لاسعار البنادق التانية وقونتها جامدة جدا 240متر في الثانية وسعرها 1000جنيه
ثم الصيني الأقل طبعا من البام
ثم في المرتبة الأخير
الرمسيس ودي اقل حاجة وسعرها 450 الي 500

[mzagngy]

شكرا osama 2011 على المعلومات ده
ومن خلال كلامك ان شاء الله قررت اجيب الكرال التركى نظرا لانها تعتبر قويه وسعرها معقول جدا

[osama2011]

اختيار موفق ان شاء الله بس ياريت تجيب الدبشك البني لأن تقفيلها احسن من الاسود وفرقها بسيط حوالي 100جنيه يمعني الكرال دبشك فيبر بني بلون الخشب هايكون سعرها ان شاء الله 1100 والاسود1000 واقرأ الموضوع المثبت للبنادق الكرال للأخ adel152
وربنا يوفقك

[وليدعادل]

ياتري الاسعار دي ليسه موجوده ولا بمناسبة الاحداث اللي احنا فيها كلوا هايغلي