طلب مستحيل

[ميزو زيزو]

يا جماعه انا بحب الصيد وانا عندي 17 ونفسي في بندقيه
ومش معايا فلوس اجيب واحده لو حد يقدر يساعدني
يكلمني علي الايميل وشكرااا للجميع .. انا من اسكندريه
mohamed.zizo84@yahoo.com

[msa_79]

أخي العزيز ميزو أولامرحبا بيك في المنتدي
ثانيا موضوع امتلاك بندقية هو فعلا اصبح صعب للغاية في ظل ارتفاع اسعار البنادق الان
ولكن مفيش حاجه مستحيله لو حطيتها في دماغك
انا مثلا لم امتلك بندقية الا وانا عندي27 سنه مع اني بحب الصيد جداااا من صغري
ممكن تحوش من مصروفك حبه حبه ومش شرط تبدأ ببنقدية قوية يعني خطوة خطوة
جرب تشتغل في أجازة الصيف ووتحوش من مرتبك وتجبلك بندقية حلوة.
وعقبال ما تقدر تشتري بندقية حاول تشوف أصدقاء من المنتدي تتعرف عليهم وتخرج معاهم تتعلم
وأيضا شارك في المنتدي وتعلم من أعضاءه.
وان شا ءالله ربنا يقدرك وتجيب البندقية اللي بتحلم بيها
وزي ما قلتلك مفيش حاجه مستحيلة لو صممنا اننا نعملها بجد

[ابو مروان]

اخى العزيز _موش لازم تبدا ببندقية جامدة قوى حاول تجيب حاجة قليلة فى السعر نمرة واحد رمسيس او المعادى جديدة او مستعملة حسب الفلوس الموجودة معاك بس اهم حاجة يكون نشانها مظبوط ودقيق موش مهم القوة فى الوقت الحاضر استعملها واشبع هوايتك لحد لما ربنا يكرمك ويكون معاك تمن حاجة قوية لا البندقية القوية دلوقتى موش هاتستفيد بيها حاجة اتعلم على بندقية رخيصة الاول (زى السواقة كدة تتعلم على فيات لغاية لما ربنا يكرمك وتبقى سواق كويس وتجيب فرارى) فهمت قصدى؟

[أميجو]

ابدأ بالرمسيس وربنا يكرمك

[مختار]

يا أ/ ميزو زى م الأخوه قالولك وبعدين ممكن تحوش 200 جنيه بس وتجيب بندقيه صينى أو مصرى مستعمله وتتعلم عليها وربنا يوفقق وتكون معاك أفضل البنادق

[zmbugany]

ممكن افيد حضرتك لو انت موجود فى الاسكندرية ممن تنزل سوق الجمعة وعند اول الشارع بتاع الكلاب ممكن تلاقى حد بيبيع بنادق رمسيس او اى حاجة من هذا القبيل ودايما بتكون بااسعار حلوة بس خد بالك انت وشطارتك فى الفصال وخللى مبالك من الى بتشترية وشكرا

[أبو شمس]

ممكن افيد حضرتك لو انت موجود فى الاسكندرية ممن تنزل سوق الجمعة وعند اول الشارع بتاع الكلاب ممكن تلاقى حد بيبيع بنادق رمسيس او اى حاجة من هذا القبيل ودايما بتكون بااسعار حلوة بس خد بالك انت وشطارتك فى الفصال وخللى مبالك من الى بتشترية وشكرا
السلام عليكم
اخي العزيز لا تحاول ان تكون الحياة و ملذاتها سهلة المنال لان ما يأتي بسهولة يذهب بسهوووووووولة
حاول ان تنول ما تريد بجهدك و عرقك
و اغلب الشعب المصري بيتعب سنين و سنين حتي يحقق و لو عشر احلامه و ما فاق عن العشر يجعله مثل اليمامه
الحرة المحلقة في السماء
حاول ان تجعل نفسك مثل هذه اليمامة
لا تاخذ كلامي باي سوء و اجعله نصيحة من اخ
السلام عليكم

[أبو شمس]

السلام عليكم
اخي العزيز لا تحاول ان تكون الحياة و ملذاتها سهلة المنال لان ما يأتي بسهولة يذهب بسهوووووووولة
حاول ان تنول ما تريد بجهدك و عرقك
و اغلب الشعب المصري بيتعب سنين و سنين حتي يحقق و لو عشر احلامه و ما فاق عن العشر يجعله مثل اليمامه
الحرة المحلقة في السماء
حاول ان تجعل نفسك مثل هذه اليمامة
لا تاخذ كلامي باي سوء و اجعله نصيحة من اخ
السلام عليكم

[talha]

انا الحمد لله ربنا كرمني جبت الb3 وانا عندي 13 سنة يعني السنة الي فاتت لأني معجب بالصيد جدا والي خلاني احبه هو المنتدى ده لما سالت ساعدوني ومقصروش معايا انا جمعت مصروفي وجبت البندقية وانا بشكر كل اعضاء المنتدى الي ساعدوني مع اني سني صغير