سوال لاصحاب الخبرة واهل العزمات [الأرشيف]

مشاهدة النسخة كاملة : سوال لاصحاب الخبرة واهل العزمات

جعفر

11-01-09, 02:23 PM

السلام عليكم ورحمة الله وبركاته
يا جماعة انا معاى 1300جنيه عايز اشترى بندقية كويسة متكنش صينى ايه احسن بندقية بالسعر ده ويا ريت لو تعرفونى اسعار البنادق المتداولة فى السوق وجزاكم الله خير

مؤنس

11-01-09, 02:40 PM

Consul

11-01-09, 07:07 PM

السلام عيكم اخى الكريم ممكن تشترى بالسعر دة نوريكا اسبورت او كرال تركى نمرة 2والتركى على حد علمى قوية وماثرة اما بالنيبة للنوريكا سبورت هية من البنادق متوسطة القوى سرعة160متر فى الثانية ارجو ان اكون افتك وتقبل مرورى

كلامك صحيح وسليم 100% أخي العزيز الأستاذ مؤنس الله ينور عليك...بس نصيحتي لأخونا الأستاذ جعفر لو خبرته محدودة ولسه بيتعلم...يشتري النوريكا سبورت...هيا فعلا متوسطة القوة 160م/ث وبصراحة كفاية مش محتاج أكثر بس بندقية دقيقة والناشينكانات بتاعتها فوسفورية وخامتها وإتزانها ممتاز...يتدرب عليها أحسن ألف مرة من التدريب على الكرال...الكرال عايزة واحد خبير وعنده فكرة كويسة ويعرف يتعامل معاها...يعني ممكن تيجي في مرحلة تالية...لكن في الوقت الحالي يتعلم أحسن في النوريكا علشان ما يتعقدش من الكرال...ولعلمك من ضمن مجموعتي النوريكا سبورت...وبصراحة بأتكيف وبأبقي مبسوط بها كثيرا في النيشان...وأنا حتي مسميها الرشيقة...بصراحة بندقية تتحب ونتائجها ممتازة...موجودة عند ميشيل عازر بـ 1250 جنيه...ممكن تفاصل معاه وتوصلها 1200 وتأخذلك كمان علبة أو علبتين رش جامو ماتش العلبة 250 رشة وكروت نيشان كمان...إنت وشطارتك ما تتكسفش...خالص تحياتي...

chemist ahmed fathy

11-01-09, 07:24 PM

مع احترامى لاراء استذتنا الاكبر خبره عنى انا حنصحك نصيحه لوجه الله واتمنى انك تستفيد بيها لو انت بصيت حوليك فى بلدنا حتلاقى كل حاجه تقريبا صينى والصينى مش كله وحش الصينين عندهم حكمه تصنيع من الابره للصاروخ برضه باسعار من الابره للصاروخ بمعنى انهم عندهم اسعار زهيده جدا واسعار منتجات تفوق الخيال انا لما رحت اشترى الاب توب بتاعى فوجئت الى بيبعلى بيقلى انت مستغرب ليه ان كل الاجهزه صينى بص كده للجهاز ده صينى برضه بس عارف سعره بكام وفوجئت بيقلى 16 الف جنيه وفى اتمان اكتر من كده بكتير خلاصه كلامى من كلامك بيقول انك مش حتشترى غير بندقيه واحده نظرا لانك محوش الفلوس دى وتعبان على ما جبتهم فانا من رئى بلاش الكرال ولا اى بندقيه متوسطه المدى واتك على نفسك شويه ولو حتستلف حتى المبلغ الباقى وجيب بام 22 هى صينى بس صينى نضيف جدا وحتعيش معاك بامر الله اما لو جبت اقل من كده حتقول يا رتنى حوشت شويه او كملت على التمن شويه علشان احس بمتعت الصيد الحقيقيه بالهاى باور .

Consul

11-01-09, 09:00 PM

أخي العزيز الكيميائي أحمد فتحي...البندقية البام سواء 21 أو 22 بندقية Professional وليست للتعليم...ثقيلة 4.6 كجم وشديدة عليه وممكن تعقده وتكرهه في الصيد من أولها...من يشتريها ويقتنيها يعرف أنها مدفع شديد وللصيد من مسافات بعيدة...لو صاد بها من قريب بتفرتك الطير أو تسرقه...ويفضل تركيب تليسكوب...وصدقني ها يحس إنها عبء عليه...لكن النوريكا خفيفة ورشيقة وعملية وسهلة الحمل في أي وقت يخرج للصيد يلاقيها بتجري أمامه وتسبقه...يعني تحببه في الصيد...وسرعتها في عيار 5.5 ( نمرة 2 ) 160م/ث سرعة معقولة ولا تعتبر بطيئة وكافية وتؤدي الغرض وهو لن يحتاج أن يصيد أكثر من 20 إلى 30 متر والغالبية هكذا...باين عليك صحتك مساعداك...والله أنا ماسك الخشب...وعيني مش وحشة...بالذات على إللي بأحبهم...خالص تحياتي...

ALEXMEDD2008

11-01-10, 02:18 AM

السلام عليكم.من فضلكم انا انا ليا استفسار لو ممكن تساعدوني فية.انا اشتريت ديانا 54 ايركينج من حوالي شهر ونص وبعدين لاحظت ع النت ان المفروض يبقي مكتوب علي البندقية علامة rwsوانا معنديش العلامة دي وكمان في رسمة رش عليها بتدلك علي مكان وضع الرشة فين وكمان زرار الامان مش مكتوب علية علامة sبل مجرد حديد ملتوي.انا نظام t01 ومرسوم عندي فقط علامة السيدة اللي رافعة ايدها بتاعة شركة ديانا ومكتوب صنع في المانيا.كنت عايز اعرف هل دي فعلا اصلية؟وهل في اختلاف ف السرعة او الدقة او المسافة بين ديانا 54 t01 وديانا 54 t05?

chemist ahmed fathy

11-01-10, 04:36 AM

السلام عليكم
طبعا اصليه يا دكتور بس الى مكتوب عليها rws دى متعارفه عند الامريكان اما الى عندك فدى لينا ولدول تنيه كتير لان الامريكان بيقولوا على الاير كنج rws ولو بندقيتك شاكك فيها انها مش اصلى فانا عندى رمسيس نمره واحد اصلى وصناعه مصرى بدون ادنى شك فلو عايز تدينى الى مش اصلى عندك وتاخد الاصلى الى عندى فانا موافق وتدفعلى بس المهم فرق السعر هههههههههه .

adel152

11-01-10, 12:47 PM

أستاذ جعفر
انا اوافق اراء الأخوة الأفاضل الأستاذ جمال consul والأستاذ مؤنس فى اختيارهم للبندقية النوريكا ده لو حضرتك مبتداء وده اول تعامل ليك مع بنادق الصيد.
البنادق الهاى بور عموما يجب التعامل معهم بحرص شديد وتحتاج خبرة للصيد بها واستعمالها على أهداف بعيدة.
انما لو حضرتك صياد قديم وتعاملت مع السلاح قبل كده اشترى الهاى بور سواء الكرال التركى او البام الصينى.
والله الموفق.

جعفر

11-01-11, 03:10 PM

جعفر

11-01-11, 03:22 PM

انا يا جماعة صحيح لسه بتعلم على بندقية صينى بتاعت واحد صاحبى لو اتعلمت عليها كويس ممكن اشترى البام 22 لان انا بجد عايز بندقية شدية وبتجيب بس البندقية دى صينى هل ممكن تبوز بسرعة ولا

msa_79

11-01-11, 04:06 PM

طبعا مع احترامي لرأي الاخوة الخبراء الموضوع حسب ظروفك لو انت هاتشتري بندقية مرة واحده يبقي توكل علي الله وهات بندقية قوية من أولها يعني كرال تركي وهيا مناسبة للمبلغ اللي قلت عليه أو بام 22 صيني وهيا طبعا مدفع قوي بس هاتزود شويه ولازم تعمل حسابك علي ان وزنها تقيل يعني مع المشي لماسافات طويله دراعك هايتعب من شيلها.
أنما لو مستعد انك تشتري بندقية تاني بعد فترة يبقي هات النوريكا سبورت زي ما قال أستاذ جمال القنصل وبعد فترة تجيب حاجه اقوي
وربنا يوفقك للأفضل.

جعفر

11-01-11, 10:03 PM

شكرا ليك اخى الصياد المحترم على النصيحة الطيبة دى والسلام عليكم ورحمة الله وبركاته

Consul

11-01-15, 02:50 AM

يا جماعة انا مشكور ليكم والله مشكور ليكم كتير لان انتم بجد اهل الخبرة واهل العزمات واتمنى ان يوفقنى الله واياكم للاصلح ومرة تانية شكر ليكم يا احلى صيادين بمصر
بس ليا سوال واحد لابى القنصل حضرتك قولت بندقية نوريكا سبورت مسافتها من 20 ل30 هى مبتجيبش ابعد من كده ولا ده مداها الابعد بس وشكر

أخي العزيز الأستاذ جعفر...بارك الله فيك أخي الحبيب...البندقية تجيب مدى أبعد من هذا بالطبع...ما أقصده أن لا أحد و الغالبية لا يصطادون في مدى أكثر من 20 إلى 30 متر...لكن لو ما شاء الله صحتك جيده ونظرك قوي تصيد بها حتي من 50 - 60 متر بالراحه...بندقية خامتها ممتازة وقوتها وسرعتها كما ذكرت من قبل 160م/ث سرعة كافية للصيد وبالذات للمبتدئ...لكن لو أنت تريد بندقية قوية وشديدة ( هاى باور ) البام 22 أو 21 سرعتها 290م/ث وخامتهم بالنسبة للصيني ممتازة ومعمرة ونسخة من الديانا 52 الألماني...ويأتي بعدها الكرال التركي أم دبشك بني بلون الخشب سرعتها 240م/ث...أرجو أن أكون قد أوضحت لك وأفدتك...والإختيار لك...خالص تحياتي...

محمد رضا العبد

11-01-16, 01:40 AM

انا رايى انك تجيب نوريكا جت رقم 1 ب 1500
وسرعه جباره
305 م
ومش هتندم

عن تجربه
وتحياتى ليك

محمد احمد العنانى

11-01-16, 02:40 AM

فين الجت ب1500ج عند مين السعر د يا استاذ رضا .