مجزرة اليوم ( طلعة الاشباح )

[القبطان المصرى 77]

السلام عليكم ورحمة الله وبركاته
اولا صباح الخير عليكم جميعا
طبعا انتو لاحظتو انى بقالى اكتر من اسبوع تقريبا مطلعتش اصطاد
وده بسبب ان كان عندنا فرح فى العيله ومكنتش فاضى
وحيس انى كنت واخد اجازه من الشغل اسبوع
طلعت طلعتين صيد
طلعه النهارده
وطلعه من كام يوم كده
وطبعا المتألقه (سمو الاميره )ابدعت كالعاده
والطلعات كانت بدون تلسكوب نظرا لظروف البلد الامنيه
http://www7.0zz0.com/2013/11/28/09/382291976.jpg (http://www.0zz0.com)
ثانيا
موضوع الاشباح ده انا عارف ان فيه ناس كتير اوى غير مقتنعه بوجودهم
اما انا فمقتنع جدا جدا انهم موجودين
وخصوصا انى شوفت واحد قبل كده وانا فى الجيش فى منطقه جبليه اسمها (علم الشمس ) بين سيوه والسلوم
والنهارده وانا باصطاد روحت مكان اول مره اروح اصطاد فيه
هى منطقه زراعيه ومعزوله تماما عن القرى والناس
المهم وانا باصطاد لاحظت شجرة توت ضخمه من بعيد وغير منسقه وتحتها عشه مبنيه بالطوب الابيض ومهجوره
وكان شكل الشجره وحش جدا ومضلمه وتقريبا مغطيه العشه كلها وحوالين الشجره والعشه متكوم عيدان ذره جافه بكميات كبيره
قربت من الشجره ادور على يمام
ولفت نظرى منظرها المخيف
فدخلت تحت الشجره كحب استطلاع
وطبعا انا باسمع اقوال كتير عن ان العشش اللى بالمنظر ده بتكون مسكونه بالجان والعفاريت
عافانا الله واياكم منها
دخلت تحت الشجره وبدأت اشم ريحه مش طبيعيه كده
سميت واستعاذت بالله من الشيطان ودخلت وانا باقرى اية الكرسى
قعدت ابص بحرص تحت رجلى خوفا من وجود تعبان ولا حاجه
ودخلت ناحية باب العشه ابص فيها
ملقتش حاجه
ومن منظرالعشه كده شكلها محدش بيدخلها خالص
لكن حسيت بشعر راسى بيقف وجسمى بيقشعر بقوه
يادوب قلت اعوذ بالله من الشيطان الرجيم وحسيت بلفحة هواء ساخن على وجهى
ففهمت على طول ان فيه حاجه هنا مش كويسه
فبدأت اقرى اية الكرسى تانى بصوت عالى وبعدت عن المكان فورا
ولله الحمد ان ربنا حفظنى من كل سوء
وانا اساسا لما باخرج من البيت باواظب على الادعيه الوارده عن النبى صلى الله عليه وسلم فى هذا الشأن
ربنا يحفظنا جميعا
طلعة اليوم حوالى اربع ساعات
ودى كانت يمام
وطلعة السمك كانت من كام يوم
الحصيله الكامله
77 فرد
54 يمامه
21 سمكه حوالى تلاته كيلو وشويه
1 عصفور
1 صقر بالخطأ ( افتكرته يمامه على الشجره )
فيديو للحصيله
https://www.youtube.com/watch?v=vKEpRS9HGtY
............
الصور
http://www7.0zz0.com/2013/11/28/09/932941959.jpg (http://www.0zz0.com)
http://www7.0zz0.com/2013/11/28/09/518655559.jpg (http://www.0zz0.com)
http://www7.0zz0.com/2013/11/28/09/673481913.jpg (http://www.0zz0.com)
http://www7.0zz0.com/2013/11/28/09/966344278.jpg (http://www.0zz0.com)
http://www7.0zz0.com/2013/11/28/09/373982812.jpg (http://www.0zz0.com)
http://www7.0zz0.com/2013/11/28/09/344392140.jpg (http://www.0zz0.com)
................
طلعة السمك
وطلعة السمك انا تعبت فيها جدا جدا عشان لفيت كتير اوى على ماجبت الكام سمكه دول
لان زى مانتو عارفين موسم السمك بالبندقيه انتهى من فتره
http://www7.0zz0.com/2013/11/28/09/997983355.jpg (http://www.0zz0.com)
http://www7.0zz0.com/2013/11/28/09/979306429.jpg (http://www.0zz0.com)
http://www7.0zz0.com/2013/11/28/09/256704222.jpg (http://www.0zz0.com)
http://www7.0zz0.com/2013/11/28/09/157458734.jpg (http://www.0zz0.com)
والسلام عليكم ورحمة الله

[SmartT]

السلام عليكم
انا مشترك جديد في المنتدي ومواضيعك من أكثر اللي بستمتع بيها
حبيت أسألك عن الفرق بين بندقيتك الحالية والسابقة هل هناك فرق كبير في الأداء؟ لأني لاحظت ماشاء الله تميزك بكلا البندقيتين
بصراحة الموديلين شكلهم عاجبني جدا ومحتار بينهم و رأيك يهمني.

[TheLegnedkiller]

طلعه جميله يا قبطان بالهنا والشفا

بس رجاء بلاش الصقور

وبالنسبه لحكايه الاشباح ديه موجوده وسيدنا محمد قال ان الكهوف مسكن للجن

المهم حمدلله السلامه

مع تحياتي

[هشام سمير]

بص يا عم هانى هو مفيش حاجه اسمها اشباح بمفهوم الناس ان كل ميت له شبح
لكن الجن والعفاريت جميعنا كمسلمون مؤمنون بوجودهم ويكون ناقص الايمان من يشك فى وجودهم . ويكفر من ينكر وجودهم لانه انكر معلوم من الدين بالضروره
انا عن نفسى فى المواقف اللى زى دى بلزم دعاء . بسم الله الذى لا يضر مع اسمه شيئا فى الارض ولا فى السماء وهو السميع العليم .........
ام بخصوص المجزره بقا فانتا وصفها فعلاً مجزره الف هنا وشفا

[القبطان المصرى 77]

السلام عليكم
انا مشترك جديد في المنتدي ومواضيعك من أكثر اللي بستمتع بيها
حبيت أسألك عن الفرق بين بندقيتك الحالية والسابقة هل هناك فرق كبير في الأداء؟ لأني لاحظت ماشاء الله تميزك بكلا البندقيتين
بصراحة الموديلين شكلهم عاجبني جدا ومحتار بينهم و رأيك يهمني.

صباحك عسل ياافندم
وشىء يشرفنى والله اهتمامك بمواضيعى
بص ياباشا
البندقيتين بسم الله ماشاء الله معايا زى الفل
مع الوضع فى الاعتبار ان الكرال كانت اقوى من الجامو فى السرعه وكانت دقيقه
الجامو اقل شويه فى السرعه لكن تحس انك شايل بندقيه بجد
خامه وفنش روعه
ومعمره اكتر من الكرال
وماينفعش نقارن الجامو بالكرال بصراحه
وطبعا هانصحك بالجامو
وده برده مايمنعش ان الكرال كويسه جدا جدا

[القبطان المصرى 77]

طلعه جميله يا قبطان بالهنا والشفا

بس رجاء بلاش الصقور

وبالنسبه لحكايه الاشباح ديه موجوده وسيدنا محمد قال ان الكهوف مسكن للجن

المهم حمدلله السلامه

مع تحياتي
صباحك عسل ياليج
انت لو قريت الموضوع تانى كويس هاتلاقينى كاتب ان الصقر كان واقف على شجره وسط شويه اغصان وافتكرته يمامه
يعنى ضربته بالخطأ
وربنا يكفينا شر اللى بالى بالك
ههههههههههههههههههههههه

[القبطان المصرى 77]

بص يا عم هانى هو مفيش حاجه اسمها اشباح بمفهوم الناس ان كل ميت له شبح
لكن الجن والعفاريت جميعنا كمسلمون مؤمنون بوجودهم ويكون ناقص الايمان من يشك فى وجودهم . ويكفر من ينكر وجودهم لانه انكر معلوم من الدين بالضروره
انا عن نفسى فى المواقف اللى زى دى بلزم دعاء . بسم الله الذى لا يضر مع اسمه شيئا فى الارض ولا فى السماء وهو السميع العليم .........
ام بخصوص المجزره بقا فانتا وصفها فعلاً مجزره الف هنا وشفا

ياريس الكبير كبير دايما حتى كبير فى تعليقاته
وانت فى تعليقك اللى فات ده قلت المفيد كله
وبالفعل انا مقتنع جدا جدا بوجود العفاريت والجان
الجان لانه مذكور فى السنه والقران
والعفاريت لانى شفت واحد قبل كده بنفسى
بس مش عارف فيه حاجه فى الشرع اتكلمت عن وجود العفاريت او لا
تقريبا الاحاديث كلها خاصه بالجان

[هشام سمير]

ياريس الكبير كبير دايما حتى كبير فى تعليقاته
وانت فى تعليقك اللى فات ده قلت المفيد كله
وبالفعل انا مقتنع جدا جدا بوجود العفاريت والجان
الجان لانه مذكور فى السنه والقران
والعفاريت لانى شفت واحد قبل كده بنفسى
بس مش عارف فيه حاجه فى الشرع اتكلمت عن وجود العفاريت او لا
تقريبا الاحاديث كلها خاصه بالجان

والله انتا الكبير يا عم هانى
العقريت هو المارد العظيم من الجن اعلى درجه من الجن
قال تعالى . قال عفريت من الجن انا اتيك به قبل ان تقوم من مقامك :)

[ماجد مجدي]

يا عينى عليك يا خرافى يا صاحب المواضيع الخرافيه يا جامد

[عوض]

ربنا يكفينا شر العفاريت دا لو انا كنت روحت فيها يا عم

[محمد حامد بلتاجى]

اجمل شى انك دائما تحصن نفسك بالاذكار النبويه واوعى تنسى وانه كان رجال من الانس يعذون برجال من الجن فزادوهم رهقا هم اقل من ان يخاف منهم اصلا

[القبطان المصرى 77]

والله انتا الكبير يا عم هانى
العقريت هو المارد العظيم من الجن اعلى درجه من الجن
قال تعالى . قال عفريت من الجن انا اتيك به قبل ان تقوم من مقامك :)

اممممممممممممم
صح كده ياهشام بيه
الله ينور عليك
مش باقولك الكبير كبير

[القبطان المصرى 77]

يا عينى عليك يا خرافى يا صاحب المواضيع الخرافيه يا جامد
على ما اظن كده انت الحاج عرفه
صح كلامى ولا غلط؟؟؟؟
هههههههههههههههههه

[القبطان المصرى 77]

ربنا يكفينا شر العفاريت دا لو انا كنت روحت فيها يا عم

اللهم امين يارب
طول مانت بتذكر ربنا عمرك ماتخاف ياباشا
ولو حصل وخوفت يبقى مش هاتتأذى
خلي الكلمه دى حكمه دايما قدام عنيك

[القبطان المصرى 77]

اجمل شى انك دائما تحصن نفسك بالاذكار النبويه واوعى تنسى وانه كان رجال من الانس يعذون برجال من الجن فزادوهم رهقا هم اقل من ان يخاف منهم اصلا

صح كلامك يا استاذ محمد
ربنا يكفينا شرهم وشر كل من استعان بهم على اذية خلق الله
جزاك الله خيرا

[ابو مروان]

موضوع ممتاز وشيق.....بالنسبة للكرال يا عزيزى...ليا تحفظات على اداءها لو ما تمش التعديل فيها...يعنى كل طلعة بظروف معينة وظبطة معينة وممكن توصل مع الصياد لمرحلة عدم الثقة فيها..........الطلعة ممتازة وبالهنا والشفا...ونصيحة اخوية لما تلاقى مكان كدا شكلة مهجور بلاش تخلى الفضول يتحكم فيك ليس خوفا من الجان وحده ولكن من شياطين البشر من الممكن ان يكون المكان المهجور دة مكان لمجرمين او عصابات ...والاشكال دى كلها دلوقتى شايلة الالى دلوقتى( وأنفقوا في سبيل الله ولا تلقوا بأيديكم إلى التهلكة وأحسنوا إن الله يحب المحسنين ) ربنا يسترها ويحفظنا جميعا

[أبو معاذ]

اللهم بارك
ربنا يباركلك يا كبير وبالهنا والشفا

والحسنة الوحيدة إنك متجوزتش لسة هو إن بنت الحلال اللي مكتوبالك لسة مدخلتش المفرمة بتاعتك لانها كانت هتنضف كل دة .. ومعتقدش هتعمر معاك!!!

[القبطان المصرى 77]

موضوع ممتاز وشيق.....بالنسبة للكرال يا عزيزى...ليا تحفظات على اداءها لو ما تمش التعديل فيها...يعنى كل طلعة بظروف معينة وظبطة معينة وممكن توصل مع الصياد لمرحلة عدم الثقة فيها..........الطلعة ممتازة وبالهنا والشفا...ونصيحة اخوية لما تلاقى مكان كدا شكلة مهجور بلاش تخلى الفضول يتحكم فيك ليس خوفا من الجان وحده ولكن من شياطين البشر من الممكن ان يكون المكان المهجور دة مكان لمجرمين او عصابات ...والاشكال دى كلها دلوقتى شايلة الالى دلوقتى( وأنفقوا في سبيل الله ولا تلقوا بأيديكم إلى التهلكة وأحسنوا إن الله يحب المحسنين ) ربنا يسترها ويحفظنا جميعا

ابو مروان حبيب الملايين
مسائك فل ياكبير
بس كرال ايه اللى بتتكلم عليها؟؟؟؟
انا معايا جامو رويال حاليا ياريس
هههههههههههههههههههه
بالنسبه للمكان فخليها على الله يابو مروان
محدش بياخد اكتر من نصيبه
وبالفعل البلد بقت كلها قلق الايام دى لكن هانعملو ايه بس

[القبطان المصرى 77]

اللهم بارك
ربنا يباركلك يا كبير وبالهنا والشفا

والحسنة الوحيدة إنك متجوزتش لسة هو إن بنت الحلال اللي مكتوبالك لسة مدخلتش المفرمة بتاعتك لانها كانت هتنضف كل دة .. ومعتقدش هتعمر معاك!!!

اللهم امين يارب
وبالنسبه للتنضيف متقلقش يابو معاذ
هات انت بس كل اليمام اللى عندك وملكش دعوه
ههههههههههههههههههههه

[هشام سمير]

اللهم امين يارب
وبالنسبه للتنضيف متقلقش يابو معاذ
هات انت بس كل اليمام اللى عندك وملكش دعوه
ههههههههههههههههههههه

ياباشا يبقى انتا اللى جبته لنفسك لان ابو معاذ جايلنا البحيره قريب ان شاء الله

[mohamed2010habib]

الله ينور هانى باشا ....ربنا ما يحرمنا من مواضيعك الجميله ابدا

[محمد خلف]

الله ينور يا هاني ينور يا هاني يا جاااااااااااااااااااااااااااااااااامد
و على فكره انا مع ابو مروان في كلامه
لازم تامن على نفسك اكتر من كده

[ابو مروان]

ايوووة يا ابو القباطين ما انى عارف انك بعت الكرال ومعاك الجامو يا معلمى.......فية زميل كان بيستفسر على الكرال والجامو وكنت باديلة النصيحة.......الجامو بالنسبة للكرال زى المرسيدس والفيات............بردة خلى بالك واعمل بالنصيحة

[engineero eslam]

ما شاء الله تبارك الله يا قناص
ربنا يزيدك يا هانى موضوع رائع وربنا يحفظك من كل سوء يا صديقى :)

عايز اعرف نوع الرش ده ايه يا هانى

[القبطان المصرى 77]

ياباشا يبقى انتا اللى جبته لنفسك لان ابو معاذ جايلنا البحيره قريب ان شاء الله

يشرف طبعا يا استاذ هشام
ابو معاذ ده حبيبى
وعلى فكره الجامو اللى معايا انا شاريها منو
بس على الله مايقوليش عاوزها تانى
ههههههههههههههههههههههههههههههههه

[القبطان المصرى 77]

الله ينور هانى باشا ....ربنا ما يحرمنا من مواضيعك الجميله ابدا

ربنا يخليك يامحمد باشا

[القبطان المصرى 77]

الله ينور يا هاني ينور يا هاني يا جاااااااااااااااااااااااااااااااااامد
و على فكره انا مع ابو مروان في كلامه
لازم تامن على نفسك اكتر من كده

خليها على الله بقى يامحمد
والله احنا اللى بنعمل اللى علينا وبس
قل لن يصيبنا الا ماكتب الله لنا

[القبطان المصرى 77]

ايوووة يا ابو القباطين ما انى عارف انك بعت الكرال ومعاك الجامو يا معلمى.......فية زميل كان بيستفسر على الكرال والجامو وكنت باديلة النصيحة.......الجامو بالنسبة للكرال زى المرسيدس والفيات............بردة خلى بالك واعمل بالنصيحة
ان شاء الله يابو مروان
وحاضر هاحاول انفذ النصيحه
وعلى فكره ماسمحلكش تغلط فى كايداهم
ههههههههههههههههههههه

[القبطان المصرى 77]

ما شاء الله تبارك الله يا قناص
ربنا يزيدك يا هانى موضوع رائع وربنا يحفظك من كل سوء يا صديقى :)

عايز اعرف نوع الرش ده ايه يا هانى

حبيبى ياسلم ياعسل
وادعيلى كمان وكمان ياصاحبى
الرش ده رمايه مصرى ياصديقى
بس نوعيه نضيفه شويه موجوده فى اسكندريه

[engineero eslam]

حبيبى ياسلم ياعسل
وادعيلى كمان وكمان ياصاحبى
الرش ده رمايه مصرى ياصديقى
بس نوعيه نضيفه شويه موجوده فى اسكندريه


انتا تستاهل كل خير يا قبطان :)

بكام العلبة منه يا هانى ومنين ف اسكندرية ؟

[القبطان المصرى 77]

انتا تستاهل كل خير يا قبطان :)

بكام العلبة منه يا هانى ومنين ف اسكندرية ؟

ربنا يكرمك ياحبيب قلبى
العلبه عند فتح الله ب 5 جنيه
وفى المكتبات 6