طلعة خرطوش جامدة جدا

[ahmed tawfik]

السلام عليكم ورحمة اللة وبركاتة
مساء الفل على كل الصيادين فى المنتدى
امبارح بقى يا جماعة ربنا كرمنا اخر كرم بطلعة صيد خرطوش وكان بقالى حوالى سنة مطلعتش اصطاد بالخرطوش
وكنت انا واتنين من اقاربى قلت لهم تعلو نطلع الاول علة بدر لانى سامع ان فيها حمام كتير
ودى كانت اول مرة اروح هناك وهناك بقى حصل حاجة جميلة جدا وكانت اجمل حاجة فى اليوم
وهى ان انا قابلت العمدة الكبير الاستاذ جلال خليفة والراجل بصراحة كان فى منتهى الذوق والتعاون معانا وراح معانا بنفسة الى اماكن تجمع الحمام بعتبار انة حافظ المنطقة هناك بالشبر
وما بخلش علينا بصراحة بأى معلومة
فا انا احب اشكرة جدا على كرم اخلاقة
المهم كان فى حمام كتير جدا لاكن لاسف مكانش فى مجال ضرب كويس
لانة كان بداخل هنجر كبير ومحاط بسور اكبر فضربنا كام خرطوشة كدة اخدنا حوالى تلات فرد حمام و تقريبا فى حمامتين وقعو جوا السور ومعرفناش نجبهم
فلقينا ان الضرب هناك بالخرطوش حيبقى صعب شوية
فقررنا نطلع على بلبيس وهناك بقى الضرب كان على ودنة
والحمد للة ربنا كرمنا اخر كرم
وكانت الحصيلة حوالى 50 فردة حمام و 8 (وايت دوف ) الى كان بقالى كتير قوى مضربتوش
نظرا لانة حذر جدا جدا جدا وما بيسمح لحد انة يقرب منة ابدا
واسف على الاطالة واسيبكم بقة مع الصور

[chemist ahmed fathy]

الله ينور ليك ايه الجمال ده كله عقبلنا لما ربنا يكرمنا بفرده وحده حتى

[ابو الشوق]

الله ينور عليك يا ابو حميد صيد موفق والف هنا

[rock]

السلام عليكم ... الله ينور ... تحياتى .

[ahmed tawfik]

الاستاذ روك استاذ ابو الشوق الاستاذ احمد فتحي
اشكركم على مروركم الكريم وتشريفكم لى بالتعليق على موضوعى
واتمنى للجميع صيد موفق ان شاء اللة
تحياتى.....

[ahmed2101]

صيد جميل ما شاء الله ربنا يباركلك بس كان عندى سؤال عن (وايت دوف )دى الترجبة بتاعتها الحرفية المفروض حمام أبيض ولا هى ليها معنى تانى أو طير معين يعنى

[الصيااد]

الله ينور عالصيد الجميل لكن متعة صيد الحمام و اليمام بالبندقية الرش وليس الخرطوش لكن طبعا الخرطوش متعته في صيد البط وكل سلاح وليه مكانه تقبل تحياتي .......................

[rock]

معلش يااستاذنا .... كنت عايز اسال حضرتك هو حضرتك معاك رخصه حمل سلاح او رمايه وصيد ؟
انا مش قصدى حاجه لاقدر الله بس انا حابب استفسر لانى خايف عليك ولان ممكن تكون حضرتك اول من وثق الصيد بالخرطوش على منتدى الصيد فى مصر (انا بقول ممكن )ودى طبعا حاجه لازم تشرفنا كلنا .... تحياتى .

[Oonyx]

الله ينور علي الصيد الجامد من الصياد الاجمد
تحياتي
أخوك عامر حسني

[Oonyx]

السلام عليكم ... الله ينور ... تحياتى .

لا يااحمد ده اسمه القمري المطوق

[body77]

ياعم احمد ايه الطلعات الجامده دى

[galal khalifa]

تسلم ايدك يا باشا ومعلش الواحد معرفش يقوم بالواجب علي اكمل وجهة وان شاء الله الطلعة الجاية نكون سوا وفي منطقة فيها كل الطيور الي انت عايزها وكان لي الشرف اني اقابل عمك عز بك وابنة لؤي وهما ناس بصراحة في متتهي الذوق والادب وبصراحة يا احمد بك ان راجل مالوش وصف في الاحترام واشكرك علي الرزيارة القصيرة ولك التحية

[ahmed tawfik]

السلام عليكم ورحمة اللة وبركاتة
كل التحية والشكر لكل من قام بالمشاركة والتعليق على الموضوع
وشكر خاص للاستاذ جلال خليفة واحب اقول لحضرتك انك قمت بالواجب وزيادة
وبالنسبة الى سؤال اخى العزيز روك عن الترخيص
احب اقولة متقلقش خالص ياباشا البندقية دى مترخصة وكلة فى السليم
ولكن بالنسبة لخطوات الترخيص للاسف مش هاقدر افيدك لانها مترخصة من زمان قوى
وبالنسبة للطائر المطوق هو اسمة وايت دوف او الحمام الابيض او اليمام الابيض
ودة طائر كان منذ عدة سنوات بيجى مصر فى موسم الهجرة
لكن يظهر ان الجو عجبة هنا مش عرف لية ههههههه
فستوطن البلد وبقى مقيم على طول ولكنة قليل وصعب صيدة لانة حذر جدا.
اما القمرى فهو مختلف قليلا لان لونة اغمق قليلا من اليمامة وجناحة فية خطوط لونها بنى اغمق من لون جسمة شوية ورقبتة مطوقة ودة اعتقد انة لسة بيجى مصر فى موسم الهجرة بس.
وعايز اقول لاخى للاستاذ الصياد ان صيد الحمام بالخرطوش دة شى ممتع جدا لانة بيبقى طاير
وضربة بيبقى فى زوايا صعبة جدا.
اما البط فدة شئ تانى خالص و لة متعة متتوصفش ولكن هو فين البط.
مع خالص حبى وتحياتى لكل صيادين المنتدى

[طلعت بخيت بسكالس]

السلام عليكم ورحمة اللة وبركاتة
كل التحية والشكر لكل من قام بالمشاركة والتعليق على الموضوع
وشكر خاص للاستاذ جلال خليفة واحب اقول لحضرتك انك قمت بالواجب وزيادة
وبالنسبة الى سؤال اخى العزيز روك عن الترخيص
احب اقولة متقلقش خالص ياباشا البندقية دى مترخصة وكلة فى السليم
ولكن بالنسبة لخطوات الترخيص للاسف مش هاقدر افيدك لانها مترخصة من زمان قوى
وبالنسبة للطائر المطوق هو اسمة وايت دوف او الحمام الابيض او اليمام الابيض
ودة طائر كان منذ عدة سنوات بيجى مصر فى موسم الهجرة
لكن يظهر ان الجو عجبة هنا مش عرف لية ههههههه
فستوطن البلد وبقى مقيم على طول ولكنة قليل وصعب صيدة لانة حذر جدا.
اما القمرى فهو مختلف قليلا لان لونة اغمق قليلا من اليمامة وجناحة فية خطوط لونها بنى اغمق من لون جسمة شوية ورقبتة مطوقة ودة اعتقد انة لسة بيجى مصر فى موسم الهجرة بس.
وعايز اقول لاخى للاستاذ الصياد ان صيد الحمام بالخرطوش دة شى ممتع جدا لانة بيبقى طاير
وضربة بيبقى فى زوايا صعبة جدا.
اما البط فدة شئ تانى خالص و لة متعة متتوصفش ولكن هو فين البط.
مع خالص حبى وتحياتى لكل صيادين المنتدى

فعلا صيد البط متعة لا تضاهيها متعة لو عايز تصطاد بط كلمني بس

[Abdelrahman Anwar]

الله أكبر تسلم ايدك وعنيك هوه ده الكلام ربنا يبارك وعفارم عليك

[خط الصعيد]

تسلمي ايدك حصيلة زى الفل

[عاشق القنص]

بسم الله ماشاء الله
الله ينور يااستاذ احمد
تسلم

[أسامه خطاب]

الأخ ahmed tawfik
مبروك على الصيد الرائع والكميات الجيدة
وعايز اقولك على الوايت دوف ، ماعلينا من اسمه بس هو قمري ، ولعلمك القمري له أشكال وألوان كتير وفيه الوان فاتحة جدا لدرجة انه يقترب من اللون الأبيض
مثل الصورة دي مثلا بتتسمى اسامي كتيرة زي اليمام المطوق او الضاحك او القمري او الامري

Ringneck Dove, Ring Dove, or Barbary Dove

http://img100.imageshack.us/img100/6526/barbarydoveringneckdove.jpg

المهم يكون الطعم كويس
وبالهنا والشفا
وفي انتظار رحلاتك الجديدة وصور صيدك

[العربى]

اللهم ذد وبارك وارزقنا كذلك

[الجزار]

ايوه كده علي الطلعات المحترمه علي العموم لو معايا ترخيص خرطوش اطلع علي الارانب في الحال

[الجزار]

[QUOTE=أسامه خطاب;40582][B]الأخ ahmed tawfik
مبروك على الصيد الرائع والكميات الجيدة
وعايز اقولك على الوايت دوف ، ماعلينا من اسمه بس هو قمري ، ولعلمك القمري له أشكال وألوان كتير وفيه الوان فاتحة جدا لدرجة انه يقترب من اللون الأبيض
مثل الصورة دي مثلا بتتسمى اسامي كتيرة زي اليمام المطوق او الضاحك او القمري او الامري

Ringneck Dove, Ring Dove, or Barbary Dove

http://img100.imageshack.us/img100/6526/barbarydoveringneckdove.jpg

المهم يكون الطعم كويس
وبالهنا والشفا
وفي انتظار رحلاتك الجديدة وصور صيدك

[COLOR="Red"]شكرا يا استاذ اسامه واللي الاستاذ احمد اصطاده ده مش قميري ده الحمام المطوق

[hoka]

طلعه موفقه
وبارك الله فيكم

[madkour]

ايه الجمال والحلاوة دى يا استاذ احمد ربنا يبركلك يارب ونفسى اطلع معاكم رحلة صيد ومع الاستاذ جلال
اخوك مصطفى مدكور

[mido_23279]

مساء الفل
حبيبى أستاذ أحمد توفيق أخيرا ححقت أمنيتك مع الوايت دوف :d مبرووك و عقبال البط و كان نفسى أكون معاكوا والله لولا الظروف الى أنت عارفها بس تتعوض بأذن الله ;)

[mido_23279]

مساء الفل
حبيبى أستاذ أحمد توفيق أخيرا ححقت أمنيتك مع الوايت دوف :d مبرووك و عقبال البط و كان
نفسى أكون معاكوا والله لولا الظروف الى أنت عارفها بس تتعوض بأذن الله ;)

[مصطفى قناص الليل]

تسلم الايادى ياريس وبالهنا والشفا ... وتحياتى لك ... مصطفى صبرى .......

[محمود5555]

الله ينور عليك يا استاذ احمد ويوفقك

[Gamo]

ماشاء الله بالف هنا وشفا يا احمد

[هشام سمير]

ماشاء الله بالف هنا وشفا يا احمد

حمد على السلامه ايها البطل فينك من زمان حرمنا من مشركاتك ومواضيعك ليه

[القناص المصرى $]

اللة ينولر اية الجمال دة بجد صياد محترف للاسف انا فى الايمارات ومحروم من الصيد بس ياريت حد يدلنى فين الاقى محللات السلاح فى دبى وازاى انزلها من دبى

[أميجو]

تسلم الايادى ياريس وبالهنا والشفا
ودارى على شمعتك تقيد
واحمد ربنا ان ترخيص البندقية لسه معاك فى الايام الصعبة دى
تحياتى وتقديرى

[talha]

الله ينور على الصيد الحلو من صياد احلى