المساعد الشخصي الرقمي

مشاهدة النسخة كاملة : صيانة نوريكا مارفيك

hany salem
10-12-16, 11:33 AM
السلام عليكم :)
ازيكم ياجماعة
بداية : ارجو منكم عدم اهمال الموضوع بالله عليكم

المهم : انا اشتريت ولله الحمد بندقية نوريكا مارفيك بحالة كويسة جدا
المهم اكتشفت ان فيها عيب انا كنت عاوز اعرف هل يمكن تصليحه ام لا :(

العيب هوه الحديدة اللى حوالين السوسته مش عارف اسمها البستم ولا لالا
انا لقيتها مخروطة يعنى اللى راكبة مش اصليه وبتحك فى الماسورة
وعلى فكرة صاحبها قالى انا وديتها لواحد وغير جزء من الداخل بس انا متوقعتش ان يكون خارط جزء كامل

انا عاوز اعرف هل يمكن شراء هذا الجزء جديد وتركيبه :D:D:D
ولا الجزء ده مش موجود وانا مجبر انى اظبط اللى فيها واخليه ميحكش


مع العلم ان حالة البندقية زى الفل وتعتبر زى الجديدة

ومع العلم انها شغاله وضغطها شديد والسوستة زى الفل بس بتحك لما اعمرها

فى صور للبندقية بس انا ناقلها من صور الاخ ayman22 اللى كان عارضها قبل كده هيه زيها بالضبط وانا بعد اذنه هحط صورة هنا للتوضيح بس


http://img8.imageshack.us/img8/9908/dsc01642wl.jpg
http://img20.imageshack.us/img20/7540/dsc01643gk.jpg
http://img193.imageshack.us/img193/666/dsc01644e.jpg
http://img535.imageshack.us/img535/50/dsc01645c.jpg
http://img813.imageshack.us/img813/1838/dsc01646r.jpg
http://img813.imageshack.us/img813/408/dsc01647e.jpg
http://img23.imageshack.us/img23/9417/dsc01648jc.jpg
http://img707.imageshack.us/img707/6364/dsc01649o.jpg
http://img4.imageshack.us/img4/51/dsc01651v.jpg
http://img686.imageshack.us/img686/835/dsc01652hk.jpg
http://img843.imageshack.us/img843/3811/dsc01653y.jpg


بالله عليكم افيدونى واعتبار الموضوع هام وعاجل
mlmk66
10-12-16, 11:42 AM
مساء الخير الاخ العزيز hany ممكن تروح لشريف في 100 شارع شبرا وهو هيصلحها لان العيب ممكن يكون حاجة تانية
الاستاذ العزيز محمد بك حافظ ممكن تنقل الموضوع لورشة الاسلحة
galal khalifa
10-12-16, 11:44 AM
العضو هاني
صباح الفل المشكلة بسيطة جدا وهي ان ممكن يكون القطر الي ركب بالداخل سمكة ازيد من الاصلي شوية والموضوع في غاية البساطة روح عند شريف في 100 شارع شبرا وهو ها يعمل اللازم وتقبل تحياتي
مؤنس
10-12-16, 11:53 AM
السلام عليكم يا معشر الصيادين انا زميل جديد اشتريت نوريكا اسبورت جديدة 1000جنية من محمد العنانى وكنت عاوز اعرف هية البندقية دى حلوة فى الصيد ولا مش حلوة وشكرا للمسالعدة
hany salem
10-12-16, 11:57 AM
السلام عليكم
اشكركم على الرد

انا فكيت البندقية

وانا عارف الجزء اللى فيه المشكلة بالضبط
وانا بدور على النت على صييانه البندقية لقيت الصورة دى انا هوضح الجزء اللى فيه المشكلة

http://www4.0zz0.com/2010/12/16/09/418848215.jpg (http://www.0zz0.com)

السؤال يا اخواتى هو : هل الجزء ده موجود وبيتباع ولا مش موجود اصلا

الراجل اللى كان عامل صيانه خارط الجزء فى المخرطة يعنى مش اصلى انا عاوز اشيلة ارميه اجيب الجزء الاصلى واركبه
hany salem
10-12-16, 12:45 PM
ياريت ياجماعة حد يأكد لى ان القطعه دى موجودة فى السوق ومش هاضطر اخرطلها واحدة
لان زى منتوا عارفين ان لو اى جزء مش اصلى بياثر على حالة البندقية
بالله عليكم افيدونى
وياريت تقولولى العنواين بالضبط وارقام التليفونات اللى هلاقى عندهم القطعة دى
وجزاكم الله خيرا
galal khalifa
10-12-16, 12:52 PM
ياريت ياجماعة حد يأكد لى ان القطعه دى موجودة فى السوق ومش هاضطر اخرطلها واحدة
لان زى منتوا عارفين ان لو اى جزء مش اصلى بياثر على حالة البندقية
بالله عليكم افيدونى
وياريت تقولولى العنواين بالضبط وارقام التليفونات اللى هلاقى عندهم القطعة دى
وجزاكم الله خيرا

يا استاذ روح لشريف وهو عندة كل حاجة
hany salem
10-12-16, 01:14 PM
ربنا يجزيكم خير يارب

انا متاسف لنى تقلت عليكم

وربنا يباركلكم يارب على الافادة

وممكن تقفلوا الموضوع

بس ياريت تقولولى عنوان شريف بالضبط
لانى مروحتش هناك قبل كده
انا اصلا من شبين القناطر

وجزاكم الله خيرا
ayman22
10-12-16, 04:39 PM
اخى الفاضل .. عنوان شريف بتاع صيانة السلاح انت تركب مترو الانفاق وتنزل محطة روض الفرج بشبرا وتسال على 100 شارع شبرا على العموم هو قريب من محطة مترو الانفاق .. وكمان رقم موبايله : 0126131287....
ارجو انى اكون قد افدتك .....
تقبل تحياتى .......
hany salem
10-12-19, 12:18 PM
ربنا يبارك فيكم يارب ويجزيكم خير
والله العظيم فعلا افدتونى ومش عارف اشكركم ازاى
مع العلم انى مش بشترك فى منتديات ولا بهتم بيها
لكن المنتدى ده بقيت كل يوم الصبح اول الحاجات اللى بعملها انى افتح منتداكم الغالى
احبكم فى الله
msa_79
10-12-19, 03:15 PM
ان شاء الله تتصلح وتبقي مدفع وعلي فكره دي نفس نوع بندقيتي وفعلا مدفع.
الاخ مؤنس أرجو انك متزعلش عشان محدش رد عليك بس هو كلامك خارج الموضوع اصلا كان المفروض تعمل موضوع جديد لسؤالك. واحب اقولك ان النوريكا سبورت بندقية جميلة وقوية وربنا يباركلك فيها ومرحبا بيك صياد جديد في المنتدي
hany salem
10-12-21, 02:56 PM
حبيب قلبى ربنا يباركلك يارب ويجزيك كل خير
hany salem
10-12-23, 11:32 AM
فعلا رجعت مدفع يا اخى وحبيب قلبى