مشاهدة النسخة كاملة : تعليمات و قوانين جديده من إدارة المنتدي
الساده الأعضاء الأفاضل
السلام عليكم ورحمة الله تعالي و بركاته
برجاء العلم و الإلتزام بالقرارات الجديده لإدارة المنتدي
1- يمنع منعآ باتآ و يحذف فورآ أي مواضيع جديده تحتوي علي الأتي:
- المسدسات البلي و أي مسدس مفتوح سواء عروض بيع أو شراء.
- مواضيع بيع الطلقات البلي أو السؤال عن اماكن بيعها أو ما يتعلق بها.
- السؤال عن أي تعديلات تخص المسدسات سواء بفتحها أو تعديلها أو السؤال عن أي شخص يمكنه المساعده في هذه الأمور.
- أي مواضيع تستعرض أي تعديل تم عمله علي اي مسدس.
- المطاوي و السنج و البونيات الحديد و الكرابيج و السلاح الأبيض بكافة أنواعه ما عدا المطاوي السوست كونها تستخدم لتذكية الطير بعد ذبحه (المطاوي التي تستخدم كأداه من أدوات الصيد).
- أي موضوع بيع سلاح ناري حي أو طلقات حيه دون أن يكتب البائع كلمة البيع علي الرخصه فقط (يتم إرسال رسالة تنبيه للعضو قبل الحذف).
2- أي موضوعات حاليه تتعلق بما ذكر بأعلي علي المنتدي يتم غلقها فورآ.
3- أي عضو يخالف التنبيهات بأعلي يتم تحذيره و عدم إتباعه للتعليمات يجعله عرضه للإنذار و تصعد العقوبه عند الإصرار علي المخالفه لتصل لإيقاف العضوية.
أرجو من الجميع الإلتزام بما أعلي و للجميع خالص التقدير
نائب المدير العام
dr mido dentist 13-08-21, 12:48 PM - المسدسات البلي و أي مسدس مفتوح سواء عروض بيع أو شراء.
هل سيتم اغلاق مواضيع التجار حيث انهم يعرضون مسدسات مفتوحة من المصدر
هل سيتم اغلاق مواضيع التجار حيث انهم يعرضون مسدسات مفتوحة من المصدر
يتم التنسيق حالياً لتعديل إعلاناتهم النظام و القوانين الجديده سيتم تطبيقها علي الجميع.
محمد خلف 13-08-21, 12:57 PM طب و بالنسبه للتعديلات الي بتغير الشكل من غير تغيير مواصفات السلاح
انا مثلا كنت بفكر اجيب فرات و اعمله طبه طويله لبره الماسوره و اغير المقبض الفبر بخشب
يا ترى دا هيكون ممنوع اخد راي الاعضاء فيه؟
وليد سالم 13-08-21, 02:06 PM لا يا حمام الكلام وتحذير الادارة واضح ممنوع الحديث عن تعديلات المسدس من طبب وخلافة ولكن عندما تتكلم عن تغيير دبشك المسدس من بلاستيك الي خشب مثلا فده ليس به شيئ مثل ان تتكلم مثلا عن كاس الصواريخ او تغيير شاكوش مكسور او ايا من ذلك القبيل فده مسموح به
ولكن الكلام عن الطبب ومفتوح ولا مقفول او طلقات البلي واين تباع او كيف تصنع فهذا هو الممنوعات الخاصة بالمسدسات
Mostafa Elbana 13-08-21, 03:38 PM صح جداً لمنع ما يمكن أن يحدث من ضرر للجميع
محمد خلف 13-08-21, 03:51 PM انا بتكلم على طبه صوت قصيره
بس بارزه بره الماسوره
لو عملت موضوع زي دا عيتعملي مخالفه؟
Mohamed Mahmoud 13-08-21, 05:00 PM انا بتكلم على طبه صوت قصيره
بس بارزه بره الماسوره
لو عملت موضوع زي دا عيتعملي مخالفه؟
نعم هيتعمل مخالفة
elmasrey123 13-08-21, 06:01 PM تسلم ادارة المنتدى المتمثلة فى مثلث العمالقة عم محمد محمود وحسن بيك وهشام باشا على مراعاة مصلحة الاعضاء ومصلحة البلد فى الظروف الى احنا فيها
محمد خلف 13-08-21, 06:05 PM نعم هيتعمل مخالفة
حتى و الطبه مستحيل تطلع اي مقذوف؟
طب ليه؟
افتكر دا مش ضد القانون
Mohamed Mahmoud 13-08-21, 06:08 PM من فضلك يا استاذ محمد اى نقاش بخصوص الموضوع دة يبقى فى موضوع حضرتك فى قسم الاقتراحات و الشكاوى
سيتم انذار حضرتك المرة القادمة لو تحدثت فى غير القسم المخصص
dr mido dentist 13-08-22, 08:07 PM يتم التنسيق حالياً لتعديل إعلاناتهم النظام و القوانين الجديده سيتم تطبيقها علي الجميع.
طب كل المسدسات الصوت التركى المستورد ياتى بها مفتوحة من المصدر هل سيتم حذف اى موضوع فيه مسدسات تركي ما لم يتم صراحة انه مقفول !!!!!!
طب كل المسدسات الصوت التركى المستورد ياتى بها مفتوحة من المصدر هل سيتم حذف اى موضوع فيه مسدسات تركي ما لم يتم صراحة انه مقفول !!!!!!
هو فيه يا باشا مسدسات تركي مش مستورده :) !!!! لا يا باشا مش كل المسدسات التركي بتيجي مفتوحه و التعليمات واضحه و محدده أي مسدس مفتوح هيتخذف .. طب لو مش مكتوب أكيد يا باشا مش هنجزم بحاجه متقلتش في الإعلان. أرجوكم بس أنتم إلتزموا بالقوانين الجديده و أي حاجه تانيه دي مسئولية الإداره إنها تشوف هتعمل فيها إيه. وبعد إذنك أي نقاش و إستفسار في قسم الإقتراحات و هو مخصص لذلك.
خالص تحياتي
ehab.bob 13-08-22, 09:16 PM الله ينور يا عرابى باشا هو ده الكلام المسدسات الصوت اتعملت للمناسبات والأفراح فقط وأى تغيير لاستخدامها لتطلق قذائف تحايل على القانون انا احييك وأحيى المنتدى العظيم بتاعنا على الخطوة دى .. تقبل تحياتى
الله ينور يا عرابى باشا هو ده الكلام المسدسات الصوت اتعملت للمناسبات والأفراح فقط وأى تغيير لاستخدامها لتطلق قذائف تحايل على القانون انا احييك وأحيى المنتدى العظيم بتاعنا على الخطوة دى .. تقبل تحياتى
أشكرك يا فندم و أشكر كل الأعضاء المحترمين و الأفاضل الذين تفهموا هذه القوانين الجديده و الغرض منها
deeb_no_comment 13-08-23, 08:06 AM القرار صائب جدا و انا اؤيد هدة الفكرة
بس ممكن نعرف لية التغير دة والنتدى بقالو فترة طويلة اوى سامح عادى بالمواضيع دى
abdelal mohamed 13-08-23, 10:34 AM اتفق معك تماما
dr mido dentist 13-08-23, 07:10 PM هو فيه يا باشا مسدسات تركي مش مستورده :) !!!! لا يا باشا مش كل المسدسات التركي بتيجي مفتوحه و التعليمات واضحه و محدده أي مسدس مفتوح هيتخذف .. طب لو مش مكتوب أكيد يا باشا مش هنجزم بحاجه متقلتش في الإعلان. أرجوكم بس أنتم إلتزموا بالقوانين الجديده و أي حاجه تانيه دي مسئولية الإداره إنها تشوف هتعمل فيها إيه. وبعد إذنك أي نقاش و إستفسار في قسم الإقتراحات و هو مخصص لذلك.
خالص تحياتي
اقصد المستورد بكسرة على الراء و هو التاجر الذى يقوم بالاستيراد و لا اقصد المسدس
adel152 13-08-24, 08:32 PM للرفع و إعادة التنبيه
..........................................
mzkader 13-08-26, 10:57 AM قرار سليم و على فكرة و الله فى خدمة للأعضاء عشان هايبعدهم عن الشبهات الجنائية لأن الناس القديمة عارفة و متأكده أن المنتدى معروف و مشهور جدا و مراقب كويس جدا من المباحث يعنى أى حد بيتكلم عن تعديلات وما شابه من بلى و مطاوى قرن غزال ممكن يتقبض عليه فى أى وقت.
بس فى عتاب على الإدارة من وجهة نظرى المتواضعة.
الوصول لهذا القرار أكيد تم بناء على إجتماع بين الإدارة و تم الموافقة عليه بالإجماع ( و طبعا القرار سليم ) كنت شايف أن يتم التنويه و غلق الموضوع و عدم فتح باب النقاش فى ما هو مجرم أصلا خاصة أن الكلام واضح و صريح.
hema777h 13-08-26, 11:12 AM قرار سليم و على فكرة و الله فى خدمة للأعضاء عشان هايبعدهم عن الشبهات الجنائية لأن الناس القديمة عارفة و متأكده أن المنتدى معروف و مشهور جدا و مراقب كويس جدا من المباحث يعنى أى حد بيتكلم عن تعديلات وما شابه من بلى و مطاوى قرن غزال ممكن يتقبض عليه فى أى وقت.
بس فى عتاب على الإدارة من وجهة نظرى المتواضعة.
الوصول لهذا القرار أكيد تم بناء على إجتماع بين الإدارة و تم الموافقة عليه بالإجماع ( و طبعا القرار سليم ) كنت شايف أن يتم التنويه و غلق الموضوع و عدم فتح باب النقاش فى ما هو مجرم أصلا خاصة أن الكلام واضح و صريح.
لاحظ ان كلامك جارح
http://www3.0zz0.com/2013/08/26/09/661829872.jpg (http://www.0zz0.com)
mzkader 13-08-26, 11:57 AM لاحظ ان كلامك جارح
http://www3.0zz0.com/2013/08/26/09/661829872.jpg (http://www.0zz0.com)
أنت بالذات ماتتكلمش عشان أنا مش طايق منك حاجة أكلمك 100 مرة و ماتردش على ماشى يا هيما لما أقفشك بس :)
|