مطلوب سوستة و جلبة لنوريكا 56 أصليين

[mohamed1969]

السلام عليكم و رحمة الله
أرجوا من السادة الزملاء الأفاضل المساعدة في بحثني عن سوستة و جلبة أصليين لبندقية نوريكا 56 و السوستة بالمواصفات التالية :
NORICA Mod 56 20 14 3 263
20 ده القطر الخارجي
14 = القطر الداخلي
3 = قطر سمك الحلقة الحديد
263 = ده طول السوستة بالميلليمتر
بالمناسبة لما راسلت شركة نوريكا ردوا عليا و قالوا ان سوستة النوريكا تايتن تركيب عليها لأنها نفس المواصفات , لو موجود نفس الأقطار الداخلية و الخارجية بس أطول شوية مش مشكلة ممكن أقوم بتقصيرها و كمان الأصلية عرفت انها 33 حلقة , ياريت لو حد ممكن يدلني ممكن الاقيهم فين بس سكونوا أصليين و لو سعر تقريبي لهم و جزاكم الله خيرا

[وليد سالم]

بالتوفيق بعون الله وان شاء الله تلاقي طلبك

[big man]

جلبه زفره وسوته بلدي احسن بكتير ده من وجهة نظري وانا جربتهم عالشنغهاي وخليت البندقيه حاجه تانيه لان لسوسته البلدي قوتها غاشمه

[mohamed1969]

بالتوفيق بعون الله وان شاء الله تلاقي طلبك
تسلم وليد باشا و ربنا يبارك فيك.

[mohamed1969]

جلبه زفره وسوته بلدي احسن بكتير ده من وجهة نظري وانا جربتهم عالشنغهاي وخليت البندقيه حاجه تانيه لان لسوسته البلدي قوتها غاشمه
جزاكم الله خيرا أخي الفاضل بس الحقيقة الجلبة اللي راكبة فيها الأصلية من مادة الأرتيلون و ماشاء الله عليها تمام بخلاف الجلبة الزفرة أي نعم الجلبة الزفرة لها مميزات بس بتحتاج تزييت و اهتمام أكثر من الجلبة الارتيلون, بالنسبة للسوستة بالفعل انا ركبت سوستة بلدي 33 حلقة و كانت ممتازة بس ما استمرتش معايا أكثر من شهر و السوستة لمت و بقت زي السوستة ال 28 حلقة و كمان بقت ضعيفة جدا لدرجة انك ممكن تلمها بايدك. لذلك السوستة الأصلية لو ركبت اعتقد انها حاتكون نتائجها أفضل و كمان ياريت لو فيها سوستة أي بندقية تانية بس تكون أصلية أطول بنفس القطر الداخلي و الخارجي و سمك الواير تبقي تمام و مش مهم لو أطول شوية ممكن يتم تقصيرها حلقة حلقة لغاية ما تجيب الطول المناسب و القوة المطلوبة دون تأثير علي لسان الزناد أو شفة البستم.