المساعد الشخصي الرقمي

مشاهدة النسخة كاملة : الدليل القاطع على عدم قانونية المسدسات البلى

GIS
13-08-06, 04:27 PM
السلام عليكم ورحمة الله وبركاتة الموضوع دا وقع معايا عن طريق الصدفة وهو للامانة منقول من منتدى تانى ودا طبعا عشان الناس تاخد بالها و تحترس
http://www14.0zz0.com/2013/08/06/13/864046935.jpg (http://www.0zz0.com)
TheLegnedkiller
13-08-06, 04:36 PM
كلامك صح بس للاسف ناس كتير اوي بتستخدمه

عشان الدفاع بس

عشان فيه ناس كتير مش معاهم تراخيص او حتي مش معاهم المال الكافي عشان يجيبم المسدس
GIS
13-08-06, 05:59 PM
كلامك صح بس للاسف ناس كتير اوي بتستخدمه

عشان الدفاع بس

عشان فيه ناس كتير مش معاهم تراخيص او حتي مش معاهم المال الكافي عشان يجيبم المسدس

وجب التنبية ليس اكثر ولا اقل
elmasrey123
13-08-06, 08:22 PM
الراجل صاحب الحرز هيلبس فى 10 سنين
elmasrey123
13-08-06, 08:24 PM
السؤال بقه الى هيجنن الشعب
ام الاسلحة المفتوحة بتيجى ازاى وتتباع ازاى فى المحلات المرخصة قدام غير قانونى
tarekvb
13-08-07, 01:08 PM
السؤال بقه الى هيجنن الشعب
ام الاسلحة المفتوحة بتيجى ازاى وتتباع ازاى فى المحلات المرخصة قدام غير قانونى

فيه بعض الاقاويل بتقول انه بيتفتح هنا
elmasrey123
13-08-07, 01:14 PM
فيه بعض الاقاويل بتقول انه بيتفتح هنا

انا كنت فاكر كده ياطارق بس فعلا فى بيتفتح هنا وفى بيجى مفتوح من برة
adel152
13-08-07, 01:33 PM
الراجل صاحب الحرز هيلبس فى 10 سنين

الراجل ده اتخدم خدمة العمر من المباحث بحكاية ابرة ضرب النار (كده المسدس غير صالح للأستخدام والقضية باظت).
وليد سالم
13-08-07, 01:34 PM
الراجل ده اتخدم خدمة العمر من المباحث بحكاية ابرة ضرب النار (كده المسدس غير صالح للأستخدام والقضية باظت).



حقا انها دولة قانون ((( سكسونيا ))):rir::rir:
adel152
13-08-07, 01:37 PM
انا كنت فاكر كده ياطارق بس فعلا فى بيتفتح هنا وفى بيجى مفتوح من برة

مش ممكن أى مصنع مرخص وله اسمه حيطلع أى مسدس صوت بماسورة مفتوحة (فيه معايير دولية لتصنيع مسدس الصوت). لكن ممكن تتفتح فى ورش تحت السلم فى تركيا مثلا قبل شحنها لمصر.
elmasrey123
13-08-07, 01:38 PM
الراجل ده اتخدم خدمة العمر من المباحث بحكاية ابرة ضرب النار (كده المسدس غير صالح للأستخدام والقضية باظت).

القضية ما باظتش اوى لسه الطلق زخيرة حيه
adel152
13-08-07, 01:38 PM
حقا انها دولة قانون ((( سكسونيا ))):rir::rir:

مش مهم انت مين المهم تعرف مين!!!!!!!!!
وليد سالم
13-08-07, 01:40 PM
مش مهم انت مين المهم تعرف مين!!!!!!!!!

فعلا يا عادل باشا ............ ويا بخت من كان النقيب خالة مثل مصري صميم
elmasrey123
13-08-07, 01:40 PM
مش ممكن أى مصنع مرخص وله اسمه حيطلع أى مسدس صوت بماسورة مفتوحة (فيه معايير دولية لتصنيع مسدس الصوت). لكن ممكن تتفتح فى ورش تحت السلم فى تركيا مثلا قبل شحنها لمصر.

لالالالالالالالالالا اسمحلى الزوراكى كله مفتوح بدليل طلق المطاط الى بتعملها تركيا للمسدسات دى
وليد سالم
13-08-07, 01:42 PM
القضية ما باظتش اوى لسه الطلق زخيرة حيه



يا عم طلق اية ده المسدس نفسة طلع فنكوش اكيد الطلق هيكتبوه في المحضر (( زتون كلاطاطا )) هههههههه
اه يا بلد عايزه ولد بس المشكلة اني مش فاضي اليومين دول :d:d:d
adel152
13-08-07, 01:44 PM
لالالالالالالالالالا اسمحلى الزوراكى كله مفتوح بدليل طلق المطاط الى بتعملها تركيا للمسدسات دى

ياباشا أى مسدس ماسورة مفتوحة وبيخرج منه مقذوف غير مصنف مسدس صوت بالخارج.
مسدسات طلق المطاط تستخدم فى الخارج لقوات مكافحة الشغب والتدريب على النيشان قبل استخدام الاسلحة الحية.
elmasrey123
13-08-07, 01:44 PM
يا عم طلق اية ده المسدس نفسة طلع فنكوش اكيد الطلق هيكتبوه في المحضر (( زتون كلاطاطا )) هههههههه
اه يا بلد عايزه ولد بس المشكلة اني مش فاضي اليومين دول :d:d:d

التقرير طالع بالطلق فعلا هيبقى تصنيع زخيرة حيه وحيازة زخيره
adel152
13-08-07, 01:51 PM
التقرير طالع بالطلق فعلا هيبقى تصنيع زخيرة حيه وحيازة زخيره

خد بالك فى اول التقرير (وارد بالخزينة فارغة).
المشكلة كلها فى طلقة صوت معدلة لكن بدون سلاح للأستخدام لأن المسدس نفسه اصبح غير صالح للأستخدام. بقول لحضرتك اتخدم خدمة العمر.
elmasrey123
13-08-07, 01:55 PM
خد بالك فى اول التقرير (وارد بالخزينة فارغة).
المشكلة كلها فى طلقة صوت معدلة لكن بدون سلاح للأستخدام لأن المسدس نفسه اصبح غير صالح للأستخدام. بقول لحضرتك اتخدم خدمة العمر.

ياعم عادل اسال حد محامى او فى حقوق لو اتمسكت معاك طلق 9 ملى حى من غير مسدس مجرد طلق مصيرك هيبقه ايه وايه هو الموقف القانونى الطلق اتمسكت معاه الواد ده بالميت هيلعب فى 6 شهور ل3 سنين ولو كان مخدوم هياخد وقف التنفيذ بس بقت سابقه
adel152
13-08-07, 02:08 PM
ياعم عادل اسال حد محامى او فى حقوق لو اتمسكت معاك طلق 9 ملى حى من غير مسدس مجرد طلق مصيرك هيبقه ايه وايه هو الموقف القانونى الطلق اتمسكت معاه الواد ده بالميت هيلعب فى 6 شهور ل3 سنين ولو كان مخدوم هياخد وقف التنفيذ بس بقت سابقه

ياباشا انا ماقولتش ان مافيش قضية أو حكم لكن اى محامى شاطر هيعرف يخلصه من القضية ماتنساش ان الطلقة الصوت المعدلة مالهاش قانون واضح حتى الان لتحديد مدة للحكم. التعديل فى القوانين على حيازة السلاح نفسه زى فرد الخرطوش او مسدس الصوت المعدل. ده وضع يختلف تماما عن الطلقة الحية ال9مم لأن اساسا الطلقة الحية المفروض حيازتها عن طريق تصريح على رخصة السلاح. ممكن يتحبس علشان حال البلد حاليا بس اعتقد مش أكثر من 3 شهور احتمال أقل لكن لو كان المسدس صالح للأستعمال كانت هتبقى قصة ثانية خالص ده قصدى انه اتخدم.
elmasrey123
13-08-07, 02:10 PM
ياباشا انا ماقولتش ان مافيش قضية أو حكم لكن اى محامى شاطر هيعرف يخلصه من القضية ماتنساش ان الطلقة الصوت المعدلة مالهاش قانون واضح حتى الان لتحديد مدة للحكم. التعديل فى القوانين على حيازة السلاح نفسه زى فرد الخرطوش او مسدس الصوت المعدل. ده وضع يختلف تماما عن الطلقة الحية ال9مم لأن اساسا الطلقة الحية المفروض حيازتها عن طريق تصريح على رخصة السلاح. ممكن يتحبس علشان حال البلد حاليا بس اعتقد مش أكثر من 3 شهور احتمال أقل لكن لو كان المسدس صالح للأستعمال كانت هتبقى قصة ثانية خالص ده قصدى انه اتخدم.

تمام ياكبير
adel152
13-08-07, 02:18 PM
فعلا يا عادل باشا ............ ويا بخت من كان النقيب خالة مثل مصري صميم

من شب على شئ شاب عليه!!!!!!!!!
علشان كده بقالنا سنتين ونصف كل يوم بنكعبل اكثر من اللى قبله.
وبلاش تجرجرنى فى الكلام ياليدو علشان مانكلمش فى السياسة والادارة تبندنا احنا الاثنين خصوصا ان النهاردة الواقفة وبكره العيد ههههههههه.
تمنياتى للجميع بعيد سعيد ان شاء الله.
Egyptian_Destroyer
13-08-07, 05:04 PM
تقريبا هو كده طلع من حوار المسدس .. المشكله في تحويل طلق صوت لذخيره حيه :(

بس في سؤال لو معايا طبنجه صوت بس مفتوحه و فيها طلق صوت ممكن اشيل قضيه ولا عادي ؟؟ !
pooforever_2010
13-08-07, 09:45 PM
موضوع جميل ونشكرك يا محمد بيه على الايضاح الجميل دا جزاك الله خير
mohamedatia
13-08-07, 11:41 PM
الراجل ده اتخدم خدمة العمر من المباحث بحكاية ابرة ضرب النار (كده المسدس غير صالح للأستخدام والقضية باظت).

انا معاك فى كده المعمل الجنائى الى بيفحص الاحراز موجود بكل مديريه امن فى اى محاقظه وطبعا الى بيفحص السلاح امين شرطع او ضابط فى اداره معمل الادله الجنائيه الموجود فى مديريه الامن
بصراحه كده ابره ضرب النار الموجوده فى مسدسات الحى بتكون طويله بحيث بتطرق على كبسوله البرود الى موجوده فى كعب الطلقه بشكل مؤثر جدااااااااااااا لحرك البارود الموجود فى الطلقه ودفع المقزوق بقوة
اما بالنسبه فى مسدسات الصوت فى بعض المسدسات بتكون الابره قصبره مثل الوالتر الالمانى p99 وده من احد عيوبه
علشان كده مسدسات الصوت اصلا بجب ان تكون غير مسبب للايزاء
Mr_mody
13-08-07, 11:55 PM
انا افتكر كويس ان الموضوع ده اتعمل اعتقد علي المنتدي القديم ! هو معروف ان المسدس البلي حيحسب انه مسدس حي بالنسبه للمعمل الجنائي علشان كده كل واحد يخلي باله لو هو فاتح المسدس او شايل معاه طلقات بلي
adel152
13-08-08, 11:53 AM
تقريبا هو كده طلع من حوار المسدس .. المشكله في تحويل طلق صوت لذخيره حيه :(

بس في سؤال لو معايا طبنجه صوت بس مفتوحه و فيها طلق صوت ممكن اشيل قضيه ولا عادي ؟؟ !

قضية سلاح صوت متعدل ماسورته ويصلح لأستخدام طلقات بمقذوف.

شيل مسدس ماسورة مفتوحة مشكلة كبيرة خاصة ان فيه ناس كثيرة اتقتلت ببلية واحدة حديد (يعنى مش خرطوش) فى الاونة الاخيرة.
Mr_mody
13-08-08, 12:10 PM
قضية سلاح صوت متعدل ماسورته ويصلح لأستخدام طلقات بمقذوف.

شيل مسدس ماسورة مفتوحة مشكلة كبيرة خاصة ان فيه ناس كثيرة اتقتلت ببلية واحدة حديد (يعنى مش خرطوش) فى الاونة الاخيرة.

بس اكيد يا استاذ عادل كانت في المخ مباشره و من مسافه قريبه!
adel152
13-08-08, 12:16 PM
بس اكيد يا استاذ عادل كانت في المخ مباشره و من مسافه قريبه!

بالفعل ياباشا الضرب كان فى الرأس ومن مسافات قريبة.
ربنا يسترها علينا جميعا.
Mr_mody
13-08-08, 12:24 PM
بالفعل ياباشا الضرب كان فى الرأس ومن مسافات قريبة.
ربنا يسترها علينا جميعا.

البلد كلها قلق و الله العظيم و ناس بتضرب في الشارع و سرقات و سطو! و غير ان قانون السلاح بجد اسف في اللفظ غبي! لا بيدي المواطن الشريف الحق انه يحمي نفسه ولا اساسا هو بيحميه!
وليد سالم
13-08-08, 01:51 PM
البلد كلها قلق و الله العظيم و ناس بتضرب في الشارع و سرقات و سطو! و غير ان قانون السلاح بجد اسف في اللفظ غبي! لا بيدي المواطن الشريف الحق انه يحمي نفسه ولا اساسا هو بيحميه!



الان اصبحت ظاهرة الاعتداء علي ركاب مترو الانفاق حالة متكرره وخصوصا السيدات

وحدثت امامي حتي الان 3 حالات سرقة او خطف سلاسل ذهبية من اعناق السيدات وهن راكبات المترو اللص يمد يده من خارج الشباك والمترو في حالة البدأ في التحرك فيخطف السلسلة او الحلق من السيدات او البنات ولا يهمة ان كان سيتسبب ذلك في جرحها او قطع اذنها والغريب انك بتلاقي الناس علي رصيف المحطة بلا مبالاه وكانهم منومين مغناطيسيا في حين تسمع صراخ الضحية من داخل المترو الذي بدأ في السير والتحرك هو الاخر من علي رصيف المحطة

وعند الذهاب لرجل الشرطة للابلاغ ( شرطة المترو ) تجد رده ردا واحدا (( الهي يخرب بيتو منو لله هي البلد ناقصة )) طب هتعمل اية يا باشا يقولك هنعمل اية العمل عمل ربنا
بصراحة شرطة تحتاج الي شرطة لتحميها والغريب انك ساعات تلاقي رجال شرطة المحطات واقفين مع عيال غاية في الشبهه وشكلهم مش ولابد وكل واحد فيهم ماسك في ايده سيجارة داخل المحطة وهاتك يا ضحك واحيانا معاكسة الفتيات والسيدات

((( عندما يصبح حاميها حراميها فقل علي مصر السلام )))
وليد سالم
13-08-08, 09:06 PM
بالظبط انت قلت اللى عايز اقوله

ده غير ان فى بلد زى بلدنا دى حتى لو شايل مسدس صوت مقفول ولا حتى مسدس بلاستك خرز بتاع الاطفال ده ممكن يحرزه وتروح النيابه
ده انت لو ماشى بسكينه مطبخ هتتحرز برده وممكن تبقى ماشى بسلاح غير مرخص والظابط يسيبك
شرطه فى البلد ماشيه على هوا كل واحد وعلى حسب حظك هتقع مع مين لان القانون موجود على الورق بس

والمسدسات البلى انا ملاحظ ان كل اللى بيعملها هنا فى المنتدى مبيخرجهاش بره البيت مجرد حاجه تطمنك على اهل بيتك لو حصل اى حاجه خصوصا ان دلوقتى ممكن تتوقع اى حاجه تحصل وربنا هو الحامى قبل كل شىء



استاذ هوجو بوس ارجوا عدم الحديث عن مسدسات الصوت المعدلة لضرب البلي او حتي ذكرها علي المنتدي وانه وبموجب تعليمات ادارة المنتدي سيتم حذف اي تعليق فية اي حديث عن مسدسات البلي او حتي الاستفسار عنها او طلب بيعها او شرائها
وتقبل مني وافر التحية والتقدير
adel152
13-08-09, 08:36 AM
الان اصبحت ظاهرة الاعتداء علي ركاب مترو الانفاق حالة متكرره وخصوصا السيدات

وحدثت امامي حتي الان 3 حالات سرقة او خطف سلاسل ذهبية من اعناق السيدات وهن راكبات المترو اللص يمد يده من خارج الشباك والمترو في حالة البدأ في التحرك فيخطف السلسلة او الحلق من السيدات او البنات ولا يهمة ان كان سيتسبب ذلك في جرحها او قطع اذنها والغريب انك بتلاقي الناس علي رصيف المحطة بلا مبالاه وكانهم منومين مغناطيسيا في حين تسمع صراخ الضحية من داخل المترو الذي بدأ في السير والتحرك هو الاخر من علي رصيف المحطة

وعند الذهاب لرجل الشرطة للابلاغ ( شرطة المترو ) تجد رده ردا واحدا (( الهي يخرب بيتو منو لله هي البلد ناقصة )) طب هتعمل اية يا باشا يقولك هنعمل اية العمل عمل ربنا
بصراحة شرطة تحتاج الي شرطة لتحميها والغريب انك ساعات تلاقي رجال شرطة المحطات واقفين مع عيال غاية في الشبهه وشكلهم مش ولابد وكل واحد فيهم ماسك في ايده سيجارة داخل المحطة وهاتك يا ضحك واحيانا معاكسة الفتيات والسيدات

((( عندما يصبح حاميها حراميها فقل علي مصر السلام )))

إن اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ.
أخى العزيز وليد الحل الوحيد مش فى الشرطة لكن فينا أحنا.
انا عندى 51 سنة وسافرت خارج البلاد من 1987 الى 2005 التغيير اللى حصل فى 18 سنة رهيب.
أنا اتذكر قبل سفرى لو أى حد أتمسك بيسرق او بيعاكس كنت تلاقى الناس كلها ايجابية ويتلموا على الحرامى ويخدوا اى سلاح معاه وياخد علقة موت قبل الشرطة ماتيجى تاخده او يفضل يضرب لحد مايوصلوه القسم.
النهاردة السلبية هى اللى مخلية الخارجين على القانون يعملوا اللى هما عايزينوه من غير خوف.
الحرامى اللى بيسرق فى مترو الانفاق لو عارف ان الناس الموجودة هتمسكوه وهياخد علقة محترمة هيفكر مليون مرة قبل ان يسرق السيدات.
لابد ان يرجع الجميع الى عاداتنا وتقاليدنا الشرقية المحترمة وكل واحد يساعد الثانى مش كل واحد يقول يلا نفسى.
Egyptian_Destroyer
13-08-09, 11:39 AM
قضية سلاح صوت متعدل ماسورته ويصلح لأستخدام طلقات بمقذوف.

شيل مسدس ماسورة مفتوحة مشكلة كبيرة خاصة ان فيه ناس كثيرة اتقتلت ببلية واحدة حديد (يعنى مش خرطوش) فى الاونة الاخيرة.
شكرا.علي.التحذير.يا.عادل.بك
Egyptian_Destroyer
13-08-09, 11:41 AM
نشكر.حضرتك.علي.التحذير.يا.محمد.بك
adel152
13-08-09, 11:58 AM
شكرا.علي.التحذير.يا.عادل.بك

ياباشا لا شكر على واجب. ومن واجبنا أن نحذر الاعضاء من خطورة حيازة أى سلاح بدون ترخيص حتى ولو للدفاع عن النفس. وصدقنى يافندم أن اولوية الداخلية النهاردة هو السلاح الموجود فى الشارع بجميع انواعه.
Mohamed Kafafy
13-08-09, 04:58 PM
تقرير المعمل الجنائي ده بيوضح ان الرشاش الايكول والمسدسات الرشاش الايكول ايضا المعدل لضرب بلي اصبحوا جريمة يعاقب عليها القانون علي انهم سلاح الي
elmasrey123
13-08-09, 05:05 PM
فى نظرية العبد لله والعمل بمبدا اتقو الشبهات خلينا فى المقفول اضمن علشان يجى ياخده هيلاقى الصليبة منورة 90فى الميه هيسيبه و10فى الميه يغتت ويقولك معمل جنائى بس الاكيد والمضمون انك هتنام فى البيت
HOGO BOSS
13-08-09, 05:29 PM
استاذ هوجو بوس ارجوا عدم الحديث عن مسدسات الصوت المعدلة لضرب البلي او حتي ذكرها علي المنتدي وانه وبموجب تعليمات ادارة المنتدي سيتم حذف اي تعليق فية اي حديث عن مسدسات البلي او حتي الاستفسار عنها او طلب بيعها او شرائها
وتقبل مني وافر التحية والتقدير

اولا طبعا شكرا على التنبيه

ثانيا هو حضرتك تقصد التعليقات بس ولا المواضيع كمان

لانى شايف منتدى الاسلحه النارية وورشة الاسلحه فى مواضيع كتير عن مسدسات الصوت المحوله والمعدلة لضرب البلى وكمان شروحات واستفسارات عن الموضوع بل وصل الامر الى زروته عندما تجد مواضيع بمقاسات وتصميم طبب البلى مرورا بفديوهات وصور لتجربة المسدسات المعدلة لضرب البلى وتاثير البلى

ده غير طبعا منتدى مقتنيات الاعضاء اللى فيه مواضيع بيع وشراء المطاوى القرن والسيوف والسنج والمطاوى السوسته الامريكى والسكاكين السلك والاليكتريك شوك

ولك منى وافر التقدير والاحترام

وكل عام وانتم بخير
Egyptian_Destroyer
13-08-09, 05:34 PM
ياباشا لا شكر على واجب. ومن واجبنا أن نحذر الاعضاء من خطورة حيازة أى سلاح بدون ترخيص حتى ولو للدفاع عن النفس. وصدقنى يافندم أن اولوية الداخلية النهاردة هو السلاح الموجود فى الشارع بجميع انواعه.
ربنا يكرمك يا عادك بك كل سنه و حضرتك طيب
الحمد لله مش بمشي بمسدس في الشارع.....
بس معايا قولجا مفتوح في البيت للطوارئ و حجيب تونا مقفول علشان امشي بيه براحتي و اجامل في الافراح بدون مشاكل
احمد حسن الهمامى
13-08-10, 06:21 AM
الاخوة الاعزاء
فى موضوع مسدس الصوت المحول لاطلاق البلى هناك قصور واضح فى التقرير الفنى للمعمل الجنائى وهو المدى اى ما هو التقرير الفنى ومدى المقذوف عند الاطلاق لان فى احوال كثيرة يكون المدى دليل للبراءة ثم ان هناك فى الاسواق مسدسات ضغط هواء غير مدرجه فى جداول الاسلحه ولا تجريم على حملها فبذلك اتى التقرير الفنى بنقص فى ادله الاتهام فلو كان سرعه المقذوف فى مسدس الصوت يعادل مسدس ضغط الهواء فليس هناك اى جريمه وكما اتى التقرير بعم ذكر ان كان السلا ح مخشخن من عدمه فلو ذكر انه غير مخشخن فهذا دليل براءة ففى احيان كثيرة تكون هناك محاباة لضباط الشرطه من قبل المعمل الجنائى ارجوا ان تكون وجهه نظرى اوضحت بعض الامور للاعضاء
تقبلوا تحياتى
yehia
13-08-10, 08:08 AM
ودا يا باشا هوا يقدر يثبته ازاى


يطلب يتعاين من الحاجات دي من المعمل الجنائى تانى ؟
Mr_mody
13-08-10, 09:15 AM
الاخوة الاعزاء
فى موضوع مسدس الصوت المحول لاطلاق البلى هناك قصور واضح فى التقرير الفنى للمعمل الجنائى وهو المدى اى ما هو التقرير الفنى ومدى المقذوف عند الاطلاق لان فى احوال كثيرة يكون المدى دليل للبراءة ثم ان هناك فى الاسواق مسدسات ضغط هواء غير مدرجه فى جداول الاسلحه ولا تجريم على حملها فبذلك اتى التقرير الفنى بنقص فى ادله الاتهام فلو كان سرعه المقذوف فى مسدس الصوت يعادل مسدس ضغط الهواء فليس هناك اى جريمه وكما اتى التقرير بعم ذكر ان كان السلا ح مخشخن من عدمه فلو ذكر انه غير مخشخن فهذا دليل براءة ففى احيان كثيرة تكون هناك محاباة لضباط الشرطه من قبل المعمل الجنائى ارجوا ان تكون وجهه نظرى اوضحت بعض الامور للاعضاء
تقبلوا تحياتى

كلامك مظبوط! بيلاغوا بعضهم بين بعض و ممكن يكون طمعان في الحاجه ! كلامك مظبوط جدا
adel152
13-08-10, 01:27 PM
الاخوة الاعزاء
فى موضوع مسدس الصوت المحول لاطلاق البلى هناك قصور واضح فى التقرير الفنى للمعمل الجنائى وهو المدى اى ما هو التقرير الفنى ومدى المقذوف عند الاطلاق لان فى احوال كثيرة يكون المدى دليل للبراءة ثم ان هناك فى الاسواق مسدسات ضغط هواء غير مدرجه فى جداول الاسلحه ولا تجريم على حملها فبذلك اتى التقرير الفنى بنقص فى ادله الاتهام فلو كان سرعه المقذوف فى مسدس الصوت يعادل مسدس ضغط الهواء فليس هناك اى جريمه وكما اتى التقرير بعم ذكر ان كان السلا ح مخشخن من عدمه فلو ذكر انه غير مخشخن فهذا دليل براءة ففى احيان كثيرة تكون هناك محاباة لضباط الشرطه من قبل المعمل الجنائى ارجوا ان تكون وجهه نظرى اوضحت بعض الامور للاعضاء
تقبلوا تحياتى

استاذ احمد بعد التحية.
مع احترامى لوجهة نظر حضرتك لكنى أرى كثير من خلط الامور بيت المسدس النارى ومسدس ضغط الهواء والسلاح مشخشن ام لا.
اولا لو السلاح المضبوط مشخشن ومرخص فلا يوجد مشكلة لكن لو بدون ترخيص فهى تهمة حيازة سلاح بدون ترخيص.
المسدس النارى الغير مشخشن لايتم ترخيصة. السلاح الوحيد الغير مشخشن الذى يتم ترخيصه هى البنادق الخرطوش.

السلاح النارى هو السلاح الذى ذخيرته تحتوى على كميةمن البارود التى تولد طاقة لاخراج مقذوف.
السلاح الهوائى يعتمد على تدفق الهواء لاخراج المقذوف.
حتى الان لا يوجد فى مصر قانون للتحكم فى سرعة المقذوف فى الاسلحة الهوائية مثل اوروبا والحصول على ترخيص لأستخدام الاسلحة الهوائية ذات السرعات العالية.
لكن أى سلاح نارى حى (بمعنى خروج مقذوف اى كان نوع المقذوف أو سرعته) فى مصر يحتاج ترخيص.
نحن هنا كأدارة المنتدى نحاول تحذير جميع الاعضاء من حيازة أى سلاح نارى بدون ترخيص خاصة مسدسات الصوت المفتوحة لسهولة الحصول عليها وهذا التحذير حفاظا على الاخوة الاعضاء.
فأرجو من الجميع عدم محاولة الجدل بأن أى سلاح نارى حى غير مرخص يمكن حيازته قانونا.
أى عضو يعتقد ان حيازة مسدس صوت مفتوح أمر قانونى هذا شأنه وهو وحده سيتحمل المسؤلية لكن برجاء عدم محاولة الايحاء لباقى الاعضاء بنفس الفكرة ومحاولة خلط الامور بين السلاح النارى ومسدس ضغط الهواء وأختلاف السرعات للمقذوف وهل السلاح مشخشن ام لا. برجاء مراجعة جدول الاسلحة النارية غير المششخنه.
فى النهاية يجب الاعتراف بشئ واحد فقط ان جميع مسدسات الصوت المفتوحة تدرج تحت مسمى مسدس صوت تم تعديلة لأمكانية أخراج مقذوف وهذه المقولة يحاسب عليها القانون بغض النظر عن سرعة المقذوف.
لو حضرتك راجعت جدول الاسلحة هتلاقى الكلام على مسدسات الصوت المقفولة (وهي التي لا تصلح للقتل ولا للإذاء) لأن المفروض هى اسلحة صوتية او ضوئية.
ارجو ان حضرتك ماتزعلش من كلامى خصوصا ان حضرتك عضو قديم فى المنتدى ومن المفروض انك عارف هذا الكلام أكثر منى.
ربنا يحفظ الجميع.
تحياتى.
ehab.bob
13-08-10, 03:02 PM
الله ينور يا عادل باشا كلام حضرتك وضع النقط على الحروف .. يعنى ادارة المنتدى بتقول ان مسدسات الصوت المفتوحة غير قانونية وبتعرض حاملها للمسائلة القانونية .. وكل واحد حر بعد كدة اللى معاه مسدس مفتوح وبيضرب بلى ولا قدر الله اتمسك معاه يتحمل مسئولية نفسه .. وانا رأييى ان مسدسات الصوت اتعملت مخصوص للاحتفالات والمناسبات السعيدة فقط ومش معملوة علشان تضرب بلى وممكن حد ينصاب لا قدر الله خلينا فى الصوت احسن وربنا يحمينا جميعا ويحمى مصر
adel152
13-08-11, 12:47 AM
الله ينور يا عادل باشا كلام حضرتك وضع النقط على الحروف .. يعنى ادارة المنتدى بتقول ان مسدسات الصوت المفتوحة غير قانونية وبتعرض حاملها للمسائلة القانونية .. وكل واحد حر بعد كدة اللى معاه مسدس مفتوح وبيضرب بلى ولا قدر الله اتمسك معاه يتحمل مسئولية نفسه .. وانا رأييى ان مسدسات الصوت اتعملت مخصوص للاحتفالات والمناسبات السعيدة فقط ومش معملوة علشان تضرب بلى وممكن حد ينصاب لا قدر الله خلينا فى الصوت احسن وربنا يحمينا جميعا ويحمى مصر

+++++++++++++++++++++++++1
Mostafa Elbana
13-08-11, 01:03 PM
الله ينور يا عادل باشا كلام حضرتك وضع النقط على الحروف .. يعنى ادارة المنتدى بتقول ان مسدسات الصوت المفتوحة غير قانونية وبتعرض حاملها للمسائلة القانونية .. وكل واحد حر بعد كدة اللى معاه مسدس مفتوح وبيضرب بلى ولا قدر الله اتمسك معاه يتحمل مسئولية نفسه .. وانا رأييى ان مسدسات الصوت اتعملت مخصوص للاحتفالات والمناسبات السعيدة فقط ومش معملوة علشان تضرب بلى وممكن حد ينصاب لا قدر الله خلينا فى الصوت احسن وربنا يحمينا جميعا ويحمى مصر

أتفق مع حضرتك تماماً
GIS
13-08-16, 04:19 AM
الاخوة الاعزاء
فى موضوع مسدس الصوت المحول لاطلاق البلى هناك قصور واضح فى التقرير الفنى للمعمل الجنائى وهو المدى اى ما هو التقرير الفنى ومدى المقذوف عند الاطلاق لان فى احوال كثيرة يكون المدى دليل للبراءة ثم ان هناك فى الاسواق مسدسات ضغط هواء غير مدرجه فى جداول الاسلحه ولا تجريم على حملها فبذلك اتى التقرير الفنى بنقص فى ادله الاتهام فلو كان سرعه المقذوف فى مسدس الصوت يعادل مسدس ضغط الهواء فليس هناك اى جريمه وكما اتى التقرير بعم ذكر ان كان السلا ح مخشخن من عدمه فلو ذكر انه غير مخشخن فهذا دليل براءة ففى احيان كثيرة تكون هناك محاباة لضباط الشرطه من قبل المعمل الجنائى ارجوا ان تكون وجهه نظرى اوضحت بعض الامور للاعضاء
تقبلوا تحياتى

دا اسمه تحايل على القانون وممكن يصيب او يخيب ( الصح صح ) و المثل بيقول امشى صح يحتار عدوك فيك
ramy100
13-08-18, 05:09 AM
حضرتك التقرير ده المحكمة مش بتاخد بيه اطلاقا مجرد قرائة تضيع وقت .. حتى ميسويش الحبر اللى اتكتب بيه ...
ثانيا : التقرير ده بياخد قسم الادلة الجنائية فى الطب الشرعى اكتر من 3 شهور بعد احالة النيابة العامة للمسدس موضوع الفحص يعنى بيكون المتهم اتحبس 4 ايام وبيتجددله 15 فى 45 فى 45 لحد 150 يوم
ثالثا : ودى الاهم انا بشتغل باحث جنائى فى النيابة العامة واتعرف علينا متهم معاه مسدس برونى جاب مفهوش خزنة والمسدس محروق من الفيبر بتاعه وزى الزفت (اسف فى التعبير ) رئيس النيابة بتاعى نفضه 4 ايام .. مع انى شوفت المسدس ولقيته مقفول بس اهو القانون مش بيدينا الحكم نحكم غير لما نعرضة على الطب الشرعى


واخيرا تقرير الادلة الجنائية بيكتب ان المسدس موضوع الفحص مسدس صوت فقط اجزاءة لا تشكل اجزاء سلاح نارى وليس مششخن (بصمة المسدس ) وغير صالح للاستخدام الطلقات الحية (النارية) بس كلة بيرجع لضمير القاضى لو عاوز يحبسة هيحبسه حتى لو المسدس صوت .. وممكن ياخد براءة ويكتب فى الاسباب .. براءة التهم من التهمة المنسبة اليه حيت ان وان وان ( تقرير الطب الشرعى ) ويكفى اجراءات الضبط والتفتيش والحبس الاحتياطى
ده فى حالة لو مستخدموش فى ارهاب الناس .... انما لو استخدمه فى ارهاب الاشخاص دى قضية لوحديها او فى مناطق سكنيه وحد بلغ .. بيتحبس وش حتى لو جابوا 100 محامى
GIS
13-08-18, 05:10 PM
حضرتك التقرير ده المحكمة مش بتاخد بيه اطلاقا مجرد قرائة تضيع وقت .. حتى ميسويش الحبر اللى اتكتب بيه ...
ثانيا : التقرير ده بياخد قسم الادلة الجنائية فى الطب الشرعى اكتر من 3 شهور بعد احالة النيابة العامة للمسدس موضوع الفحص يعنى بيكون المتهم اتحبس 4 ايام وبيتجددله 15 فى 45 فى 45 لحد 150 يوم
ثالثا : ودى الاهم انا بشتغل باحث جنائى فى النيابة العامة واتعرف علينا متهم معاه مسدس برونى جاب مفهوش خزنة والمسدس محروق من الفيبر بتاعه وزى الزفت (اسف فى التعبير ) رئيس النيابة بتاعى نفضه 4 ايام .. مع انى شوفت المسدس ولقيته مقفول بس اهو القانون مش بيدينا الحكم نحكم غير لما نعرضة على الطب الشرعى


واخيرا تقرير الادلة الجنائية بيكتب ان المسدس موضوع الفحص مسدس صوت فقط اجزاءة لا تشكل اجزاء سلاح نارى وليس مششخن (بصمة المسدس ) وغير صالح للاستخدام الطلقات الحية (النارية) بس كلة بيرجع لضمير القاضى لو عاوز يحبسة هيحبسه حتى لو المسدس صوت .. وممكن ياخد براءة ويكتب فى الاسباب .. براءة التهم من التهمة المنسبة اليه حيت ان وان وان ( تقرير الطب الشرعى ) ويكفى اجراءات الضبط والتفتيش والحبس الاحتياطى
ده فى حالة لو مستخدموش فى ارهاب الناس .... انما لو استخدمه فى ارهاب الاشخاص دى قضية لوحديها او فى مناطق سكنيه وحد بلغ .. بيتحبس وش حتى لو جابوا 100 محامى
واضح من كلام حضرتك ان الموضوع عادى وان المسدسات المفتوحة وبتضرب بلى عادى والطلق البلى عادى ( الحياة عندك جملية ) واضح ان احنا مكبرين الموضوع شوية
madaaad1977
13-08-20, 03:31 PM
بصراحة ربنا يسامح اصحاب الاختراعات دى اللى بيستخدمة بأذى نفسة اكتر ما بأذى غيرة او يدافع عن نفسة :/
Egyptian_Destroyer
13-08-20, 05:29 PM
ودا يا باشا هوا يقدر يثبته ازاى


يطلب يتعاين من الحاجات دي من المعمل الجنائى تانى ؟
+++++++++++++++++++++++1
؟؟

لان دي فعلا تكون مشكله لو واحد ممسوك بمسدس صوت مقفول و اتسجل سلاح ناري
GIS
13-08-24, 04:29 PM
+++++++++++++++++++++++1
؟؟

لان دي فعلا تكون مشكله لو واحد ممسوك بمسدس صوت مقفول و اتسجل سلاح ناري

مشكور على الرد
GIS
13-09-14, 04:47 PM
للرفع و التذكير
zezo bose
13-09-15, 10:51 AM
براءة فورا وممكن تطعن على تقرير المعمل الجنائى وتخش معاهم فى قصة وتتعبهم معاك وكمية البارود ومدى الاصابة باستخدام الطلقة دى وهل الجسم الصلب المقذوف يعنى ده نوع معدنه ايه عشان يحدث اصابة وقدرة تحمل اجزاء المسدس الانتامونيا لضرب النار بعد تعديلة وهل به طلقات غير المخصصة للصوت يعنى من النحاس المستخدم فى الاسلحة النارية ياباشا اى محامى بيقرا شوية فى الكتاب هيخلص القضية ولكن انا معاك تماما حمله لازم يكون بحزر وياريت اللى يشيله يحط طلقات صوت ويخبى البلى دى لوقت الضرورة او الدفاع عن النفس يعنى خزنة بلى وخزنة صوت او لو ساقية يركب الصوت ويخبى البلى لوقته وطبعا ظروف البلد قد تحكم ان انسان محترم يشيل الحاجات دى لانها اقل وسيلة دفاع عن النفس حاليا وفيه حاجة اسمها روح القانون ومبررات حمل السلاح وحسن النية والقصد الجنائى وغيرو وغيرو وربنا يسترها وطبعا الصح صح والغلط غلط وشكرا