حمام كبييير

[Angel of Death]

السلام عليكم,
دلوقتي أنا ساكن في حدايق الأهرام و الحمد لله بقيت أطلع اصطاد أخيرا بعد طول غياب... أنا عندي من كل حاجة هنا.. اللي شدني هو الحمام.. الحمام هنا حجمه ضخخخخخخخخخخخم... يعني الواحده حوالي 400-500 جرام.. أما قولت خلاص هليني أصطاد واحده.. و فعلا اصطدت واحده بس للاسف طلعت مش بتستوي... فضلت أسلق فيها ساعتين و نص و مش راضية تستوي و طلعت ناشفة زي الحجر تقريبا و جافة جدا من جوه.... هل السبب عشان كانت كبيره و لا إيه بالظبط...

[ابومسلم2005]

اكيد ده من كبر الحمام في السن وليس فى الحجم يعنى كل ما الحمامة تكبر فى السن كل ما تغيب فى السوى وده نفس الشيء اللى بيحصل معايا فى اليمام عشان وانا اصطاد بنقى الكبير فبلاقيها بتغيب فى السوى لحد 2.5ساعة

[moorey]

زي ما الاخ قلك ده بسبب الكبر في السن و ليس الحجم بس 500 جرام كبيره اوي

[وليد سالم]

وعشان تعرف تسلق الحمام بسهولة وبسرعة شوية ضيف ملعقة سكر وبودرة بكنج باودر من بتاعة الحلويات الي حلة السلق بتاعة الحمام وبعون الله هتستوي بسرعة شوية وبلاش تضيف ملح لمية السلق عشان لحمة ماينشفش منك قبل ما يستوي وبالهنا والشفا