رحلة النهاردة

[ahmed2101]

طلعت النهاردة الساعة 7 الى الساعة 10وكانت الحصيلة يمامتين :D لكن الحمد لله دة رزق ودى بعض الصور بس قبل الصور كان عندى سؤالين

السؤال الأول :انا بصطاد فى وسط أراضى زراعية وأشجار يعنى مفيش أى بيوت خالص فى المنطقة اللى انا بصطاد فيها وعمرى ماشوفت حمام من بتاع الناس فى المكان دة بلاقى بس الحمام اللى هو الجبل لاكن مش بيوقف على طول طاير فالسماء النهاردة بقى لاقيت حمام ماشية لوحدها وبتاكل على الأرض بس لونها كان بنى فى أبيض هل دى تبقى بتاعة حد ولا برى ولا اية


السؤال التانى: انا شوفت طائر غريب اول مرة أشوفه وياريت لو حد يعرف اية هو الطائر دة وهل بيتاكل ولا اية هو طائر فى حجم الغراب كدة وممكن أتخن شوية :D دماغة سوداء ومالوش منقار كبير منقارة عادى ولون ريشة بنى وبطنة بيضاء وتقيل كدة فى نفسة يعنى لما كنت بقرب منة مكانش بيطير على طول لا كان بيقعد ينط من عرف لعرف وبيطلع صوت كدة (كك كك ) فايريت لو يعرف اية الطائر دة

ودى الصور بقى :D

http://www7.0zz0.com/2010/12/08/12/130598704.jpg (http://www.0zz0.com)

http://www9.0zz0.com/2010/12/08/12/784034681.jpg (http://www.0zz0.com)

http://www13.0zz0.com/2010/12/08/12/861647266.jpg (http://www.0zz0.com)

http://www9.0zz0.com/2010/12/08/12/328725798.jpg (http://www.0zz0.com)

http://www5.0zz0.com/2010/12/08/12/927554925.jpg (http://www.0zz0.com)


أنا أسف لردائة التصوير

[rock]

السلام عليكم .... الله ينور يااستاذنا .... تحياتى .


http://img121.imageshack.us/img121/3636/1261934543.gif

[hoka]

صيد جميل يا استاذ احمد ومش مشكله العدد المهم لاستمتاع بالبندقيه وبالطبيعه وربنا يرزقك وتستمتع بالصحبه الحلوه
اسئلتك حلوه زيك واحب اجاوب وياريت اجابتى تبقى صح
الحمام ده برى لانى ما شوفتش اى حمام بيتى لونه كده
ودايما البرى لونه اما ابيض فى كحلى وبتبقى خطوط
او كحلى داكن اوى
والنوع اللى شوفته ده بردو برى واحنا لسه ضاربين واحده مشابهه الجمعه اللى فاتت
وهو مش بيخاف بتاتا بس طبعا بحدود
سؤالك التانى
هو طائر بتلاقيه دايما فى المناطق الزراعيه وبيزعجك اوى فى الصيد لانه بيصدر صوت لفتره طويله فبينبه الطيور
واحسنلك انك تضربه وتوقعه
اما عن اسمه فانا لا افتى لانى مش فاكر اسمه بالظبط
وانتظر رد الخبراء
لكن فى النهايه رحله سعيده وصيد موفق دائما ان شاء الله

[ahmed2101]

ألف شكر لرد حضرتك يا أستاذ روك

[ahmed2101]

ألف شكر اذوق حضرتك يا ستاذ حوكا والف شكر على ردك على أسئلتى لاكن فى حاجة الطائر اللى انا بكلم حضرتك علية دة مش مزعج خالص بالعكس هادى جدا انا فعلا اللى بيزعجنى وبيقرفنى فى عيشة أهلى وبيهيج الدنياالغربان موجودين بطريقة فظيعة ويادوب يشفونى بيعملولى زفة والله ويطيروا كل اليمام من على الشجر

[الجزار]

عزيزي الطائر ده اسمه قطقاط وشكله جميل و طعمه اجمل

[ابو مروان]

السلام عليكم ورحمة اللة
يا استاذ احمد الحمامة اللى حضرتك شوفتها اكيد حمام بلدى بتاع ناس موش برى(جبلى)لان الحمام البرى معظمة لونة رصاصى فى كحلى والدليل على كدة انها ما كانتش خايفة لان الحمام البيتى او البلدى بيكون متعود على الناس وان لا افضل صيد الحمام البلدى لانة مملوك لناس _الحمام دلوقتى موجود فى الغيطان لان معظمها مبدور غلة وبيطير فى اسراب ممكن تصتادة بالخرطوش او حضرتك تلبد جنب غيط غلة وحوالية ترعة او قيد للمياة _بس الكلام دة بيكون لمدة صغيرة حوالى اسبوع بالكتير لان اول لما زرعة الغل_القمح_ بتبقى شبر كدة الحمام ما بينزلهاش لانة ما بيكونش شايف حوالية_موش عايز افتى بخصوص الطير التانى_يس واللة اعلم انة الزرزور زى ما بنسمية فى الشرقية

[ahmed2101]

ألف شكر ليك يا أستاذ جزار على رد حضرتك

[ahmed2101]

ألف شكر ليك أستاذ أبو مروان وعلى فكرة انا بردو من الشرقية من منيا القمح بس الطائر اللى بقول علية دة مش هو الزرزور انا دخلت على جوجل وعملت بحث لاقيت جايبلى حاجة غير اللى انا شوفتها وأصغر كمان اللى انا شوفتة دة ممكن فى حجم الغراب أو أكبر كمان أكبر بكتير من الغراب

[محمد رضا العبد]

رحلة صيد جميله وصياد اجمل

[ahmed2101]

ربنا يخليك يا أستاذ محمد وشكرا لمرورك الجميل

[أسامه خطاب]

مبروك على صيد اليمامتين وبالهنا والشفا
بالنسبة للحمامه اللى سألت عليها
اولا الحمام البري لا يتم تحديد مواصفاته باللون
الحمام البري له مواصفات معروفه واللون لا يؤثر ممكن يكون ابيض او احمر او ازرق او اسود او مخطط او خليط بين لونين
لكن المواصفات المهمه فيه هي كالتالي
حجم الحمامة متوسط اصغر من الحمام البلدي قليلا
ذيل الحمام البري قصير بعض الشئ
أرجل الحمام البري عارية تماما من الريش ولونها احمر
الراس صغيرة ومستديرة والمنقار لونه اسود ورفيع
أما بالنسبة للطائر الغريب الذي رأيته فهل هو مثل هذه الصور
http://www.5starsphoto.com/gallery/files/223-5stars.jpg
http://www.omanibfs.com/uploaded4/2840_11284395519.jpg

فهذا الطائر اسمه القطقاط السكندري أو الزقزاق ، والله أعلم

[msa_79]

السلام عليك أخي العزيز أحمد:
الحمام البري في معظمه بيكون لونه رمادي وله خطين كحلي علي جناحية أويكون لونه كحلي وأحيانا يوجد حمام بألوان أخري مع الحمام البري(ولكن يكون نادرا جداا) لذلك لا تضربه الا ان يكون في مكان عششه(فوق خزان او مأذنة جامع أو يافطه) حتي تكون متأكد من انه بري وليس بلدي (ودع ما يريبك الي ما لا يريبك)
الطائر اللي حضرتك بتتكلم عنه هو لو مكنش اللي في السورة اللي عرضها أخونا أسامة هو ممكن يكون حجل أو ديك رومي بري وأبحث عنهم علي جوجل وشوف صورهم وقارن بينها وبين الطائر الذي رأيته

[eng.essam]

مشاء الله صيد موفق وبالهنا والشفا