محلات سمير للأسلحة - ومسمى الشركة " الهندسة للأسلحة "
معروضات الشركة أغلبها من أسلحة الصيد الأسبانية gamo وقليل جدا من الألماني diana.
أيضا يتوفر بالمحلات مسدسات الصوت ال 9mm و ال 8mm وال 6mm
كذلك قليل من معدات الصيد المائي و خيوط السنارات ., ولا يتوفر الطعم بالمحل

أيضا يوجد بالمحل سكاكين الصيد والولاعات المفيدة للصيادين لزوم التخييم

بالنسبة للأسعار في المحل فهي مرتفعة نسبة إلى المحلات الموجودة في العتبة .
ويعزى هذا الإرتفاع النسبي لوقوع المحل في حي راقي

العنوان و التليفون موجود في دليل محلات الصيد http://www.egypthunt.net/showthread.php?t=404

و إليكم الصور::

[CENTER]صورة المحل من الخارج



http://img387.imageshack.us/img387/184/dsc01203je1.jpg



صورة الواجهة . طبعا عشان الجو شمس كانوا منزلين المظلة عشان البنادق ما تأذيهاش الشمس



http://img387.imageshack.us/img387/5269/dsc01204lp7.jpg



جزء من البنادق المعروضة و سكاكين الbuck knifes



http://img167.imageshack.us/img167/2879/dsc01201mc4.jpg



جزء من المسدسات المعروضة " مسدسات صوت طبعا "



http://img444.imageshack.us/img444/3766/dsc01198er8.jpg



البنادق المعروضة على الواجهة



http://img387.imageshack.us/img387/5815/dsc01199fk6.jpg



جرابات و أغطية للمسدسات و البنادق


http://img167.imageshack.us/img167/6301/dsc01200yb8.jpg




صورة كمان أخيرة


http://img387.imageshack.us/img387/7931/dsc01201uk3.jpg








و كده يبقى الموضوع خلص .. و إعذروني على رداءة الصور .




ملحوظات:-

* سيتم وضع صور المحلات الجديدة في مواضيع جديدة كل حسب إسم المحل لذلك يجب عليك كل فترة مراجعة الموضوع و مقارنةالمواضيع بالسابقة لمعرفة جديد المحلات
حيث لن يتم إتباع ترتيب معين في وضع المحلات

* وجب التنويه على عدم ذكر المفاضلة بين المحلات . و وجود ترتيبها في المواضيع هو بمحض الصدفة وليس بالمفاضلة بينها.

* يخلي الموقع مسئوليته من أي تعامل مع المحلات.ولم يتلق الموقع أي مقابل مادي من وضع الإعلان هنا..

* الموضوع إجتهاد شخصي وإهداء لمنتدى الصيد المصري فعلى من ينقل هذا الموضوع إلى منتديات أخرى أن يذكر إسم المصدر و هو "www.egypthunt.net" ومن لم يذكر فحسبنا الله ونعم الوكيل ..


وأنا فاكر اليوم ده أنا إتسحلت سحلة بنت ستين في سبعين.قعدت ألف بالعربية ساعة ونص في قيظ الشمس الساعة 2 الظهر بعد ما خلصت كلية في ميادين روكسي كأني بألف في طاحونة . لأن الغريب أعمى ولو كان بصير. وكمان مافيش ركنة للعربيات في روكسي . الي حيروح هناك يا جماعة يروح بالمواصلات أو تاكسي. المهم لقيت ركنة صف تاني بالعافية ونزلت أتمشى على رجلي لحد ما وصلت للمحل. وهو الوصول ليه سهل جدا جدا
. بس بدون عربية عشان مش حتلاقي ركنة
بعد أما صورت المحل و كله تمام رجعت لقيت العربية متكلبشة ولبست 25جنية غرامة وقوف صف تاني.. طب ماهو مافيش مكان أركن أعمل إيه :: " أطبق العربية و أحطها في جيبي.
" بس كله يهون عشان خاطر منتدى الصيد المصري
دا غير أن الراجل الي واقف في المحل إفتكرني من الي بيبيعوا حاجات في الأول .بس الحمد لله فهمته إحنا مين و بنعمل إيه
و ربنا يستر في باقي المحلات

فعلا مجهود جبار جدا جدا وربنا يات بباشا يوفقق

شكرا جزيلا على هذا المجهود الرائع و ربنا يعوض عليك فى ال25 جنيه :) :) و تعيش و تاخد غيرها

شكرا يا باشا

ولبست 25جنية غرامة


ولا يهمك تعيش وتاخد غيرها

سبحان الله وبحمده

لو تكرمتو عايز اعرف سعر بندقية نمرة 3وبسرعة والنبى

لو تكرمتو عايز اعرف سعر بندقية نمرة 3وبسرعة والنبى

كل الي يعرف سعرها يرد عليا بسرعة وشكرا alaamaayouf@yahoo.com

موضوع اكثر من رائع ونتمنى المزيد

الأخ علاء معيوف ...

بإمكانك الرجوع إلى دليل محلات بيع الأسلحة و عناوينها . والإتصال بها .. و السؤال عن ما تشاء . و هو الخبر اليقين من المصدر


و بلغنا بإنجازاتك

الأخ علاء معيوف ..

حدد الماركة والموديل و بعدين إسأل هل متوفر منه المقاس 3 ولا لأ

علي فكره في مشكله كبيره جدا هتواجهك لو اشتريت البندقيه الطلق بتاعها نادر جدا جدا ولو لقيته هتلاقي سعره مرتفع جدا

يا ريت تسأل الأول في المحلات .. هل متوفرة ولا لأ ... والطلق بتاعها ...

موضوع ممتاز جدااااا .... أستمر فيه ، و لكن خد بالك من العربية المرة اللي جاية.

Michel Azer
11111 Cairo
Tel.: 2-5902625

Mohamed M. Fathallah

Alexandria
www.fathallaharms.com.eg

المصدر موقع ديانا http://www.diana-airguns.de/index.php?id=46&L=1&width=1024&height=768

بجد مجهود جبار وربنا يكرمك .....بس انا كنت عايز اعرف بعض اسعار للبندقيات في المحل ده زي الجوما نمرة 2 وورمسيس نمره 1 وكمان قطع غيار زي الظرف لرمسيس

ممكن تتصل بيه وتسأل كل ما يخطر على بالك

تليفونه و عنوانه من هنا
http://www.egypthunt.net/showthread.php?t=404

ياجماعة انا شايف ان حكاية تصوير المحلاد دي بجد مهمه صعبه

لان صاحب المحل ممكن يفتكرك ضرايب او من المفتشين او او او أو إلخ

ياعني الواحد ممكن يحط نفسه في موقف محرج من الاخر الا اذا صور المحل من غير ما صاحب المحل ياخد باله ..

مع انه لو عرف ان ده اصلا اعلانات ليه على النت ممكن يدي الواحد فلوس وينشر المحل بتاعه بكامل البضاعه واسعارها كمان :)

هل هو سمير ذكى عوض ( ميدان كامى الشرابية ) لو كان هو فوالده رحمه الله كان شيخ شيوخ مصر فى إصلاح السلاح ، مش بس والده وأخوته كلهم .
عميد دكتور / برهامى أبو بكر عزمى
معهد تدريب الشرطة
الدوحة

مجهود رائع يا باشا
نمتظرين المزيد

السيد العميد الدكتور / برهامي
سمير ذكي هوة ابن من ابناء عائلة ذكي عوض ( كرم وتوت وعادل وهم من اشهر من ( الطفشجية في مصر ) وهما فعلا في الشرابية ميدان او شارع كامي بس المشكلة عندهم اسعار التصليح عالية جدا جدا لان مافيش منافسة

ممكن نعرف عنوان الهندسية فين بالضبط؟

عندي بندقية بي.اس مستعملة و عايز ابيعها .....السعر المناسب ليها كام تقريبا.....و اكيد انت عارف ان سعرها جديده معدي ال 5000 جنيه.....و شكرا

عندي بندقية بي.اس مستعملة و عايز ابيعها .....السعر المناسب ليها كام تقريبا.....و اكيد انت عارف ان سعرها جديده معدي ال 5000 جنيه.....و شكرا

الأخ العزيز Songo
ياريت تكتب بيانات أكتر يعنى BSA اى موديل ونمرة كام 1 ولا 2 وحالة البندقية ويكون أحسن لو فى بعض الصور.
أعتقد أن المنتدى ح يكون أحسن مكان لبيع بندقيتك بأعلى سعر لأن الأساتذة الكبار الموجودين فى هذا المنتدى زى الأستاذ جلال والأستاذ صلاح ولأستاذ محمد أنور واخرين كثيرين فى هذا المنتدى ناس محترمة جدا وأكيد ح يقيموا البندقية بأحسن سعر للبايع والمشترى.
بالتوفيق ان شاء الله.

مافيش bsa ب 5000 جنية لان رغم عراقة البندقية ودقة الصناعة فانها ليست من البنادق القوية مثل الديانا او الفايروخ
ولكن القديم لو قيمة في الصناعة .
وعلي الرغم من جمالها فان البندقية الويبلي مثلا اغلي منها المطلوب من سيادتك تعريف البندقية موديلها صورة لها علشان نقدر بقول لك تساوي كام.

الأخ الفاضل :
لو تراهم فسلامى لهم جميعا . هم فعلا غاليين بس شاطرين وأنا اتعلمت منهم أصلح السلاح الخاص بى حتى إنى قمت بصباغته بصبغة الصودا الكاوية ( اتعلمت منهم ) .
عميد د/ برهامى أبو بكر عزمى

البندقية نمره 2 الserial number اللي مكتوب عليها هو :GL43971
دي تبقي mk5 سنه 1997 ؟ ولا mk2 سنه 1971 ؟
الصوره هنا:
http://www.facebook.com/album.php?aid=386604&id=714060297&saved#/photo.php?pid=11203841&id=714060297

البندقية نمره 2 الserial number اللي مكتوب عليها هو :GL43971
دي تبقي mk5 سنه 1997 ؟ ولا mk2 سنه 1971 ؟
الصوره هنا:
http://www.facebook.com/album.php?aid=386604&id=714060297&saved#/photo.php?pid=11203841&id=714060297

الأخ Songo
صفحة الفيسبوك غير موجودة
The page you requested cannot be displayed at the moment.

ربنا يخليك للمنتدى

مجهود اكثر من رائع وجزاك الله عنا كل خير

بجد موضوع اكثر من رائع ومجهود فعلا جبار انت انسان محترم وفعلا ربنا حيجزيك خير عنا؟

جزاك الله خيراً

ممكن اسعار البنادق كام المصرى والصينى والانواع التانيه
وده ايميلى amr_eno_92@hotmail.com

مجهود رائع
وجزاك الله كل خير

يا باشا لو الحرية على يمينى و البازليك على شمالى أكنى رايح على نادى هليوبليس يبقى فين المحل؟؟ مشكور

خلاص لقيتة... عند سينما هليوبوليس.. أسعارة غالية قوى..