طلعة اليوم ( سيارة الموت )

[القبطان المصرى 77]

بسم الله الرحمن الرحيم
اخوانى واحبابى الصيادين المحترمين
تحياتى العطره اليكم
النهارده كان عندى اجازه فى الشغل مفجأه كده
وبينى وبينكو انا من النوع اللى مش بيحب قاعدة البيت
وبدون سابق انظار ولا ترتيب قمت ساحب سلاحى المرعب اللى مجنن نص صيادين مصر
وطبعا انتو عرفتو انا باتكلم عن ايه
كايداهم طبعا
هههههههههههههههههههه
http://www14.0zz0.com/2013/04/12/16/880595104.jpg (http://www.0zz0.com)
ومع الاسف الملقاف بتاعى كان اتكسر من فتره ولسه مجبتش تانى
اضطريت اشترى ماسورتين ستاره طول الواحده 4 متر وعملتهم ملقاف مؤقتا
واخدت معايا كام علبة رش ديابلو على مارسمان
http://www14.0zz0.com/2013/04/12/16/175766330.jpg (http://www.0zz0.com)
وركبت عربيه مكروباص بتروح مدينة النوباريه
وطلعت على الكيلو 65 صحراوى
واللى حصل بقى شىء لايصدق
موقف من اعجب المواقف حصل معانا النهارده
الحكايه بالتفصيل
وانا راكب المكروباص فى نص السكه بعد العامريه بشويه
اتفجأت انا والركاب اللى معايا بعربيه نقل مرسيدس من اللى هى طويله اوى دى اللى بتشيل كونتر البضاعه المستورده
وجايه كابسه ورانا بمنتهى السرعه
السواق اللى معانا اخد بالو وقام دايس بنزين شويه قبل النقل مايخبط فينا
وبالفعل بعدنا عنو شويه لكن هو لسه جاى ورانا بسرعه
والسواق بتاعنا مش عارف يفلت شمال او يمين لان الحاره اللى على يمينو مقفوله
وعلى شمالو حاجز خرسانى بارتفاع 80 سنتى وبعده شجر الزيتون اللى بيفصل بين الطريق الرايح والجاى
المهم لقيت السواق بتاعنا قال الله يخربيتو الراجل ده شكلو نايم
احنا بصينا ورانا للعربيه النقل وبالفعل لقينا السواق بتاعها عينو مغمضه ومش مفتح خالص
هو ماسك الدركسيون وسايق لكن مغمض
والسواق بتاعنا قعد يزمر يزمر عشان ده يفوق ويصحى
انسسسسسسسسسسسى ده فى سابع نومه ودايس بنزين
ولولا ستر ربنا والحاره بتاعتنا كانت سالكه ومفهاش زحمه قدامنا كان اكيد هايفعصنا
وكان فيه بنات راكبه معانا وحريم قعدو يصوتو والمنظر بقى مخيف جدا
وطلعت دماغى من الشباك انا وكذا راكب وقعدنا ننادى علي السواق يمكن يسمعنا ويصحى وبرده مفيش فايده
وفى الاخر واحد من عربيتنا قام خالع فردة ( جزمه )من رجليه
وطلع دماغه من الشباك وقام ضاربها فى البربيز (الزجاج ) بتاع العربيه النقل قدام وش السواق
وبالفعل جابت نتيجه
الراجل اتخض زى مايكن كبيت على وشه جردل ميه والدركسيون اتهز فى ايده ومسك فرامل فجأه
والعربيه بقت تروح شمال ويمين ومش عارف يسيطر عليها
وفى الاخر قام داخل فى الحاجز الخرسانى اللى جنب الزراعه( ارتفاع حوالى 80 سنتى ) وركب فوقه بالطول وفضل يزحف عليه حوالى 15 متر على ماوقف
والحكايه دى بالظبط خدت حوالى دقيقتين لكنها عدت علينا كأنها شهرين
والحمد لله مفيش حد اتصاب لا مننا ولا سواق النقل
لكن العربيه النقل اتبهدلت من تحت لانها لما ركبت فوق الحاجز العالى كانت بتزحف على الماتور والشاسيه بالطول لأن الكاوتش طبعا كان متعلق فى الهوا من الناحيتين
وبعد الموقف المرعب ده ماخلص واحنا مشينا وسواق النقل اتصل بالونش عشان يجى ينزل العربيه من فوق الحاجز
وصلت المكان اللى
هاصطاد فيه
ونزلت على ترعه كبيره هناك
ومن قبل الظهر بشويه لغاية الساعه 1 او 2 تقريبا قعدت اصطاد سمك بالبندقيه
وربنا كرمنى الحمد لله بحوالى 5 كيلو بلطى
28 سمكه
والاحجام كويسه جدا
منهم 9 سمكات فى نفس طول ازازة الحاجه الساقعه البلاستك
وان شاء الله فى اقرب فرصه هاعمل فيديو لصيد السمك بالبندقيه بناء على طلب بعض الاخوه الكرام
اسيبكو بقى مع الصور
http://www14.0zz0.com/2013/04/12/16/282988507.jpg (http://www.0zz0.com)
http://www14.0zz0.com/2013/04/12/16/397847021.jpg (http://www.0zz0.com)
http://www14.0zz0.com/2013/04/12/16/861034643.jpg (http://www.0zz0.com)
http://www14.0zz0.com/2013/04/12/16/563554943.jpg (http://www.0zz0.com)
http://www14.0zz0.com/2013/04/12/16/534665881.jpg (http://www.0zz0.com)
http://www14.0zz0.com/2013/04/12/16/776613212.jpg (http://www.0zz0.com)
http://www14.0zz0.com/2013/04/12/16/288682429.jpg (http://www.0zz0.com)
http://www14.0zz0.com/2013/04/12/16/563554943.jpg (http://www.0zz0.com)
والسلام عليكم ورحمة الله

[diiie_hard]

بسم الله ما شاء الله
صياد دايما يفتح النفس :)
بالف هنا وشفا يا كبيييييييييير

كنت اديت لسواق النقل رشايه في دماغة فوقته هههههههههه

[loverlover]

بسم الله ماشاء الله
تسلم ايدك بجد
طول عمرك مشرفنا ومسيطنا ورافع راسنا ياكبير
الله ينور
خالص تحيااااااااااااااااتي

[وليد سعد زغلول]

الحمد لله إنها جاءت سليمة وربنا يسترها ويحفظك من كل سوء
وبسم الله ما شاء الله على السمك الله ينور عليك وبألف هنا وشفا

:lov::lov::lov::lov::lov:

[ĴΘĶЄЯ]

الف حمد لله علي سلامتك يا كبير
ودايما ممتعنا بطلعاتك الجميلة
معلش بعد ازن حضرتك انا عندي استفسار صغير
القماش بتاع حضرتك الي موهت بيه الكرال
حضرتك جايبه منين مع العلم اني من اسكندريه
ياريت تقولي العنوان بالتفصيل علشان عايز اجيب منه
تحياتي يا باشا

[aymank2]

حمدا لله على سلامتك ياقبطان الراجل الى ضجى بجزمته وصحى السواق اتصرف بجدعنا وذكاء والحمد لله انها جت سليمه وطلعه سمك مميزه منك ربنا يباركلك الف هنا وشفا.

[القبطان المصرى 77]

بسم الله ما شاء الله
صياد دايما يفتح النفس :)
بالف هنا وشفا يا كبيييييييييير

كنت اديت لسواق النقل رشايه في دماغة فوقته هههههههههه

ههههههههههههههههههههه
والله الموقف كان صعب ساعتها والواحد ملحقش يفكر
ويمكن لو كنت عملت زى مانت بتقول كانت جابت نتيجه عكسيه والسواق دخل فى عربيات تانيه وناس ماتت

[القبطان المصرى 77]

بسم الله ماشاء الله
تسلم ايدك بجد
طول عمرك مشرفنا ومسيطنا ورافع راسنا ياكبير
الله ينور
خالص تحيااااااااااااااااتي

ربنا يكرمك يارافع من معنوياتى انت ياباشا
تسلم حبيب قلبى

[القبطان المصرى 77]

الحمد لله إنها جاءت سليمة وربنا يسترها ويحفظك من كل سوء
وبسم الله ما شاء الله على السمك الله ينور عليك وبألف هنا وشفا

:lov::lov::lov::lov::lov:

اللهم امين يارب
استاذ وليد المحترم
جزاك الله كل الخير على دعواتك

[القبطان المصرى 77]

الف حمد لله علي سلامتك يا كبير
ودايما ممتعنا بطلعاتك الجميلة
معلش بعد ازن حضرتك انا عندي استفسار صغير
القماش بتاع حضرتك الي موهت بيه الكرال
حضرتك جايبه منين مع العلم اني من اسكندريه
ياريت تقولي العنوان بالتفصيل علشان عايز اجيب منه
تحياتي يا باشا

الله يسلمك ياجوكر
بص هو المحل فى شارع فرنسا المنشيه
اسأل على محلات قماش التند واغطية العربيات هناك الف مين يدلك عليها فى اول شارع فرنسا
وانا فى الخدمه يا افندم

[القبطان المصرى 77]

حمدا لله على سلامتك ياقبطان الراجل الى ضجى بجزمته وصحى السواق اتصرف بجدعنا وذكاء والحمد لله انها جت سليمه وطلعه سمك مميزه منك ربنا يباركلك الف هنا وشفا.

الجميل اوى ايمن بيه نورت الموضوع والله
وبينى وبينك انا طول عمرى اسمع ان فيه سواقين بينامو وهما سايقين ومكنتش باصدق
لكن ادينى شفت بعينى اهو وصدقت
هههههههههههههههههه

[ĴΘĶЄЯ]

الله يسلمك ياجوكر
بص هو المحل فى شارع فرنسا المنشيه
اسأل على محلات قماش التند واغطية العربيات هناك الف مين يدلك عليها فى اول شارع فرنسا
وانا فى الخدمه يا افندم

ربنا يبارك فيك يا برنس
تحياتي

[MBadr]

الف حمد لله على سلامتك يا هانى باشا الحمد لله ربنا ستر والراجل ضحى بفرده الجزمه علشان ينقذ المكروباص طلعه موفقه وما شاء الله السمك يفتح النفس بالف هنا واحلى تقييم

[ahmed_dinamo]

حمدالله على سلامتك وماشاء الله رحله كانت محمله بالاسماك

[القبطان المصرى 77]

ربنا يبارك فيك يا برنس
تحياتي

انا تحت امرك ياكبير
انت هاتلاقى هناك محلات كتير وفيها جميع الالوان
شوف انت اللون اللى يناسبك وهاتو
والمتر كان فيه بــ10 وفيه بــــ 15 على حسب الخامه

[القبطان المصرى 77]

الف حمد لله على سلامتك يا هانى باشا الحمد لله ربنا ستر والراجل ضحى بفرده الجزمه علشان ينقذ المكروباص طلعه موفقه وما شاء الله السمك يفتح النفس بالف هنا واحلى تقييم
محمد باشا الجميل اللى مش بيفوتلى موضوع
تحياتى ليك ياكبير ولكلماتك الجميله
والحمد لله على كل حال
وكلو يهون طالما بعيد عن الارواح واذية الناس

[القبطان المصرى 77]

حمدالله على سلامتك وماشاء الله رحله كانت محمله بالاسماك

الله يسلمك يا استاذ احمد
ومشكور جدا على مرورك الجميل ده

[ابو مروان]

حمد الله على السلامة ..............وكويس ان كان فيك اعصاب تكمل اليوم وتصتاد.............منتظرين فيديو صيد السمك عشان نتعلم ................ربنا يسترها

[Mohamed Mahmoud]

الف ملووووووووووووووووووووووووووون حمدلله على السلامة عليك يا هانى بك

[يسرى]

بسم الله ماشاء الله وبالهنا والشفا عايز بعد اذنك اطلع معاك واتعلم منك وتحياتى

[القبطان المصرى 77]

حمد الله على السلامة ..............وكويس ان كان فيك اعصاب تكمل اليوم وتصتاد.............منتظرين فيديو صيد السمك عشان نتعلم ................ربنا يسترها

الله يسلمك يابو مروان ياعسل
وان شاء الله فى اقرب فرصه هاعمل فيديو

[القبطان المصرى 77]

الف ملووووووووووووووووووووووووووون حمدلله على السلامة عليك يا هانى بك

الله يسلمك ياكبير والله
تحياتى العطره

[القبطان المصرى 77]

بسم الله ماشاء الله وبالهنا والشفا عايز بعد اذنك اطلع معاك واتعلم منك وتحياتى

تسلم يا افندم على مرورك
وان شاء الله لما ربنا يصلح احوال البلد نرتب طلعه مع حبايبنا كلهم

[M.SHADY]

بسم الله ماشاء الله . الله اكبر عليك يا قبطان و الله
ربنا يوسع عليك من رزقه كمان و كمان و يحفظك من كل سوء

[مصطفى ابواسماعيل]

حمدآ لله على سلامتك وحفظك الله من كل سوء واذى _وماشاء الله عليك يا قبطان الله يفتح عليك

[Hamo.Alex]

ههههههههههههههههههههههه يالهوي ربنا ستر الحمد لله :) وبسم الله ما شاء الله علي السمك بس في ملحوظة صغيرة فين فردة الجزمة اللي الراجل حدف المقطورة بيها !! هههههههههه الراجل روح حافي :)

[القبطان المصرى 77]

بسم الله ماشاء الله . الله اكبر عليك يا قبطان و الله
ربنا يوسع عليك من رزقه كمان و كمان و يحفظك من كل سوء

ربنا يخليك يا استاذ محمد يارافع من معنوياتى دايما
مسائك ورد بقى

[القبطان المصرى 77]

حمدآ لله على سلامتك وحفظك الله من كل سوء واذى _وماشاء الله عليك يا قبطان الله يفتح عليك

الله يسلمك يا استاذ مصطفى
واحشنا والله
انت ليه غايب بقالك فتره كبيره كده عننا
تحياتى

[القبطان المصرى 77]

ههههههههههههههههههههههه يالهوي ربنا ستر الحمد لله :) وبسم الله ما شاء الله علي السمك بس في ملحوظة صغيرة فين فردة الجزمة اللي الراجل حدف المقطورة بيها !! هههههههههه الراجل روح حافي :)
هههههههههههههههههه
تلاقيه بعد مانزلنا راح جابها ياباشا
بس انا ماخدتش بالى منو بعد كده والله لأن الموقف كان متكهرب شويه ومش ساهل

[الشمسى]

حمد لله علي سلامة حضرتك

وبالهنا والشفا :)

[moorey]

ما شاء الله عليك يا قبطان

ايه الحلاوه دي انت المفروض تعمل كتاب و يكون عنوانه فنون الصيد الحديث اه ولله مش بهزر

و الحمد لله ان الموقف بتاع العربيه ده عدا علي خير و احسن حاجه الجزمه ههههههههههههههههههههه ههههههههههه

[القبطان المصرى 77]

حمد لله علي سلامة حضرتك

وبالهنا والشفا :)

تسلم ياكبير على زوقك
مسائك عسل

[القبطان المصرى 77]

ما شاء الله عليك يا قبطان

ايه الحلاوه دي انت المفروض تعمل كتاب و يكون عنوانه فنون الصيد الحديث اه ولله مش بهزر

و الحمد لله ان الموقف بتاع العربيه ده عدا علي خير و احسن حاجه الجزمه ههههههههههههههههههههه ههههههههههه

عشان تعرفو بس قيمتنا فى البلد دى يامور
هههههههههههههههههههه
حبيبى والله انت
والراجل بتاع الجزمه ده برغم انو عمل حاجه تافهه لكن كانت سبب فى ان مايحصلش كارثه

[mody2211]

الحمد لله على سلامتك يا قبطان
و ربنا يسلم طريقك
و يسلم صيدك و يباركلك فيه

[القبطان المصرى 77]

الحمد لله على سلامتك يا قبطان
و ربنا يسلم طريقك
و يسلم صيدك و يباركلك فيه

اللهم امين يارب
يسلم لسانك ودعواتك يامودى باشا ياجميل

[Mohamed zeid]

الف حمدا لله على سلامتك والحمد لله جت سليمه،،،،،
ده اول تعليق ليه على موضوع من مواضيعك الجميله لانى مشترك جديد فى المنتدى،
اخوك صيااد قديم بس كنت بعيد فتره كبيره عن الهوايه الجميله دى ،،، بس أحب اقولك ان انتا من اكبر الاسباب اللى خلتنى أشترى الكرال وطبعاً دا بسبب مواضيعك الجميله اللى انتا كاتبها عنها ،،،،،،انا اشتريت الرمايه وهى شغاله معايه ماشاء الله زى الفل .....شكراًليك ياجميل على المعلومات المفيده والمجهود الرائع....
طولت عليك ..تحياتى ليك والف حمدلله على السلامه

[killmoretime]

طلعة ممتازة بس المهم الراجل جاب فردة الجزمة ولا لا

[القبطان المصرى 77]

الف حمدا لله على سلامتك والحمد لله جت سليمه،،،،،
ده اول تعليق ليه على موضوع من مواضيعك الجميله لانى مشترك جديد فى المنتدى،
اخوك صيااد قديم بس كنت بعيد فتره كبيره عن الهوايه الجميله دى ،،، بس أحب اقولك ان انتا من اكبر الاسباب اللى خلتنى أشترى الكرال وطبعاً دا بسبب مواضيعك الجميله اللى انتا كاتبها عنها ،،،،،،انا اشتريت الرمايه وهى شغاله معايه ماشاء الله زى الفل .....شكراًليك ياجميل على المعلومات المفيده والمجهود الرائع....
طولت عليك ..تحياتى ليك والف حمدلله على السلامه

استاذ محمد والله كلامك زى العسل
تسلم يارب من كل سوء
والكرال الرمايه بندقيه جميله والله ربنا يباركلك فيبها
وشرف كبير اوى ليا ان مواضيعى عجبتك
يارب دايما ان شاء الله
تحياتى

[القبطان المصرى 77]

طلعة ممتازة بس المهم الراجل جاب فردة الجزمة ولا لا

ربنا يكرمك ياكبير
ومش عارف والله هو جابها ولا روح حافى
ههههههههههههههه
الموقف كان مايسمحش بقى بالمراقبه

[محمود كمال]

حمدا لله علي سلامتك و ماشاء الله علي الصيد ده فعلا دائما متألق

[يونس]

الله ينور ايه الحلاوه دي

[القبطان المصرى 77]

الله ينور ايه الحلاوه دي

تسلم من كل سوء يا استاذ يونس

[محمد خلف]

تسلم ايدك يا هاني

[القبطان المصرى 77]

تسلم ايدك يا هاني

ويسلم عمرك يامحمد ياحبيبى

[black_assassin1997]

ههههههه
أنا لو كان حصل معاية الموضوع ده أول أما أنزل
أشوف مكروباص مروح تانى
صيد أيه و زفت أيه أما أروح اغير البنطلون من الحصل فيه
هههههههههههه

[القبطان المصرى 77]

ههههههه
أنا لو كان حصل معاية الموضوع ده أول أما أنزل
أشوف مكروباص مروح تانى
صيد أيه و زفت أيه أما أروح اغير البنطلون من الحصل فيه
هههههههههههه
ههههههههههههههههههههههه
مش للدرجة دى يعنى ياباشا
وبعدين احنا ملحقناش لأن الموضوع حصل فى ثوانى

[Mahmoud@Sniper]

بسم الله ماشاء الله فعلا حاجة تشرف

[القبطان المصرى 77]

بسم الله ماشاء الله فعلا حاجة تشرف

الله يكرمك يامحمود باشا

[عـمـر]

الف سلامة عليك يا هاني بك يا جميل ..... ربنا ستر الحمد لله ... ومع الموقف المرعب ده كويس انك اصريت تكمل وتروح تصيد الله عليك يا هاني حب الصيد نساك الموقف ودي احد مميزات الهوائية الجميلة دي انها بتنسيك الهم وتخليك تغير شوية وتطلع من الجو الكئيب اللي احنا فيه ده .... الحمد الله ان ربنا سلم ورجعك لينا بالسلامة يا ريس .. بركااااااااااااااااااتك يا كيدااااااااااااااااااااااااهم .... صيد جميل وطلعة سمك تمام ... تقبل تحياتي يا جنرال .. وبعدين المفروض تسمي الطلعة دي طلعة (الجزمة اللي حلت الازمة )ههههههههههههههههههههههه .