كل سنة وانتم بخير وسعادة
النهاردة بقا حبيت اقول لكم علي وصفة انا عملتها امس وهي

طاجن الحمام بالفريك
المكونات:

1- عدد 5 حمامات ( ولازم يكونوا من بدر او الشروق )
2- نصف ك فريك صعيدي من عند وجدان ولو مش من عند وجدان يبقا ما ينفعش لان وجدان من اهل الصعيد الجدعان قوي قوي
3- برام فلاحي
4- بهرات وحبهان وقرفة عيدان

طريقة العمل :

1- يغسل الحمام جيدا بالخل والدقيق والملح
2- يبلل الفريك لمدة ساعتين في مياة باردة
3- يتم سلق الفريك مع بصلتين وفلفل اسود لمدة 20 دقيقة ( ليكون نصف سوا )
4- يحشي الحمام بالفريك ويرص بطريقة منتظمة
5- يوضع باقي الفريك اعلي واسفل الحمام ( يكون الحمام مغطي بالفريك الزائد )
6- يوضع في الفرن لمدة ساعة كاملة
ملحوطة يجب اضافة المياة لتغطي الفريك

ويالهنا والشفا علي احلي صيادين في مصر

اللة يهنأك بالصحة والسعادة والصيد الوفير

وبالصحة ليك يا عناني بس اهم شئ يكون الحمام من بدر وعلي رائ اسامة فتحي ومحمد عبد الرازق اني بجيب الحمام معايا في الشنطة ههههههههههه

خلاص الحمام عرف ان كتيبة الاعدام ف الشرق وبدر وغير اتجاهة للجيزة واكتوبر.

الواحد جاع والله

بسم الله مشاء الله
الله ينور ياعمده مبــــــــــــــــــــــــــــــــــــــــــــــــ ــــدع
تسلم وربنا يخليك لينا

خبير بنادق من الدرجة الاولى وكمان خبير فى الاكل انا مش بحسد متفهمنيش صح ههههههههههههههه
شكرا يا عمدة وتقبل مرورى

ياه لسة شايف الموضوع ده دلوقتي

تسلم ايدك يا عمدة ((استااااذذ))

علي فكرة يا جماعة الاكلة دي جامدة جدا وانا بعشقها ((قبل ماجي القاهرة يوم الخميس (يوم الاجتماع) اكلت اكلة من دي ))
طاقة مش ممكن.......اسد

اه نسيت حاجة يا عمدة

احنا عندنا بنعمل حاجة في الفريك او الرز ((جربها)) بيتحمر في السمنة بعد كدة بيتحط عليه شوية مية يدوبك حاجة بسيطة كدة كمان كل البهارات طبعا ملح وفلفل اسود وكل الحبشتكانات التانيه((عموما انا بفتح دولاب البهارات وبحط البهارات بالشبة كدة ودايما اغلط واحط بهارات السمك علي اللحمة وبهارات اللحمة علي الفراخ)) وتسيبهم علي النار لغاية لما الميه كلها تتبخر ويكون الرز او الفريك برضو نص سوا بعد كدة نحشي عادي ونكمل سوا الحمام عادي جدا

وانا هسال امي علي الموضوع ده علشان اتاكد من موضوع التحمير ده ((بس بيتهيالي كلامي صح))