مشاهدة النسخة كاملة : كل ما تريد معرفته عن شهادة التطعيمات والترخيص الخاص بكلبك


diiie_hard
13-04-08, 02:24 PM
ما هي شهادات التطعيمات الخاصة بالكلب واذ حبيت تضع عرض للبيع

يجب ان يشمل علي هذه الشهادات والرخص

كي يزيد من قيمة موضوعك وكل كلب له شهادات وله ترخيص تكون مكانته مرتفعة

ويزداد من قيمته وغير كده وكده التطعميات دي طبعا بتقي وتحمي كلبك

من الكثير من الامراض الذي يشتكي منها الكثير من المربين




كمان ااي حد عنده اي استفسار او تساؤل بخصوص التطعيمات

و التحصينات الخاصه بالكلب بتاعه ان شاء الله

يلاقيه في الموضوع ده


في بداية الموضوع الكل هيكون عنده سؤال نفسه يلاقي ليه اجابة

هو انا لازم اطعم الكلب بتاعي ؟

طبعا الاجابه نعم او بالتاكيد لاننا لازم نطعم الكلاب بتاعتنا و بشكل منتظم و في المواعيد المحدده

حرصاً علي سلامتها و سلامتنا احنا كمان

حتي لو الكلب مبيخرجش من البيت نهائي لان في امراض بتنتقل بين الكلاب

من مسافه تصل الي 2 كم ولا تنسوا ان المحيط الخارجي

والجو واحد من اهم العوامل التي تجلب الامراض .... حمانا الله



دلوقتي الكل عاوز يعرف ايه هيا التطعيمات اللازمه للكلب علشان ياخدها

اقول ولا ايه ؟؟

ايكد كل واحد خايف علي كلبه وعلي نفسه واسرته لازم يكون عاوز يعرف

الحكايه بسيطة جدا ان شاء الله ...



(1) بياخد الكلب تطعيم يسمي < الثماني > اول لما يتم 45 يوم

وده ضروري جداااااَ لانه بيحمي الكلب من 8 امراض مره واحده ومنها الدستمبر

الي الكل بيخاف منه

و بيبقي ثمن الحقنه ديه في حدود 61:70 جنيه وثمن الجمله في حدود 50 جنيه

و ده طبعاً بيختلف من مكان لمكان



(2) التطعيم الثاني بيبقي بعد مرور 21 يوم من الحقنه اللي فاتت < الثماني >

ودي جرعه تنشيطيه برده ثماني

عشان يبقي كده حصنا الكلب بتاعنا كويس جداً من امراض كتيره ....

بعض الناس تقول مش لازم ياخد الجرعه التنشيطيه ديه ...

ديه مصاريف علي الفاضي ...... بس طبعاً يا جماعه الكلام ده غلط

و الجرعه التانيه مهمه جداً جداً



(3) اما بالنسبة لثالث تطعيم بقي و ده الاخير في سن من ( 4 : 6 ) شهور ...

بيبقي تطعيم للكلب ضد مرض السعار و ده تطعيم مهم جدا

و سعره في حدود 45 جنيه لانه بيحمي كلبك في حاله انه اتعض من كلب اخر غريب ....

و كمان بيحميك انت كمان لان هناك اناس كتيره اوي لا تعرف ان السعار

من الامراض المشتركه بين الكلاب و الانسان

يعني لو حضرتك اتعضيت من كلب مسعور انت ايضا سوف ينتقل اليك مرض السعار

لانه بيبقي محمول في لعاب الكلب

و بينتشر في دمك الي ان يصل للمخ و تبدأ الاعراض تظهر و طبعاً لو ملحقتش نفسك



لا قدر الله بيؤدي للوفاه ( ربنا يسترها معانا كلنا ) .....

بس احب اقولك ان قبل الوفاة بيحصل ليك حاجات كتيره اوي ليك بتعملها

بتعض ناس كتير بدون رحمة بجد



و بمجرد تطعيم الكلب ضد مرض السعار يتيح لك انك ترخص الكلب



دلوقتي بقي ناتي الي الرخصه

هنعرف مع بعض يعني ايه رخصه ولازمتها ايه ....



الترخيص عباره عن حلقه معدنيه بتعلقها في طوق الكلب بتستلمها من مديريه الطب البيطري

بمجرد انك توريهم انك مطعم الكلب بتاعك ضد السعار

و بتدفع رسوم بسيطه ....







و فائده الترخيص ده بقي كذا حاجه :

(1) لو الكلب بتاعك عض حد غريب ميبقاش فيه مشكله او خطر قانوني عليك بأي شكل


(2) لو اي حد قتل الكلب بتاعك باي شكل حتي لو كانت دوريات الشرطه

بتاعت الكلاب اللي بتمشي تقتل في الكلاب ديه ..

بيبقي من حقك انك ترفع قضيه عليهم و تطالب بتعويض






وبكده اكون قدرت افيدكم بخصوص التطعيمات الي كله بيبقي قلقان منها

وبيفكر انها حاجه صعبة ومشكلة كبيرة

والترخيص كمان الي لازم يكون متعلق في طوق الكلب

علشان يحميه من اي دوريات شرطه تاخذ الكلاب او الذي يطلقون النار

علي الكلاب الضالة

وبالتوفيق اخواني





،،،،،،،،،،،

منقول

t_bag
13-04-09, 01:49 AM
السلام عليكم ماشاء الله موضوع جميل و مفيد
لاكن برضو فى تطعيم حضرتك نسيه و هو مهم جدا بالنسبة لحالة الكلب الصحية تطعيم الديدان و الحشرات
تكلفة كل واحد لا تتعدى ال30 جنيه اخر مرة كنت مطعم كلب كانو ب26 جنيه و تقبل مرورى

diiie_hard
13-04-12, 04:46 PM
وتطعيم الديدان ده ممكن ياخده كل قد ايه ؟

koky
14-04-04, 09:51 AM
لوسمحت انا عايزة اجيب نتاية جريفون وانا اول مرة اجب كلب سها التعامل معاها فى المرحلة البتبقى عايزة تتزوج فيها؟؟؟؟؟؟؟ و عايزة اعرف الفرق بين الالمانى والفرنساوى اكبر حجم ليهم بالصور؟؟؟ معلش طولت عليك اخر سؤال اية مستلزمات تربية الكلب فى البيت ؟؟؟؟؟

محمد المهدى
15-10-23, 08:09 AM
ممتاز و شكرا اول مرة اعرف المعلومات الجميلة دى لانى ناوى اشترى كلب للاولاد عندى و ثانى مرة شكرا جزيلا