هى الرجالة منفضة لموسم التزاوج ولا ايه يا وديع

[دكتور عابدينوف]

بقالى حوالى شهر مبطل صيد (مع انى ماكنتش مقطعها اكبر طلعة كانت 3 يمامات والحمد لله ) اعتمادا على ماقاله كبار الصيادين ان دا موسم التكاثر لليمام ..وانا بعمل كدا من باب الاحترافية والارتقاء بكل جوانب الهواية بما يشمل التفاعل مع الطبيعة وكدا ...
طبعا ماكدبش عليكم ساعات ايدى تاكلنى من البلكونة كدا وبتبقى يمامة واحدة ..وبتريش وتطير بس انا ابقى متكيف من المسافة مش اكتر
بس الغريب انى شايف الرجالة هنا لسة بيحكوا على طلعات تقيلة وكدا ... فقلت افكر الناس للى ما اخدش باله ...مش من باب اى حاجة لا سمح الله غير التناصح فى الله وفى الهواية :ordi:

[dr_mohasan]

ناس كتير فعلا بتقول ان لليمام موسم معين للتزاوج
ولكنى أختلف مع هذا الرأى
مواسم التزاوج تكون للطيور المهاجرة التى تبحث عن مكان و مناخ مناسبين للتزاوج
أما الطيور المتوطنة مثل اليمام و الحمام فلا تحتاج الى ذلك و ليس لها موسم تزاوج محدد و يكون التزاوج طوال العام و يزيد معدلاته فى فصل الربيع لاعتدال الطقس و وفرة الغذاء
خالص تحياتى يا دكتور

[القبطان المصرى 77]

والله يادكتور محمد انا عن نفسى مبطل بقالى اكتر من 20 يوم عشان موسم التكاثر
مع انى مشفتش غير يمامه واحده اللى كانت راقده على بيض
بس قلت لنفسى اخد اجازه من باب الاحتياط برده حتى لو مش متاكد انه الموسم بدأ

[القبطان المصرى 77]

تسلم ايدك يادكتور عبده ياجميل يابو روح رياضيه

[دكتور عابدينوف]

ناس كتير فعلا بتقول ان لليمام موسم معين للتزاوج
ولكنى أختلف مع هذا الرأى
مواسم التزاوج تكون للطيور المهاجرة التى تبحث عن مكان و مناخ مناسبين للتزاوج
أما الطيور المتوطنة مثل اليمام و الحمام فلا تحتاج الى ذلك و ليس لها موسم تزاوج محدد و يكون التزاوج طوال العام و يزيد معدلاته فى فصل الربيع لاعتدال الطقس و وفرة الغذاء
خالص تحياتى يا دكتور
تسلم يا دكتور على المعلومة والرد المحترم ... بس هو مع كمية الافترا الى الناس بتصطاد بيه ...الحاجات دى مش بتخلص ؟؟؟
تسلم ايدك يادكتور عبده ياجميل يابو روح رياضيه

ربنا يخليك يا جناب القبطان :paint:

[mohamed2010habib]

انا راييي المتواضع لو كل واحد اصطاد اللى يكفيه موش هيفرق موسم صيد من عدمه ....انما فيه ناس بتطلع تصطاد لو لقت اى حاجه بجناح مترحمهاش من غير ميعرف بتتاكل ولا لا ....و ربنا يرحمنا جميعا

[دكتور عابدينوف]

انا راييي المتواضع لو كل واحد اصطاد اللى يكفيه موش هيفرق موسم صيد من عدمه ....انما فيه ناس بتطلع تصطاد لو لقت اى حاجه بجناح مترحمهاش من غير ميعرف بتتاكل ولا لا ....و ربنا يرحمنا جميعا
كلام جميل يا دكتور مظبوط

[omarara]

انا راكن برضه بقالى فترة بس هرجع بقوة إن شاء الله :d

[دكتور عابدينوف]

انا راكن برضه بقالى فترة بس هرجع بقوة إن شاء الله :d

ترجع بالسلامة ياباشا باذن الله .... انا كمان اخلص امتحانات اخر الشهر باذن الله وهخربها :)

[amrfathy]

انا برده بقالي كتير مطلعتش وربنا يسهل نرتب حاجة قريب

[ĴΘĶЄЯ]

انا راييي المتواضع لو كل واحد اصطاد اللى يكفيه موش هيفرق موسم صيد من عدمه ....انما فيه ناس بتطلع تصطاد لو لقت اى حاجه بجناح مترحمهاش من غير ميعرف بتتاكل ولا لا ....و ربنا يرحمنا جميعا

+++++++++++1
والله العظيم يا باشا بقالي سنة بنبح في صوتي وبقول حرام
وواحد يقولك طالع انا ومش عارف كام واحد وكل واحد 6 بطات
لييييييييييييييييييه 6 بطات يقولك متكفيش طقة وتيجي تكلم
ويفتكرو ان الواحد بيحسدهم وتكبر وزفت
فقولت وانا هوجع دماغي ليه مع نفسهم