مطلوب طبنجة نورينكو np22 صينى جديدة على الرخصة

[unicorn]

الاعضاء الكرام
مطلوب للشراء الفورى طبنجة نورينكو np22 صينى جديدة أو كسر زيرو فقط 9 ملم طويل بسعر مناسب
على الرخصةبرجاء ارسال الرقم على الخاص بالسعر ومكان التنازل وسأقوم بالاتصال بصاحبها
مع الشكر

[abdelal mohamed]

ان شاء الله تلاقي طلبك

[dr.mohamed]

بالتوفيق ان شاء الله تعالى
وياريت لما ربنا يكرم حضرتك بيه
تبعتلى صورته واشتريته حضرتك بكام
عشان انا معرفش عنه حاجة الا بفضل حضرتك

[TRIGGER]

بلاش منه
به مشكلة متكررة فى الابرة مع عدة مستخدمين محترفين

[tarekvb]

ليه الطبنجة دى تحديدا هل لها مميزات

[cyrus_the_virus]

بالتوفيق , و على فكرة ناس كتير بتشكر فيها

[unicorn]

أشكر جميع اصحاب التعليقات وتمنياتى الطيبة للجميع بالتوفيق ان شاء الله
بالنسبة للطبنجة فهى نسخة من السيج بى 226 وبالتجربة هى أنعم منه وضربت بها 7 خزن متتالية مسخنتش أو كدبت ونشانها دقيق جدا (على بعد 30 متر ماجلتش ولا مرة هدف 30 فى 30 سنتى)
وبالنسبة لموضوع الابرة بتاعتها مش عارف انا شايف شخصيا انها كويسة وشغالة وحتى لو فيها مشكلة يتعمل واحدة زيها احتياطى
انا مش شايف فيها عيب غير ان هى صناعة صينى اذا كان ده عيب بس الاداء محترم بجد
وسعرها حوالى 400 دولار وفيه محلات بتعمل سيل عليها بتبيعها ب 350 دولار بره. يعنى نص ثمن أقل سعر للطبنجة السيج، اللى اقل سعر فى مصر لطبنجة سيج بى 226 جديدة او كسر زيرو 75 الف جنيه وصاحبها بيكون دافع فيها بالكتير 30 الف عشان يستوردها.
وانا منتظر موافقة الامانة العامة وهستورد النورينكو وسعرها هيكون كلام فاضى بعكس السيج الالمانى اللى فى الأخر هترميها فى البيت أو تبيعها
شكرا للجميع
وما زال الطلب قائماً

[hogan]

عم محمد اذيك طبعا انا مش هزعل منك علشان مبتردش على تلفوناتى بس انا هفيدك الطبنجه دى غير متوفره على الرخصه ولا ترخص لانها ليس ضمن جدول السلاح يعنى مش هتلاقى منها مرخص ولهيا ولا التركى

[unicorn]

عم محمد اذيك طبعا انا مش هزعل منك علشان مبتردش على تلفوناتى بس انا هفيدك الطبنجه دى غير متوفره على الرخصه ولا ترخص لانها ليس ضمن جدول السلاح يعنى مش هتلاقى منها مرخص ولهيا ولا التركى


حبيب قلبى يا أستاذ مصطفى، انا ما أقدرش ما أردش عليك والله كان فيه ظروف ومشكلة فى بيع العربية وأتشغلت انى أرجع أكلمك.
طبعاً انت الخبير ومش هراجعك بس كان فيه واحد عارضها هنا على الرخصة السنة اللى فاتت على 55 ألف قبل الكلام معاه رغم انك ممكن تستوردها ب 7 الاف جنيه صافى والسى زد تستوردها على 9 الاف وما اتفقناش على السعر.
وبصراحة مشفتش غيره معاه الطبنجه دى مرخصة، وكان فيه قضاه اصحابى معاهم طبنجات تركى حية كان محل المنسى مستوردهالهم مخصوص وبأسعار كلام فاضى وكلهم باعوها وعملوا القرشين ورجعوا للحلوان ال9 طلقات.
المهم انت واحشنى جداً يا كبير واستأذنك أعدى عليك وأكلمك قبلها عشان أشوفك أحسن أن قربت أنسى الصيد وانقطعت تقريبا عن هواية واخبار السلاح.
نورت التوبيك يا هوجن بك انت وكل الاعضاء المحترمين