طلعة فخ الضفادع ( طلعه ليليه )

[moorey]

بسم الله الرحمن الراحيم

الواحد كان بقاله فطره طويله ما بيخرجش للصيد و خصوصا الصيد الليلي

بقالي اكتر من شهر وكان امبارح الجو كان حلو فقررنا انا و محمد صحبي نخرج

نصطاد باليل و اتقابلنا بعد صلاة العشاء و انطلقنا علي بركت الله و توجهنا

الي الاماكن المعروفه ال كنا بنصطاد فيها باليل و كانت اول منطقه عباره عن مجموعه من

اشجار الفاكهه و وجدنا اول يمامه كان بيني و بينها حوالي مترين بس و انا

اتسرعت و ضربت و طبعا موقعتش في وسط زهول مني و فجاه لقيت بتاع 10 يمامات طاروا من

الشجره دي المهم كملنا صيد عادي و رحنا عند مجموعه من اشجار الفكس او مش عارف

اسمه ايه و هنا كان فخ الضفااااااادع و هو

في المكان ده كان شبيه بالغابه يعني مليان شجر فكس صغير

في طول 4 متر الي 6 و في مساحه حوالي 300 متر مربع و الحصل هنا كنا بندور بالكشاف

عادي علي يمام انا و صحبي محمد و فجاه سمعنا صوت حاجه مشيه و كان الصوت

واضح علشان احنا كنا مشيين علي ورق شجر ناشف و كثيف و انتوا عرفين

الصوت بيبقا باين عليه و فجاه سمعنا صوت قريب جدا رحنا انا و صحبي لفينا

جسمنا بسرعه في نفس اللحظه و قعدنا دنور هو فيه ايه و الواحد كان عامل زي افلام

الرعب لما يكونوا مسكين الكشافات و بيدورا علي حاجه في المقابر و كل شويه نسمع

الصوت ده و انا كنت متصوره انه كلب او تعلب او ديب و صحبي كان متوقع تعبان

و كل شويه نسمع الصوت ده قريب مننا و في مره لقينا الصوت قريب راح صحبي قايلي ان

الصوت من هنا رحت انا مسكت البندقيه و عمرة و هو مسك خشبه و شال بيها

الورق الكان موجود و فجأه لقيناه ضفدع و بنبص لقينا ان كل الاصوات دي ضفادع

هههههههههههههه الواحد حس بانه مغفل في الوقت ده ههههههههههههههههههههه

و كملنا صيد بعد كده و احنا كنا علي طول بندور في الشجر

القصير و دورنا في شجره فكس كبيره لقينها فيها اكتر من 30 يمامه و دي

كانت الشجره المبروكه هههههههههههه زي ما قال القبطان قبل كده ضربنا منها

بتاع 6 يمامات
كمان رحنا مكان فيه شجر فكس كتير جدا و برضو كان ضغير و في مره انا شفت يمامه كان بيني و بنها بتاع 50 سنتي متر

و كان محمد صحبي هو الهيضرب و مع مسورت البندقيه كان المسافه بين فوهة المسوره و اليمامه بتاع 4 سنتي متره

طبعا هو ضرب من غير ما ينشن هههههههههههه و اليمامه يعيني مانت في مكنها من غير ما تتحرك هههههه

و بعدها لقيت يمامه برضو قريبه حوالي 2 متر انا اتفشخرت و قلت هنشف في عينها ههههههههههههه طبعا الرشه

مجتش فيها و هي طارت رحت قلت لمحمد اضربني بالبندقيه علي دماغي علشان هو نصحني و قلي متتفشخرش ههههههههه

و تم ضرب 15 فرد يمام منهم 3 ضاعه و الحصيله النهائيه 12 فرد يمام و الحمد لله

و دي صور اليمام

http://store2.up-00.com/Nov12/5GF90668.jpg (http://www.up-00.com/)

http://store2.up-00.com/Nov12/olW90668.jpg (http://www.up-00.com/)

و في صوره قلب يمامه الرشه دمرته بس علشان الليل الصوره مش واضحه اوي علشان الفلاش

http://store2.up-00.com/Nov12/4d490668.jpg (http://www.up-00.com/)

و دي بقا اكتر حاجه اثرت فيها و هي عند التنظيف اتلاقيت كام يمامه فيها عنقود بيض و ده دليل ان

الموسم بدأ انا قلت هو هيبدأ في اول 4 علشان كده الواحد نزل يصطاد

http://store2.up-00.com/Nov12/wLI90668.jpg (http://www.up-00.com/)

و في النهايه ارجو ان تنال الطلعه اعجابكم :lov:

[ابو مروان]

طلعة ممتازة وفعلا اليمام بدا يعشش ويبيض يا ريت الشهر دة نبطل صيد يمام ممكن فراخ غيط ...........لان من اسبوعين تلاتة كدا فوجئت بردة ان معظم اليمام جواة بيض وكان فية يمامة جواها بيضة مكتملة ............يا ريت نمنع الصيد شهر والا حاجة

[bekhet]

طلعة ليلية زى الفل
بس خلى بالك المرة الجاية المرة دى ضفاضع المرة الجاية اللة أعلم .............هييييييييييييية
مبارك الصيد الجميل

[adel152]

طلعة ممتازة وفعلا اليمام بدا يعشش ويبيض يا ريت الشهر دة نبطل صيد يمام ممكن فراخ غيط ...........لان من اسبوعين تلاتة كدا فوجئت بردة ان معظم اليمام جواة بيض وكان فية يمامة جواها بيضة مكتملة ............يا ريت نمنع الصيد شهر والا حاجة

ابو مروان باشا بعد التحية.
طيب احنا نجيب منين فراخ غيط فى اسكندرية؟
خلاص يافندم أحنا منتظرين دعوة حضرتك فى الشرقية لأصطياد فراخ غيط وطبعا نمضى يوم جميل فى رحاب كرم الشراقاوة المعروف على مستوى المحفظات كلها...........
حلوة التدبيسة هههههههههههههههه؟؟؟؟؟؟؟؟؟؟؟؟؟؟؟؟؟
خالص تحياتى.

[عادل عبده]

ابو مروان باشا بعد التحية.
طيب احنا نجيب منين فراخ غيط فى اسكندرية؟
خلاص يافندم أحنا منتظرين دعوة حضرتك فى الشرقية لأصطياد فراخ غيط وطبعا نمضى يوم جميل فى رحاب كرم الشراقاوة المعروف على مستوى المحفظات كلها...........
حلوة التدبيسة هههههههههههههههه؟؟؟؟؟؟؟؟؟؟؟؟؟؟؟؟؟
خالص تحياتى.

خدنى معاك ياباشا
ومع تحياتى لصاحب الموضوع سلمت يمينه ماشاء الله

[moorey]

طلعة ممتازة وفعلا اليمام بدا يعشش ويبيض يا ريت الشهر دة نبطل صيد يمام ممكن فراخ غيط ...........لان من اسبوعين تلاتة كدا فوجئت بردة ان معظم اليمام جواة بيض وكان فية يمامة جواها بيضة مكتملة ............يا ريت نمنع الصيد شهر والا حاجة

معاك حق انا برضو طلعت طلعه غير دي من حوالي 10 ايام و برضو كان في يمامه فيها عنقود بيض

شكرا لمرورك الجميل

[moorey]

طلعة ليلية زى الفل
بس خلى بالك المرة الجاية المرة دى ضفاضع المرة الجاية اللة أعلم .............هييييييييييييية
مبارك الصيد الجميل

و لله معاك حق الواحد بيقول كده بس الحمد لله ربنا بيسترها

شكرا لمرورك

[moorey]

خدنى معاك ياباشا
ومع تحياتى لصاحب الموضوع سلمت يمينه ماشاء الله

و انا كمان يا استاذ عادل جاي معاكم هههههههههه

[دكتور عابدينوف]

صيد بالليل ممتع انا جربته مرة واحدة
طلعة جميلة ما شاء الله
هو احنا المفروض نوقف الصيد فعلا؟؟ ولحد امتى؟؟

[moorey]

صيد بالليل ممتع انا جربته مرة واحدة
طلعة جميلة ما شاء الله
هو احنا المفروض نوقف الصيد فعلا؟؟ ولحد امتى؟؟

شكرا يا دكتور علي ردك و فعلا الصيد بالليل ممتع في المغامره

و للاسف لازم نوقف صيد علي الاقل في شهر مع ان الربيع بكون احسن وقت للصيد 4 :pleur:

[aymank2]

تسلم ايديكم يا قناصين طلعه جميله.

[moorey]

تسلم ايديكم يا قناصين طلعه جميله.

تسلم يا ايمن باشا انت اجمل

[وليد سعد زغلول]

بسم الله ما شاء الله
تسلم إيديكم يا قناصين طلعة رائعة وبألف هنا وشفا

[القبطان المصرى 77]

ههههههههههههههههههههه
الله ينور عليييييييييييك ياوحش الوحوش
طلعه موفقه يابرنس
وكده بقى المفروض تاخد اجازة صيد خلاص عشان موسم التكاثر يعتبر بدأ
تحياتى ليكو

[coyote160]

موضوع جميل وطلعه موفقه وبالهنا والشفا

[moorey]

بسم الله ما شاء الله
تسلم إيديكم يا قناصين طلعة رائعة وبألف هنا وشفا

جزاء الله استاذ وليد و شكرا علي الرد

[moorey]

ههههههههههههههههههههه
الله ينور عليييييييييييك ياوحش الوحوش
طلعه موفقه يابرنس
وكده بقى المفروض تاخد اجازة صيد خلاص عشان موسم التكاثر يعتبر بدأ
تحياتى ليكو

ههههههههههه وحش ايه بس يا قبطان هو انا اجي جنبك حاجه

و فعلا الواحد لازم ياخد اجازه من الصيد مع ان جو الربيع ده احسن جو للصيد

[moorey]

موضوع جميل وطلعه موفقه وبالهنا والشفا

انت اجمل يا غالي شكرا لمرورك

[mody_kamal]

ما شاء الله صيد ممتاز انا بقي صيدي كله كل اليمام دكره هههههههههههههههه مفيش نتايه اصطادتها ما بصطادش يمام كتير اخري 5 يمامات 6

[moorey]

ما شاء الله صيد ممتاز انا بقي صيدي كله كل اليمام دكره هههههههههههههههه مفيش نتايه اصطادتها ما بصطادش يمام كتير اخري 5 يمامات 6

كده احسن يا عم الدكره احسن و بيبقوا اضخم كمان و ربنا يرزقك و يرزقنا :lov:

[مصطفى ابواسماعيل]

تسلم ايدك يا فندم وصيد الليل ليه ترتيبات تانية غير صيد النهار وتحياتى ليك يا فندم

[moorey]

ايوه طبعا ده مختلف عنه نهائيا

شكرا لمرورك استاذ مصطفي

[Orabi]

الله ينور يا كبير و أحلي تقييم من أبو 80 نقطه

:music1::music1::music1:

[moorey]

الله ينور يا كبير و أحلي تقييم من أبو 80 نقطه

:music1::music1::music1:

شكرا ليك يا استاذ عرابي علي التقييم

[engineero eslam]

هههههههههههههههههههههه والله ضحكتنى جامد يا مورى
موقف جامد جدا وطلعة روعة والله

تسلم ايدك يا مورى يا كبير :)

[alknas_mh]

طلعه رائعه ربنا يوفقك وصحتين

[black_assassin1997]

مش كنت تجيب كام ضفدع معاك :d