فروت سلاط

[wegdan12345]

بصوا هي مكلفة شوية بس مقلقوش علي طعمها مش ممكن انا اكلتها عند جماعة قرايبي ومن ساعتها وانا بعملها في البيت
هتنزل عند الفكهاني وتجيب منة عينات فواكة ((طبعا يوم العيد الفكهاني ممكن يقطعك لوقلتلة عايز ربع او نص كيلو )) يعني تروح عند فكهاني محترم

المقادير

2 تفاحة امريكاني

2 تفاحة لبناني

ربع كيلو فراولة ((بس طبعا مش هتلاقي اليومين دول بس مش مهم الجايات اكتر))

خمس صوابع موز او خليهم 7 علشان وانت بتعمل تتسلي بالاتنين الزيادة ((دي خبرات))

2 جوافة

2 برتقال

4كيوي ((علي فكرة جامد في الفروت سلاط))

لو فيه منجة((مانجو علشان مدرسين العربي)) متقولش لا

وممكن شوية رمان بس سعادتك متعملوش انت علشان متدعيش عليا والقميص باظ وال... باظ والذي منة , يعني من الاخر تندة علي ست البيت ((المدام الوالدة اختك المهم تبقي واحدة ست))وهي هتتصرف

ليمونة ((لازم ولو بتحبها بتلسع وهي محلية كدة حط زيادة احساس ابن ك....))

علبة عصير كوكتيل او اي حاجة من السوبر ماركت عموما لو حسيت ان ال2 جنية الاخرانيين((اللي في الاخر يعني علشان المثقفين)) هيزودوا الطينة بلة شوية ميه بسكر ((بس هتكون بوظت الطبخة علي شوية عصير))

بصوا كمان لو في اي فاكهة انا نسيتها والفكهاني قلكعليها متقولوش لا حط علي طول كله للخير

الطريقة

قطع كل حاجة في اناء عميق وبعدين حط العصير وبعدين الليمون وقلبهم كويس اوي علشان الفاكهة اللي فيها عصير زي البرتقال تنزل شوية من العصير ده

بجد جميلة جربوها
وجدان

[محمد يونس]

الله الله عليك يا باشا والله باين عليها جامده جدا وان شاء الله هجربها بس لو باظت انت اللى هتدفع تمن اليخنه دى(على راى عادل امام ) وشكرا ليك وكل سنه وانت طيب.
والله ولى التوفيق .................

[Consul]

قطع كل حاجة في اناء عميق وبعدين حط العصير وبعدين الليمون وقلبهم كويس اوي علشان الفاكهة اللي فيها عصير زي البرتقال تنزل شوية من العصير ده

بجد جميلة جربوها
وجدان

وبعدين...وبعدين إيه...أنا وقفت لحد هنا ومستنيك تكمل...رحت فين يا بلدياتي يا غالي عليا قوي...بعد ما تنزل شوية من العصير ده...نعمل إيه...الله يرضي عليك كمل أحسن أنا ملغوص وحالتي ما يعلم بيها إلا ربنا...أنا مش عايز أصورها...أنا عايز آكلها أشربها...أستمتع بيها...بس مش زي إخواننا إياهم طبعا...أرجوك رد عليا بسرعة وما تتأخرش..أنا شايفها دلوقتي بتبقلل...أحسن الخلطة الديناميتية دي ها تفرقع وتبوظ...وأدفعك ثمنها...إنت حر...خالص تحياتي واحترامي للجميع...

[wegdan12345]

الله الله عليك يا باشا والله باين عليها جامده جدا وان شاء الله هجربها بس لو باظت انت اللى هتدفع تمن اليخنه دى(على راى عادل امام ) وشكرا ليك وكل سنه وانت طيب.
والله ولى التوفيق .................

لا ياباشاانشالله تعجبك......وكل عام وانت بخير

[wegdan12345]

قطع كل حاجة في اناء عميق وبعدين حط العصير وبعدين الليمون وقلبهم كويس اوي علشان الفاكهة اللي فيها عصير زي البرتقال تنزل شوية من العصير ده

بجد جميلة جربوها
وجدان

وبعدين...وبعدين إيه...أنا وقفت لحد هنا ومستنيك تكمل...رحت فين يا بلدياتي يا غالي عليا قوي...بعد ما تنزل شوية من العصير ده...نعمل إيه...الله يرضي عليك كمل أحسن أنا ملغوص وحالتي ما يعلم بيها إلا ربنا...أنا مش عايز أصورها...أنا عايز آكلها أشربها...أستمتع بيها...بس مش زي إخواننا إياهم طبعا...أرجوك رد عليا بسرعة وما تتأخرش..أنا شايفها دلوقتي بتبقلل...أحسن الخلطة الديناميتية دي ها تفرقع وتبوظ...وأدفعك ثمنها...إنت حر...خالص تحياتي واحترامي للجميع...

انت مستني ايه يا باشا بالهنا والشفا ولا استني ياعم اجيب الطبق بتاعي وناكل سوا
بس ايه رايك في سلطة المظمبليط دي....كفائة مش كدة؟.
بجد هتعجبك بس مكلفة موت

[محمد حافظ]

يا مزاجك ألعالى يا
وجدان
مين كيوى ده .... واد عمك؟

[Consul]

انت مستني ايه يا باشا بالهنا والشفا ولا استني ياعم اجيب الطبق بتاعي وناكل سوا
بس ايه رايك في سلطة المظمبليط دي....كفائة مش كدة؟.
بجد هتعجبك بس مكلفة موت

بلدياتي الغالي قوي...أعملك إيه بقي...ما هو إنت إتأخرت عليا...وما قولتش نعمل إيه بعد كده...أهي بقت بظاظة خالص ورميتها في الميزامبليه...يعوض علينا ربنا...آخر مرة أسمع كلامك وأعمل المظمبليط ده...المهم وحياة والدك ما تنسينش وإنت جاي بالسلامة في الكشك والفايش...وكحك العروسة...يمكن أقدر أنسى اللي حصل...وأسامحك...خالص تحياتي واحترامي للجميع...

[momo44]

عملتها دلوقتى بس من غير جوافة وكيوى
هية جميلة جدااااااااا
بس فى حاجة واحدة معجبتنيش
الليمون:eek:
طعمه كان باين وانا اصلا مش بحبه
بس قلت وجدان قال كده
يبقى لازم اعمل كده (على طول مودينى فى داهية :p )
بهرج معاك طبعا:D
هههههههههههه
انت حبيبى

[wegdan12345]

يا مزاجك ألعالى يا
وجدان
مين كيوى ده .... واد عمك؟


ولا قريبي ولا اعرفة ياباشا ولا عمري شفتة ....هو عمل حاجة ؟؟؟؟

سيبك انت الفروت سلاط وصلت عندنا الصعيد وسع اوعي وشك

[wegdan12345]

عملتها دلوقتى بس من غير جوافة وكيوى
هية جميلة جدااااااااا
بس فى حاجة واحدة معجبتنيش
الليمون:eek:
طعمه كان باين وانا اصلا مش بحبه
بس قلت وجدان قال كده
يبقى لازم اعمل كده (على طول مودينى فى داهية :p )
بهرج معاك طبعا:d
هههههههههههه
انت حبيبى

حد ميحبش اللييمون ..........؟؟؟؟؟؟؟؟؟
ده حتي بيلسع كدة ويظبط المسائل ..
وبعدين داهية ايه هو انا بلغت عنك ان انت سارق مني الفروت سلاط بتاعتي
بس لو كان فيها كيوي .!.اوعي وشك
والله انت اللي حبيبي

[محمد حافظ]

ولا قريبي ولا اعرفة ياباشا ولا عمري شفتة ....هو عمل حاجة ؟؟؟؟

سيبك انت الفروت سلاط وصلت عندنا الصعيد وسع اوعي وشك
حمد ألله على ألسلامة يا ولد أبوى
أياك ألصعايدة أنتخبوك عمدة لما لافيتهم
ألمدعوجة بت ألجديمة أللى أسمها
عفروت بصلاط

[الجزار]

ايه الحلاوه دي

[Consul]

حمد ألله على ألسلامة يا ولد أبوى
أياك ألصعايدة أنتخبوك عمدة لما لافيتهم
ألمدعوجة بت ألجديمة أللى أسمها
عفروت بصلاط

يا جماعة إنتوا سمعتوا بلدياتي غلط...هوا كلامة كده...بيعطش الجيم ويقول عليها دال...وهكذا...
يعني هوا قصده يقول...عفروط بصلات......عفروط جاية من معفرط....وبصلات جمع بصلة....بالمختصر المفيد اللي هوا عمله ده إسمه...بصلات معفرطة...وبالهناء والشفاء...هيا السلطة عندنا كده...خالص تحياتي واحترامي للجميع...

[القناص2010]

ضحكتنى يا استاذنا و كل سنة وحضرتك طيب بس العفرط بصلات دى هتكون مناسبة جدا مع الفتة و اللحمة هههههههه

[Consul]

أخي العزيز الأستاذ القناص2010...يا رب دائما مبسوط وسعيد وبتضحك وبالك مرتاح...لعلمك الخاص ما فيش حاجة تهضم الفتة باللحمة الضاني والمستوية بلية الخروف غير العفروط بصلات...وعن تجربة...دي وصفة أستاذ...خالص تحياتي واحترامي للجميع...

[rock]

الله ينور ياوجدان ..... انا من عشاقها ..... بجد (فاروق صلاح ) طبق جميل ..... تحياتى .

[Consul]

أخي العزيز الأستاذ أحمد روك...واحشني فينك من زمان...كل سنة وانت طيب...يا أخي العزيز السلطة إسمها...عفروط بصلات...ايه بقي صلاح إبراهيم ولا فاروق صلاح دي...ما فيش سلطة في الدنيا إسمها كده...أرجوكم إحفظوا الإسم صح...وبلاش تحريف...منعا للمساءلة القانونية...وحفاظا لحق النشر...خالص تحياتي واحترامي للجميع...

[galal khalifa]

بصوا هي مكلفة شوية بس مقلقوش علي طعمها مش ممكن انا اكلتها عند جماعة قرايبي ومن ساعتها وانا بعملها في البيت
هتنزل عند الفكهاني وتجيب منة عينات فواكة ((طبعا يوم العيد الفكهاني ممكن يقطعك لوقلتلة عايز ربع او نص كيلو )) يعني تروح عند فكهاني محترم

المقادير

2 تفاحة امريكاني

2 تفاحة لبناني

ربع كيلو فراولة ((بس طبعا مش هتلاقي اليومين دول بس مش مهم الجايات اكتر))

خمس صوابع موز او خليهم 7 علشان وانت بتعمل تتسلي بالاتنين الزيادة ((دي خبرات))

2 جوافة

2 برتقال

4كيوي ((علي فكرة جامد في الفروت سلاط))

لو فيه منجة((مانجو علشان مدرسين العربي)) متقولش لا

وممكن شوية رمان بس سعادتك متعملوش انت علشان متدعيش عليا والقميص باظ وال... باظ والذي منة , يعني من الاخر تندة علي ست البيت ((المدام الوالدة اختك المهم تبقي واحدة ست))وهي هتتصرف

ليمونة ((لازم ولو بتحبها بتلسع وهي محلية كدة حط زيادة احساس ابن ك....))

علبة عصير كوكتيل او اي حاجة من السوبر ماركت عموما لو حسيت ان ال2 جنية الاخرانيين((اللي في الاخر يعني علشان المثقفين)) هيزودوا الطينة بلة شوية ميه بسكر ((بس هتكون بوظت الطبخة علي شوية عصير))

بصوا كمان لو في اي فاكهة انا نسيتها والفكهاني قلكعليها متقولوش لا حط علي طول كله للخير

الطريقة

قطع كل حاجة في اناء عميق وبعدين حط العصير وبعدين الليمون وقلبهم كويس اوي علشان الفاكهة اللي فيها عصير زي البرتقال تنزل شوية من العصير ده

بجد جميلة جربوها
وجدان

ايو يا عم وجدان الي انت عاملة دا دية احلي واقيم وجبة غذائية ممكن تاكلها وخاصة اذا كنت ها تعمل رجيم الله ينور

[wegdan12345]

حمد ألله على ألسلامة يا ولد أبوى
أياك ألصعايدة أنتخبوك عمدة لما لافيتهم
ألمدعوجة بت ألجديمة أللى أسمها
عفروت بصلاط

لالالالا احنا معندناش غير عمدة واحد هنا (ا جلال)
ولا ايه ياعم متودناش ورا الشمس

[wegdan12345]

ايه الحلاوه دي

شكرا لمرورك الكريم وجربها ومش هتندم

[wegdan12345]

أخي العزيز الأستاذ القناص2010...يا رب دائما مبسوط وسعيد وبتضحك وبالك مرتاح...لعلمك الخاص ما فيش حاجة تهضم الفتة باللحمة الضاني والمستوية بلية الخروف غير العفروط بصلات...وعن تجربة...دي وصفة أستاذ...خالص تحياتي واحترامي للجميع...

يا باشا بالف هنا وشفا بس مفيش حتة لحمة تبعتهالي علشان اجرب هتتهضم ولا لا ؟؟؟

[wegdan12345]

ضحكتنى يا استاذنا و كل سنة وحضرتك طيب بس العفرط بصلات دى هتكون مناسبة جدا مع الفتة و اللحمة هههههههه

شكرا لمرورك الكريم
بس حضرتك شوقتني للاكل.....

[wegdan12345]

الله ينور ياوجدان ..... انا من عشاقها ..... بجد (فاروق صلاح ) طبق جميل ..... تحياتى .

يا ا احمد اوعي يكون فاروق صلاح حد معانا هنا في المنتدي لحسن يتكسر عليا اطباق السلطة
والله واحشنا

[wegdan12345]

ايو يا عم وجدان الي انت عاملة دا دية احلي واقيم وجبة غذائية ممكن تاكلها وخاصة اذا كنت ها تعمل رجيم الله ينور

ياباشا شكرا لذوق حضرتك ولتشريفك موضوعي
حقيقي الفاكهة فيها فوائد كتيرة لكن عاداتنا الغذائية للاسف مفيهاش الاهتمام بالفواكة
وبجد الموضوع ده هينفعني بعدين ...

[simsim1996]

ياسلام عليك يا وجدان باشا وعلى وصفك التفصيلى اللى فكرنى بالكابتن لطيف
وياريت كمان نحط شوية عنب بناتى ونغطيها بشوية كريمه لبانى او بولة ايس كريم
و اوعى يامعلم

[Consul]

يا باشا بالف هنا وشفا بس مفيش حتة لحمة تبعتهالي علشان اجرب هتتهضم ولا لا ؟؟؟

أخي العزيز وبلدياتي الغالي قوي الأستاذ وجدان...السنة دي ربنا كرمني وعملت جمعية وإشتريت اللية من غير الخروف...تحب أبعث لك حتة؟!...وبعدين واحد زيك مئرش ولسه جاي من البلد...ها يبص برضو لأكل الغلابة اللي زينا...ده الفلوس قصرت معايا ولم أستطع أن أشتري القرون علشان أفرح العيال وأمهم...خليني ساكت وما تقلبش عليا المواجع...والله ولاد الحلال كتير ولم ينسوني برضو...قالوا إن الشتا داخل والدنيا برد يا حرام...صعبت عليهم...قاموا بعثوا لي فروة الخروف إللي ذبحوه...حتي لا أبرد...نقول إيه...مشكورين برضو...وربنا يغطيهم علي قد نيتهم...أنا بأدعي لهم أهه...إن شاء الله يجيلهم مغص...ولا يشتروا خروف أعرج ولا يطلع أحول...ولا حتي يشربوا العفروط بصلات بتاعك ده...وبالهناء والشفاء علي قلب أم.....ولا بلاش الطيب أحسن...خالص تحياتي واحترامي للجميع...

[عاشق القنص]

استـــــــــــــــــــــــــــــــــــــــــــــــ ـــــاذ وجدان يانجم فى العالى
فى قسم المطبخ منور ومبدع ومتالق وتفكيرك عالى

[wegdan12345]

استـــــــــــــــــــــــــــــــــــــــــــــــ ـــــاذ وجدان يانجم فى العالى
فى قسم المطبخ منور ومبدع ومتالق وتفكيرك عالى

تسلم يا عاشق القنص علي زوقك
واكتر حاجة عجباني فيك انك من الدراويش يعني ابن عمي (انا زملكاوي اوي اوي اوي)