مشاهدة النسخة كاملة : اشحم بالشحم ده يا جماعه ولا لا


samraghost
10-11-15, 01:59 PM
انا اشتريت شحم النهارده عشان اشحم بيه البندقيه وقلت للراجل شحم ابيض وصوره العلبه والشحم وكنت عايز اعرف من حضراتكم هو ده فعلا الشحم المظبوط الى اشحم بيه البندقيه ولا لا

http://www.youtube.com/watch?v=MIzNCqyUWpg

samraghost
10-11-15, 05:28 PM
يا ريت حد يرد على سؤالى يا صيادين

محمد احمد العنانى
10-11-15, 05:41 PM
اة دة تمام انا بستخدمة .

samraghost
10-11-15, 06:55 PM
اوك الف شكر على الرد يا محمد باشا

محمد احمد العنانى
10-11-15, 06:58 PM
العفو يا ...س مش عارف أقراء الاسم سمر جوست صح ولا

samraghost
10-11-15, 07:28 PM
انا اسمى احمد سمير يا باشا وبالنسبه لاسمى فى المنتدى سمرا جوست

محمود شلبي
10-11-15, 09:28 PM
سوال يا جماعه الشحم بيوضع فى اى الاجزاء فى البندقيه

المستشار
10-11-15, 09:31 PM
الشحم كويس بس عيبه انه بيلم تراب وديما سواء الزيت او الشحم بيتحط فى الاماكن اللى بيبقى فيها احتكاك بين الحديد وبعضه وفى المفصلات وده بيختلف من بندقيه لاخرى بس ابعد عن الماسوره والجلبه وتقبل مرورى وكل عام والجميع بخير

محمد احمد العنانى
10-11-15, 10:01 PM
احمد سمير اخو هشام سمير ازيك يا ا/احمد.جوست يعنى شبح ولا عفريت

Consul
10-11-15, 10:24 PM
انا اسمى احمد سمير يا باشا وبالنسبه لاسمى فى المنتدى سمرا جوست

الله عليك...أخي وإبني الغالي الأستاذ أحمد سمير...إسمك غالي عليا قوي...علي إسم إبن أخي ...شقيقي وتوأمي وحبيبي المرحوم سمير...نسألكم الفاتحة والدعاء له بالرحمة والمغفرة ولأمواتنا جميعا...خالص تحياتي واحترامي للجميع...

محمد احمد العنانى
10-11-15, 11:40 PM
اللهم أمين....وارحمنا أذا صرنا الى ما صارو الية...

sghr220
10-11-16, 01:13 AM
السلام عليكم و رحمة الله و بركاته
بعد اذن الاخوة الأعضاء لي رأي في موضوع الشحم ده, تشحيم السوستة و البستم و شمبر الهواء في البنادق لا يجوز اطلاقا استعمال شحم ذو أصل بترولي (مثل شحم الأهلية الموجود بالصورة) و ذلك لسببين مهمين جدا و هم :
1. الشحم البترولي مع الضغط و درجة الحرارة المفاجئين بيتحرق و بنشوف الدخنة الصفرة الجميلة في أول استعمال و ده يزود درجة الحرارة ويسبب تغيير شكل الجلبه و اجهاد معدن البستم و شمبر الهواء.
2. الشحم الحراري يتحمل درجة الحرارة جيدا جدا و لكن داخل في تكوينه اما حبيبات سيراميك او معدن و بالتالي لا يصلح وضعه بين معدنين (يعني في الآخر حيكسر السوستة).

الشحم المناسب لبنادق ضغط الهواء هو شحم الجرافيت أو ال Moly grease و هو موجود عند محلات شحوم السيارات و لكنه للاسف غالي حبتين لكنه الشحم المستخدم من الشركات المصنعة في الأساس و استخدامه يحافظ علي أجزاء السلاح الداخلية أطول وقت ممكن.
ولكم جميعا كل الاحترام و التقدير.
http://www.revol.co.uk/i/products/greases/web-pics-moly-lithium-grease.jpg

محمد رضا العبد
10-11-16, 02:16 AM
شحم زى الفل .....وابدا فى التشحيم وقلنا على النتايج وباذن الله هتظبط معاك

samraghost
10-11-16, 01:47 PM
محمد با شا ازيك حضرتك وشبح او عفريت مش فارقه هو اسم جه على دماغى لما جيت اعمل اميل وبشارك بيه فى المنتديات لك تحياتى

الاستاذ جلال شرف ليه ان اسمى يكوت على اسم ابن اخيك الله يرحمه ويغفر له ويدخله فسيح جناته والمؤمنين اجمعين يا رب العالمين


محمد زميل المعاناه فى البى 3 انت فين على فكره صندوق الوارد عندك امتلا تانى انا كنت عايز اشحم بيه بعد ماقلتوا لى انه كويس بس الاخ sghr220 خير خوفنى منه يا ريت تقرا الكلام الى قاله وتعلق عليه ولو حد عنده تعليق على كلامه يا ريت يفيدنى

محمد احمد العنانى
10-11-16, 02:06 PM
ازيك يا احمد وقلنا الاخبار اية بعد التشحيم

samraghost
10-11-16, 03:48 PM
ان شاء الله وان شاء الله خير محمد رضا قالى انه بعد التشحيم بقت حاجه تانيه وهو معاه بى 3 زى الى معايه وان شاء الله هاقولكم ايه الاخبار بعد التشحيم

Consul
10-11-16, 04:09 PM
الاستاذ جلال شرف ليه ان اسمى يكوت على اسم ابن اخيك الله يرحمه ويغفر له ويدخله فسيح جناته والمؤمنين اجمعين يا رب العالمين

أخي العزيز الغالي الأستاذ أحمد سمير...الشرف لي أنا علي معرفتك...ربنا يبارك فيك والله كلك ذوق وردك ينم عن الأدب الجم والأخلاق العالية...أود أن أوضح لك أنني لست جلال بك خليفة عمدتنا وعمدة المنتدى...هذا شرف لا أدعيه...أنا العبد الفقير لله عمك ( جلجل...العجوز ) حتي لا يكون هناك لبس وتعطيني حجم أكبر من حجمي...رحم الله إمرئ عرف قدر نفسه...لذلك لزم التنويه والتوضيح...خالص تحياتي واحترامي للجميع...

prince of hunt
10-11-22, 10:44 AM
ياباشا دا نفس نوع الشحم الى انا بستخدمو بردو وماشى معيا فول والحمد لله

samraghost
10-11-22, 05:59 PM
الف شكر على الرد يا برنس

mido_23279
10-11-29, 11:00 PM
مساء الفل

كنت عايز أعرف من خبراء المنتدى هل الشحم السعودى الى ب 15 ج دة أفضل ولا شحم شركة esso و هو أغلى شوية بحوالى 16.5 ج و هو أخف شوية من الشحم السعودى

أرجو الأفاد

مع الشكر

Mina
10-12-01, 04:04 PM
فى نوع شحم افضل من كدة وهو زى الاسبرى وهو امريكانى لون العلبة ابيض وهو دة الشحم الابيض وبيتباع فى بنزينة الامارات التى قبل كارفور مصر اسكندرية بس السعر ممكن يكون من 30 الى 50 جنية ومن ميزاتة انك ممكن ترشة فى الاماكن صعب الوصول وتانى حاجة خفيف ومعالج اكتر من الشحم العادى ومش بيلم تراب