بنات بتحب الصيد

[مهيب]

انا كنت عايذ اسال سوال هوه مفيش بنات بتحب الصيد خالص ولا حتي بيطلعوا يصطادو في مصر ولا هيا الهوايه دي قاصره علي الولاد بس مع اني دخلت مره نادي االصيد في مصر لقيت بنات كتيره بتمارس الرمايه صح ولا انا بتهيالي

[عاصــم الشبراوينــي]

صح يا مهيب هوه في فعلا بنات كتيره بتحب الرمايه غير الصيد لان الرمايه جذء من الصيد عشان كده بيمرسوا الرمايه في الانديه زي الصيد والشمس وغيره لكن اكيد مبيطلعوش يصطادوا يعني

[شمس الملوك]

فعلا انا بحب الصيد قوي بس عمري مخرجت اصطاد وعلي فكره انا برمي كويس جدا بنسبه 9-8
يعني كل 9 رميات بجيب 8 نسبه كبيره بس نفسي والله اطلع اصطاد زيكو كده

[moustafa_hunter]

فعلا انا بحب الصيد قوي بس عمري مخرجت اصطاد وعلي فكره انا برمي كويس جدا بنسبه 9-8
يعني كل 9 رميات بجيب 8 نسبه كبيره بس نفسي والله اطلع اصطاد زيكو كده

كويس جدا جدا جدا بجد انا حبيت الهواية دى اكتر لما قريت المشاركة دى.

[شمس الملوك]

ليه يا مصطفي زاد حبك للهوايه بعد مقريت يعني ايه السبب انت مكنتش فاكر ان في بنات بتحب الصيد خالص ولا ايه

[moustafa_hunter]

ليه يا مصطفي زاد حبك للهوايه بعد مقريت يعني ايه السبب انت مكنتش فاكر ان في بنات بتحب الصيد خالص ولا ايه

انا كنت متأكد ان الهواية دى قاصرة على الولاد ومكنتش متصور ان فى بنات فى مصر بتحب الرماية.

[msgm]

أهلا شمس الملوك..

بتحبي الصيد و نفسك تطلعي تصطادي ..

لو أنتي في كلية . ده بيكون سهل ..بتقدروا تنظموا رحلات سفاري تصطادوا فيها . زمايلي في كلية الصيدلة جامعة القاهرة نظموا رحلة من النوع ده .. كانت من أروع الرحلات الي شهدها تاريخ رحلات الكليات في مصر

و طلع مع الرحلة شيفات من فروج .:) "الي هما بتوع مطاعم الطازج"لاطازج إلا الطارج . دجاج فروج المشوي":)

مش " رحلات دريم بارك .و الكلام الفاضي ده "

بس مين بقى في الكلية عندك بيحب الصيد ...

شوفي مسؤل الرحلات و نسقي معاه

على طاري ذكر إسم البنات
.أغنية جميلة للبنات عجبتني .. حمل من هنا elBanat gat (http://msgm222.googlepages.com/ElBanat-Gat.rar)

[abdalla]

سبحان الله وبحمده

[علاء معيوف]

يا جماعة انا زملائى بيعشقو الصيد وفية منهم بنات وبيجولى فى الاجازة مع عائلاتهم وبنظم برنامج جامد وعلى فكرة فية منهم 10على10 فى الرماية

[msgm]

يا جماعة .. في حد معانا في المنتدى مشترك في أي نادي رماية أو صيد ..

أرجو الرد للأهمية ؟@

[عاصــم الشبراوينــي]

يا ريت يا جماعه عشان عيزين نستفسر منه عن حجات كتير

[msgm]

اقترح اضافته كسؤال في التعارف مع الاسم وهكذا

[nagobaa]

الموضوع بتاعكه ده 10/10
وتشجيعى قوى قوى

ممكن ياعاصم الموضوع ده يتحقق

ياريت لو اتحقق اكون انا واحد من ضمن المشتريكيى

وفى فكره عندى ممكن تفيد جميع اعضاء المنتدى الجميل دى

نعمل رحله للجميع بشتراك يتحدد بعد موافقت الجميع

ونطلع كلنا مع بعض ونقضى يومين تلاته حلوين
وننسى الهم والروتين اللى بيحصل كل يوم

http://alwlid.files.wordpress.com/2008/05/arabic_horses5.jpg

[نادرموريس]

كله الا كده دول ناقص يحاربو بدلنا واحنا نقعد في البيت

[عاصــم الشبراوينــي]

لا مش يحاربواا بس انا شايف انك متحامل شويه عليهم بس الموضوع عادي يعني زمان كانت الستات بتطلع في الغزوات مع الرجاله يعني الموضوع ده مش جديد

[نادرموريس]

بس الي انا اعرفه ان الستات يتميزون بالرقه ومالهم هما ومال الدم

[severeman]

اسمحو ليا اني اشارك معاكم واقول راي في الموضوع بتاع البنات اللي بتصطاد

اولا .. الرمايه وصى عليها سيدنا عمر

وسبب عزوف البنات عن الصيد هو الدم

أيوة الدم

البنات ممكن يكون عندها هواية الرمايه فقط لكن مش الصيد

الصيد ياعني انك تصطاد شئ حي بطلقات حية ويقع قصاد عينك ويفرفر كل الكلام ده احنا الشباب والرجال عارفينه طبعا وقلبنا جمد لما نشوف فريسه مثلا اصطدناها وخارج منها الدم وعنيها بتدمع من الألم مش معنا كده اننا مات قلبنا لكن ده حلال ربنا مادام الصيد ليه هدف نبيل والصيد ياجماعه عمرة ماكان إباده أو قتل

لكن بقه البنات لو شافت منظر زي ده ممكن تسخسخ :eek:

وفي نقطه تانيه ان صيد الطيور الجارحه مثلاً خطير جدا ومش ينفع اطلاقاً مع طبيعة البنات وهضربلكم مثال انا اتعرضت ليه>>> من حوالي اسبوع اصطدت صقر وهو مثبت في الجو بطلقه في جناحه عشان مش يموت ... نزل على الارض زي ما يكون طياره انضربت في جناها وهيا طايره وليكم انكم تتصورا ياعني ايه صقر تصطاده وتمسكه .. اكيد هيأذيك بمخالبه اللي عامله زي الحاربه ومنقاره اللي عامل زي الخنجر
.. هل بقه ممكن بنت تمسك صقر بعد ما تصيبه اصابة عجز؟؟؟ ما أفتكرش انا تتجرأ تيجي جمبه لأن كفاية نظرته


ده غير طبعاً ان البنات لو مشيت في الشارع ومعاها بندقية صيد سواء كان ده في سفاري او بلد أرياف ده هيخلي البلد كلها تمشي وراها عشان تتفرج على المرأة القناصه :) وده مش هيكون ظريف في وجة نظر البنت :D

[msgm]

الأخ severeman

مش بأعلق على موضوع صيد البنات ..
بأطلب منك تكتب في موضع جديد لأن القصة شدتني . ملابسات قصة الصقر .
و يا ريت ترفق صورة ليه !

[عاصــم الشبراوينــي]

لا معتقدش ان البنات لو شافت الدم هدوخ خالص البنات اتغيرت علي فكره نهائي دول بيدخلو الجيش يا عم وبيمثلوا افلام اكشن (هههههههههههه)
لا شوف في كليه الشرطه البنات بتعمل ايه
وبعدين مفي بنات جراحين
وفي كليه الطب ومبيتعملوش غير مع الجثث والدم لا مش مقياس خالص اختلف معاك

[severeman]

الأخ Severeman

مش بأعلق على موضوع صيد البنات ..
بأطلب منك تكتب في موضع جديد لأن القصة شدتني . ملابسات قصة الصقر .
و يا ريت ترفق صورة ليه !

والله ياباشا انا لو حكيتلك الموقف بتاع الصقر ده عنيك هتدمع وكنت اتمنيت ان الطلقة تخيب وما تصيبه

هحكيلك ملابسات الموقف وهو بالفعل موقف في غاية الغرابه

كنت رايح اصطاد الساعة 7 الصبح جمام وحمام بري ولقيت الصقر ده محلق ومثبت في الجو وجمبيه صقر تاني انا ضربت الصقر الاقرب لمرمى البندقيه وكنت قاصد ان الطلقة تيجي في جناحه وبالفعل الطلقة جت في محلها وهيا انحرفت بسيط جدا فاصابت المنطقة اللي تحت الجناح وزي ما بنقول كده الرشه جت قشط ياعني جرحت الصقر فقط ولم تستقر بداخله

الصقر أصابته الرشه من هنا ونزل في صوره مبهره جدا للأنظار واللي هتستعجب منه حضرتك وده انا أول مره اشوف الموقف ده من طائر حيوان والموقف كان في منتهى الغرابة والأندهاش وعمري ماشفته لا في عالم الحيوان ولا حتى أعتقد اني هشوفه تاني

وهو ان الصقر اللي جمبيه انقض على الأخر اللي تمت اصابته اثناء سقوطه وحاول انه يمسكه وهو في الجو قبل ما ينزل على الأرض لكن كان قدره انه مايلحقش أخوه

كنت انا واقف تحت بإنتظاره وبالفعل مسكته قبل ما يلحقه أخوه

وفي حاجه ياباشا انا بصراحه مش بحبها
وهيا اني اصور الطيور اللي بصطادها او اصور رحلات الصيد

لكن هحطلك صورة لصقر اخوه بالضبط في المرفقات لاني بصراحه مش صورت الصقر اللي كان عندي

وأوعدكم ان شاء الله اني اصور لكم قريب اقرب رحلة صيد ليا

بالمناسبة ياباشا نسيت اقولك انا ندمان لاني اصدت الصقر ده لانه بعدها بيومين مات من الحزن وبكرر مات من الحزن مش من الاصابه لانه امتنع عن أكل أي شئ

وان شاء الله هحط الحكاية دي في موضوع جديد في قسم صور للرحلات البريه في موضوع مذكرات صياد بصوره مفصله

[severeman]

لا معتقدش ان البنات لو شافت الدم هدوخ خالص البنات اتغيرت علي فكره نهائي دول بيدخلو الجيش يا عم وبيمثلوا افلام اكشن (هههههههههههه)
لا شوف في كليه الشرطه البنات بتعمل ايه
وبعدين مفي بنات جراحين
وفي كليه الطب ومبيتعملوش غير مع الجثث والدم لا مش مقياس خالص اختلف معاك


والله ياعاصم باشا انا متفق معاك بس الغالبيه العظمى هيا الخوف من الدم

في بنات قلبها جامد وعندها الدم زي الماية بس مش كلهم بل أقلية منهم

ولو جينا نقارن بين الراجل والست هنلاقي في فارق كبير في الموضوع ده

[نادرموريس]

بلاش مبالغه الست ست كائن رقيق ولو عملو حاجه بيبقو مغرمين عليها زي الدم وخلافه

[galal khalifa]

الاخوة الاعضاء اسمحوا لي بالاشتراك في الموضوع دة طبعا الست او البنت مخلوق رقيق جدا بس الكلام دة كان زمان النهاردة الست اخترقت كل الميادين في منهم في سلاح الجة في بلاد كتيرة وبتقوم بعمليات حربية وفي منهم بيروحوا يصتادو في افريقيا وممكن تشوف دة بالصور علي النت احنا الي لسة مش قادرين نخرج من مفهوم ان الست مكانها البيت وخلافة ولكن السؤال هل من الممكن ان الست او البنت تطلع رحلة صيد مع شباب لمدة يوم او يومين اذا كانت تقدر تستحمل دة يبقي مافيش اي مشكلة زيها زي المهندسة الي بتروح الصحراء في المشروعات المختلفة وزيها زي الطبيبةاو الجراحة الي ممكن تشتغل في اي مكان التجربة هي خير دليل علي الانجاز

[ابو الشوق]

الصيد طبيعة الرجل
الستات طبيعتهم يعملوا باديكير منيكير الحاجات دى بتشد البنات اكتر من الصيد وبعدين لما يصطادوا احنا نعمل اية نطبخ الى هيصطادوة

[galal khalifa]

يا ابو الشوق ياجامد دة احلي حاجة خالتني اموت من الضحط النهاردة

[ابو فرح س]

يعنى هما ورا نا ورا نا الصيد ده له ناسه مع احترامى للاى فتاه لان الصيد يوجد به فى بعض الاحيان جهد كبير

:d:d

[Hunting & Hunter]

يا جماعه فى الواقع انه فيه بنات و سيدات فعلا اعضاء اتحاد الرمايه ويمارسن فى النوادى المختلفه الرمايه على الاطباق وايضا صيد حمام العاب والحفرة و يذهبن لرحلات صيد البط

[mlmk66]

انا زعلان جدا علي الصقر يعني انت لما ضربته كنت عايز تعمل ايه