مشاهدة النسخة كاملة : ضرسي هيموتني يا جدعاان
احمد فتحي 13-02-19, 01:21 PM السلام عاليكم
انا كنت حاشي درسي قبل كده
بس مكملتش الحشو كله
واكتفيت انه خلاص مبقاش يوجعني
بس انبارح مره وحده لاقتوا بيوجعني جدا جدا
ومش عارف انام منه
دلوقتي انا عايش علي المسكنات
بس لاحظت ان الوجع نقل علي الدرس الي جمبه
مش عارف ليه
انا هاخد هروح للدكتور بكره
ان شاء الله
في حاجه اخلي بالي منها
adel152 13-02-19, 01:41 PM ألف سلامة عليك يااحمد باشا.
فيه نوع فوار اسمه Cataflam يوضع فى كمية قليلة من الماء ويقلب ويتم شربه.
ده هيضيع الوجع نهائى لمدة 12 ساعة لحد ماتذهب للدكتور وهيخليك تعرف تنام باليل.
نصيحة لا تأخذ منه أكثر من مرتين فى اليوم.
أبقى طمنا على حضرتك.
تحياتى.
احمد فتحي 13-02-19, 01:58 PM الله يسلمك يافندم
الف شكر يااستاذ عادل
الف سلامة على حضرتك
للاسف مش هقدر اقول حاجة
لانى مش بعرف فى المسكنات
كان بودى اساعدك يا باشا
ربنا يشفيك ويعينك يارب
ebrahem 13-02-19, 02:22 PM المضمضة الخضرا الموجودة فى الصيدلية بتهدى شوية
tarekabasy 13-02-19, 02:38 PM حط تحت ضرسك عود قرنفل واضغط علية هيسكن الألم فى ثوانى لغاية ما الدوا المستديم يشتغل
وممكن كمان
xylocain 10%
دا مخدر موضعى رش
واهتم باسنانك
مش هوصفلك هو متعب ازاى اظن ان انت عارف
وبالشفا انشاء الله
حاول ماتتعجلش فى الحشو الا لما تعرف الضرس المضرور عشان انت ممكن من الألم ماتعرفش حتى الضرس المصاب فوق والا تحت
ركز وجرب وتيقن
خالص تجياتى
احمد فتحي 13-02-19, 06:03 PM الف شكر ياجماعه وربنا مايكتبه علي حد
والله فعلا آلم الدرس ده فظيع جدا جدا
بس الحمد الله انا اخذت مسكن لغايه لما اروح للدكتور ويشوف بقي انا سمعت انه بيعوز اشعه علي الضرس بس مش عارف دي بتتعمل ازاي
يعني هيدخل دماغي هو الجهاز ولا ايه
هههههههه
diiie_hard 13-02-19, 07:17 PM اولا مينفعش تبني شقة وتصب نصف السقف بس وتقول كده كويس ويقدر يحميني
وفجاة لما الدنيا تشتي تلاقي كل البيت اتغرق ميه صح ؟
ثانيا فيه مسكن طبيعي وجميل جدا جدا وهو زيت القرنفل بتحط منه نقطتين علي الضرس وهيسكنلك القلم
ثالثا مسكن ادوية وده بيتلخص في كتافاست او بروفين او كتافلام زي ما الاخ قال عنه ودي بتبقي كيس بودرة بتحطها علي نص كوب ميه وتقلبه كويس وتشربة
وانصحك بالبروفين لانه احسن شوية وسريع في التسكين لحد ما تروح لدكتور
والف سلام عليك يا باشا
اخى الفاضل فيه بخاخ مسكن جيد جدا مخصص لالام الاسنان اسمه bbc جربه و ادعيلي هيسكنلك الالم خالص
Alex General 13-02-19, 10:34 PM مضمضه ميه دافيه بملح وطبعا لازم هيعملك اشعه الاول ودى بتمسك فلم قد عقلت الصباع جوه بقك وهوه بيصور بالجهاز من بره وربنا يكون فى عونك ولازم الاول هتاخد مضاد حيوى ومضاض للالتهاب عشان محدش بيشتغل على درس فيه الم حاد لازم مضاد الاول لكذا يوم
ألف سلامة عليك يااحمد باشا.
فيه نوع فوار اسمه Cataflam يوضع فى كمية قليلة من الماء ويقلب ويتم شربه.
ده هيضيع الوجع نهائى لمدة 12 ساعة لحد ماتذهب للدكتور وهيخليك تعرف تنام باليل.
نصيحة لا تأخذ منه أكثر من مرتين فى اليوم.
أبقى طمنا على حضرتك.
تحياتى.
الله ينور يا عادل بك بس الفوار إسمه كتافاستcatafast الف سلامه علي عضونا الفاضل
احمد فتحي 13-02-20, 01:03 AM الله يسلمكوا يا جماعه ربنا يخليكوا والف شكر انا رحت لدكتور كده بس يارتني مارحت العده بتعته مصديه ولا في تعقيم ولا حاجه والكرسي تحس انه من المخلفات
هو طلب مني اشعه علي الضرس وعملتها وان شاء الله هروح لدكتور تاني يكون بيفهم ونظيف
adel152 13-02-20, 10:21 AM الله ينور يا عادل بك بس الفوار إسمه كتافاستcatafast الف سلامه علي عضونا الفاضل
تمام ياحسن باشا فعلا هو Catafast أنا اتغلبطت مابين الاثنين لأنى بقالى فترة ما أستعملتش الكاتافاست.
تحياتى لمعاليك.
adel152 13-02-20, 10:36 AM الله يسلمكوا يا جماعه ربنا يخليكوا والف شكر انا رحت لدكتور كده بس يارتني مارحت العده بتعته مصديه ولا في تعقيم ولا حاجه والكرسي تحس انه من المخلفات
هو طلب مني اشعه علي الضرس وعملتها وان شاء الله هروح لدكتور تاني يكون بيفهم ونظيف
للأسف أغلبية دكاترة الاسنان فى الاسكندرية تعبانين جدا.
صعب جدا تلاقى دكتور وعنده أمكانيات حديثة زى أجهزة الليزر مثلا.
لو فيه صعوبة فى وجود دكتور كويس فى الورديان فيه دكتور الناس كلها بتشكر فيه فى اول العجمى مدخل البيطاش فوق بتاع العصير (امام المطافى) فى اول دور. انا مش متأكد من اسمه لكنه مشهور جدا.
احمد فتحي 13-02-20, 11:41 AM الف الف شكر يااستاذ عادل علي اهتمامك بالموضوع بتاعي وفعلا نادرا لما تلاقي دكتور محترم وعيادته نظيفه
بس انا الحمد الله حجزت في عياده سمعتها عندنا حلوه
وربنا يصلح الحال
تمام ياحسن باشا فعلا هو Catafast أنا اتغلبطت مابين الاثنين لأنى بقالى فترة ما أستعملتش الكاتافاست.
تحياتى لمعاليك.
حبيبي يا أستاذ عادل و خبيرنا المخضرم علي المنتدي و ربنا يبعدك عن أي ألم و مسكنات :lov::lov:
احمد فتحي 13-02-20, 04:22 PM الحمد الله ياجماعه روحت للدكتور وخلع الضرس
بس قلي متشربشي سجاير لمده 24ساعه وقلي اشرب حجات ساقعه ان نهرده
والف الف شكر لاعضاء المحترمين
diiie_hard 13-02-20, 06:09 PM الحمد الله ياجماعه روحت للدكتور وخلع الضرس
بس قلي متشربشي سجاير لمده 24ساعه وقلي اشرب حجات ساقعه ان نهرده
والف الف شكر لاعضاء المحترمين
الف سلامة عليك يا باشا
|