بنص جنيه

[دكتور عابدينوف]

كتير جدا كنت بكسل اصطاد لان سكاكين البيت كلها باردة ولما كنت اصطاد كنت احس انى بعذب الطير وحرام عليا
يا اما اجيب سكين رحلات على الاقل 100 جنيه
يا اما اتصرف
وطبعا اخترت اتصرف
جبت مشرط جراحى بنص جنيه وجبت فرشة سنان قديمة واخدت المقبض بتاعها وسخنت اخره على النار وجبت كماشة ضغطت بيها اخر المشرط على المقبض المولع وغسلته علطول عشان ينشف
طبعا الشكل زبالة بس مممكن تطلع احسن وممكن اصلا اجيبب المشرط كامل واريح دماغى باربعة جنيه ولا حاجة بس كانت الشركات قافلة
http://i1357.photobucket.com/albums/q742/doctoromega1/Photo04201_zpsfacde79f.jpg:sante:

[ĴΘĶЄЯ]

فكرة حلوة برضو تسلم الايادى

[adel152]

فكرة ممتازة يادكتور بس يايريت تعمله غطاء على منطقة السلاح للأمان فى حالة عدم استخدامه.

[ahmed yasser]

فكرة ممتازة انا بستخدم المشارط كتير لما باجي اسلخ وممكن تركبله ايد مشرط وموجودة في اي شركة مستلزمات طبية

[AhmedShaltoot44]

تسلم ايدك ... هو عايز إخراج كويس شوية .... وجراب وهيبقى تمام .

[مورو]

فكرة حلوة يادكتور وتسلم ايدك

[دكتور عابدينوف]

فكرة حلوة برضو تسلم الايادى
تسلم ياباشا :)
فكرة ممتازة يادكتور بس يايريت تعمله غطاء على منطقة السلاح للأمان فى حالة عدم استخدامه.
اه مانا كنت هعمله انهردا
فكرة ممتازة انا بستخدم المشارط كتير لما باجي اسلخ وممكن تركبله ايد مشرط وموجودة في اي شركة مستلزمات طبية
مانا كنت بسال عليها امبارح بس الوقت كان متاخر وكانوا قافلين والمفروض كنت اطلع انهردا بدرى فى شونة جمبنا بس نمت للاسف
تسلم ايدك ... هو عايز إخراج كويس شوية .... وجراب وهيبقى تمام .
تسلم ياباشا الله يكرمك ...دا حاجة تؤدى الغرض بس مؤقتا لحد ما اجيب ايد المشرط
فكرة حلوة يادكتور وتسلم ايدك
تسلم يا كبير ربنا يعزك

[محمد خلف]

فكره جامده ايه الحلاوه دي

[omarara]

فكرة جامدة اوة ياباشا انا كنت هعملها بالسلاح بتاع القطر قبل كده

[ehab98]

فكرة جميلة تسلم ايدك

[الذهبي]

تسلمممممممممممممم الايادي

دماااااااغ مصرية :)
هههههههههههه

[دكتور عابدينوف]

فكره جامده ايه الحلاوه دي

فكرة جامدة اوة ياباشا انا كنت هعملها بالسلاح بتاع القطر قبل كده

فكرة جميلة تسلم ايدك

تسلمممممممممممممم الايادي

دماااااااغ مصرية :)
هههههههههههه

الله يباركلكم يا رجالة شكرا لتشجيعكم :baskt::lov:

[محمد ياقوت]

هذا الاختراع خطر جداااا اعتقد ان الموجود فى الصور افضل وآآآآمان اكتر

[دكتور عابدينوف]

هذا الاختراع خطر جداااا اعتقد ان الموجود فى الصور افضل وآآآآمان اكتر

كان عندى الكتر وبيصدى ....ولا فيه منه مابيصديش؟؟؟

[M.SHADY]

فكره كويسه و بالتوفيق ان شاء الله

[الذهبي]

كان عندى الكتر وبيصدى ....ولا فيه منه مابيصديش؟؟؟

للاسف عن تجربة بيصدي جربت انواع كتير كلو بيصدي

[Angel of Death]

فعلا الحاجة أم الإختراع :)
و لا هو عشان حضرتك دكتور بقي و عندك مشارط كتيير :)
عموما خلي بالك لأن ده خطر جدا خاصة بدون جراب :)

[salvo]

تسلم ألأفكار يا باشا

تحياتى ,,,

[fadeel79]

السلام عليكم ، فكرة حلوه وبتفكرنى بالسكاكين الى بتتعمل فى السجون ، لو شفت بريزون بريك هتلاقى اشكال كتير .

ملحوظة : الامان فى الى انت عملته يعتبر معدوم ، ان لا قدر الله وانت بتجرى ووقعت عليه مش عاوز اتصور الموقف ربنا يسترها عليك وعلينا.

[tharwat]

فكرة جميلة جدا....بس المشرط ممكن تشتريلة يد رقم اربعة استانل ستيل غير قابل للصداء....كمان في مشرط نازل جديد في السوق ب 5ج بيد بلاستيك جاهز للاستخدام علي طول و لمرة واحده بيتباع في اي صيدلية...ارفقت صور للمشارط الجديدة...و صور لاشكال و ارقام اشكال المشارط...يارب تنال اعجابكم

[tharwat]

المشرط اللي بيد بلاستيك بيتباع مغلف بطبقة بلاستيك تخفي السلاح...فده اكثر امان

[tarekabasy]

بص يا باشا.....هى فكرة حلوة ورخيصة
بس انا افضل سكينة حقيقية
يكون سلاحها اطول عشان تدبح كويس
مع انها ممكن تكون سكينة صغيرة برضة
وكمان السلاح لزم تسنة قبل كل طلعة
وانا انصحك بمسن اللى هو بيبقا اربع عجلات يمين واربعة شمال ومتقاطعين مع بعض
دا بيسن السكينة فى حاولى دقيقتين بيخليها موس بس يا ريت مايكونش صينى والنبى
هاتة ايطالى او انجليزى هتتكيف اوى منة
وانصحك بالسكاكين البرازيلى من اى توحيد ونور مش هتعدى 5 جنية
اشتر ى اصغر مقاس
ميزة البرازيلى انة سلاحة رفيع اوى فبيتسن بسرعة وبيبقا حامى جدا
اقصر سكينة برازيلى طولها 17 سنتى
اليد خشب 10 سنتى
والسلاح 7 سنتى
وانصحك تشيل سكنتين عشان ساعات بتتنتر وتقع
فا لمفروض يكون فية بديل
تحياتى يا عوبد

[tarekabasy]

المشرط اللي بيد بلاستيك بيتباع مغلف بطبقة بلاستيك تخفي السلاح...فده اكثر امان

هصورلكم فكرة حلوة هههههههههه اصبر عليا....ممكن بكرة

[tarekabasy]

المشرط اللي بيد بلاستيك بيتباع مغلف بطبقة بلاستيك تخفي السلاح...فده اكثر امان

هصورلكم فكرة حلوة هههههههههه اصبر عليا....ممكن بكرة

[tharwat]

منتظرين الابداع....

[a7med.magdy]

هصورلكم فكرة حلوة هههههههههه اصبر عليا....ممكن بكرة

و احنا في الانتظار

[mody_kamal]

باشا انا جربته هوا عملي في حاجه واحده انك بتنحر بيه زي نحر الجمال (دبح الجمال ) ما بتتدبحش عادي بتتشد مره واحده كده وهوا فكرته بيتشد مبيدبحش ما بيروحش ويجي يتشد مره واحده بس معرفش ده حلال ولا حرام

[a.m.s]

موضوع حلو اوي
بس اجيب مشرط منين