مشاهدة النسخة كاملة : طلعة الموت............عنتر وشيبوب والربع الخالى
tarekabasy
13-02-04, 07:45 PM
صباح الخير
................طلعة الموت...........
اسم غريب....بيتهيألى لو انا دخلت موضوع معنون باسم طلعة الموت هلاقى بقا ولا ستين فرد يمام....ههههههههههههههه
.....................................لا ابسيليوتلى
دى طلعة موت بجد..........طلعة واجهت فيها الموت انا واحمد ابنى...........
ماتستغربوش
انا ماكنتش هكتب عنها.......لكن بينى وبينكم قولت اقولكم عشان كل واحد ياخد بالة
وعشان كان فيها فوايد ودروس وعبر............فوايد ودروس وعبر.........ههههه اية الكلام الجامد دة
بذمتكم دا شكل واحد كان هيموت النهاردة ههههههههههههههه
..............
الصبح 7.30 خرجت انا واحمد
اول خروجى من شارعنا ضربت بمامة على عمود نزلت مفرفرة..........وكانت الشمس مشرقة واليوم بادىء بداية جميلة ..........
كام ضربة كمان بجوز يمام كمان وكام عصفورة للصقر
وتاخدنا رجلينا لمكان كبير ارض فاضية كبيرة بين البيوت فيها زبالة كتير وفجأة
ببص لقيت فرخ مية طار من فوق جاى من اتجاة البيوت ماعرفش ازاى.....وتم تمييزة بمنقارة واللون البرتقالى اللى فوقية
انا استغربت جدا انى اجد الطائر دة فى المكان دة........المهم نزل وكان فية فى المكان دة بواقى هيش ناشف قصير فى مساحة لا تتعدى تلاتة متر فى متر وارتفاع حوالى متتر وعشرين.....
المهم نزل جنبهم وقومت مناولة وبيفرفر.....وهو بيفرفر مابقاش عارف يطير بقا يزحف زحف بطىء جدا
عشان يوصل يدخل جوة شوية الهيش دول اللى طالعين فى وسط الأرض دى.
طبعا الضربة كانت من مشافة حوالى 25 متر
على ما قربنا واحمد طبعا كان عندة شغف يمسك الطائر الغريب علية دة واللى اول مرة يصطادة....وكان عاوز يلحقة قبل ما يدخل فى الهيش دة
جرى وانا قولت الف حوالين الهيش من الناحية التانية ابص علية.......وفجأة
لقيت احمد بصرخ بابااااااااااااااااا
صرخة وحشة
صرخة خوف
ببص لقية احمد نزل تحت الأرض ومش باين منة الا دراعاتة ورقابتة وراسة
اة والله.....بقيت مزهول
قولتلة ماتخافش
ورميت البدقية من ايدى ونطيت وراة...........تسألونى ازاى اقولكم ماعرفش....لكن الوضع كان خطير جدا جدا جدا........ودا اللى اكتشفتة لما نزلت كمان...انا نزلت لغايةتحت باطى....مع العلم ان طولى 181.........
كنت عارف ان الموقف خطير من اول ماشوفت الولد........كان الفرق بين استغاثتة ونزولى هو ثانية بالزبط.........
اول ما نزلت لقتنى بغرز ....مسكتة من دراعة شديتو وووصلتة لأقرب نقطة..........ولقيت نفسى بضيع........مش عارف اطلع والغرز مستمر....وطبعا كنت غرزت اكتر وانا بطلعة....
لقيت احمد بيقول بكل صدق وهو بيشدنى بابا حبيبى............
طبعا عينى دمعت دلوقتى لما افتكرت
الولد شدنى بكل ما اوتى من قوة....ودا ساعدنى انى اقرب من اقرب نقطة واطلع رجل واحدة والحمد لله سندت بركبتى على اصلب واقرب نقطة وطلعت....
طبعا الحمد لله طلعنا.........ونفدنا بعمرنا..........
بعد ما طلعت انا واحمد قولتلة ابوك قالك ماتخافش....كنت فاكرنى هسيبك يا معلم....دانت لو فى النار هنط وراك اجيبك...........حبيبى احمد.......
طبعا ماوصفلكوش الريحة والنتانة.........اوف
نزلنا فى رشح السنين...........ونقع الزبالة.....يعنى مجارى وزبالة ورشح............طبعا كنت هسمى الطلعة طلعة shit shit shit بس مارضشيت............هههههههههههه
لأن الطلعة اللى كان هيغلب عليها هو الموت مش الشيت
فوايد ودروس وعبر..............
الفوايد
* اولا اكتشفنا احساس الأستاذ شيبوب لما وقع فى الربع الخالى.....هههههههههه
* ثانيا احمد اتعلم مايدوسش على حاجة قبل ما يكون مطمن انها صلبة
*ثالثا الموضوع دة قوى الروابط بينى وبين ابنى جدا وعرفنا اننا مانستغناش عن بعض وااننا دايما فى ضهر بعض
*رابعااتعلمت انى لو لقيت فرخ مية اضرب واعمر واضرب تانى......عشان مايتحركش من مكانة
*خامسا ماطلعش اصطاد من غير ماخد راى المرشد ههههههههه
الدروس
* لو حصلك الموقف دة لا تتردد فى النزول ورا ابنك لأنة لو ضاع منك هتندم طوول عمرك
*ماتخليهوش يخاف لأن دة هيخلية ينزل اكتر
*نزولك السريع هيحل المشكلة اسرع.........ماتترددش
*وجوب شيل حبل فى عدتك للطوارىء.....اديكوا شايفين اهوة
*وجوب شيل الموبايل والفلوس فى اعلى جيب فى الجاكت
*لاتأمن لأى منطقة فيها هيش حتى لو ناشفة قدامك ولو الهيش ناشف ولو قصير......
العبر بقا دى انتوا اللى هتاخدوها من الموضوع بتاعى دى.........انا مش بكتب الموضوع دة عشان نضحك..........لكن عشان تاخدوا بالكم......واتمنى ان الموضوع يثبت لفترة عشان الناس تقراة لخطورتة جدا
................
اول ما طلعت من المرار الطافح اللى كنت فية....طلعت الموبايل فكيت البطارية منة وهو كان قافل طبعا و شلت الفلوس من الجيب البنطلون وحطيتها فى الجاكت فوق..........
طبعا اول ما دخلنا الشقة كلة كان نايم واحنا على راى سامى العدل للمبى سوكتوم بوكتوم.....
رفعنا السجادة من الصالة وابتدينا نقلع هدومنا وقولت لأحمد بالسلب وحصلنى....ودخلنا احنا الأتنين الحمام نزيل ما علينا من التلوث والمجارى والرشح..........
هههههههههه كل ما افتكر ان دة حصلى ماصدقش............
لا واحمد كمان..........احمد اللى زمان واحدة صاحبة اختة جت عندنا حس انها بصت فى الطبق اللى بياكل منة قرف ههههههههههههههه ومارضيش ياكل هههههههههههههههه
تخيلوا
..............
كان عندنا مطهر على شكل شامبو....اخدنا بية الدش التمام...........وطبعا البيت اتقلب ورشة عمل......وتمت حملة التطهير الكامل...........للهدوم والأرض والمرار الطافح...........
تعرفوا ان دة فكرنى بمصر......حاسس انها غرزت زينا النهاردة هههههههههههههه
طبعا الرش كان غرق مجارى هههههههههههههه
غسلتة ومسكتة بالسيشوار نشفتة تمام..........واسيشوار فعلا فكرة حلوة لتنشيف الرش بدل المناديل الورق.........ودا كمان درس حلو
طبعا حنفى حصل على وسام الشرف الأول وهو خش من الرمية على الأرض.....كنت هرميها بجد جامد لكن ربنا الهمنى اعمل تنعيم لعملية الرمى وانا بنط ولما رجعنا البيت وبدانا نلملم اشتاتنا وننضف البندقية زى كل مرة بنرجع فيها بالزيت ونروقها احمد قاللى البندقية اتخدشت.....وطبعا كان الخدش ملحوظ لأنة الأول...........وانا بعتبر وسام فخر على صدر حنفى وصدرى انا كمان.........وهيفضل الخدش دة فى البندقية بيفكر ابنى انا عملت عشانة اية.....زى ما هتفضل الحكاية دى فى ذهن كل اللى بيقراها
تعرفوا كان ممكن احاول امدلة البندقية اشدة بيها.......لكن اعتقد ان المسافة كانت اكبر....
وكانت عمرها ما هتعلم ابنى انى فضهرة دايما وانى بحبة لدرجة الموت...........وانى معاة على الحلو ة و المرة.............
الموضوع كان مفاجأة جدا.........والتصرف كان طبيعى وتلقائى..........
كان نفسى اصورلكم موقع الأحداث لكن طبعا التليفون كان مات..........ههههههههههه الوحيد اللى مات فى اليوم دة هو وفرخة المية...........
لكن لما فكيتة فى البيت حتة حتة ونشفتة بالسيشوار لمدة لا تقل عن ريع ساعة على فترات متقطعة الحمد لله اشتغل..............وهو Nokia n70 اصلى لما بحب عدة مابغيرهاش ههههههههههه..........
من الحاجات الغريبة كنت بصطاد ابو فصادة للصقر وكانوا جوز.....دا طبعا قبل موقعة الخررررررررررررررررررررررررررررررررررررررررررررررر رررررررررابة
هههههههههههههههضربت واحد التانى وطار ورجع....قولت لحمد اقف وقف وضربت التانى....ودول ليهم صورة........لما اشد حيلى بكرة ابقا احطلكم كام صورة..........
انا بحب الروايح جدا هههههههههههه.........مجنون روايح.....ممكن تلاقى عندى مثلا فى المكتب او البيت حوالى من 10 ل 15 قزازة برفان
بعد ما رجعت البيت واستحميت ونزلت الحق المكتب لقيتنى وانا ماشى بعدى على محل عطور وبشترى برفان بحبة كان ناقص عندى.....تفتكروا كنت بشترية عشان انا مجنون عطور والا عشان كان احساسى بالأهانة النهارة شديد..............تخيل انك تنزل بارادتك الحرة فى مجارى معتقة.....هههههههههههههههههه
ربنا ما يكتبها على حد ولا يوريكوا اللى حصلى
حبيت اشاركوا اللى حصلى عشان تاخدوا بالكوا..........خالص تحياتى يا اجدع صيادين
محمود محمد حمزة
13-02-04, 07:55 PM
تسلم ايدك يا استاذ طارق وطريقة سردك للموضوع مميزه
بارك الله فيك
omarara
13-02-04, 08:04 PM
ياااااااااااااااااااااااااااااااااه يا عبدالصمد هههههههههه
ربنا سترها ياباشا وانا اكتر واحد فى الدينا دلوقتى عارف احساسك اصلى وقعت فى المجارى وانا صغير فى جمسه ومش هنسى ابداً ابداً ابداً اليوم ده ولا ناسى الناس برضه بس انا مكنش معايا ابويا ساعتها هههههههههه
hesham[MaFya]a
13-02-04, 08:12 PM
ههههههههههههههههههههههههههههههههههههههههههههه طريقة السرد تخلى الواحد يفطس من الضحك :d
بس ربنا سترها الحمد لله انكو رجعتو بالسلامة..
ربنا يخليلك احمد و يباركلك فيه يا باشا :)
اولا الف مليون سلامة عليك وعلى احمد .... والله يا ستاذ طارق انا عيني دمعت وانا بقرأ الموضوع ربنا مايورينا سوء في اولادنا ابدا يا رب وهوده احساس الاب تجاه اولاده هو يموت علشان هما يعيشوا ومن غير تفكير تلقائي غريزة حب بلا حدوووووووود .. بس انت اتصرفت صح وهدأت من خوف الولد كده انت زرعت جواه شجاعة لمواجةاي موقف بالحكمة والعقل وفي نفس الوقت بسرعة مناسبة تمكنة من الخلاص من المأزق ... ربنا يباركلك في احمد يا استاذ طارق ويبارك فيك ويحميكم من كل شر وجميع المسلمين ..تحياتي لك ايها الاب الشجاع العاقل وجزاك الله عنا خيرا لمانقلتة لنا من خبرة وفائده دفعت ثمنها انت والبطل احمد تحياتي لكما يا رجالة ... وربنا ما يحرمنا من وجودك معانا انت واحمد يا زعيم .. دمت في امان الله .وتستحق كل تقييم.
مصطفى ابواسماعيل
13-02-04, 08:46 PM
الف الف سلامه عليك وعلى ابنك واللى ربنا وفقك فيه وعملته هوده الصح علشان ربنا ينجى ابنك _وخلى بالك من ابنك كويس _والف سلامة عليك (واخرج لله شيئ من الصدقة _فأن الصدقه تطفئ غضب الله جل وعلى _وان كنت قد نذرت لله نذرآ فوفيه لله) والحمدلله على سلامتكما
الف سلامه عليك يا استاذ طارق و الحمد لله علي كل شيء
و دايما فراخ الميه دي وراها حاجه معفنه و مقرفه زيها انا عمري ما اصطدت
فرخة ميه قبل كده و اليوم عده علي خير هههههههههههههههههههههههه
بس عجبتني اوي الجزء ده لما احمد كان بيحاول يشدك و بيقلك ( حبيبي يا بابا )
ههههههههههههه انا كنت هعيط المهم الف سلامه عليك و علي احمد
بس انا مش فاهم يعني ايه ( هيش ) و احلي تقييم علشان تضحيتك بحنفي و نزولك ورا احمد
tarik el
13-02-04, 09:37 PM
الف مليون سلامة عليك وعلى البطل احمد ويارب تكونوا بخير وربنا يحمى ويبارك في والف حمدالله على سلامتك وبالتوفيق هههههههه وحشنى مواضيعك وانا عينى دمعت فعلا ارسل رقم موبيلك ياباشا على الخاص والفرخ فين
بقالي ربع ساعه كل ماجي أكتب أسيب الموضوع و أخرج منه مش مستحمل الريحه ههههههههههههه
يا باشا الف حمد الله علي السلامه ليك و ﻷحمد و تم تثبيت الموضوع لفتره علشان خاطر أحمد.
تحياتي يا ................ سلام بقي مش قادر أكمل من الريحه ههههههههههههه
تحياتي طارق بيه :)
mody_kamal
13-02-04, 10:20 PM
حمدالله ع السلامه عليك وع ابنك احمد وكويس انكم رجعتو بالسلامه
diiie_hard
13-02-04, 10:47 PM
حمد الله علي سلامتك وسلامة ابنك طبعا في المقام الاول
وده درس الجميع بيتعلم منه اكيد
بالتوفيق دايما يا بااشا
M.SHADY
13-02-04, 10:51 PM
الف الف سلامه عليك و على احمد و عقبال ما تشيله يوم فرحه ان شاء الله
و ربنا ينجيك و يحفظك لابنك يا رب
هشام سمير
13-02-04, 11:02 PM
طارق باشا الف مليووووووووووون حمد على سلامتك وسلامة القناص الصغير موقف تلقائى بطولى من شخص .. من غير ما اشوفه حاسس انه من اجدع وارجل الناس اللى فى الدنيا
والله وانا بقرا الموضوع اختلط جويا مشاعر كتيير .. اسى .وضحك . وزعل. واشمئزاز . وفرحه انكم طلعتم بالسلامه
لدرجة ان من طرقك سردك الرائعه حسيت انى معاكم فى قلب الحفره :)
اهنيك وابركلك فعلاً يا ابو احمد وكن واثف ان الموقف دا هيفضل محفور فى ذاكرة ابنك ليوم الدين .. اصل حصل معايا موقف قريب من ده وابويا ربنا يحفظه قام معايا بموقف بطولى برده ....
الف حمد الله علي سلامتك وسلامة ابنك يا طارق باشا وفعلا موقف صعب جداااااااااا قدر ولطف والموقف ده هيفضل فى ذاكره احمد واتعلم منه درس فى الشجاعه لا يمكن ينساه
fadeel79
13-02-05, 10:13 AM
السلام عليكم ، الف مليون سلامة عليك وعلى قناص المستقبل استاذ احمد .
طبعا لازم اتفزلك كالعادة واقول ان تسرعك فى النط ده رد فعل غريزى ناتج عن حبك الشديد لولدك وده تقريبا عندنا كلنا لكن لما نفكر شوية تلاقى انه تصرف غلط جدا ليه قولتى ليه اه علشان ان لاقدر الله البتاع الى انت نطيت فيه كان اغوط من كده وانت كمان نزلت خالص يبقى الاتنين بعد الشر راحوا كان لازم تفضل بره وتدور على حاجة تشده بيها لان سرعة نزولة هتكون بطيئة نسبيا مما يسمحلك انك تتصرف .
طبعا الكلام ده وانا قاعد على كرسى متنجد ومريح والنور حولى هادى وبفكر بهدوء يعنى قمة الراحة مش محطوط تحت ضغط رهيب زى الى انت كنت فيه ، وربنا يكفينا شر الغفلة والف سلامة مره تانية
tarekabasy
13-02-05, 10:25 AM
تسلم ايدك يا استاذ طارق وطريقة سردك للموضوع مميزه
بارك الله فيك
شكرا يا فندم تحياتى
tarekabasy
13-02-05, 10:33 AM
ياااااااااااااااااااااااااااااااااه يا عبدالصمد هههههههههه
ربنا سترها ياباشا وانا اكتر واحد فى الدينا دلوقتى عارف احساسك اصلى وقعت فى المجارى وانا صغير فى جمسه ومش هنسى ابداً ابداً ابداً اليوم ده ولا ناسى الناس برضه بس انا مكنش معايا ابويا ساعتها هههههههههه
يووووووة يا عمارة............هههههههههه
قلبت عليا المواجع يا اخى هههههههههههه....وفكرتنى بيوم من انتن ايام حياتى ههههههههه
انت عارف المجارى ممكن تطلع منها...........
لكن تخيل الحتة مقطوعة ومفيش حد جنبك
والمكان عبارة عن حتة واسعة كبيرةومنشعة من البيوت اللى حواليها....والزبالة مرمية فى كل حتة.....وعاملة فخ ابن تييييييييييييييييييييييتتتتتتتتت
وكأنة الربع الخالى......لو غرزت مفيش طلوع...... تمشى تلاقى نفسك بتنزل ماتعرفش ازاى بتغرز وبسرعة وكل ما تحاول تقف تغرز اكتر.........
والمشكلة انى ماكنتش متخيل ان فية كدة....
احمد ابنى حذر جدا ومابيرميش بنفسة للتهلكة وفعلا المكان فخ كبير يخدع التخين....
يمكن عشان انا فهمت الموضوع بسرعة وقدرتة وقدرت مدى خطورتة اتصرفت بسرعة والحمد لله ربنا ستر
بينى وبينك كويس ان ابو ك ماكنش معاك هههههههههههه كنتوا هتقلبوا الشقة ههههههههه
اسأل مجرب ......... هههههههههههههههههه
تحياتى لحضرتك.....ويا ريت تحكى موقفك كاملا عشان نستفيد من اللى حصل.....اشكرك
tarekabasy
13-02-05, 10:38 AM
a;478383']ههههههههههههههههههههههههههههههههههههههههههههه طريقة السرد تخلى الواحد يفطس من الضحك :d
بس ربنا سترها الحمد لله انكو رجعتو بالسلامة..
ربنا يخليلك احمد و يباركلك فيه يا باشا :)
الجدية لوحدها لا تجذب الأنتباة........الجد فى قلب الهزل احيانا ينال من السامع انتباها دقيقا يحفز فية انصاتا وتركيزا دون ان ينتبة انة منتبة
والحمد لله فعلا ربنا سترها
وشكرا لأمنياتك الرقيقة
tarekabasy
13-02-05, 10:46 AM
اولا الف مليون سلامة عليك وعلى احمد .... والله يا ستاذ طارق انا عيني دمعت وانا بقرأ الموضوع ربنا مايورينا سوء في اولادنا ابدا يا رب وهوده احساس الاب تجاه اولاده هو يموت علشان هما يعيشوا ومن غير تفكير تلقائي غريزة حب بلا حدوووووووود .. بس انت اتصرفت صح وهدأت من خوف الولد كده انت زرعت جواه شجاعة لمواجةاي موقف بالحكمة والعقل وفي نفس الوقت بسرعة مناسبة تمكنة من الخلاص من المأزق ... ربنا يباركلك في احمد يا استاذ طارق ويبارك فيك ويحميكم من كل شر وجميع المسلمين ..تحياتي لك ايها الاب الشجاع العاقل وجزاك الله عنا خيرا لمانقلتة لنا من خبرة وفائده دفعت ثمنها انت والبطل احمد تحياتي لكما يا رجالة ... وربنا ما يحرمنا من وجودك معانا انت واحمد يا زعيم .. دمت في امان الله .وتستحق كل تقييم.
اشكرك يا عمر....والله وانا لما بفتكر ابنى بعد ما طلعتة وهو بيمدلى ايدة وبيصرخ حبيبى يا بابا.....ادينى دمعت تانى ومش شايف حروف الكيبورد
عارف تبادل الأدوار بينى وبينة ...دا وضح لكل واحد فينا هو بيحب التانى قد اية.....لأن الموقف كان اختبار حقيقى.......
وما زلت مصمم ان خروج الأبن مع الأب شىء كويس جدا لتقويم السلوك والتعليم والتدريب........حدوث اى خطر تحت رعاية الأب افضل من التعرض للخطر وحيدا
شكرا لكلام حضرتك المميز الواضح انة ناتج من فكر ابوى وانسان متفانى فى حب اولادة
خلاص تحياتى لحضرتك
tarekabasy
13-02-05, 10:49 AM
الف الف سلامه عليك وعلى ابنك واللى ربنا وفقك فيه وعملته هوده الصح علشان ربنا ينجى ابنك _وخلى بالك من ابنك كويس _والف سلامة عليك (واخرج لله شيئ من الصدقة _فأن الصدقه تطفئ غضب الله جل وعلى _وان كنت قد نذرت لله نذرآ فوفيه لله) والحمدلله على سلامتكما
الله يخليك يا حاج مصطفى والحمد لله ربنا ستر.....ماعلييش ندر ولا حاجة...ههههههههه وبعدين حتى لو عليا ندر....تفتكر ربنا هيزقنا فى المجارى عشان ياخد ندرة ههههههههه.....
ربنا ييسر ونعمل اى فعل خيرى حمدا لله على نغمتة
شكرا لحضرتك يا باشا
خالص تحياتى لحضرتك
tarekabasy
13-02-05, 11:18 AM
الف سلامه عليك يا استاذ طارق و الحمد لله علي كل شيء
و دايما فراخ الميه دي وراها حاجه معفنه و مقرفه زيها انا عمري ما اصطدت
فرخة ميه قبل كده و اليوم عده علي خير هههههههههههههههههههههههه
بس عجبتني اوي الجزء ده لما احمد كان بيحاول يشدك و بيقلك ( حبيبي يا بابا )
ههههههههههههه انا كنت هعيط المهم الف سلامه عليك و علي احمد
بس انا مش فاهم يعني ايه ( هيش ) و احلي تقييم علشان تضحيتك بحنفي و نزولك ورا احمد
الله يسلمك يا مورى
وفعلا الحمد لله
هو فعلا فراخ المية كدة بقت معلمة معايا بالمجارى ههههههههههههه
انا هسميها فراخ الخررررررررررررررررهههههههه ااااااااااااابة
( حبيبي يا بابا ) ..........دى فعلا جايزة اليوم..........واذا كنت انت هتعيط انا بقا كل ما افتكر عينى بتدمع على طوول
الله يسلمك يا باشا
الهييش.......
بص يا باشا الهيش هى نباتات بتطلع لوحدها على جوانب اى مية
سواء نيل او مجارى حتى.....
تلاقى فيها حاجات زى البوص وساعات نباتات شوكية شوية وصلية برغم انها طويلة وشبة الحشيش...........حشيش الأرانب اوعا تفهمني غلط ههههههههههههههه
يعنى اى تجمع لمية واقفة او ماشية لازم تلاقى هييش على جوانبها
لو بتصطاد سمك كنت عرفت يعنى اية هييش هههههههههههه ....هبقا ادولك على صورة لأى دور فية هييش.........
معلش هنا اغلبة صيد برى ومحدش بيقابل الهييش كتيير لكن صيادين النييل عارفين امة ههههههههههه
تحياتى يا مورى
tarekabasy
13-02-05, 11:22 AM
الف مليون سلامة عليك وعلى البطل احمد ويارب تكونوا بخير وربنا يحمى ويبارك في والف حمدالله على سلامتك وبالتوفيق هههههههه وحشنى مواضيعك وانا عينى دمعت فعلا ارسل رقم موبيلك ياباشا على الخاص والفرخ فين
الله يسلمك يا حاج......والحمد لله احنا بخير......والموبايل 01289092662
اما عن الفرخ احنا طبعا خلعنا من المكان وسبناة فى الهييش يبقى يورينى هيطلع ازاى هههههههههه دا كان لوحدة من غير ابوة يا باشا ههههههههه يعنى ضايع ضايع ههههههه
تحياتى يافندم
tarekabasy
13-02-05, 11:37 AM
بقالي ربع ساعه كل ماجي أكتب أسيب الموضوع و أخرج منه مش مستحمل الريحه ههههههههههههه
يا باشا الف حمد الله علي السلامه ليك و ﻷحمد و تم تثبيت الموضوع لفتره علشان خاطر أحمد.
تحياتي يا ................ سلام بقي مش قادر أكمل من الريحه ههههههههههههه
تحياتي طارق بيه :)
هههههههههههماشى يا عم عرابى.......عارف انا هقولك اللى قولتة لواحد صاحبى.....ياريتك كنت معانا ويكتبهالك يابنى ومايحرمك منها وكتيييير ههههههههههههه كل شهر مرة مرتين...عبيلوا واديلوا يا رب هههههههههههههههه
طبعا بهرج يا عم ربنا ما يورى اى حد لا مسلمين ولا مسيحيين..........ويحفظ مصر والمصرريين...وياخد جماعة فراخ المية كلهم...ههههههه........ وياخد عشيرة فراخ المية كلهم ههههههههههه......ويكون ربنا دايما ساترها معانا وحمينا ومرشدنا ويغور اى مرشد بعد ربنا....قولوا امين
بجد والله انا فعلا كتبت الموضوع دة لأن الفخ دة منتشر فى كل الأماكن المحيطة بالطريق الدائرى....وهو بينشأ من المناطق اللى بتتبنى جديدة وبتبقى عالية وحواليها اماكن منخفضة بتبتدى تجمع مية من رشح البيوت دى وتعمل برك والبرك دى بتتغطى بالزبالة او بفعل الجفاف....وتشوفها تقول ارض.....واول ما تمشى عليها تلاقى نفسك بتغرز....يا راجل دنا نطيت فى خلال ثانية واحدة نزلت حوالى متر ونص........
هههههههههه ماشى يا سيدى عاوز تمشى عشان الريحة....لاحظ يا عرابى ان كلامك جارح هههههههههههههه
وممكن نحسبة شم ورشح.........ههههههههههه
اليوم دة كان يوم من اقذر ايام حياتى...........دا غير نكتة الفسدق
ههههههههههه
استنى اقولهالك
بيقولك ست عجوزة راكبة تاكسى
كل شوية تناول السواق شوية فستق
المهم مشوارها كان طوول وكل شوية تناولة شوية فسدق
السواق بيقولها يا حاجة لما انتى مابتحبيش الفستق شارياة لية
دانتى اكلتينى يجى نص كيلو فستق
قالتلة اصل انا معايا سيكولاتة بالفستق وانا ماليش سنان بمص السيكولاتة وادية الفستق هههههههههههههههههههههههههههههههه:rir:
تحياتى عرابى باشا
tarekabasy
13-02-05, 11:42 AM
حمدالله ع السلامه عليك وع ابنك احمد وكويس انكم رجعتو بالسلامه
الله يسلمك يا فندم والحمد لله عدت على خير
تحياتى
بيقولك ست عجوزة راكبة تاكسى
كل شوية تناول السواق شوية فستق
المهم مشوارها كان طوول وكل شوية تناولة شوية فسدق
السواق بيقولها يا حاجة لما انتى مابتحبيش الفستق شارياة لية
دانتى اكلتينى يجى نص كيلو فستق
قالتلة اصل انا معايا سيكولاتة بالفستق وانا ماليش سنان بمص السيكولاتة وادية الفستق هههههههههههههههههههههههههههههههه:rir:
تحياتى عرابى باشا[/QUOTE]
:rir::rir::rir::rir::rir::rir::rir::rir: الله يسامحك مش عارف أبطل ضحك
NEW_Year
13-02-05, 01:02 PM
الف الف حمدلة علي سلامتك وسلامة ابنك
طلعة صعبة فعلا والله العظيم عنيا دمعت لاني اتخيلت احمد وهو بيشدك وبيقولك بابا حبيبي :(
ربنا يخليهولك يارب ويحمية وتشوفة زي ما انت عاوز يارب
كلمة بابا حبيبي كنت ديما اقولها لوالدي رحمة الله :( .. ربنا يديلك طولة العمر والصحة يارب وتشيل اولاد احمد
وسلملي علي احمد بقي مع انو مش يعرفني ولا انا اعرفة بس لو قدامي دلوقتي كنت عملتلة اي حاجة تفرحة والله
ربنا يخليكم لبعض .. امين يارب
واحلي تقيم ليك ولاحمد
tarekabasy
13-02-05, 01:19 PM
حمد الله علي سلامتك وسلامة ابنك طبعا في المقام الاول
وده درس الجميع بيتعلم منه اكيد
بالتوفيق دايما يا بااشا
الله يخليك يا
داى هارد اوف على دا اسم...........ياباشا فعلا اللى كان هيغرز غرزتنا كان هيموت اصعب موت.....تخيل انت غارز وبتنزل وعداد عمرك حد لاعب فية وبينزل بجنون.....تخيل غرز حتى الموت.....
يمكن كان ممكن ماكتبش الموضوع لكنى اثرت كتابتة لفائدة الجميع...........
وخصوصا ان لما دة حصل معايا خدت بالى ان الأماكن دى كتيير ومستخبية بين البيوت الجديدة...وخصوصا جنب الدائرى
خالص تحياتى وتمنياتى بالسلامة للجميع
tarekabasy
13-02-05, 01:21 PM
الف الف سلامه عليك و على احمد و عقبال ما تشيله يوم فرحه ان شاء الله
و ربنا ينجيك و يحفظك لابنك يا رب
الله يخليك يا شادى .........اشيلة يوم فرحة هههههههههههه....
انا اللى اعرفة ان الأبن بيشيل ابنة يوم طهورة ههههههههههههه
انما يشيلة يوم فرحة هههههههههه....تكونش عاوزنا ننزل المجارى تانى يا ولة يوم الفرح هههههههههههههه
تحياتى يا نجم وربنا يحميك انت واسرتك يا رب
الله يسلمك يا مورى
وفعلا الحمد لله
هو فعلا فراخ المية كدة بقت معلمة معايا بالمجارى ههههههههههههه
انا هسميها فراخ الخررررررررررررررررهههههههه ااااااااااااابة
( حبيبي يا بابا ) ..........دى فعلا جايزة اليوم..........واذا كنت انت هتعيط انا بقا كل ما افتكر عينى بتدمع على طوول
الله يسلمك يا باشا
الهييش.......
بص يا باشا الهيش هى نباتات بتطلع لوحدها على جوانب اى مية
سواء نيل او مجارى حتى.....
تلاقى فيها حاجات زى البوص وساعات نباتات شوكية شوية وصلية برغم انها طويلة وشبة الحشيش...........حشيش الأرانب اوعا تفهمني غلط ههههههههههههههه
يعنى اى تجمع لمية واقفة او ماشية لازم تلاقى هييش على جوانبها
لو بتصطاد سمك كنت عرفت يعنى اية هييش هههههههههههه ....هبقا ادولك على صورة لأى دور فية هييش.........
معلش هنا اغلبة صيد برى ومحدش بيقابل الهييش كتيير لكن صيادين النييل عارفين امة ههههههههههه
تحياتى يا مورى
شكرا ليك علي التوضيح و بعد كده ابقا فكك من فراخ الميه دي علشان هي بنت تييييييييييييت
هههههههههههههههههههههههه
tarekabasy
13-02-05, 05:59 PM
طارق باشا الف مليووووووووووون حمد على سلامتك وسلامة القناص الصغير موقف تلقائى بطولى من شخص .. من غير ما اشوفه حاسس انه من اجدع وارجل الناس اللى فى الدنيا
والله وانا بقرا الموضوع اختلط جويا مشاعر كتيير .. اسى .وضحك . وزعل. واشمئزاز . وفرحه انكم طلعتم بالسلامه
لدرجة ان من طرقك سردك الرائعه حسيت انى معاكم فى قلب الحفره :)
اهنيك وابركلك فعلاً يا ابو احمد وكن واثف ان الموقف دا هيفضل محفور فى ذاكرة ابنك ليوم الدين .. اصل حصل معايا موقف قريب من ده وابويا ربنا يحفظه قام معايا بموقف بطولى برده ....
يا فندم ربنا يكرمك والله يسلمك من كل شر.........والله العظيم انا ماكتبت الموضوع دا عشان حد يوسمنى بالشجاعة ولا غيرة انا بس صعب عليا انى ماحزرش الناس وانا قادر على دة....حتى لو كان موضوع يكسف ويقرف زى موضوع المجارى دة..........
بس بجد وجدت ان مصلحة الناس فى النشر عشان كدة ماترددتش لحظة انى اقولكم........بجد فخ للموت البطىء.........
تصور فكرنى بمشاهد شوفتها فى افلام زمان كتير ....بس الأجنبى منها....بركة طين وبتطلع بقاليل واللى يقع فيها مابيطلعش
والله وانا بقرا الموضوع اختلط جويا مشاعر كتيير .. اسى .وضحك . وزعل. واشمئزاز . وفرحه انكم طلعتم بالسلامه
يوووووووة يا عمارة........هههه انت كأنك دخلت قلبى وعرفت اللى فية.....فعلا دى كانت نفس مشاعرى وانا بكتب...كنت ساعات بضحك وساعات بدمع وساعت قرفان من نفسى جدا وحاسس باهانة....وحاسس بفرحة رد فعل ابنى وحاسس بمشاعر كتير جدا بتوضح فى كلامى وتعليقاتى على الردود
هههههههههه عارف الولد اول ما صرخ بابا...لقيتنى بقولة ماتخافش بزعيق علشان اطمنة واثبتة ولقيت نفسى والله مابكدب بنط فى المكان وراة...وكان بينى وبينة حوالى 4 متر مثلاولقيتنى بجرى وراة والبندقية فايدى....كنت هنط بيها والله من اللهفة.....سبحان الله ربنا الهمنى وانا بنط انى ازحلقها من ايدى لورا....مارمتهاش رزعتها لكن فعلا زحلقتها ودا السبب انها مانضرتش ضرر وحش...وكنت جنبة بينى وبينة يجى متر.........
شديتة من دراعة ووبقيت ارفعة واطلعة....ومافكرتش فى اى حاجة تانى........وبعد ما طلع لقيتنى لايص بنزل وبغرز ومش عارف اعمل اى حاجة.....بقيت لحد تحت باطى....تخيل كأنى فعجين لا عارف اطلع ولا لاقى اى ارض صلبة اقف عليها..وحتى لما لمست اقرب نقطة صلبة بايدى مش عارف اطلع منها بنزل برضة.....
فى صرخة احمد حبيبى يا بايا........ولقيتة بيشدنى....بدمع تانى...........الموقف بجد يهز جدا جدا جدا..........وكمان مش مجرد انه حاول المساعدة لا دا كمان ساعدنى وشدنى لغايت ما سندت بركبتى على اقرب نقطة صلبة..........وعرفت اطلع
الموقف دة فعلا هيفضل محفور فى ذاكرتنا احنا التلاتة....ذاكرتى وذاكرة احمد ودبشك حنفى........
حصلك موقف احكية والنبى.......
خالص تحياتى وارق امنياتى...........واحكى الموقف مهما كان وحش او حلو.....اظن يعنى مفيش اوسخ من المجارى اللى حكيتها هههههههههههه
اعتبرنا فى حلقة من حلقات العلاج النفسى هههههههههه وكل واحد يقول اللى جواة........
مساءك عسل
tarekabasy
13-02-05, 06:25 PM
الف حمد الله علي سلامتك وسلامة ابنك يا طارق باشا وفعلا موقف صعب جداااااااااا قدر ولطف والموقف ده هيفضل فى ذاكره احمد واتعلم منه درس فى الشجاعه لا يمكن ينساه
شكرا يابو بدر.........دا اصعب مواقف حياتى........يمكن ربنا نجا احمد عشان لهفتى علية ونزولى وراة مباشرة.........
بصراحة الموت معاة كان افضل من الرجوع من غيرة........
كنت دايما بشجع خروج الأب وابنة لوحدهم........كنت بحب يكون بينهم علاقة خاصة...بعيدا عن الأسرة
كنت بسميها خروجات رجالة ههههههههههههه
لكن ماكنتش اتخيل ان الخروجات هتبقا بالشكل دة وممكن يحصل فيها حاجة زى دى.........
عارف ساعات تقسى على ابنك وانت بتنشئة.....وساعتها الولد ممكن يحس انك مش بتحبة....وخصوصا لو كانت الأم بتدلعة باستمرار.....لكن فى مواقف زى دى الولد بيعرف فعلا ابوة بيحبة قد اية...........
الحمد لله قدر ولطف وربنا يحمى اولادك يافندم ويحافظلك عليهم
خالص تقديرى
tarekabasy
13-02-05, 06:48 PM
السلام عليكم ، الف مليون سلامة عليك وعلى قناص المستقبل استاذ احمد .
طبعا لازم اتفزلك كالعادة واقول ان تسرعك فى النط ده رد فعل غريزى ناتج عن حبك الشديد لولدك وده تقريبا عندنا كلنا لكن لما نفكر شوية تلاقى انه تصرف غلط جدا ليه قولتى ليه اه علشان ان لاقدر الله البتاع الى انت نطيت فيه كان اغوط من كده وانت كمان نزلت خالص يبقى الاتنين بعد الشر راحوا كان لازم تفضل بره وتدور على حاجة تشده بيها لان سرعة نزولة هتكون بطيئة نسبيا مما يسمحلك انك تتصرف .
طبعا الكلام ده وانا قاعد على كرسى متنجد ومريح والنور حولى هادى وبفكر بهدوء يعنى قمة الراحة مش محطوط تحت ضغط رهيب زى الى انت كنت فيه ، وربنا يكفينا شر الغفلة والف سلامة مره تانية
هههههههه واد يا فضيل مش انت ياد بتاع الصمت والكلام والذى منة ههههههههههههه
يا حبيبى انت تتفذلك براحتك عليا لو مااتفذلكتش عليا هتتفذلك على مين يعنى ههههههههه
على فكرة انا برضة زيك من النوع اللى بيفكر كتير ويتفذلك........فعلا التسرع فى النط فعل غريزى....ولكن الحساب كان كالأتى....
الولد فى ثانية باين منة رقبتة وراسة وايدية.............
الثانية الجاية كنت متوقع انة ممكن يكون نزل لغاية بقة
شخط فية ماتخافش وانا بجرى علية وبزحلق البندقية ورايا
الموضوع كان صعب عليا اوى
والحمد لله لما نزلت عرفت فعلا ان الموضوع صعب لأن انا نفسى بقيت يغرز وازل ومفيش تحتى حاجة اسند عليها...لدرجى انى لما طلعتة وحاولت اطلع ماعرفتش مع انى طويل 181....
صحيح انا مش رياضى وممشوق القوام كحال اغلب المصريين....وعمرى 40 سنة....ومن قعدة الكمبيوتر طبعا كمهندس كمبيوتر من سنة 1998 عندى كرش مصر عجب هههههههههه
لكن الحمد لله ربنا ادا الواحد القوة...
وفعلا كلامك صح كان ممكن نموت احنا الأتنين.....لكن لو موت وراة كان افضلى ما اعيش من غيرة.....
الحمد لله ربنا ستر
ههههههه اما بقا انك قاعد على الكرسى المنجد واالرفاهية هههههههههه فطبعا من حقك تقول اى حاجة...........لكن ساعة التجربة الدنيا مختلفة جدا جدا جدا...........
تعرف.....انا كنت بحاول مش بس انقذة......لا
انا كنت بحاول انقذة قبل ما يخاف والخوف يدخل قلبة.........
كنت بتمنى من ربنا اطلعة قبل ما حتى يخاف
والحمد لله انا فعلا انقضيت علية فى وقت قياسى وربنا سترها.........انا شخصيا كنت بنزل اوىىىى..........ويمكن لولا انة شدنى ماكنتش طلعت......
اللى كان بيحركنى انى كنت حاسس فعلا انة فخطر حقيقى........وبرغم انى طمنتة لكن ماكنتش قادر اطمن نفسى وماكنتش عارف اخرة اللى هعملة اية..........بس الحمد لله كانت نتيجة كويس بفضل رعاية ربنا
وقدرت فعلا اوصل لأبنى انى عمرى ما هسيبة.........وهيفضل طوول عمرة يثق فكلامى ويعرف انى عمرى ما هسيبة فى اى ورطة انشالة حتى توصل للموت
تحياتى يا نجم على فكرة مكتبى جنبك فى عين شمس
عند مودرن سكول احمد عصمت
القبطان المصرى 77
13-02-05, 07:06 PM
يانهاااااااااااااااااار مش فايت
والله انا كنت عاوز اضحك ضحك السنسن على كلامك ده واللى انت عملته
لكن خطورة الموقف وكل مافتكر اللى انتو كنتو فيه يمنعنى من الضحك
لأن ابيار المجارى دى كتير اوى بتبلع ناس ومتستهونش بيها
الحمد لله قدر ولطف
ويارب دايما تكون طلعاتك مفهاش اى خطوره تانيه
وتحياتى للأبن البار احمد طارق
وامانه عليك وصلو منى بوستين
واحده على الخد اليمين ووواحده على الخد الشمال
ربنا يخليكو لبعض يارب
tarekabasy
13-02-05, 07:16 PM
الف الف حمدلة علي سلامتك وسلامة ابنك
طلعة صعبة فعلا والله العظيم عنيا دمعت لاني اتخيلت احمد وهو بيشدك وبيقولك بابا حبيبي :(
ربنا يخليهولك يارب ويحمية وتشوفة زي ما انت عاوز يارب
كلمة بابا حبيبي كنت ديما اقولها لوالدي رحمة الله :( .. ربنا يديلك طولة العمر والصحة يارب وتشيل اولاد احمد
وسلملي علي احمد بقي مع انو مش يعرفني ولا انا اعرفة بس لو قدامي دلوقتي كنت عملتلة اي حاجة تفرحة والله
ربنا يخليكم لبعض .. امين يارب
واحلي تقيم ليك ولاحمد
الله يخليك يا باشا.........هو فعلا كان موقف صعب
بابا حبيبى كلمة غالية جدا...........وخاصة لما تحس انها طالعة من القلب.........
وسلامك واصل ل احمد يا باشا........وشكرا ليك على التقييم.......
وخالص تحياتى لحضرتك
aymank2
13-02-05, 07:28 PM
ياه يا طارق باشا دنا قلبى اتخطف وانا بقراء الموضوع حمدا لله على سلامتكم انتا واحمد ربنا يخليكم لبعض ويكون خير عون وسند لك.
tarekabasy
13-02-05, 07:29 PM
يانهاااااااااااااااااار مش فايت
والله انا كنت عاوز اضحك ضحك السنسن على كلامك ده واللى انت عملته
لكن خطورة الموقف وكل مافتكر اللى انتو كنتو فيه يمنعنى من الضحك
لأن ابيار المجارى دى كتير اوى بتبلع ناس ومتستهونش بيها
الحمد لله قدر ولطف
ويارب دايما تكون طلعاتك مفهاش اى خطوره تانيه
وتحياتى للأبن البار احمد طارق
وامانه عليك وصلو منى بوستين
واحده على الخد اليمين ووواحده على الخد الشمال
ربنا يخليكو لبعض يارب
الله يخليك يا قبطان هو فعلا موقف غريب معقد تركيبتة عجيبة........
هو مش بير مجارى........تقدر تقول بركة مخفية
بركة مية مليانة زبالة.....متساوية...........تحس انها ارض ولو مشيت عليها تتصدم وانت بتنزل........حاجة كدة من حواديت الف نيلة ونيلة هههههههههههه
انا ماكنتش متخيلها انا كنت مذهوووول
لكن الحمد لله رد فعلى كان فى الثانية التانية على طوول
برغم انة يبان تصرف اهوج احمق لكن ماكنش فية وقت.............
الحمد لله لحقتة قبل حتى ما الخوف يتمكن منة............
الخطورة يا باشا نايمة دايما فى حضننا...فى الكهربا والغاز والمواصلات والسلم حتى الشرب ممكن الواحد يشرق وهو بيشرب يموت.....الله يرحمة عبد الوهاب اكعبل فى السجادة مات
اللى بيجى دورة بيركب يا باشا
الموضوع كان اشبة بفيلم فاينال ديستنايشن لو ليك فى الأجنبى ههههههههههههه
حاجة ولا عمرها خطرتلى فبال
ولا فبال احمد.....انت تفتكر ان احمد لو يعرف ان فية تحت رجلة مية ممكن تبلة الكوتشى كان خطاها هههههههههههه ابسليوتلى
عشان كدة هى قبور مخفية بعناية وكام مهم جدا انى احذر منها....وخصوصا انها موجودة بين البيوت الجديدة اللى بتتبنى حوالين الدائرى.....مانا بقيت خبرة هههههههههه
بوستين لأحمد ماشى طب انا مش مهم طب حنفى لاسألت عنة ولا كيداهم اية ياعم انتوا قرفانين منة والا اية ههههههههههه.......
دا مش هيشتغل فى المجارى طوول العمر دى كانت مرة وعدت ههههههههههههه
كنت هنط بية والله هههههههه دنا زحلقتة من ايدى فى اخر لحظة ههههههههه
تحياتى يا حاج هانى وربنا يحظلك اولادك ويفرحك بيهم
تحياتى
tarekabasy
13-02-05, 07:31 PM
ياه يا طارق باشا دنا قلبى اتخطف وانا بقراء الموضوع حمدا لله على سلامتكم انتا واحمد ربنا يخليكم لبعض ويكون خير عون وسند لك.
الحمد لله ربنا ستر يا حاج ايمن
الله يسلمك يا باشا..........ويحميلك جاسر وجاسمن........
ويديم عليك الفرح دائما
خالص تحياتى لحضرتك
Angel of Death
13-02-06, 12:51 PM
طريقة السرد رائعة فيها مشاعر علي قد ما فيها روح فكاهة... :d :d :d :d
بس أهم حاجة إن حضرتك و أحمد رجعتو سالمين غانمين الحمد لله :d
ربنا يخليكو لبعض يا فندم ;)
و الحمد لله ربنا ستر.
تحياتي لك يا أستاذ طارق :)
وليد سعد زغلول
13-02-06, 05:28 PM
بسم الله ما شاء الله
والحمد لله على السلامة
أبو معاذ
13-02-09, 07:56 AM
الحمد لله على سلامتك وسلامة أحمد
والله عيني ظرفت دموع ، لأني عارف إحساس الاب عندما يرى ابنه في خطر .. وما فعلته انت ليس بإرادتك نهااااائي ، بل هو فطرة فطرها الله لك.
ووالله انا دلوقتي عمال أفكر أنزل اصطاد ولا لاء .. ونفسي فعلا أنزل لكن حاجة مسكاني .. الشيىء الوحيد اللى صبرني أني قولت لنفسي بكرة إن شاء الله معاذ ابني يكبر شوية ، وهو يشجعني على النزول معاه.
حمد الله على سلامتكم ، وربنا يباركلك في أحمد ويجعله من الصالحين البارين بوالديه بإذن الله
tarekabasy
13-02-09, 01:43 PM
طريقة السرد رائعة فيها مشاعر علي قد ما فيها روح فكاهة... :d :d :d :d
بس أهم حاجة إن حضرتك و أحمد رجعتو سالمين غانمين الحمد لله :d
ربنا يخليكو لبعض يا فندم ;)
و الحمد لله ربنا ستر.
تحياتي لك يا أستاذ طارق :)
ربنا يكرمك يا عزرائيل باشا ههههههههههه...هو مش انجل اوف ديث يعنى ملاك الموت....وملاك الموت اسمة عزرائيل.....هههههههههههههه بذمتك مش صح.......
الحمد لله الطلعة غاب عنها عزرائيل ولو انة كان بيحوم حوالين المكان الحمد لله
الحمد لله ربنا رجعنا بالسلامة فعلا
وستر معانا
تحياتى يا ...ماتغير الأسم دة يا عم..ههههههههههه .........
تحياتى يا نجم وخالص تحياتى و اتمنالك السلامة وثغيير الأسم هههههههههههه
tarekabasy
13-02-09, 01:44 PM
بسم الله ما شاء الله
والحمد لله على السلامة
بسم الله ما شاء الله..........على اية يا معلم خايف تحسدنا على المجارى هههههههههههههه.....
الله يسلمك يا حاج وليد.........
تحياتى
tarekabasy
13-02-09, 01:48 PM
الحمد لله على سلامتك وسلامة أحمد
والله عيني ظرفت دموع ، لأني عارف إحساس الاب عندما يرى ابنه في خطر .. وما فعلته انت ليس بإرادتك نهااااائي ، بل هو فطرة فطرها الله لك.
ووالله انا دلوقتي عمال أفكر أنزل اصطاد ولا لاء .. ونفسي فعلا أنزل لكن حاجة مسكاني .. الشيىء الوحيد اللى صبرني أني قولت لنفسي بكرة إن شاء الله معاذ ابني يكبر شوية ، وهو يشجعني على النزول معاه.
حمد الله على سلامتكم ، وربنا يباركلك في أحمد ويجعله من الصالحين البارين بوالديه بإذن الله
والله يابو معاذ فعلا الموضوع دة كلم ما بفتكرة بلاقى الدموع فعنيا....وفعلا الغريزة الأبوية بتدفعك دفعا لأنقاذ ابنك حتى لو كنت بتلقى بنفسك الى التهلكة بدون حساب منطقى.........
انزل يا باشا اصطاد انشالة تنزل ساعة او ساعتين لغاية ما تااخد على الشارع والناس تاخد على شكلك بالبندقية وهتلاقى كلة تمام عشان لما معاذ يدخل عالم الصيد على ايدك يلاقيك برنجى بدل ما يلاقيك لسة بتتعلم زى حالاتى هههههههههههه
الله يسلمك يا باشا ويسمع من بقك ربنا امين يا رب
تحياتى لحضرتك
engineero eslam
13-02-09, 02:56 PM
حمد الله على سلامتك يا طارق باشا وعلى سلامة احمد
ربنا يسلمكم دايما ويحفظكم لبعض
انا مجرب الاحساس ده قبل كده بس كنت صغير وكان ف ترعة وقت الجفاف وفعلا زى فيلم عنتر ابن شداد اما كان بيغرق ف الرمل
الف مليون حمدالله على السلامة مرة تانية يا ابو احمد :)
حمدلله علي سلامتك ياغالي وتصرف صح الي عملتو مع ابنك
وحاول تصاحبو يابرنس اكتر واكتر
وربنا ميحرمكم من بعض
محمد خلف
13-02-09, 04:53 PM
حكدالله على سلامتكو انتو الاتنين
و تصرفك مع ابنك تصرف عاقل
و احمد ربنا يباركلك فيه هيطلع راجل زي ابوه
Angel of Death
13-02-09, 07:28 PM
ربنا يكرمك يا عزرائيل باشا ههههههههههه...هو مش انجل اوف ديث يعنى ملاك الموت....وملاك الموت اسمة عزرائيل.....هههههههههههههه بذمتك مش صح.......
الحمد لله الطلعة غاب عنها عزرائيل ولو انة كان بيحوم حوالين المكان الحمد لله
الحمد لله ربنا رجعنا بالسلامة فعلا
وستر معانا
تحياتى يا ...ماتغير الأسم دة يا عم..ههههههههههه .........
تحياتى يا نجم وخالص تحياتى و اتمنالك السلامة وثغيير الأسم هههههههههههه
هههههههههههههههههههههههههههههههههههه
أه فعلا Angel of Death يا باشا يعني عزرائيل :D :D
ما أنا أصلي خدت الإسم ده في طلعت صيد في حكاية طوييلة كده و من ساعتها لازق فيا بما إني عزرائيل اليمام يعني :) :) :)
ألف سلامة علي حضرتك يا فندم :) :) هههههههههههههههههههه
و الإسم محمد يا فندم محمد قطب الدكماوي و إتشرفت بالحوار مع حضرتك :)
أبو معاذ
13-02-10, 01:27 PM
والله يابو معاذ فعلا الموضوع دة كلم ما بفتكرة بلاقى الدموع فعنيا....وفعلا الغريزة الأبوية بتدفعك دفعا لأنقاذ ابنك حتى لو كنت بتلقى بنفسك الى التهلكة بدون حساب منطقى.........
انزل يا باشا اصطاد انشالة تنزل ساعة او ساعتين لغاية ما تااخد على الشارع والناس تاخد على شكلك بالبندقية وهتلاقى كلة تمام عشان لما معاذ يدخل عالم الصيد على ايدك يلاقيك برنجى بدل ما يلاقيك لسة بتتعلم زى حالاتى هههههههههههه
الله يسلمك يا باشا ويسمع من بقك ربنا امين يا رب
تحياتى لحضرتك
من ناحية العلام متقلقش
انا زهقت من الناس بس شوية .. عشان كدة خفيت في الطلعات كتيييير جدا عن الأول
أما لو معاك مرافق وبالذات لو ابنك هتكون بتعمل علشانه ، وتطلع الخبرات والمواهب امامه عشان يتعلم
الحمد لله على كل حال .. وربنا يصلح حال البلد ، ويكون فيها أماكن ممهدة لهوايتنا من غير (مجاري):lf:
tarekabasy
13-02-11, 02:30 PM
حمد الله على سلامتك يا طارق باشا وعلى سلامة احمد
ربنا يسلمكم دايما ويحفظكم لبعض
انا مجرب الاحساس ده قبل كده بس كنت صغير وكان ف ترعة وقت الجفاف وفعلا زى فيلم عنتر ابن شداد اما كان بيغرق ف الرمل
الف مليون حمدالله على السلامة مرة تانية يا ابو احمد :)
الله يسلمك يا اسلام
اة فعلا الترعة وقت الجفاف خطر صحيح بس البركة اللى على وشك الجفاف اخطر جدا جدا جدا
البركة فيها عمق ونزول يا معلم ههههههههههه اسألنى انا
بس الحمد لله اللى نجاك
فعلا عنتر والأستاذ شيبوب ههههههههه على راى اللمبى
ربنا يكرمك يا اسلام
خالص تحياتى
tarekabasy
13-02-11, 02:33 PM
حمدلله علي سلامتك ياغالي وتصرف صح الي عملتو مع ابنك
وحاول تصاحبو يابرنس اكتر واكتر
وربنا ميحرمكم من بعض
الله يسلمك يا ذهبى
الحمد لله ربنا قدر ولطف ونجانا بجد يا ريت تخلوا بالكوا من الموضوع دة عشان خطير
الحمد لله هو اعز اصحابى بس مش وقت الدراسة ههههههههه
اصلة لعبى شويتين
وربنا يرزقك بالنسل الصالح
خالص تحيااتى يا نجم
tarekabasy
13-02-11, 02:33 PM
حكدالله على سلامتكو انتو الاتنين
و تصرفك مع ابنك تصرف عاقل
و احمد ربنا يباركلك فيه هيطلع راجل زي ابوه
الله يخليك يا حاج محمد والحمد لله عدت على خير
ويسمع من بقك ربنا ويرشدة الصواب
tarekabasy
13-02-11, 02:52 PM
هههههههههههههههههههههههههههههههههههه
أه فعلا angel of death يا باشا يعني عزرائيل :d :d
ما أنا أصلي خدت الإسم ده في طلعت صيد في حكاية طوييلة كده و من ساعتها لازق فيا بما إني عزرائيل اليمام يعني :) :) :)
ألف سلامة علي حضرتك يا فندم :) :) هههههههههههههههههههه
و الإسم محمد يا فندم محمد قطب الدكماوي و إتشرفت بالحوار مع حضرتك :)
والله يا حاج عزرائيل ههههههههه.....كل ما بقول عزرائيل بضحك اوى....اسلة الأسم الوحيد من اسماء المخلوقات اللى محدش بيحب لا يكتبة ولا يقراة ولا يشوفة ههههههههههه
تخيل كدة
البان عزرائيل
عصير وفواكة عزرائيل
كشرى العزرائيل
قهوة عزرائيل
ههههههههههههههههههههه
كوكى بارك عزرائيل....ههههههههههه
صيدلية عزرائيل خدمة 24 ساعة هههههههههههه
اقفل بقا السيرة دة يا عم ههههههههههههههه
محمد قطب الدكماوى......اسم مغناطيسى اهوة يا عم امال شابط فى عزرائيل لية بس.....
عارف لما تكون عامل موضوع وبتاخد اقتباس فلما تدخل الأقتباس ترد اسمة بيبقا ظاهر فى اول الأقتباس
عرفت لية بقا انا لفت انتباهى الأسم
تحياتى يا محمد قطب يا شهير ب عزرائيل ههههههههه
tarekabasy
13-02-11, 03:00 PM
من ناحية العلام متقلقش
انا زهقت من الناس بس شوية .. عشان كدة خفيت في الطلعات كتيييير جدا عن الأول
أما لو معاك مرافق وبالذات لو ابنك هتكون بتعمل علشانه ، وتطلع الخبرات والمواهب امامه عشان يتعلم
الحمد لله على كل حال .. وربنا يصلح حال البلد ، ويكون فيها أماكن ممهدة لهوايتنا من غير (مجاري):lf:
زهقت من الناس شوية.....شوية بس يا راجل ههههههههههه دنا زهقت من الناس مووووووت هههههههه
لسة فاضلك كتير يا باشا
اللى اهبل وعاوز يضرب بالبندقية اة والله اهبل متخلف بجد
واللى يجرى عاوز يمسك اللى انت ضربتة ويقولك هاخدها هههههههههه
واللى يقر عليك قدامك
واللى عاوز يشترى
واللى بيسألى عن السعر ولما تقولة يقولك ليةةةة مانا اشترى الى احسن
والله يا عم مرة واد شغال فى جراج بيجرى عليا عشان نفسة يتفرج على البندقية وعاوز يفتح الشنطة ويشوف اليمام وهو مدبوح.........ههههههه عيل اهبل زقيتة دا غير مواقف كتيييير
نصيحتى ليك تطلع بدرى
ويكون يوم اجازاة عشان تخلص من الناس
وتنقى مكان حلو نائى
ولو قابلت حد ابدئة بالسلام حتى لو هو اللى اللى المفروض يسلم عشان الناس بتقلق
وكمان خلى سلامك مشفوع برفع الأيد عشان يكون ظاهر وواضح لو صوتك واطى او هو بعيد
وفى المهاية مجارى غير المكتوب يا معلم هههههههههههههه
http://img194.imageshack.us/img194/3860/73413250296383972693515.jpg (http://imageshack.us/photo/my-images/194/73413250296383972693515.jpg/)
Uploaded with ImageShack.us (http://imageshack.us)
Angel of Death
13-02-12, 02:09 AM
والله يا حاج عزرائيل ههههههههه.....كل ما بقول عزرائيل بضحك اوى....اسلة الأسم الوحيد من اسماء المخلوقات اللى محدش بيحب لا يكتبة ولا يقراة ولا يشوفة ههههههههههه
تخيل كدة
البان عزرائيل
عصير وفواكة عزرائيل
كشرى العزرائيل
قهوة عزرائيل
ههههههههههههههههههههه
كوكى بارك عزرائيل....ههههههههههه
صيدلية عزرائيل خدمة 24 ساعة هههههههههههه
اقفل بقا السيرة دة يا عم ههههههههههههههه
محمد قطب الدكماوى......اسم مغناطيسى اهوة يا عم امال شابط فى عزرائيل لية بس.....
عارف لما تكون عامل موضوع وبتاخد اقتباس فلما تدخل الأقتباس ترد اسمة بيبقا ظاهر فى اول الأقتباس
عرفت لية بقا انا لفت انتباهى الأسم
تحياتى يا محمد قطب يا شهير ب عزرائيل ههههههههه
هههههههههههههههههههههههههههههههههههههههههههههههههه هههههههههههههههه
و الله يا أستاذ طارق من كتر الضحك الواد أخويا صحي من النوم :d :d :d
تخيل فعلا صيدلية عزرائيل :) :) :)
d:
ده حتي مستحيل d:d:d:
يلا نقول ايه بقي الله يسامح اللي طلعو الإسم ده d:
تحياتي لحضرتك يا فندم :)
tarekabasy
13-02-12, 10:06 AM
هههههههههههههههههههههههههههههههههههههههههههههههههه هههههههههههههههه
و الله يا أستاذ طارق من كتر الضحك الواد أخويا صحي من النوم :d :d :d
تخيل فعلا صيدلية عزرائيل :) :) :)
d:
ده حتي مستحيل d:d:d:
يلا نقول ايه بقي الله يسامح اللي طلعو الإسم ده d:
تحياتي لحضرتك يا فندم :)
اخوك صحى من النوم على كدة وبس طيب تعال بقا انا هصحيلك المربع بتاعك كلة هههههههههههه
تخيل بقا انك رايح تخطب
ووالد حضرتك بيطلب من ابو العروسة
والله يا حاج احنا طالبين ايد بنت حضرتك لعزرايل ابنى
ههههههههههههههههههههههه
وطبعا تعزمنا زنروح كلنا فرح عزرائيل هههههههههه
وتروح تأجر شقة ويتكتب العقد باسم عزرائيل هههههههههههه
وبعدبن تخلف اولاد واول ما تدخل الشقة بكيس البرتقال والموز الولاد يفرحوا اوى ويقولوا هية هية هية عزرائيل جة جة عزرائيل جة ههههههههههههههه
اى خدمة زمان عربية السراية الصفرا مستنياك تحت البيت
بعد ما الجيران بلغوا عنك انك بتضحك ضحك هستيرى هههههههههه
تحياتى ليك يا محمد انت وكل نسور مصر
خد دى كمان ههههههههههههههه
http://img843.imageshack.us/img843/8815/53189441907844817651025.jpg (http://imageshack.us/photo/my-images/843/53189441907844817651025.jpg/)
Uploaded with ImageShack.us (http://imageshack.us)
سراج الدين
13-03-01, 04:03 PM
السلام عليكم
استاذ طارق نحمد الله علي سلامتك وسلامة ابنك واتمني تكونوا دايما بخير .. ويجب الحذر في اي وقت وربنا يسلم
وهذه ليست قصة للسرد العادي ابدا هذه محنة نجاكم الله منها خد بالك وياريت تكون انت البادئ في التحرك ناحية صيد بعد وقوعة وليس الكابتن الصغير يعني اجعله هو في المؤخرة وانت لك تجارب اكثر منه كن في المقدمة وتمنياتي لكم بكل الخير ..والله المستعان..
tarekabasy
13-03-03, 03:16 PM
حمدله على السلام يا حاج سراج..........ومبروك العضوية يا باشا
الحمد لله ربنا سلم
وبرغم انى صورت المنطقة دى بعد الموضوع بفترة لكن محطيتش صورها لغاية دلوقتى
الشغل واخد مجهود الواحد اليومين دول
انا حاليا اغلب الوقت بطلع لوحدى عشان الجمع بستغلها فى صيد الريم
ماهو الموسم دخل يا باشا
او الكاليمارى لغاية ما الموسم يخلص بتاعة كمان شهر ونص
ووسط الأسبوع لو الواحد فية حيل يبقا يمام
تحياتى يا باشا
vBulletin® v3.8.7, Copyright ©2000-2026, TranZ by Almuhajir