مشاهدة النسخة كاملة : لسة جديد ومش عارف اصطاد فين


islam abo moomen
13-01-10, 04:29 PM
السلام عليكم
ازيكوا يا جماعة، انا اسمي اسلام وعضو جديد معاكو هنا
بس قبل ما اكون عضو كنت بقرأ كتير في المنتدى، وبالصراحة روعة الروعة
وبسبب المعلومات المهمة والمفيدة جدا جبت الحمد لله بندقية كدة على أدي ـ رمسيس ـ جميلة وحلوة، وطبعت أهداف التنشين على ورق، والحمد لله مستواي بقى كويس في المسافات لحد تقريبا 25 ـ 30 متر، وده كله بفضل ربنا ثم بمعلوماتكم القيمة
انا من العتبة ـ وزي ما انتو عارفين المنطقة عندنا مفيهاش حاجة تصطادها غير البايعين اللي على الرصيف، فكنت عايز اسألكم إيه أحسن مناطق ممكن اصطاد منها ومتكونش بعيدة أوي عني (سفر أو كدة) وفي نفس الوقت الاقي فيها حاجة اطلع هوايتي فيها، واما اروح ابويا ما يضربنيش علشان رجعت فاضي ومصطدش حاجة، انا عارف ان انتوا مش هتبخلوا عليا بالمعلومات. والسلام

tarik el
13-01-11, 11:08 AM
بالتوفيق ان شاء الله

islam abo moomen
13-01-11, 03:06 PM
بالتوفيق ان شاء الله
ربنا يوفقنا وإياك
بس تقريبا يا جماعة العتبة دي منطقة منبوذة ولا إيه
يا المنطقة فيها مشكلة، يا الصيد لسكان المنطقة دي فيه مشكلة، حد يقولي اصطاد فين لحسن هاجي اصطاد عندكم :pleur1:

سندباد زمانى
13-01-11, 03:11 PM
انشاء الله العضاء تسعدك بس حالين كلوا بيمتحن واهلا بيك معانا فى المنتدى...........

islam abo moomen
13-01-11, 04:13 PM
تسلم يا سندباد ـ وربنا يوفق الجميع لما يحب ويرضى، كان نفسي اكل يمام، بس لازم استنى الامتحانات، والفراخ مش وحشة برضه، سد جوع يعني

tarekabasy
13-01-17, 02:48 PM
اى مكان جنب الطريق الدائرى كلة زراعة وشجر ويمام

islam abo moomen
13-01-19, 07:35 PM
اى مكان جنب الطريق الدائرى كلة زراعة وشجر ويمام

بتتكلم بجدـ أنا كنت بشوف يمام قليل جنب الدائري، بس بتهيألي لو نزلت اصطاده حد من بتوع الزراعة هيعمل معايا مشكلة (مش بهزر) بس هجرب، ولو عندك يمام بتربيه للصيد قولي بتربيه فين وتبقى وفرت عليا المشوار كله

tarekabasy
13-01-20, 01:25 PM
بتتكلم بجدـ أنا كنت بشوف يمام قليل جنب الدائري، بس بتهيألي لو نزلت اصطاده حد من بتوع الزراعة هيعمل معايا مشكلة (مش بهزر) بس هجرب، ولو عندك يمام بتربيه للصيد قولي بتربيه فين وتبقى وفرت عليا المشوار كله

يمام ...وبتربية للصيد......انت جاى تعزى والا جاى تهرج ههههههههههههههههههههههه
شكلك عاوز تصطاد من الفريزر...........عليك وعلى كارفور او ماكرو او سبنس ههههههههه
يمام بتربية للصيد....هههههههههههههههههههههههه

islam abo moomen
13-01-22, 12:27 AM
امال انت فاكر ايه، عايزني اتعب وادور على اليمام، هههه، وده يبقى اسمه صيد، احسن صيد يا بشمهندس انك تصطاد اليمامة وهي خلصانة، علشان تعرف تصطادها كويس ههههههههههههه
يسلم مرورك