المساعد الشخصي الرقمي

مشاهدة النسخة كاملة : إسم الطائر ده إيه ؟؟؟

عبده ناني
10-10-28, 09:31 PM
أنا كنت بصطاد ولقيت الطائر ده و إصطته وعايز أعرف إسمه ؟ ، وهل يحل أكله ؟ ، وطعمه حلو ولا لأ ؟
طبعا ده كله قبل ما أأكله
ومعلش على التطويل
أووووووه نسيت الصور :):):);)
الجزار
10-10-28, 11:03 PM
اعتقد انه الكروان وهو حلال اكله وهو طعم الوز وصعب جدا في صيده
egyptian coptic
10-10-29, 12:33 AM
اخي هذا الطائر اعتقد انه قطقاط

يمكنك التحقق من الموسوعة http://www.egypthunt.net/showthread.php?t=3594

رقم 6- الافحيحيات رقم 5- القطقاط ب- القطقاط الشوكي الجناح

ودي الصورة بتاعته

http://img25.imageshack.us/img25/7615/39435689.jpg

اتمنى اني اكون افدتك


امنياتي السعادة و الابتسامة
ايهاب ابو الوفا حمدى
10-10-29, 01:25 AM
اخي هذا الطائر اعتقد انه قطقاط

يمكنك التحقق من الموسوعة http://www.egypthunt.net/showthread.php?t=3594

رقم 6- الافحيحيات رقم 5- القطقاط ب- القطقاط الشوكي الجناح

ودي الصورة بتاعته

http://img25.imageshack.us/img25/7615/39435689.jpg

اتمنى اني اكون افدتك


امنياتي السعادة و الابتسامة





مش باقولك انك عالم وجليل كمان
egyptian coptic
10-10-29, 02:40 AM
مش باقولك انك عالم وجليل كمان

هههههههههههه

تلميذك يا استاذي العزيز

مساءك فول و ورد
وليدخليل صديق
10-10-29, 04:51 AM
الطائر ده اسمه طقطيق وبيتاكل طعمه حلو بس يطبخ صح هيبقى زى الغر
عبده ناني
10-10-29, 10:17 AM
أنا عاجز عن الشكر لكل من الإخوه الكرام إللي علموني وزودو في علمي لهذا الطائر
وجزاااااااكم الله مليوووووووون خير


شوف.. نسيت أقولكم إتفضلوا معانا على الغدا ===>مش عزومة مركبيه والله
ابو عامر
10-10-29, 12:06 PM
على فكره الطائر ده كتير اوى عندنا فى حقول الارز
وكن فاكر انه لا ياكل معلش يا جماعه يا ريت حد يعرفنى هل فعلا ياكل لحمه ؟
wegdan12345
10-10-30, 01:10 PM
بص يا باشا جسمة وشكلة زي الكروان بالضبط لكن لونة مختلف خالص وانا بيتهيالي انة مش قطقاط
rock
10-10-30, 01:28 PM
السلام عليكم ..... ده اسمه الزقزاق البلدى ..... وهو لايؤكل لانه يتغذى على الحشرات ..... وجلده ولحمه خشن جدا ...... انا اصطدته وكلته(دقته بس) وطعمه مش حلو خالص ولحمه لونه غامق (مع العلم ان والدتى هى اللى طبخته ) .. وياريت لو حد معاه تجربه فى طبخه (ده لو بيتاكل ) يقولنا عليها ..... تحياتى .
egyptian coptic
10-10-30, 10:37 PM
يا جماعة دا قطقاط و القطقاط هو نفسه الزقزاق هو نفس الطائر الي في الصورة

اما الكروان العسلي بيبئة لون الراس بني في رمادي و في خطين بيض و خطين سود و جسمه نحيل و اسمه بردو الجليل يمكن التاكد من الموسوعة

ودا فعلا بيتغذى على الحشرات و الزواحف الصغيرة و ملهوش حوصلة لانه مبيكولش حبوب يعني موضوع انه بيتاكل دا معتقدش

تحياتي للجميع
الجزار
10-10-30, 10:52 PM
الاستاذ ايهاب بيتكلم صح
mido_23279
10-11-01, 03:46 PM
مساء الفل

انا بردة يا جماعة أصطدت الطائر دة فى شمال سينا العريش و هو لية مخالب على الأجنحة بس الصراحة مكلتوش

مع الشكر
أحمد عصام
nagobaa
10-11-11, 08:05 PM
الطير دى اسمه قطقاط
خط الصعيد
10-11-11, 09:48 PM
الطائر دة انا اصتدتة و مالى الدنيا عندنا و خصوصا لم بيكون حد بيسقى الزرع تلاقية موجود مع ابو قردان و لم بتضربة و مبيقدرش يطير بيقع يجرى و يصرخ بصوت على جدا و اعتقد انة لا يؤكل
محمود القاضى
10-11-11, 10:02 PM
السلام عليكم ورحمه الله و بركاته
اعضاء المنتدى الكرام
و الله و حشتونى

انا حاولت اساهم فى الموضوع و لون انا ما عديش خبره
بس كتبت كروان على جوجل صور و كتبت قطقاط على جوجل صور برضوا
و ظهرى فى البحث بتاع قطقاط صوره شبه المعروضه لذا اعتقد انه هو ده الطائر اللى اجمع عليه الجميع
اشكركم
the.desrt sniper
10-11-11, 11:23 PM
الطائر ده .... الكروان وتلاقيه موجود فى الصحارى ومناطق الزراعية الهادئة والكروان صوته مميز وعنيه صفرا فيهاا نقطة سودة وبينتشر بعد المغرب وتسمع صوته عاالى .......وانا بدوى وشوفته كتيير مع العلم ان الصورة مش واضحة قوى <a href="http://www.netawey.org/view.php?filename=68_1603_1585_1608_1575_1.jpg" target="_blank"><img src="http://www.netawey.org/images/68_1603_1585_1608_1575_1_tn.jpg" alt="FREE photo hosting by Netawey.Org - Uploading is easy"></a>
the.desrt sniper
10-11-11, 11:23 PM
؟؟؟<a href="http://www.netawey.org/view.php?filename=68_1603_1585_1608_1575_1.jpg" target="_blank"><img src="http://www.netawey.org/images/68_1603_1585_1608_1575_1_tn.jpg" alt="FREE photo hosting by Netawey.Org - Uploading is easy"></a>
the.desrt sniper
10-11-11, 11:25 PM
http://www.netawey.org/view.php?filename=68_1603_1585_1608_1575_1.jpg
the.desrt sniper
10-11-11, 11:28 PM
http://www6.0zz0.com/2010/11/11/21/863972859.jpg (http://www.0zz0.com)
the.desrt sniper
10-11-11, 11:33 PM
اسف على الاطالة ودى صور تانية للكروان للتائكيد ...http://img104.herosh.com/2010/11/11/134816954.jpg

,and this ..http://www13.0zz0.com/2010/11/11/21/972128040.jpg (http://www.0zz0.com)


اسف على الاطالة ولكم منى جزيل التقدير .....الفاخرى
the.desrt sniper
10-11-12, 02:59 AM
الطائر ده لا يؤكل لانه موجود فى البرك والمستنقعات بكثرة ويتغذى على الديدان والحشرات .. وله علامة مميزة تميزة عن بقية نوعه ... الطقطاق الشوكى لوجود عظمتيين بارزتين فى جناحيه على شكل شوكة مدببة ومميزة فى الشكل ... اسف على الاطالة
the.desrt sniper
10-11-12, 03:02 AM
اسف فى البداية اعتقدن انا الصورة للطائر الى الشاهين ماسكه ... فقلت الكروان لانه كروان ...اما بعد الصور منزلت ...واضح جدا انه طقطاااااااااااااااااااق
Oonyx
10-11-12, 01:46 PM
لا ياجماعة ده اسمه الزقزاق أو القطقاط و ده بيتاكل و طعمة كمان شبه اليمام بس ناشف شوية
انا بصطاده من سنين و ولا مرة لقيت بطنة مش نظيفة أو حتى فيها حاجة مش تمام
بعدين ملوش لا مخلب ولا ناب
كل الزقزاق ولا يهمك و لو معجبكش هاتهولي
:)
عبده ناني
10-11-12, 07:46 PM
أنا متشكر من كل من شارك في هذا الموضوع
وعايز أقول لكم بعد البحث إن هذا الطائر هو ((القطقاط أو الزقزاق))
واللي أنا إصتدته كان صغير (زغلول) وكان لحمه عامل زي اللوز
وجزاكم الله خيرا جميعا