لو فية دكتور ياريت يفيدنى

[brns]

ياريت لو فية دكتور من اصحابنا على المنتدى يقولى اية الحالة اللى بيجيلى دية
هو انا بقالى اربع ايام كدة بداية من الساعة 5 المغرب كدة يجيلى الم رهيب جدا فى الانف بس فى الفتحة اليمين بس وينزل لغايت ضرسى ويفضل معايا كدة لغايت ساعتين وبعد كدة يروح بس الالم دة جالى بعد ما كان عندى دور برد وكنت بعطس عطس شديد بس بعد ما البرد راح على طول جالى الالم اللى انا قلت علية دة ياترى دة اية بالضبط
بس سالت واحد عندنا فى المنطقة راجل عجوز كدة بقابلة دايما على القهوة قالى ان دة احتمال كبير سرطان مش عارف بقة الكلام دة صح ولا اية
وبصراحة كدة انا بقيت قلقان جدا

[sadaany]

اخى الكريم رجاء الذهاب الى طبيب اسنان فى كخطوه للكشف على اللثه والتأكد بعدم وجود اى خراج او التهابات بالاعصاب حتى وان كنت لاتشعر بالم مباشر فى الاسنان

[_SAIKO_]

ربنا يشفيك و يعافيك يارب

[Mohannad01]

الأحسن تروح لدكتور يكشف عليك -أعتقد أنف وأذن وحنجرة- لأن الفحص المباشر هيوفر معلومات أكتر غير أما تحكي لحد
احتمال يكون التهاب في عصب أو حاجة
ان شاء الله تكون حاجة بسيطة وابقى طمنّا

[دكتور عابدينوف]

ياريت لو فية دكتور من اصحابنا على المنتدى يقولى اية الحالة اللى بيجيلى دية
هو انا بقالى اربع ايام كدة بداية من الساعة 5 المغرب كدة يجيلى الم رهيب جدا فى الانف بس فى الفتحة اليمين بس وينزل لغايت ضرسى ويفضل معايا كدة لغايت ساعتين وبعد كدة يروح بس الالم دة جالى بعد ما كان عندى دور برد وكنت بعطس عطس شديد بس بعد ما البرد راح على طول جالى الالم اللى انا قلت علية دة ياترى دة اية بالضبط
بس سالت واحد عندنا فى المنطقة راجل عجوز كدة بقابلة دايما على القهوة قالى ان دة احتمال كبير سرطان مش عارف بقة الكلام دة صح ولا اية
وبصراحة كدة انا بقيت قلقان جدا

اعوذ بالله سرطان بحاله ...اقطع مع الراجل دا فوراااااااا:cuisin:
ممكن يكون التهاب فالجيوب الانفية او التهاب فيروسى فى عصب
شوف طبيب انف واذن والف سلامة ربنا يشفيك :lov:

[ahmed yasser]

اعوذ بالله سرطان ايه بتحس بوجع فوق عينك ؟؟

[dr mohamed kamal]

أعتقد إن ده ألم من الاسنان فى الفك العلوى و أنصح بالذهاب إلى طبيب أسنان , و ألف سلامة

[محمد ياقوت]

اخى الكريم شفاك الله عندى دكتور اسنان ممتاذ ارجو الذهاب له
الاسم -- د محمد عمار لو تحب ارجو الاتصال حتى اوصلك ليه

[diiie_hard]

الذهاب لدكتور انف واذن الاول يا اخي وهو هيفيدك ان شاء الله
وشفاك الله وعفاك

[Angel]

تم النقل للقسم الصحيح

[hogan]

ربنا يشفيك و يعافيك يارب

[MBadr]

شفاك الله وعفاك اخى الكريم

[مورو]

ربنا يشفيك يارب وزيي ماقال الاخوة الأفاضل دكتور انف واذن وحنجرة يكون افضل وربنا يقومك بالسلامه ومعلش سؤال بسيط هوا اللي حضرتك سألته ده بيشتغل ايه ؟؟؟؟؟؟

[دكتور/عادل]

الاسباب كثيره بدءا من التهابات اللثه وجذور الاسنان والتهابات الانف الى التهابات العصب الخامس اما الاورام عافاك الله منها فتكون الاعراض فيها مختلفه كثيرا ومقترنه باعراض اخرى ابدأ بفخص الاسنان والانف كما نصحك الجميع

[سندباد زمانى]

شفاك الله وعافك

[tharwat]

مش ممكن....انا ضحكت لما سمعت سرطان دي قوي...
بص هو انا عندي كذا تشخيص...ممكن يكون التهاب في الاذن الوسطى و ده ممكن يكون مع الالم دوخة كمان....و ممكن يكون عندك حيل زي ما بيقولوا ...و ده حاجة علمية مش كلام كده و خلاص و ده بيكون ان الجسم بيعمل خط دفاع بعد منطقة الاتهاب اللي في الجسم...انت عندك مشكلة اما في الجيوب الانفية او في الاذن الوسطى..و ده تخصص انف و اذن و حنجرة...تحياتي و بالشفاء

[engineero eslam]

ربنا يشفيك ويعافيك وشيل من دماغك حكاية السرطان والكلام الفاضى ده لان واضح ان الحاج ده مايعرفش اى حاجة ف اى حاجة

[tarik el]

الأحسن تروح لدكتور يكشف عليك

[M.SHADY]

الف سلامه عليك يا معلم و ان شاء الله تبقى حاجه بسيطه

[رامز ياسر]

غالبا ده ياباشا التهاب جيوب انفية ....لكن مش سرطاان خالص بعد الشر ...السرطان دا حاجة خبيثة مبيعملش الم الا متاخر جدا والا ما كنش خبيث .....وبرضه شوف دكتور انف واذن للاطمئنان ......شفاك الله وعافاك

[Mohammad Al Qassam]

في الاول بس لازم نعرف الاعراض بالظبط و كمان لو فيه بلغم او مخاط من الانف او اي سائل من الانف
ثانياً هل فيه ادوية معينة بتاخدها أو اي امراض جاتلك في الفترة الاخيرة ؟؟؟
ثالثاً الاورام بصفة عامة بيكون ليها اعراض مختلفة بشكل كبير ....
أما بالنسبة للحالة المبدئية بعد البرد اللي كان عند حضرتك ممكن تكون
إلتهاب في الجيوب الانفية sinusitis و خاصة ال maxillary منها و اللي بتكون موجودة
على جانبي الانف و اعلى الاسنان و دي بتكون عدوة بكتيرية كتطور لحالة البرد و أهم حاجة بتميز الحالة دي
هي ((( فقدان مؤقت لحاستي التذوق و الشم بشكل كلي او جزئي + وجود مخاط من الانف ))).........
د/محمد القسام