سلام عليكم
الموضوع ده يا جماعه للناس اللى عاوزه تعرض سلعتها للبيع
والمسموع بعرضه هو اى شئ تتعلق ببنادق ومسدسات الرش وجميع متعلقاتها
وليس لاى نوع من الالسلحه الناريه او البيضاء
وهايبقى كالاتى
حضرتك هادخل هنا هاتعمل مشاركه جديده وتعرض فيها سلعتك
طبعا مع الالتزام بقواعد وقوانين البيع والشراء
(تحط اسم البندقيه وموديلها وصوره ليها والسعر ورقم تليفونك وحالتها جديده او مستعمله وفقط وكمان الصوره تكون للبندقيه اللى بين ايديك مش صوره للبندقيه من ع النت)
وبعدين الساده المشرفين والمراقبين هايتفضلو باخذ رابط للتعليق بتاعك (عرضك يعنى) ويحطوه فى موضوع اخر للراغبين فى الشراء
وبكده سلعتك هايبقى معلن عنها فى موضوع مع سلع اخوانك الاخرين
وبالتالى محدش هايحط موضوع كل شويه للسلعه اللى عاوز يبيعها
وكمان
اول لما السلعه تتباع صاحبها يتشرف ويخش يمسح التعليق اللى كتبه فى الموضوع ده عن سلعته او الاداره هى اللى تتشرف بعمل كده علشان نحدد السلع المعروضه للبيع وفقط
وكمان
ممنوع اى عضو غير المشرفين والعارضين انهم يعلقو على السلعه او يقولو رايهم
الكلام ده يخص المشرفين والمراقبين وفقط
واللى عاوز يقول كومنت على بندقيه او يمدح فيها مثلا هانعمل موضوع تانى خالص تتناقشو فيه سوا حول السلعه ديه
وهاعمله واقولكم عليه
الكلام واضح؟؟
ارجو من الاداره تثبيت الموضوع واخذه بمحمل الجد من اجل التنظيم ليس الا
وشكرا

بندقية ديانا 52 نمره واحد طلعت بيها ثلاث رحلات فقط يعنى جديده والسعر المطلوب 4750 جنيه وهى تساوى اكثر من كده وطبعا البندقية مش محتاجه تعريف وده رقم تليفونى 0196654760

ياريت يا استاذنا تحط صوره البندقيه

حبيبى هوكا انشاء الله هاحط الصوره النهارده وعلى فكره البندقيه west germany 8/88

اوك يا باشا بس ياريت تحطها فى مشاركتك اللى فيها العرض علشان يبقى العرض كامل فى مشاركه واحده
وانا حطيتلك لينك لعرضك فى الموضوع التانى وان شاء الله نلاقى تفاعل
وربنا يوفقك فى البيع