التصور الجديد لقسم سوق المنتدى

[المستشار]

بسم الله الرحمن الرحيم
اعضاء المنتدى الكرام واخوانى المحترمين حيث انه من فتره ليست بوجيزه قامت اداره المنتدى بدراسه قسم سوق المنتدى ووضعنا عده تصورات له ولكن لان الامر شورى وان الهدف الاسمى لهذا القسم هو توفير خدمه البيع والشراء باسعار تناسب السلع المعروضه من ناحيه كما تناسب امكانات اعضاء المنتدى من ناحيه اخرى فانا عن اداره ولان الامر شورى بيننا اى حد من الساده الافاضل عنده اقتراح لشكل جديد لهذا القسم يضع تصوره كاملا مع رجاء حار لكل الاعضاء ان مافيش عضو يتداخل فى مشاركه او يعلق على تصور عضو اخر كل عضو له مساحته يضع فيه ما يراه مناسب من شكل جديد لهذا القسم المتميز والتى اختلفت فيه الاراء ونحن بصدد انهاء التصور الاخير لهذا القسم قد نجد فكره او شكل جديد لم ياتى فى مخيلتنا اكيد المبدعين كتير وهذا الموضوع مفتوح حتى نهايه شهر اكتوبر وتقبلوا جميعا تحياتى واحتراماتى

[ايهاب ابو الوفا حمدى]

عزيزى الغالى محمد بك ان لازلت على راى فى اقتراح تنظيم سوق المنتدى بشكل افضل وهو ان يكون هناك مقابل مالى ولو رمزى من جهة الادارة مقابل الاعلان عن اى سلعة على غرار باقى منتديات الصيد البرى والبحرى وبذلك تكون قد ضمنت تنقية السوق بجدية البائع والمشترى وجودة السلعة ونوعها بمعلومات عن البائع والمشترى وعن السلعة وبهذا المقابل المادى عن جهة الادارة يبدا التطوير للافضل باقامة الندوات الخاصة بالصيد والحفلات كالافطار الجماعى مثلا فى رمضان لكافة الاعضاء وتعارف الصيادين وتنظيم الرحلات الاسبوعية للصيد وخلافه وتحياتى الى جميع اعضاء المنتدى الكرام
والراى شورى ولكم الراى الاعلى

ايهاب ابو الوفا

[المستشار]

عزيزى الغالى محمد بك ان لازلت على راى فى اقتراح تنظيم سوق المنتدى بشكل افضل وهو ان يكون هناك مقابل مالى ولو رمزى من جهة الادارة مقابل الاعلان عن اى سلعة على غرار باقى منتديات الصيد البرى والبحرى وبذلك تكون قد ضمنت تنقية السوق بجدية البائع والمشترى وجودة السلعة ونوعها بمعلومات عن البائع والمشترى وعن السلعة وبهذا المقابل المادى عن جهة الادارة يبدا التطوير للافضل باقامة الندوات الخاصة بالصيد والحفلات كالافطار الجماعى مثلا فى رمضان لكافة الاعضاء وتعارف الصيادين وتنظيم الرحلات الاسبوعية للصيد وخلافه وتحياتى الى جميع اعضاء المنتدى الكرام
والراى شورى ولكم الراى الاعلى

ايهاب ابو الوفا
مشكور معالى الرئيس على المشاركه وستضع ان شاء الله فى المخطط وتقبل احترامى لشخصك الكريم

[ابو الشوق]

سيادة المستشار
انا شايف ان مجموعة قوانيين يجب على المشترك الجديد قرائتها قبل التسجيل فى المنتدى
القوانيين دى تنظم نوع العاقة والاداب العامة وطريقة المشاركات بين الاعضاء مع التنوية مع حظر بيع او عرض الاسلحة البيضاء التى يزيد طول النصل على 5 سنتى
وممنوع عرض اسلحة نارية الا ااذا كانت مرخصة
وممنوع السؤال او التطرق عن تعديل الاسلحة
انا اشيف الن الكلام دةمتاخر اننا نتكلم فية
بس انك توصل متاخر احسن من انك متوصلش
تقبل مرورى وتحياتى

[درويش51]

طبعا منتدانا الغالى بقيادة الجنرال ممتاز ولكنى لى ملحوظة صغيرة ليتها تاخذ بعين الاعتبار
1: عمل قسم خاص لكل نوع من البنادق فمثلا الجامو قسم خاص والالمان قسم خاص والانجليزى وهكذا
2: البنادق المعروضة بسوق المنتدى عندما يغلق موضوعها يزال الموضوع من القسم الخاص بالبندقية
3: رايت بعض عروض البنادق وقد مر على عرضها فترات طويلة ولم تباع لغلاء سعرها مثلا فلماذا لا تغلق هذة العروض
4: الالتزام الكامل فيما يخص الاقسام بالمنتدى فلا نجد مثلا عرض بيع بقسم صور رحلات الصيد
5: لا يتم عرض بنادق الا اشخاص بعينهم مشهود لهم بالامانة لكى لا يتعرض اى من الاعضاء للخداع
وطبعا انا شاكر للمجهود الرائع للجنرال ا/جلال

[Youssef]

شكراً سياده المستشار على اتاحة الفرصه لإبداء الرأى
انا عملت موضوع من أكثر من شهر فيه تصور لقسم سوق المنتدى (نظام البحث التصنيفى من خلال اختيارات محددة على غرار موقع كونتاكت كار) ياريت حضرتك تمر عليه ولو فيه أى تفاصيل المنتدى يأمر

http://www.egypthunt.net/showthread.php?t=3267

[عاشق القنص]

ياحضرت المستشار انا عندى حاجه بسيطه
احنا بنشوف لما يكون واحد عارض بندقيه الناس بتفاصل معاه فى 150 جنيه و 200 جنيه
انا بقترح الى يشوف بندقيه وعايز يتكلم فى سعرها يبعت على الخاص لصاحبها
كويس كده ولو عايز يفاصل معاه يكلمه على الخاص مش العام و بعد كده يعمل تعليق فى الموضوع ويقوله انى بعت ليك رساله على الخاص
وبكده هتلاقى ان الى منزل عرض لبندقيه هتلاقى الموضوع مفيش فيه فصال الى فى الاخر بيقلب بخناقه على السعر
اعتقد كده هايكون السوق اشيك واحسن بالنسبه للمواضيع البيع والشراء
وفى حاجه تانيه
العضو الى ما ينزل مع الموضوع كافه المعلومات اللازمه زى السعر والخامه والجوده و العيوب والمميزات
وبلد الصنع
ومكانه هو او المكان الى موجوده فيه البندقيه
او يتعمل زى ابلكيشن او استماره الى عايز يبيع حاجه يملها بالظبط ويملى كل بند فيها ولو فيها حاجه نقصه يتم اخطاره على الخاص ويتم تعديل الموضوع
وبكده السوق يبقى احسن وافضل و ويليق بحضراتكم والجميع
شكرا لحضرتك يافندم على المجهود الطيب ده

[hassan_11176]

السلام عليكم
معالى المستشار
يا ريت سوق المنتدى يقسم الى اقسام
بمعنى انى لما ادخل سوق المنتدى الاقى فيه عدة فروع
مثلا
1:- سوق الديانا
2:- سوق psa
3:-سوق الجامو
4:-سوق النوريكا
5:- سوق البنادق الصينيه والانواع الاخرى من رمسيس والمعادى وخلافه
يبقى انا سهلت على نفسى وعلى اعضاء المنتدى ويبقى كل واحد عارف امكانياته هيقدر يشترى ايه لو عاوز صينى هيدخل على الصينى لو عاوز نوريكا هيدخل على نوريكا لو عايز جامو يدخل على جامو
انما مش الكل معاه ثمن الديانا مثلا وخصوصا المبتدأين يبقى عارف طريقه وأظن كده الفكره وضحت وانا اسف للاطاله
اخيك الصغير /حسن الديب
وتقبل مرورى
والسلام عليكم

[حسن حلمى مندور]

سيادة المستشار
السلام عليكم ورحمة الله وبركاته تحياتى الطيبة الى معاليك والى جميع اعضاء المنتدى الكرام اعتقد ان موضوع منتدى البيع والشراء هو تسهيل وتعارف لآصدقائنا واخواننا فى المنتدي وبالتالى هو بوابة لمعرفة الاسعار والمميزات الموجودة فى كل بندقية على حده بواسطة الخبراء الذين لايبخلون بأى معلومه او سعر عن اى بندقية او مميزاتها وبالتالى فهو مفيد جدا جدا اما بالنسبة لتنوعيه على اسواق كما تم الاقتراح السابق من اعضاء المنتدى الكرام فاأعتقد ان المعروض ليس بالحجم او العدد اللى يستحق ان ينصف سوق للالمانى وسوق للاسبانى واخرللانجليزى وعلى العموم هو مفيد لآعضاء المنتدى بأى شكل يراه اخواننا اعضاء المنتدى المبدعين والذين نحترم جميع ارائهم ونقدرها فهى فى النهاية خدمة جميله ومساعدة للآعضاء الكرام وتقبل مرورى وشكرا لجميع من كتبو اقتراحاتهم وننتظر المزيد والمزيد منهم خدمة لاعضاء المنتدى مع تمنياتى بأن يكون منتدانا أحسن منتدى بفضل اعضاؤه الذين لايبخلون بأى مشورة او مساعدة امثال معاليكم وجلال باشا واخونا طلعت واخونا محمد حافظ والجميع .

[Commando22]

السلام عليكم و رحمة الله و بركاتة
انا شايف ان احنا ممكن نعمل تقسيم حسب السعر يعنى مثلا من 500 الى 1000 ده قسم و من 1000 الى 1500 و هكذا و كدة كل واحد هايخش على اللى يناسب امكانياتة. كمان اللى يتباع يتشال من السوق عشان منضيعشى وقت الناس و يبقى فية فورمة تتملى لكل حاجة معروضة قيها كل البيانات المطلوبة عشان الناس متقعدش تسأل على اى حاجة البياع ناسيها و هو يرد و واحد تانى يسأل على حاجة تانية