بسم الله الرحمن الرحيم

مش هطول عليكم هههههه ندخل ف الموضوع علطول

كتير من الاعضاء و انا منهم كان نفسنا نجيب الماسك الخاص بالوجه زي اللي بيلبسه الجنود بتوع القوات الخاصه , و الماسك دة بيحميهم من الاتربه و البرد و الهوا الشديد برده اذا تم لبس نضاره معاه

و دي بعض صورهم

http://www.m5zn.com/img/?img=c0ca5a986742f4a.jpg (http://www.m5zn.com/out.php?code=c0ca5a986742f4a)

http://www.m5zn.com/img/?img=93d1a98d523e00a.jpg (http://www.m5zn.com/out.php?code=93d1a98d523e00a)

http://www.m5zn.com/img/?img=7d8a2f8a35bc303.jpg (http://www.m5zn.com/out.php?code=7d8a2f8a35bc303)


و الماسك ليس حكرا عالجيش و الشرطه و انما هما بيلبسوه للاسباب اللي قولتها فوق دي و كمان لاخفاء الهويه .

طيب احنا هنلبسه ليه هو .. احنا لا شرطه ولا جيش و لو لبسناه هيقولوا عننا بلطجيه و بيخفوا وجوههم ... الرد القاطع علي الكلام الحمصي ده كالاتي

- احنا لا بلطجيه ولا قطاع طرق عشان نلبس ماسكات دة اولا
- في ناس بتنزل شغلها الصبح بدري و بيكون الجو تلج و محتاج يغطي وشه
-في ناس بتطلع تصطاد بعد الفجر وبالليل و بيكون الجو برد عليهم
- في ناس بتتعب من الدخان و عوادم السيارت و الاتربه اللي متواجده بكثره ف القاهره
- الماسك مش هيتلبس طول اليوم لالالا هو لغرضه فقط وخلاص يعني مثلا يتلبس الصبح بدري لحد لما الجو يدفي و بعدين يتقلع .. اللي موجود ف اماكن عمل فيها اتربه مصرحه بالماسك ف اي وقت

و دي صور للماسكات و هي نوعين ماسك ل وجه كامل و ماسك ل نص وجه و دي بعض صورهم برده عشان الناس تبقي عارفه احنا بنتكلم عن ايه

http://www.m5zn.com/img/?img=d575804ae40cfbf.jpg (http://www.m5zn.com/out.php?code=d575804ae40cfbf)

http://www.m5zn.com/img/?img=bc08468b1bd3f93.jpg (http://www.m5zn.com/out.php?code=bc08468b1bd3f93)

http://www.m5zn.com/img/?img=fea76ad8af5fc5a.jpg (http://www.m5zn.com/out.php?code=fea76ad8af5fc5a)

http://www.m5zn.com/img/?img=efaea68c0c1d4f0.jpg (http://www.m5zn.com/out.php?code=efaea68c0c1d4f0)


نيجي بقي للماسك نفسه :: طبعا ماشاءالله الاستغلال يفوق الوصف تلاقي تاجر بيبعه ب 50 جنيه و اخر ب 80 و اخر ب 100 و اخر 30 جنيه ... طيب و علي ايه الاستغلال ده مانت ممكن تعمله ف البيت و ب تكلفه اقل كمان ولا الحوجه للتجار و استغلال التجار

المطلوب :

- ايس كاب او زعبوط بس يكون لونه اسود ساده او بني ساده اي لون غامق ساده
- استك رفيع
- قلم فسفوري
-مقص

الخطوات للماسك الكامل - وجه كامل - : واحده واحده كده نمشي ف الخطوات

- هتنزل عند اي حد بتاع جونتيات و كابات و زعابيط و ايس كابات تشتري ايس كاب او اتنين او 3 تكلفه الواحد حوالي 10 -15 جنيه و خامات مختلفه طبعا علي حسب ذوقك

- تاخد الايس كاب و تطلع عالبيت عدل لا تبص يمين ولا شمال ههههه انسان الي بالظبط .. تروح البيت تطلع الايس كاب و تعطيه للوالده او ست البيت و تخليها تدكك الاستك ف الايس كاب .. طيب فين ف الايس كاب يا عم سايكو هقولك ياسيدي ..الصبر مفتاح الفرج

الجزء السفلي من الايس كاب هتدكك فيه الاستك بحيث انك لما تيجي تلبسه يبقي الاستك هو اللي حوالين رقابتك و ماتقلقش الاستك مش هيخنقك بالعكس دة هيبقي ماسك الماسك حوالين رقابتك و شده زي ماسك القوات الخاصه بالظبط زي ماهو موضح بالصوره سهم رقم 1

http://www.m5zn.com/img/?img=420882be7edfa3f.jpg (http://www.m5zn.com/out.php?code=420882be7edfa3f)

- بعد ما تدكك الاستك تاخد الايس كاب و تلبسه و تشده كله علي راسك و وشك .. طبعا انت مش هتشوف حاجه لانه مغطي عينك تروح ماسك القلم الفسفوري ب ايدك و تحدد بالقلم مكان عينك و وشك زي ما هو موضح بالصوره سهم رقم 2 .. تمام .. انت كده حددت مكان العين و الجزء الظاهر من الانف ..تقلع الماسك و تقص مكان هذا التحديد

http://www.m5zn.com/img/?img=420882be7edfa3f.jpg (http://www.m5zn.com/out.php?code=420882be7edfa3f)

- قصك مش هيطلع مظبوط اووي .. دة عادي ماتخافش ..انت هتساوي و تظبط قصك بحيث ان القص يبقي متناسق و مفيش حته زياده او اقل

- بعد القص و بسبب القص هتلاقي مكان القص مشرشب و منسل مفتل بسبب القص ..هتروح تدي الماسك للوالده الكريمه او الزوجه الكريمه و هما عارفين خياطه كويس ف هيعملولك الحتت المنسله دي سواء يتنوها و يخيطوا عليها او اي كان هما هيعملوا ايه بقي المهم انها هتتعدل

كده اقدر اقولك مبروك انت عملت ماسك بنفسك باللون اللي انت عايزه و الخامه اللي انت عايزها

طيب واحد هيقولي طيب فايده الاتنين ايس كاب التانين اللي انا اشترتهم ايه انت قولت نشتري اتنين او 3 ايس كاب .. بص يا سيدي انا قولت تشتري اتنين او 3 عشان لو واحد باظ منك تعدلف التاني و لو التاني باظ منك تعمل الثالث و كل ما تجرب هتطلع ماسك احلي و هو مش مستاهل اصلا تجرب بس من باب الاحتياط و انك تعمل ماسك محترم .

لسه ماخلصناش رايح فين ..

الخطوات للماسك نص الوجه :

نفس الخطوات السابقه لكن مع بعض التعديلات و هي كالاتي

- اما انك تعمل نفس الخطوات السابقه و بدل ما تقص جزء العين و الانف تقص الراس كلها كمان

- او انك تجيب كم ل تيشيرت قديم و تقص الكم من التي شيرت طبعا خامه التي شيرت ضعيفه و مش هتستحمل الجو و البروده و التراب ف تعمل ايه تجيب صوف او قماش ناعم او قطن و تغطي الكم ده بالصوف او القماش الناعم و طبعا بالخياطه تعمل كده و بعد ما تغطيه تلبسه لحد المستوي اللي انت عايزه يغطي وشك و تمسك القلم الفسفوري و تحدد الزيادات و بعد كده تقلع الماسك و تقص الزيادات و برده تعمل الاستك من عند الرقبه و الالوان و الخامات براحتك برده

الاسئله اللي انا متوقعها

- خامه ماسك القوات الخاصه مختلف ؟ حضرتك و انت بتشتري اختار الخامه اللي تعجبك نعامه خشنه ساده كاروهات برحاتك

- في انواع كتير من الماساكات باشكال كتير ؟ حضرتك انا قولتلك الفكره و انت قص الشكل اللي يعجبك في ناس بتعمل ماسك للوجه كله بالراس ف بيقص منطقه العين و الانف و ناس عايزه ماسك نص وجه ف هيقص علي قد نص الوجه و هكذا

طيب و علي ايه التعب ده كله ما انا اشتري جاهز .. والله ياباشا براحتك انت حر و فلوسك كتير روح اشتري بس لما تمسك الماسك ف ايدك و انت دافع فيه 80 جنيه او 100 جنيه او 50 جنيه و تلاقي واحد تاني عامل ماسك زي بتاعك و احسن منه ب 20 جنيه تكلفه ماتزعلش ولا تضايق كل الفرق بينكم ..ان هو شغل مخه و انت شغلت فلوسك

اتمني ان الموضوع يكون قدم افاده

تسلم إيدك يا أبو السيد

وماتنساش ان في ناس عندها الست الوالدة أو الزوجة ملهاش في الحاجات دي
فممكن يروح لأقرب ترزي ممكن يعمل له موضوع الأستك ويظبط له التنسيل بتكلفة لن تتعدى الخمس جنيهات بأي حال

موضوع جميل وانا عفى فكرة اجرب الحوار ده خصوصا ان فى ايس كابات بقت طويلة يعنى ممكن تجيب ايس كاب واحد وتعمل القصة دى كلها وتقبل مرورى


شكرا استاذي لمرورك الكريم .. نورت الموضوع


تسلم إيدك يا أبو السيد

وماتنساش ان في ناس عندها الست الوالدة أو الزوجة ملهاش في الحاجات دي
فممكن يروح لأقرب ترزي ممكن يعمل له موضوع الأستك ويظبط له التنسيل بتكلفة لن تتعدى الخمس جنيهات بأي حال

استاذ مهند صباحك ورد .. الله يسلم قلبك يارب ... فعلا انا معاك ان في اوقات الست الوالده او الزوجه مالهمش ف امور الخياطه ف ممكن تروح ل ترزي .. بس حضرتك خلي بالك تروح للترزي عشان يعملك الاستك مش الجزء الخاص بالعين لان ساعتها هيعرف انك بتعمل ماسك و هيشك فيك الا اذا كان ترزي موثوق منه ... نورت الموضوع استاذي

موضوع جميل جدا و بالتوفيق دائما لما فيه الخير و الافاده

رائع جداً.............

احلى تقييم لاحلى افكار
تسلم الايادى

تسلم استاذ جوكر

تسلم ايدك على الموضوع الرائع ده

مشكووور على الفكره

تقبل مرورى

تسلم ايدك ميه ميه

واللهي انا بحب اعمل حاجة زي كده بنفسي...بيكون فيها متعة و بتكون غاليه على الواحد...و الواحد بيحكي عنها بفخر ..ههههههههههههههههه

موضوع جامد
هعملها النهاردة واهو الواحد يجرب ههههههههه
ويارب ترجع من الجيش بالسلامة