كباب حلة مع أرز بالبصل [الأرشيف]

المساعد الشخصي الرقمي

مشاهدة النسخة كاملة : كباب حلة مع أرز بالبصل

عاشق القنص

10-10-22, 03:56 PM

...........................

هشام سمير

10-10-22, 04:07 PM

الله يا باشا على الجمال دى الريحه حتطلع من الشاشه
الله ينور ومنتظرين باقى الابداعات

الجزار

10-10-22, 04:20 PM

ايه الجمال ده دا انا جعت وانا قاعد

Consul

10-10-22, 04:59 PM

محمد حافظ

10-10-23, 12:21 AM

تسلم ألآيادى و ألآفكار يا شيف
بس أبقى خف أيدك فى ألمقادير
أتنين كيلو لحمة
يا للهول
ههههههههه

محمد حافظ

10-10-23, 12:35 AM

Consul

10-10-23, 01:24 AM

أخي العزيز وأستاذي الفاضل الباشمهندس الفنان محمد حافظ...مساء الفل والصحة والسعادة...والجمال...أنا كانت مشكلتي في الزواج ان اللي تزوجوا قبلي ما قالوليش...واللي تزوجوا بعدي ما سألونيش...وصعبان عليا الشباب الصاعد الواعد اللي زي الفل ده يحصل له صدمة...فكل غرضي بس أنهم يدققوا في اختيارهم ويتأنوا ولا يتسرعوا أو ينجرفوا وراء عواطفهم...كلامك صح طبعا 100% فالزواج زي ما بيقولوا نصف الدين فهو سكن وسكينه وعصمة شريطة حسن الإختيار ( فاظفر بذات الدين تربت يداك ) ولقول الرسول عليه الصلاة والسلام...اختاروا لنطفكم فإن العرق دساس...وألا ينخدعوا بالمظاهر والشكليات والماكياج واللبس فكل هذا تخلعه العروس ليلة الدخلة مع طرحتها...وتتساوي جميع النساء في الظلام...وتتفوق عليهن وتتميز عنهن ذات الدين والخلق والمعاشرة الحسنة المطيعة لزوجها والمراعية لحدود الله......توكلوا علي الله يا شباب وتزوجوا مصداقا لقلو الرسول عليه الصلاة والسلام ...ما معناه...تناكحوا تناسلوا فإني مباه بكم الأمم يوم القيامة...فإن الزواج لكم عصمة...وسترة...بيني وبينك...كنت أتمني أن أتزوج مرة أخري...بس في سني ده مافيش صحة لشغل البيت...وتربية العيال...ربنا يتولانا برحمته...خالص تحياتي للجميع...

محمد حافظ

10-10-23, 01:37 AM

Consul

10-10-23, 02:15 AM

وعليك البصر ولك البصيرة أخي العزيز الباشمهندس الفنان محمد حافط...كلنا هذا الرجل...وكلنا عبد القادر...ما يقدر علي القدرة إلا ربنا سبحانه وتعالي...أشكرك أخي العزيز علي هذا الإطراء والثناء الذي لا أستحقه وأرجو الله عز وجل أن أكون أهلا له وعند حسن ظنكم...خالص تحياتي للجميع

درويش51

10-10-23, 09:07 AM

اكلة شكلها جميل اوى بس اقرب للكبسة السعودية اللى الواحد اصلا مل منها خلاص
بس هية تجربة حلوة للى لسة مجربش
اللة ينور عليك
وبالنسبة للزواج الثانى :- حتى لو الواحد قادر بردة مش هيقدر لو كان بيحب زوجتة بجد
ساعتها اصلا مش هيتخيل حتى نفسة مع واحدة غيرها ولو كانت حتى ملكة جمال
طالما زوجتك عارفة ربنا وبتحبك ورزقت منها بنين وبنات يبقى انت عايز اية تانى
حب زوجتك وخليها تحبك بجد هتبقى ملك فى مملكة الحياة الزوجية
وتقبلو مرورة

عاشق القنص

10-10-23, 09:26 AM

الله يا باشا على الجمال دى الريحه حتطلع من الشاشه
الله ينور ومنتظرين باقى الابداعات

مشكور على المرور استاذ هشام
وبالهناء والشفاء

عاشق القنص

10-10-23, 09:27 AM

ايه الجمال ده دا انا جعت وانا قاعد

مشكوررررررر واتفضل معنا

galal khalifa

10-10-23, 09:30 AM

هههههههههههههه
أيه يا عم جلجل أحنا معانا شباب كتير مش متجوزين و كده هاتعقدهم من ألجواز و ألصيادين هاينقرضوا
ألجواز حلو يا شباب ماتسمعوش كلام عمكم جلجل أللى دمه زى ألعسل ده بيضحك معاكم
حتى أسألوا ألبروفيسور
جلال خليفة

وبعدبن يا ملك البنكنوت خلي الطابق مستور هي جت معايا كدا مش شطارة لان الشكارة عند الحاج عمارة طبعا عارفة ولا نشيل الالف ونحط بطاطا ولا اقول لك خليهم ماهو الطين راكبهم من فوقهم ومن تحتيهم

galal khalifa

10-10-23, 09:33 AM

galal khalifa

10-10-23, 09:37 AM

السلام عليكم ورحمه الله وبركاته
مع الاكله المميزه لدى وبعشقها عموما وتعتبر الاكل المفضل لدى
وهى بسم الله مشاء الله دسمه
نبدا الطرح
على بركه الله

المقادير

3 كوب أرز باسمتي

2 ملعقة كبيرة سمن

3 بصل متوسط مُقطع إلى جوانح

2 كيلو لحم (ضأن أو بقري) قطع متوسطة بالعظم

1 ملعقة كبيرة بهارات مطحونة (قرفة، فرنفل، هيل (حبهان)، جوز الطيب)

1/2 كوب دبس تمر

2 ملعقة كبيرة معجون تمر هندي

4 كوب مرق

ملح وفلفل

الطريقة

- يُغسل الأرز جيداً ويُنقع في الماء الدافئ لمدة 30 دقيقة.

- يُسخن السمن في إناء على نار متوسطة، يُضاف البصل مع التقليب لمدة 10 دقائق أو حتى يأخذ لون الكراميل (مع مراعاة ألا يحترق).

- في تلك الأثناء، يوضع اللحم في وعاء عميق ويُتبل بالبهارات، دبس التمر ومعجون التمر الهندي.

- يُضاف اللحم ويُقلب مع البصل لمدة 10 دقائق أو حتى يُحمر من جميع الجهات.

- يُضاف المرق ويُترك حتى يبدأ في الغليان، تُخفف الحرارة ويُغطى الإناء ويُترك لمدة ساعة أو حتى تمام نُضج اللحم، يُتبل الخليط بالملح والفلفل.

- يُصفى الأرز. يُدهن إناء كبير بقليل من الزبدة، توضع طبقة من الأرز ثم طبقة من اللحم مع المرق، تُكرر الطبقات حتى تكون آخر طبقة من الأرز ويُسقى بالكمية المتبقية من المرق الناتج عن طهي اللحم.

- يوضع الإناء على نار هادئة، ويُترك لحوالي 15 دقيقة حتى تمام نُضج الأرز.

- يوضع كباب الحلة مع الأرز في طبق التقديم، ويُقدم مع الكرنب (الملفوف) المحشو.

اية يا باشا الجمال دا كلة سياحة وفنادق وشيف وصياد طب احنا نروح فين معاك تسلم ايدك ودماغك وعايزين سبيط اسماعلواي ومعاة شوية سهلية مشوية من عند الراجل الي في اول طريق البلاجات

عاشق القنص

10-10-23, 10:30 AM

اية يا باشا الجمال دا كلة سياحة وفنادق وشيف وصياد طب احنا نروح فين معاك تسلم ايدك ودماغك وعايزين سبيط اسماعلواي ومعاة شوية سهلية مشوية من عند الراجل الي في اول طريق البلاجات
احنا تحت امر معاليك ياعمده واللهى العظيم حضرتك تشاور بس والاسما عليه كلها تكون تحت امرك من اول الاسماعليه لطريق البلاجات لفايد
كلها تحت امر معاليك
بس ننول شرف زياره من حضرتك ده يبقى يوم المنى ويبقى عيد وطبعا زياره حضرتك دى شرف لينا ووسام على صدرى افتخر بيه
ومشكور على المرور ياعمدتنا

عاشق القنص

10-10-23, 10:36 AM

يسلموا ها الديات ( تسلم ايديك ) أخي العزيز عاشق القنص...والله أنت تتحفنا بأكلات جميلة ورائعة...الواحد متزوج من 30 سنة وماشافش الحاجات الحلوة دي ولا سمع عنها...ومش عارفين ها نشوفها امتي...اتمتعوا يا شباب اليومين دول قبل الزواج...غدا ستنظفون الشقة وتغسلون الصحون وتحموا العيال وتربوهم بالإضافة الي عملكم ليل ونهار في أكثر من جهة حتي تكفون بالكاد مصاريف بيوتكم ومش بعيد تستلفوا وتستدينوا وبرضوا مش ها يبقي عاجب...الله المستعان...خالص تحياتي للجميع...

مشكور يااستاذ جلجل
+
انا عندى وجهه نظر فى الرزواج عموما
الزواج زمان يختلف عن دلوقتى حضراتكم كان الله فى عونكم
معاكم الطراز القديم والغير محدث
انما الايام دى الطراز الجديد يهبل:d:d
اقصد جامد
هههههههه
يالاهوى اقصد حلو
هههههههههه
ومعاصر وبيحد نفسه
وعلى فكره واللهى انا ضد الزواج فى الفتره دى بالنسبالى عموما يعنى
انا لسه متخرج ولسه الدنيا ما لعبتشى معايا
وعشان كده انا ناوى العب شويه انا والدنيا بتاع اربع خمس سنين وهو يكون الواحد عنده بتاع25 سنه وده يبقى السن المناسب للزواج
صح ياجلجل باشا
ونصيحه من ابنك الصغير يرجى تحديث الوندز وتنزيل وندز 2011
ههههههههههه
ده بينى وبينك ومتقولش لحد

عاشق القنص

10-10-23, 10:41 AM

تسلم ألآيادى و ألآفكار يا شيف
بس أبقى خف أيدك فى ألمقادير
أتنين كيلو لحمة
يا للهول
ههههههههه

ههههههههههههههه
يامحمد بيه احنا بنجهز للعيد
او للطلعه بتاعت مطروح يمكن تبعت حاجه ضانى وتلعب معنا
هههههههههههههههه

عاشق القنص

10-10-23, 10:43 AM

Consul

10-10-24, 04:20 PM

انا لسه متخرج ولسه الدنيا ما لعبتشى معايا
وعشان كده انا ناوى العب شويه انا والدنيا بتاع اربع خمس سنين وهو يكون الواحد عنده بتاع25 سنه وده يبقى السن المناسب للزواج
صح ياجلجل باشا
ونصيحه من ابنك الصغير يرجى تحديث الوندز وتنزيل وندز 2011
ههههههههههه
ده بينى وبينك ومتقولش لحد
أخي العزيز الأستاذ عاشق القنص...يا للأسف ويا للأسي علشان كلامك فعلا صح 100% أنا وجيلي معانا الإصدار الأول والطراز القديم بعيد عن السامعبن الغير قابل للتحديث أو التعديل...حديد x حديد...وزي كل حاجة قديمة وبتاعة زمان ما بتخربش أبدا أو تبوظ بتعمر وبتعيش طويلا...ولا تستهلك قطع غيار...كلها استمبة واحدة...زي ما قلت...one for all and one for ever...فتلاقي الواحدة من دول زوجة...وسلاح فتاك ورادع للدفاع عن النفس في نفس الوقت وعند اللزوم...ولهذا السب تلاقي الواحد منا بيؤثر السلامة ولا يفكر أبدا أن يصطدم بهذا الطراز من الدبابات الباتريوت و السنتوريون أو يفكر يواجهها...فالنتيجة معروفة مسبقا...بنحسدكم وبنقر عليكم وبنقول يا بختكم ببنات اليومين دول الباسكويت الهش والشيبسي المقرمش...اللي مش محتاجين طقم أسنان حديد...وكفاية عليهم الضراضير...وبعدين انت عايز تؤجل الزواج ليه 4 أو 5 سنين...علشان تكون وصلت 25 سنة...والله لسه صغار وخسارتك في الزواج...يا ريت تعمل بنصيحتي وتؤجله لبعد سن الخمسين...علشان فعلا نظرتك ها تختلف وتكون طبيعية وتحس فعلا بجمال المرأة وأنوثتها...فالمرأة كالهرم أو الجبل...لا تري جماله وحلاوته إلا من بعيد...ولو حاولت أن تقترب منه وتراه عن قرب...إخييييييييييه....علي رأي المرحوم توفيق الدقن...ها تشوف بقي الشقوق والأخاديد والشروخ والفئران الل عايشه فيه والبوم اللي معشش فيه...والسحالي والحيات...يوووووووووووووووه...هم ما يتلم...بلاوي بعيد عن السامعين...علشان كده احنا في سننا ده بنستمتع أكثر منكم يا شباب برؤية المرأة من بعيد وده طبعا غصب عنا مش بإيدينا...بس وماله...أهه برضو بنستمتع وخلاص...الدور والباقي عليكم انتم اللي مش طايلين لا تقربوا ولا تبعدوا...وبرضو غصب عنكم مش بأيديكم...كان الله في عونكم...وبعدين بيني وبينك...وهمسة في أذنك...أنا حاولت قبل كده اني أفرمت الجهاز وأستب الويندوز بفرجن جديد...لكن مش عارف أقولك ايه...هنجت...قصدي الجهاز هنج...ورجعت تاني غصب عني للإصدار القديم...لسبب بسيط...إني نسيت إن أنا نفسي إصدار وطراز قديم غير قابل للتحديث...وتصبحوا علي خير يا حبايبي...خالص تحياتي للجميع...

محمد حافظ

10-10-24, 11:01 PM

ههههههههههههههه
يامحمد بيه احنا بنجهز للعيد
او للطلعه بتاعت مطروح يمكن تبعت حاجه ضانى وتلعب معنا
هههههههههههههههه
و هذا على أعتبار أننا لو ما لقيناش حاجة نضربها
نتدور على خرفان ألناس أصل معلوماتى أنه لا يوجد
خرفان برى فى مصر

محمد حافظ

10-10-24, 11:13 PM

وبعدبن يا ملك البنكنوت خلي الطابق مستور هي جت معايا كدا مش شطارة لان الشكارة عند الحاج عمارة طبعا عارفة ولا نشيل الالف ونحط بطاطا ولا اقول لك خليهم ماهو الطين راكبهم من فوقهم ومن تحتيهم
طبعاً عارفه
بس لزومه أيه يا عمدة

ههههههههههههه