المساعد الشخصي الرقمي

مشاهدة النسخة كاملة : بام 21

ادهم
10-10-19, 01:05 AM
تم البيع بحمد الله
mido_23279
10-10-19, 02:14 AM
مساء الفل يا أستاذ أدهم

ما شاء الله بندقية جميلة جداا ربنا يبارك للبايع و الشارى بس السعر دة مش فية كلام ؟
برجاء رأى الخبراء خاصة سيادة المستشار خبير البام 21

على فكرة يا أستاذ أدهم أسم حضرتك دة عزيز عليا جدااا لأنة أسم أخويا التوأم


مع الشكر أحمد عصام
ايهاب رمزى
10-10-19, 02:26 AM
بندقية رائعة عن تجربة
momo44
10-10-19, 03:38 AM
اكيد السعر فيه كلام لان سعرها جديد من 1700 الى 1750
موفق ان شاء الله
ادهم
10-10-19, 07:35 AM
مساء الفل يا أستاذ أدهم

ما شاء الله بندقية جميلة جداا ربنا يبارك للبايع و الشارى بس السعر دة مش فية كلام ؟
برجاء رأى الخبراء خاصة سيادة المستشار خبير البام 21

على فكرة يا أستاذ أدهم أسم حضرتك دة عزيز عليا جدااا لأنة أسم أخويا التوأم


مع الشكر أحمد عصام

شاكر جدا لمرور حضرتك وربنا يخفظك انت واخيك ان شاء الله
ادهم
10-10-19, 07:36 AM
بندقية رائعة عن تجربة

استاذ ايهاب شهادة نعتز بها
ادهم
10-10-19, 07:38 AM
اكيد السعر فيه كلام لان سعرها جديد من 1700 الى 1750
موفق ان شاء الله

صباح الفل
تم خفض السعر الي 1600 علما بأن سعر الشراء 1850 ودة في مدة وجيزة جدا
wegdan12345
10-10-19, 07:45 AM
ربنا يبارك للبايع والمشتري
ادهم
10-10-19, 07:47 AM
ربنا يبارك للبايع والمشتري

وجدان بك
صباح الفل وعقبال المزيد من الرحلات ان شاء الله
wegdan12345
10-10-19, 08:01 AM
وجدان بك
صباح الفل وعقبال المزيد من الرحلات ان شاء الله

صباح الفل علي احلي ناس
محمد بك ((ادهم)) ياههههه دانا ناسي اسمك في المنتدي متغير
ياباشا ده يكون شرف ليا اني اشوفك تاني
ان شاء الله لو طلعت الاسبوع دة اتمني وجودك معانا
galal khalifa
10-10-19, 09:49 AM
للبيع
القوية بام 21 جديدة بالكارتونة والكاتلوج
استخدام خفيف وراقي جدا علبة رش تقريبا
مطلوب 1750 جنية
سبب البيع الحمد لله ربنا رزقني بالبندقيه الرائعة نوريكا كويك وانا مش عايز يكون عندي ترسانة سلاح
وان شاء الله سوف اعرض باقي المقتنيات في موضوعات لاحقة
ت 0108989695
آسف للإطالة واترككم مع الصور

البندقية بام 21 من افضل البنادق الصينية ان لم تكن فعلا افضلهم علي الاطلاق وسعرها بالنسبة لقوتها 950 قدم في الثانية كويس جدا لانها محاكاة الي الرائعة الساحرة ديانا 52 والي ها يشتريها ها يكسب كتير وذلك عن تجربة سابقة للبندقية
harpoonattack
10-10-19, 10:22 AM
بندقيه جميله فعلا يكفى انها كوبى الديانا وبالتوفيق ان شاء الله
محمد احمد العنانى
10-10-19, 10:51 AM
جميلة جدا لسة جيالى واحدة بى22

وسعرها كويس ... ربنا يحسن ليك سوقها.
mido_23279
10-10-19, 10:51 AM
يا باشا ربنا يحفظك

بس أنا عرفت من أساتذة المنتدى الكبار هنا أن سعرها جديدة من 1600ج إلى 1700ج

مع الشكر
محمد احمد العنانى
10-10-19, 11:10 AM
الاسعار بتتغير حسب السوق وملهاش مقياس ثابت حسب العرض والطلب ولسة سأل محمد فتح اللة ب1800 ج من 3 ايام.
حسام عبادي
10-10-19, 12:55 PM
محمد باشا
ربنا يوفقك في البيع ومبروك عليك النوريكا .
ياترى عامله إيه معاك ووزنها أخباره إيه؟

بالتوفيق إن شاء الله
هشام سمير
10-10-19, 01:05 PM
ربنا يوفقك فى بيعها
المستشار
10-10-19, 11:29 PM
البندقيه دى نادره وغير البام ال 21 العاديه وعن تجربه وربنا يبارك فى للبائع والشارى
ادهم
10-10-20, 07:48 AM
البندقية بام 21 من افضل البنادق الصينية ان لم تكن فعلا افضلهم علي الاطلاق وسعرها بالنسبة لقوتها 950 قدم في الثانية كويس جدا لانها محاكاة الي الرائعة الساحرة ديانا 52 والي ها يشتريها ها يكسب كتير وذلك عن تجربة سابقة للبندقية

جلال بك
صباح الفل والجمال سعييد جدا بمشاركة حضرتك في الموضوع المتواضع
ادهم
10-10-20, 07:49 AM
بندقيه جميله فعلا يكفى انها كوبى الديانا وبالتوفيق ان شاء الله

شاكر لحضرتك جدا
ادهم
10-10-20, 07:50 AM
جميلة جدا لسة جيالى واحدة بى22

وسعرها كويس ... ربنا يحسن ليك سوقها.

بسم الله ما شاء الله
ربنا يبارك لحضرتك فيها
ادهم
10-10-20, 07:52 AM
محمد باشا
ربنا يوفقك في البيع ومبروك عليك النوريكا .
ياترى عامله إيه معاك ووزنها أخباره إيه؟

بالتوفيق إن شاء الله

صباح الفل يا دكتور
واتمني ان اري حضرتك علي خيير قريبا بإذن الله
النوريكا كويك ما شاء الله لا قوة الا بالله
من البنادق الرائعة في عالم الهاي باور
بالإضافة لمظهرها الكلاسيكي الساحر
وفيها مفارقة غريبة جدا
بالرغم من ثقل وزن التتك الخاص بها الا انها دقيقة جدا وعلي المسافات
ووزنها حوالي 3600جم
ادهم
10-10-20, 07:58 AM
ربنا يوفقك فى بيعها

متشكر جدا ا/هشام
ادهم
10-10-20, 07:59 AM
البندقيه دى نادره وغير البام ال 21 العاديه وعن تجربه وربنا يبارك فى للبائع والشارى

صباح الفل سعادة المستشار
في انتظار المزيد من رحلات الصيد بإذن الله
mido_23279
10-10-20, 10:16 AM
صباح الفل جميعا

أرجو التوضيح و الإفادة من سيادة المستشار
يا ترى أية الفرق بين البام 21 العادية و البام 21 ألى مع الأستاذ أدهم

و هى أفضل ولا البام 22

مع الشكر
أحمد عصام
المستشار
10-10-21, 01:42 AM
والله الاتنين بيعتبروا واحد مع فرق بسيط جدا فى دبشك 22 الخشبه ارقى شويه بسيطه وهى فرز اول او الموديل الاحدث من 21 والاختلاف الملحوظ جدا فى طريقه كتابه ميدن تشينا ال 22 هتلاقى اختصار وعلى العموم ما فيش فرق كتير بين البندقيتان وكلتاهما زى الفل وانا سبق وضربت فرد حمام واقف على سطح سور فى الدور الرابع وكان بينى وبين العقار ما يقرب من 40 متر وانا على الارض والفرد وقع مقفول لما يكون معاك بندقيه سرعتها 250 متر ثانيه الضرب على 50 متر بيكون شئ سهل مع التمرين الكتير واحنا ديما بعد ما بنخلص صيد فى كل رحله اما بنحط جنيه فضه او غطاء ازازه مياه ونتبارى فى ضربه مش اقل من 40 متر وطبعا منافسى اللدود وحبيب قلبى محمد بك لبيب ديما مش بيدينى فرصه افرح كل ما اضرب هدف يضربه هو كمان وحاجه تزهق وده تنافس بين الاير كينج اللى بحوزتى وبين الديانا 52 اللى مع محمد باشا لبيب التمرين مهم جدا جدا وعلى مسافه وانا اعتقد ان البندقيه البام هى الحل العصرى والسريع والمتوافق مع امكانات معظم الصيادين الجداد او الشباب وان شاء الله تتمتعوا بالهوايه وتقبلوا احترامى
mido_23279
10-10-21, 02:32 AM
مساء الفل جميعا مساء الفل سيادة المستشار و متشكر جداا على مرورك الجميل و رحابة صدرك الى تخلينى أطمع فى كرمك و أسألك على بعض الاشياء محيرانى و انا بدور على بندقية أشتريها اليومين دول و محتاج تنورنا بعلمك . انا كنت بدور على BSA AIR SPORTER RB2 لكن مش لاقيها لغاية دلوقتى فقلت أجيب أى حاجة دلوقتى أمشى بيها نفسى فى الهواية على ما ألاقيها
أنا قدامى دلوقتى تل مجرى بعتلة الى هى lg 15 كسر زيرو عند واحد صاحبى و عارضها عليا ب 900 ج هى أفضل ولا أشترى جامو شادو 640 جديدة مع العلم انى سألت عليها عند فتح الله و قالولى سعرها 1300 ج و أعتقد ممكن تنزل عن كدة عند ميشيل عازر
و طبعا سيادتك عارف ان الاتنين نفس السرعة 170 م/ث

يا ترى أيهم أفضل ؟

أرجو المساعدة

مع الشكر
المستشار
10-10-21, 03:49 AM
والله انا عندى طلبك وانا مش عارف انت جبت منين فكره امتلاك المدفع ده الار بى تو حاجه انجليزى ما حصلتش نمره واحد طبعا تعمير سفلى فى بطن الدبشك سرعه تصل الى 340 متر كل ثانيه باستعمال انواع مميزه من الرش وطبعا دقه ملهاش مثيل وتعتبر من ادق بنادق ضغط الهواء اذا لم تكن ادقهم على الاطلاق وهى من نوعيه ما يسمى النرفز جن البندقيه العصبيه من كتر قوتها حضرتك كلمنى وان شاء الله احاول اوفرها لك ولو السعر المعروف عنها لسه حضرتك مجمعتهوش فانا برشح لك بين خياراتك الشادو احسن من التل مجرى المستعمل طبعا بس هناك فارق شاسع بين بنادق ضغط الهوا الهاى بور زى الديانا والبى اس وبين البنادق ذات السرعات المتوسطه والضعيفه
وده رقم تليفونى 0165552655والاتصال بعد الساعه 10 مساء نظرا لظروف شغلى وتقبل احترامى
Mahmoud
10-10-21, 09:19 AM
يا سيادة المستشار

انا نفسي اشوف حضرتك او حتى اسمع صوتك حاولت اكتر من مرة على التليفون ده و الثلاثة التانيين و برضه مفيش فايدة ، النجوم اللي زي حضرتك الواحد بيتمنى يوصلهم

تحياتي
محمود
mido_23279
10-10-21, 11:12 AM
صباح الفل

متشكر جداا يا سيادة المستشار على ردك أنا الى قلى على rb2 فى البى أس هو أستاذ أسامة و الأستاذ محمد أنور و شكرولى جدا فى rb2 و هى الموديل الوحيد فى الأير سبورتر الى ببوابة للتعمير مش جزرة و أنا يا فندم بدور على rb2 نمرة 2 مش نمرة 1 فياريت يا فندم تساعدنى فى أنى ألاقى واحدة تكون حالتها كويسة و سعر جيد

مع الشكر لحضرتك و لكل أعضاء المنتدى الجميل بتاعنا الى صحى جوايا الهواية بعد عشر سنين توقف . ههههه
ادهم
10-10-21, 02:30 PM
تم البيع بحمد الله
المستشار
10-10-21, 10:26 PM
يا سيادة المستشار

انا نفسي اشوف حضرتك او حتى اسمع صوتك حاولت اكتر من مرة على التليفون ده و الثلاثة التانيين و برضه مفيش فايدة ، النجوم اللي زي حضرتك الواحد بيتمنى يوصلهم

تحياتي
محمود


السلام عليكم حبيب قلبى والله الشرف لى انا وده كتير على اوى وتليفوناتى كلها مفتوحه بعد الساعه 10 مساء وحتى صلاه الفجر وانا تحت امرك فى اى وقت
المستشار
10-10-21, 10:31 PM
والله انا تحت امرك بالنسبه للموجود حاليا نمره واحد وانا بفضلها جدا فى البى اس ايه وبفضل نمره 2 فى الديانا وممكن حضرتك تلاقى جولد ستار او سوبر ستار هما متوفرين واعتقد العمده جلال بك خليفه كان يعرف حد عنده الاتنين وتقبل احترامى
mido_23279
10-10-21, 11:41 PM
يا باشا ربنا يكرم حضرتك و يخليك لينا