فى حديقتنا نمس

[دكتور عابدينوف]

طبعا انا ايام امتحانات وجبت البندقية لانى لاحظت ان سعرها عمال يزيد...وكل شوية اطلع البلكونة واعمل فيها احمد مظهر انى الاقى يمامة من الى كانوا بيقفوا على الفيلا المجاورة لعمارتنا مفيش وكانهم عرفوا انى اشتريت بندقية
اروح ضاربلى رشاية ولا اتنين فى طبق الدش الى فوق الفيلا
المهم وانا واقف مستنى الفرج لقيت شئ غريب بيجرى فالجنينة وماهواش قطة ..ديله طويييييييل جدا ووشه مدبب ولونه رمادى قلت معقول تكون عرسة بالحجم دا
افتكرت باه ان فيه حيوان اسمه النمس (تيمون لو تعرفوه )بنفس المواصفات دى رحت على صور جوجل عشان اتاكد لقيته هو فعلا
بس انا اعرف انه بيتغذى على التعابين والسحالى وكدا ...فهل وجوده فالجنينة يعنى ان فيها تعابين ؟؟
مع العلم ان المجارى ضاربة فى نص الجنينة تقريبا
وهل ليه اضرار على الاشخاص؟؟
انا مارضيتش اضرب عليه بصراحة مع انى كنت هفرح جدا واقعد طول اليوم اتصور معاه بس قلت يمكن يطلع مفيد

[samy]

والله يادكتور دة شرس لانه بيهاجم البشر احيانا

[دكتور عابدينوف]

يعنى لو شفته تانى اطخه!!!

[big man]

النمس الحيوان الوحيد الي بيستطيع ان يصارع الافاعي ولا يموت من لدغاتها هو خطر لوقربت منة لكن لو سبتة خلاص بس فية ميزة كبيرة انة ميخليش افعى تعشش عندك في الحديقة

[big man]

بس مش شرط يكون في افعى عندك

[ahmed yasser]

نصيحة ماتضربش اى خيوان مش هاتاكله وهو مش مضر يعنى بالعكس دا مفيد وممكن ماتشوفوش تانى

[دكتور عابدينوف]

تمام يا جماعة متشكر جدا
شغل والدى جمب البيت اول ماقلتله عليه قالى ايوة دا كان فيه ناس شافوه فالشغل وخافوا منه

[hogan]

منقول لتعم الفائده





هناك أكثر من أحد عشر جنسا من النموس تضم أكثر من 400 نوعا تعيش في العالم القديم أشهرها النمس الهندى الرمادي اللون. وتبلغ فترة حياة النمس من 7 إلى 12سنة وتلد أنثاه من 3 إلى 4 صغار. يتميز النمس الهندي بذيل طويل له نفس طول الجسم تقريبا، الرأس صغير، والأذن صغيرة، والأنف مستدق، والقوائم قصيرة ينتهي كل منها بخمسة أصابع مزودة ببراثن بارزة. يبلغ طول النمس قرابة المتر بما في ذلك الذيل ويزن نحو تسعة كيلو جرامات. يعيش فرادى أو في جماعات صغيرة أثناء الصيد وأثناء موسم التزاوج، ويقطن البيئات الشجرية والعشبية والحقول الزراعية ويتسلق الأشجار بسهولة، ويهاجم المناطق المأهولة بالسكان ويسطو على الطيور الداجنة. يسكن الجحور الأرضية التي يحفرها بنفسه وفي التلال الضخمة التي يبنيها النمل الأبيض. وهو شديد الحذر حيث انه نادرا مايخرج من بين الحشائش والأعشاب إلى الاراضي المكشوفة لأكثر من لحظات قصيرة.وهو سريع جدا.
التغذية

يشتهر النمس ببراعته ومهارته في القضاء على الأفاعي السامة. اعتقد المصريون القدماء ان النمس حيوان مقدس حتى اسموه فأر فرعون، وذلك لإبقائه على اعداد التماسيح عند حد معين في نهر النيل، إذ كان يتغذى على بيضها. كما استخدم لحماية مخزون الحبوب.
يتمتع النمس بحاسة شم قوية جدا، ويستشعر الروائح من بعيد ويحس بحركة الهواء باتجاه العدو. وتمنحه حاسة الشم القدرة على استكشاف مواقع الشقوق والحفر والقنوات ومعرفة ما بداخلها من فرائس. يتغذى النمس على الجرذان والفئران والسقايات والحشرات والحيوانات الصغيرة والحبوب والثمار، إلا أنه شديد الولع بأكل البيض. وتصيد النموس فرائسها بين الحشائش والنباتات القصيرة. وتبقى على اتصال مع بعضها من خلال صوت سقسقه مستمرة كالطيور.




http://images.aarabladies.com/media/images/yellow-mongoose-cynictis-penicillata.jpg








https://www.youtube.com/watch?v=vdg9gkmWsEA&feature=related

[دكتور عابدينوف]

مشكور يا استاذ هوجان تمام

[Orabi]

مشكوووووووووووووور يا أ/ مصطفي علي الرد الرائع الجميل

[saskon]

هوا حضرتك متأكد انه نمس؟ لأنى حاسس من وصفك انه تعلب صغير وخاصة ان النمس مش بيتحرك فرادى بل فى جماعات.

[دكتور عابدينوف]

هوا حضرتك متأكد انه نمس؟ لأنى حاسس من وصفك انه تعلب صغير وخاصة ان النمس مش بيتحرك فرادى بل فى جماعات.

اه انا عارف التعلب شفته كتير ...الى انا شفته دا جسمه زى مايكون عرسة بس اكبر كتير وديله زى ديل القطة بس اطول كتير برضو
يمكن باقى الجماعة كانوا مستنيينه وهو رايحلهم هههههه

[حورس1]

الوصف بيقول انه نمس وهو حيوان جميل يمكن استئناسه اذا كان صغير السن وياكل الحشرات والفئران الى العقارب والثعابين بانواعها وفى حاله الاستئناس ياكل اللحم وارجل الدجاج ويسمى فى الجبل التفه