انا و اليمامة المجروحة موقف غريب جدا

[ashraf_f]

احبابى حصل معايا موقف غريب جدا الاسبوع دة و قلت احكيهولكو نزلت الجمعة المضية ساعتين الفجر اصتاد كالمعتاد بس اليوم دة نسيت اخد المطوة للتزكية المهم اصتدت شوية يمام و حمام و لما و صلت البيت فتحت شنطة العربية و لميت اللى اصتدته و كان فى اتنين صاحيين اخدتهم و دبحتهم فى البيت عدا السبت و الاحد و يوم الاثنين بفتح شنطة العربية لقيت يمامة عمالة تتنطط قلت يا نهار دى من يوم الجمعة اتصلت بابنى ينزل السبت و حطتهالو و قلتلو دى بقالها 3 ايام من غير اكل ولا شرب حطلها شوية رز و شوية مية و رحت الشغل لما رجعت لقيتها يا دوب مجروحة فى جناحها الصياد اللى بيعمل مجازر قعد يأكلها و يشربها 3 ايام لغاية لما طارت النهاردة الصبح سبحان الله ليها عمر

[pooforever_2010]

مشكور على الموقف
بس انا عن نفسى لو ملقتش حاجه ازكى بيها مش بصتاد
ده كده عذاب للطير
ارجو متزعلش من كلامى
تحياتى اشرف باشا

[ashraf_f]

يا باشا نورت الموضوع و متخافش مش هزعل من كلامك بس كنت هزعل اكتر انى انزل الفجر و اروح من مصر الجديدة لغاية مدينة العبور و ارجع من غير ما اصتاد ههه

[Hamo.Alex]

اكيد طبعآ انت زعلت واكيد ربنا حب يحطك في الموقف دة للتذكرة واحمد ربنا انها مماتتش :)

[big man]

بارك اللة فيك بس انت شلت الرشة من جسمها ولا اتعافت والرشة لسة فيها؟؟

[M.SHADY]

احبابى حصل معايا موقف غريب جدا الاسبوع دة و قلت احكيهولكو نزلت الجمعة المضية ساعتين الفجر اصتاد كالمعتاد بس اليوم دة نسيت اخد المطوة للتزكية المهم اصتدت شوية يمام و حمام و لما و صلت البيت فتحت شنطة العربية و لميت اللى اصتدته و كان فى اتنين صاحيين اخدتهم و دبحتهم فى البيت عدا السبت و الاحد و يوم الاثنين بفتح شنطة العربية لقيت يمامة عمالة تتنطط قلت يا نهار دى من يوم الجمعة اتصلت بابنى ينزل السبت و حطتهالو و قلتلو دى بقالها 3 ايام من غير اكل ولا شرب حطلها شوية رز و شوية مية و رحت الشغل لما رجعت لقيتها يا دوب مجروحة فى جناحها الصياد اللى بيعمل مجازر قعد يأكلها و يشربها 3 ايام لغاية لما طارت النهاردة الصبح سبحان الله ليها عمر

ربنا هيجازيك خير ان شاء الله على الموقف ده . انت عارف كل كبد رطبه اطعمتها او سقيتها شربه ماء ليك بيها حسنه و الله يضاعف لمن يشاء

[ahmed yasser]

ربنا يجازيك خير على اللى عملته معاها بس حرام تسيب اليمام صاحى يتعذب كنت اضرب كل واحدة طلقة كمان وخلاص

[ahmed6355831]

موقف نبيل من رجل رحيم جزاك الله خيرا واطعمك كما اطعمتها

[القبطان المصرى 77]

جزاك الله خيرا استاذ اشرف
ويمكن الفعل الجميل اللى انت عملته ده يكون سبب من اسباب ان ربنا يسامحك على الذنب اللى انت عملته
وهو الخروج بدون سكين تزكيه
تحياتى لحضرتك

[hogan]

http://up.msha3ry.com/uploads/msha3ry13323640471.gif

[MBadr]

ليها عمر ربنا يجزيك خيرا على هذا الموقف

[ashraf_f]

شكرا لكل من شارك و على الردود الجميلة دى

[aymank2]

ياخبر ابيض 3 ايام يا عم اشرف بس الحمد لله اديك عوضها واطلقت سراحها عمرها كده بقى ههههههه ابقى خد السكينه ياكبير ده احنا بنتعلم منك تقوم السكينه تفوتك يا برنس.

[ashraf_f]

ياخبر ابيض 3 ايام يا عم اشرف بس الحمد لله اديك عوضها واطلقت سراحها عمرها كده بقى ههههههه ابقى خد السكينه ياكبير ده احنا بنتعلم منك تقوم السكينه تفوتك يا برنس.

جل من لا يسهو

[amhotib]

يعنى انت اكلتها 3 ايام من غير ماهى تتتعب نفسها وتدور على اكلها ومع ذلك طارت فعلا الحرية اغلى من الاكل والشرب