اصدقائى الاعزاء افيدونى فى بضعه أمور :)

[engineero eslam]

السلام عليكم

اصدقائى الاعزاء :)

النهارده طلعت اجرب حظى واصطاد بالبندقية ال اشترتها قريب ( شنغهاى صينى b2 ) واستفدت كتير

من الرحلة بس الاول ( ايه رأيكم وتقييمكم للبندقية بتاعتى .. متوسطة ؟ ضعيفة ؟ أقدر اضرب بيها من مسافة قد ايه ؟؟؟؟ واى شئ من فضلكم :) )

الرحلة بدأت بعد العصر وكان معايا اخويا و صحبى المهندس احمد وبعد شويه لقيت قدامى ف الترعة الصغيرة حاجة

:eek: ف الاول افتكرتها فرخة ميه بس بعد ماضربتها افتكرت انها شكل السمان ال كنت بصطاده زمان

بس للاسف دخلت تحت شجر كتير ف الميه الناحية التانية فقولت وانا راجع من الناحية التانية اخر

اليوم ممكن الاقيها بس الحمد لله مالقتهاش:)

المهم لقيت فراخ ميه ونشنت بس كان بيهرب ف البوص والعفش وكده

واحيان كتير الاقى يمام واجى انشن الرشة تيجى ف الفرع ال تحت اليمامة :o:o

بس الحمد لله ف اخر اليوم ربنا اراد انى اروح بحاجة وجات يمامة قدامى ع شجرة فقمت منشن على نصها بالظبط وضارب :eek:

والحمد لله وقعت :):):) وعشان كرم ربنا وفضله مع انى منشن ع البطن بس لقيت الرشه جايه ف دماغها ههههههههههههههههههه

انا كنت لابس اسود وقولت ممكن ده يكون بيخلى اليمام يشوفنى كويس ؟؟ ايه رأيكم ف الموضوع ده

وياريت حد يفيدنى ف موضوع السمان ده لانى بتلخبط كتير ف شكله ؟؟؟؟؟؟؟؟؟؟؟؟


وتنصحونى بايه بعد نهاية رحلتى الاولى ال كانت محصلتها ( يمامة + سمانة مفقودة ) :)

وجزاكم الله خيرااااااااااا اصدقائى الاعزاء:):):):)

[Angel]

1- الموضوع مكانة الاقسام الرئيسية _ فسم صور وفيديو الصيد ورحلاته (http://www.egyhunt.net/forumdisplay.php?f=47)

2- النشينكاة مرتفع شوية ممكن تتحم فية عن طريق بكرة موجود على النششنكاة الخلفى

ربنا يكرمك و البندقية ماشاء الله قوية و ربنا يرزقك خيرها و يكفيك شرها و تكون سبب فى رزقك خيراا

ان شاء الله مشرف القسم ينقل الموضوع لمكانة الصحيح

تحياتى

[engineero eslam]

ان شاء الله بعد كده هنشر ف القسم المخصص

جزاك الله خيرا ومتشكر جدا على الاهتمام والرد :)

[salvo]

مبروووووووووك عليك البندقيه ومبرووك اول طلعه ويا رب يرزقك دايما

بس لو ممكن تقولنا سعر البندقيه كام ؟ وانت شاريها جديده ولا مستعمله

تحياتى .
\

[chemist ahmed fathy]

السلام عليكم

انصحك تشترى ليها تليسكوب 3-7*28 علشان يسهلك التنشين وتقدر تجيب احسن .

[tarekvb]

واضح ان حضرتك مش ظابط النيشان صح اظبطه تمام و جرب على اكثر من هدف قبل بدايه الرحله

[engineero eslam]

مبروووووووووك عليك البندقيه ومبرووك اول طلعه ويا رب يرزقك دايما

بس لو ممكن تقولنا سعر البندقيه كام ؟ وانت شاريها جديده ولا مستعمله

تحياتى .
\



ربنا يبارك فيك :)

انا شاريها مستعملة ب 200 جنيه :) واما سألت هنا ف المنتدى اصدقائنا قالوا انها تساوى 400 جنيه مثلا عشان انا شاريها من حد مكنش بيستخدمها خالص غير كل سنة مرتين ف الاعياد ولا حاجة :)

جزاك الله خيرا اخى العزيز وربنا يديم الود بيننا جميعا :)

[engineero eslam]

واضح ان حضرتك مش ظابط النيشان صح اظبطه تمام و جرب على اكثر من هدف قبل بدايه الرحله



والله انا حاولت كتير اظبطه بطريقة عرفتها ف المنتدى هنا بانى انشن عورقة فيها خط رأسى واذا جات الرشه يمين اول شمال اظبط لحد ماتجيب ف نص الخط وبرضو بورقة فيها خط افقى واظبط النشان لحد ما الرشة تيجى ف نص الخط وورقة تالتة فيها نقطة وهكذا وكان كويس بس فيه مشكلة الجزء ال قدام ف الماسورة ال اسمه نملة الدبانة لحمته كذا مرة بأمير لانه بيتحرك وبعد شويه الاقيه بدأ يتحرك تانى ؟:(