المنظار

[mohamed shawkat]

السلام عليكم لي استفسار ارجو ان يكون مفيد للجميع.

ارقام المنظار ماذا تعني وتدل على ماذا

وكيف احدد جودة المنظار وعيوبة

وما هى انواع المنظير التي تتيح لي الضرب على مسافة من 50 الى 100 متر بوضوح

وشكرا على المشاركة

[الجزار]

الارقام علي المنظار اما عن جودته او عن المدي المؤثر وعيوب المنظار سهله الحل لانه اما يحدف ليمين اوشمال واي حد ممكن يركبه صح

[mohamed shawkat]

شكور على ردك الكريم بس انا عاوز اعرف الارقام دية تعني مسافة محددة ورية لمدي معين زي4-9*32 او 4-9*40 تعني اية

[حسام عبادي]

4-9 دي قوة التقريب يعني إللي متعدد التقريب حتلاقي فيه زوم يقرب الهدف وحيبقى مدرج من 4إلى 9
وفيه مناظير بقوة تقريب ثابته حتلاقي مثلآ 4*20 ده يعني تقريبه 4 مرات ثابته

الرقم التاني هو قطر العدسه وكل ما الرقم ده يزيد بتبقى الرؤيه أوضح وأريح للعين
يعني 4*20 العدسه بتاعته أصغر من 9*32 وأصعب في الرؤيه منه

[mohamed shawkat]

شكرا للزميل حسام على الاهتمام والرد القيم ردك اضاف لي معلومات شكور والله

وارجوا من زملاء السلاح من يملك توضيح اكثر يضيفة

[adel152]

أستاذ محمد المناظير اما فيها رقمين (4*20) او ثلاثة ارقام (3-9*40) مثلا لأن الأرقام متغيره حسب مواصفات المنظار.
المنظار ابو رقمين مثلا (4*20) او (5*15).....الخ. ده منظار التكبير فيه ثابت بنسبه 4 مرات فى (4*20) وبنسبه 5 مرات فى (5*15). اما الرقم الأخير 20 او 15 ده قطر العدسه الأماميه للمنظار بالمم.

اما المنظار (3-9*40) 3-9 ممكن تكبير الهدف من 3 الى 9 مرات. اما الرقم 40 ده قطر العدسه الأمامى 40 مم.

كل ما العدسه الأماميه كانت أكبر سمحت لدخول ضؤ (نور) اكتر للمنظار لوضوح الرؤيه والهدف وبذلك تكون الرؤيه أوضح فى التليسكوب (4*20) عن التليسكوب (5*15). ولكن كبر الهدف يكون أكبر 5 أضعاف فى (5*15) وفى (4*20) يكون 4 أضعاف فقط.

مثلا لو قدامك منظارين (3-9*32) و(3-9*40) تكبير الهدف متساوى فى الأثنين لكن الؤية أوضح فى المنظار الثانى لكبر العدسه الأمامية 8مم.

أرجو أن اكون وصلت لحضرتك المعلومة.

[المستشار]

معلومات قيمه جزاكم الله خيرا

[Commando22]

شكرا يا اخ adel152

[Abdelrahman Anwar]

معلومات ممتازة من الخبرة الصح

[mohamed shawkat]

جزاكم الله عنا كل خير وشكرا لردك المفصل المفيد يا استاذ عادل

انا لي استفسار اخر واسف على الازعاج من وجهة نظر حضرتك اية الاختيار الامثل وهل في تليسكوب مناسب ل30 متر واخر مناسب لمسافة اكبر وشكرا مقدما

[adel152]

اولا بأشكر جميع الأعضاء على ردودكم.
محمد باشا فى حاجه كلنا حنتفق عليها وهى دور على الأصلى وأبعد عن الصينى التقليد الرخيص.
لو موجود بوشنال أو تاسكو أصلى أشترى.
أنا شخصيا أعتقد أنسب تليسكوب هو 3-9*40 بس يكون أصلى علشان يستحمل البنادق الهاى بور.
أشترى تليسكوب غالى مره واحدة لأنك ممكن تستعمله على أى بندقيه حتشتريها بعد كده.

[mohamed shawkat]

كل الشكر ليك يا استاذ عادل على ردك واهتمامك الجميل

ولقد ساعتني في تكوين الرأى المناسب وشكرا لكل المشركات اعزكم الله

[adel152]

كل الشكر ليك يا استاذ عادل على ردك واهتمامك الجميل

ولقد ساعتني في تكوين الرأى المناسب وشكرا لكل المشركات اعزكم الله

ياباشا سعادتك تأمر

[mohamed shawkat]

الف شكر لزوقك يا استاذ عادل

[harpoonattack]

بعد شكر كل الزملاء على اجابتهم الوافيه الكافيه فى الموضوع
كنت عايز اعرف قراءة الارقام بتكون ازاى يعنى مثلا 3-9*40 تقرأ 3 على 9 فى 40 وللا تقرأ 3 9*49 ارجو الافادة
تحيــــــــــــــــــــــاتى للجميع

[adel152]

Three to nine by forty
3 ل9 فى 40

[الجزار]

معلومات جيده جدا

[المستشار]

يا جماعه معظم اللى عندهم مناظير ركننها فى الادراج لانهم فى الاول بيحبوا يقتنوا الشئ لاسمه وبعد الممارسه والتجربه مش هتلاقى صياد محترف بيضرب بمنظار التمرين مهم جدا سواء التمرين بالسلاح او تمرين الكشف الافقى والراسى لاستكشاف الطرائد لانه ممكن تكون رامى تمام بس مش بتعرف تجمع طرائد وممكن العكس التجربه والتمرين مفيدين جدا وسيبكم من مواضيع المناظير دى فلوس على الفاضى واللى بيضرب على بعد 30 متر او 40 متر يقدر يضرب من غير منظار واسرع بكتير وتقبلوا مرورى

[THE HUNT]

السلام عليكم استاذ حسام انا كنت بستفسر عن اجود انواع المناظير واسعارها

[ahmedzedmotorz]

اخي الفاضل محمد بالنسبه لموضوع المنظار يارب توضيحى يبينلك ازاي تحسب القياسات بتاعته
اولا :الأرقام التي قبل شكل ال x تدل على وجود زوم أم لا وتدل على عدد أظعاف التقريب مقارنة بالعين المجرده للانسان الطبيعي وليس بالكيلو مترات كما يظن الكثيرون
ثانيا :الرقم الذي يكون بعد شكل ال x يدل على حجم العدسه الداخليه أي حجم الصوره التي نراها عند تقريبها وكلما كبر حجم العدسه كبرت الصورة النهائية التي نراها أي ان التقريب لا يتأثر بحجم العدسه ولكن حجم الصوره فقط أي أن منظارين بنفس القوه وبحجم عدسات مختلفين سيقومان بنفس مدى التقريب ولكن المنظار ذو حجم العدسه الصغير سيرى الوجه والصدر والبطن فقط (مثلا) اما المنظار ذو حجم العدسه الاكبر سيرى نفس القرب ولكن قد يظهر الجسم كاملا وذلك لكبر الصوره الظاهره علما بان حجم العدسه قد يؤثر بصفاء وانارة الصوره النهائية خاصة في المسافات البعيده فكلما كبرت العدسة اتضحت الصورة اكثر.
مثلا منظار مكتوب عليه : 4 20X يعني ان المنظار بدون زوم وان مدى التقريب 4 مرات قدرة العين المجرده وان حجم الصوره الداخليه 20 ملي متر (2سم)
منظار مكتوب عليه : 3-9 40X يعني انالمنظار به زوم ومدى التقريب من 3 أضعاف مدى رؤية العين المجرده حتى 9 أضعاف مدى رؤية العين المجرده وحجم العدسه 40 ملي متر أي ان الصوره الظاهره لك حجمها 40 ملي متر (4سم).

وأرجوا أن تعم الفائده على الجميع من خلال هذه المعلومات البسيطه فان أصبت فمن عند الله وان أخطئت فمن عندي وشكرا

[ahmedzedmotorz]

بالنسبه لانواع المناظير اللى هنا في الكويت اللى استعملتهم كان واحد عادي بدون زوم اسمه ايجل كان سعرة تقريبا ما يعادل 300 جنيه بعدين ركبت على الديانا الماجنوم التاسكو 3-9×40 كان تقريبا 600 جنيه والجامو عندي حاليا مع كشاف وليزر قياسه 3-9×40 تقريبا 800 جنيه وارجو ان يستفيد الجميع من الاسعار برة مصر للعلم ولافادة وشكرا

[محمد احمد العنانى]

نفس الا سعار دى هنا فى مصر بس اللة اعلم بالجودة

[هشام سمير]

نفس الا سعار دى هنا فى مصر بس اللة اعلم بالجودة

المناظير فى مصر فى منتهى الجوده وانتا جربت يا ابو احمد وكل الناس اللى خدت منى تحكم
ولا ايه رأيك يا كبير

[محمد احمد العنانى]

تمام يا هشام بضاعتك فرز اول ودى شهادة للة عن تجربة

[هشام سمير]

تمام يا هشام بضاعتك فرز اول ودى شهادة للة عن تجربة

جزك الله خيراً ربنا يديم المعروف

[ahmed tawfik]

معلومات مفيدة جدااااا
انا فعلا مكونتش عارف الارقام دى معناها اية
الف شكر لحضرتك

[THE HUNT]

السلام عليكم ورحمة الله وبركاتة استاذ معتز انا متشكر جدا جداااااااااااااا على المعلومات القيمة دية متشكر جداااااااااا حذاك الله كل خيرا

[بدر]

تسلم ايديكم الاخوة الافاضل
انا عايز منظار ضرورى حد ممكن يدلنى على مكانه

[هشام سمير]

تسلم ايديكم الاخوة الافاضل
انا عايز منظار ضرورى حد ممكن يدلنى على مكانه

موجود كل انواع المناظير يا اخ بدر
للاستعلام
0117228817

[بدر]

موجود كل انواع المناظير يا اخ بدر
للاستعلام
0117228817

يا فندم مشكور مرة ثانية ووصلنى رد سعادتك على الخاص وتم الرد.

[talha]

معلومات مهمة جدا

[kemohabib]

محاضره متميزه تسلم ايدك

[Abo Yousof]

بجد جزاكم الله خيرا على المعلومات المفيييييييييييييييييدة

دا الواحد ماكنش عارف حاجة بس دلوقتي غيييييييير

[shoor80]

شكرا علي المعلومات دي

[SHAWKYGHAZY]

استاذ هشام انا عايز اعرف سعر المنظار دا عندك كام
الجامو مع كشاف وليزر قياسه 3-9×40

[hesham[MaFya]a]

موضوع مفد جداً...اشكركم

[Gamohunter]

السلام عليكم
الرقم الاول هو قوه التكبير او التقريب
لو الرقم الاول ثابت مثلا 4 يبقى التكبير اربع مرات
يعنى كان الشىء اكبر من حجمه اربع مرات بمعنى اخر كانه اقرب اربع مرات
لو متغير يبقى المنظار فى زوم تقريب من كذا لكذا
اما الرقم الاخير فهو قطر العدسه الشيئيه وهى الاماميه بالمليمتر ---مثلا ل 40 يبقى قطرها اربعه سم
كلما زاد الرقم الاخير اى قطر العدسه الشيئيه كلما زاد وضوح الصوره لانها بتجمع كميه ضوءاكثر ----