بام 22 كسر رجاء من اهل الخبرة الدخول

[3ala2]

السلام عليكم

يا جماعة انا عندى بام 22 كسر مش عتلة

يا ريت لو تقييم ليها اعرف سعرها كام هى لسة جديدة

يا ريت اعرف ايه التعديلات المتاحة فيها

هى مشكلتها انى لازم اضرب بيها برش تقيل وغير كده مش بتظبط

و التقيل اللى موجود البروماجنوم يا ريت لو حد يعرف حل علشان اضرب بيها الماتش و الماستر بوينت

[eng.amg]

البندقية دي الموديل المنتشر في أوروبا وأمريكا (نموذج الكسر) من البام 22
سرعتها أقل قليلا من الموديل المنتشر في مصر (العتلة الجانبية) ووزنها أيضا أخف.
أنا مجربتهاش بس شايف إن الرش الماتش هو أفضل رش بالنسبة ليها نظرا لسرعتها العالية.
بالمقارنة بنموذج العتلة إلي معايا .. البروماجنم بيسرق الطير الصغير معايا بس فعال جدا للغربان والكلاب.
أما السعر فمقدرش أفيدك لأن الموديل غير متوافر منه جديد أو مستعمل في مصر

[3ala2]

بس يا باشمهندس الماتش مش بيظبط معايا لازم رش تقيل

يا ريت لو تفيدنى ازازى اخليها تضرب رش زى الماتش او الماستر بوينت

بصراحة انا بيعجبنى اوى الماستر بوينت و نفسى يظبط معايا فى البام

اتمنى تفيدنى

[eng.amg]

بالنسبة للتعديل المتاح :
لو جلبة الديانا 52 تركب عليها يبقى هات طقم الجلبة والسوستة بتاعة 52. بس لو تفكها وتتأكد الأول إن الجلبة واحدة. علشان مينفعش تركب سوستة الديانا لوحدها حتبوظ الجلبة الأصلية

[eng.amg]

بس يا باشمهندس الماتش مش بيظبط معايا لازم رش تقيل

يا ريت لو تفيدنى ازازى اخليها تضرب رش زى الماتش او الماستر بوينت

بصراحة انا بيعجبنى اوى الماستر بوينت و نفسى يظبط معايا فى البام

اتمنى تفيدنى

الماستر بوينت عمرو محيظبط معاك في البام. دا عايز بندقية أسباني أو تركي. أنا مجربه كل طلقة بتروح في حته. بس غالبا بيحدف شمال لفوق.

خليك في الأنواع التالية:

-الرماية المصري (وليس مارسمان أو غيره)
-الماجنم والبوماجنم (للمسافات البعيدة والأهداف الكبيرة)
-الماتش (للأهداف الصغيرة القريبة 20 متر)
-الهانتر (دا السوبر الجوكر بتاع كله)

[fidodido]

بالتوفيق ...............

[modmod]

يا باشا ده اصدار قديم جدا جدا
لان البام 22 الجديدة نسخة طبق الاصل من البنجامين سوبر ستيك وعلي فكرة البام 22 الي بتتباع في مصر
ملهاش علاقة نهائيا بالبام 22 الي بتتباع في مصر بيضحكوا علي الناس ويقولو بام 22 انما هيه حقيقتها بام 21-2 اسمها كده لان انا روحت توكيل بام هنا في الكويت وفهمت منه كل الموضوع
البام 22 الاصليه هيه شبيه البنجامين سوبر ستيك كمان في اصدارين منها
bam b22-1
bam b22-2
الاولي دبشك عادي والتانية دبشك مفرغ
البام 22 ليس لها علاقة بالديانا نهائيا لانها ليست تقليد للديانا بل تقليد للبنجامين سوبر ستيك

[eng.amg]

يا باشا ده اصدار قديم جدا جدا
لان البام 22 الجديدة نسخة طبق الاصل من البنجامين سوبر ستيك وعلي فكرة البام 22 الي بتتباع في مصر
ملهاش علاقة نهائيا بالبام 22 الي بتتباع في مصر بيضحكوا علي الناس ويقولو بام 22 انما هيه حقيقتها بام 21-2 اسمها كده لان انا روحت توكيل بام هنا في الكويت وفهمت منه كل الموضوع
البام 22 الاصليه هيه شبيه البنجامين سوبر ستيك كمان في اصدارين منها
bam b22-1
bam b22-2
الاولي دبشك عادي والتانية دبشك مفرغ
البام 22 ليس لها علاقة بالديانا نهائيا لانها ليست تقليد للديانا بل تقليد للبنجامين سوبر ستيك

مع إحترامي الشديد.
البام 22 موجودة في الخارج وفي مواقع أجنبية كتير بتتكلم عن نموذج العتلة الجانبية. لكن غير منتشر لأنها بنادق درجة ثانية بالنسبة للأمريكان والكنديين بيسموها
Chinese XS B-22 Side lever .
وأمنا مشترك علي موقع أمريكي في قسم كامل للبام 22 الموديل الموجود في مصر. وهي نسخة طبق الأصل من الديانا 52.
أما في الكويت فمعرفش عنهم حاجة الصراحة وأول مرة أعرف أن ليها توكيل هناك.
لكن لو توكيل فعلا يبقى توكيل للبايونير وليس للبام 22 لأنها وقف إنتاجها من مدة كبيرة.
وكانت مخصصة للسوق الأمريكي وليس للشرق الأوسط كبديل رخيص للديانا 52 قبل توكيل (أر دبليو أس).

[3ala2]

طب يا جماعة مفيش حل لمشكلة الرش التقيل

ايه يا باشمهندس فين افكارك وفين خبراء المنتدى

يا ريت حد من اخواننا يفيدنى

[eng.amg]

يا باشا أنا بضرب بالبرو ماجنم ورش تقيل .. ظابط معايا حلو أوي علي المسافات. وعيبه الوحيد سرقة الطير ساعات. أما الهانتر فلا يسرق الطير عادتا وأيضا ثقيل

[modmod]

طيب ممكن اي موقع اجنبي بباكد موضوع بام 22 عتله دي لانك دخلت موضوع
Rws في الموضوع
لان انا كان عندي ماجنوم rwx
فانا اعرف قصتها كويس

[3ala2]

ممكن حل يا رجالة بدل الخناق

[3ala2]

طب معلش يا باشمهندس استحملنى اخر سؤال هى تعملها كام

يعنى مش لازم التمن بالظبط انا عايز اعرف فى حدود كام

[ashraf_f]

فى رنج 2000 جنيه تقريبا لو زيرو بالكرتونة

[3ala2]

البام الكسر أحسن وأسرع و خامتها امتن ومفيش فيها مشاكل العتلة خالص من حركة ناشينكاهات و لا خشب تعبان إلخ إلخ و الصور تحكم.

البام العتلة فى حدود 2800 مستعملة

يبقى البام الكسر فى رنج 2000 لو زيو بالكرتونة

الله يكرمك انا مبسوط جدا بتقييمك و لكل الناس اللى كلمتنى و بعتتلى على الخاص و ساعدتنى

و لا تبخسوا الناس اشيائهم

انا مش عارضها على البيع بس هى جتلى هدية و انا عايز اعرف قيمتها قد ايه علشان عايز اجيب حاجة فى قيمتها

و احب اضيف ان البام 22 الكسر هى تقليد الفايروخ hw 80