المساعد الشخصي الرقمي

مشاهدة النسخة كاملة : انا عاوز اشترى بندقيى بام21 صينى عند مين وبكام؟

صياد قديم
10-10-09, 11:46 PM
لوسمحت تفيدونى
انا عاوز اشترى بندقيى بام21 صينى عند مين وبكام؟
المستشار
10-10-10, 12:39 AM
عند فتح الله جنب نقابه المحامين بامتداد رمسيس
محمد رضا العبد
10-10-10, 12:00 PM
عند فتح الله او عازر وسعرها يتراوح بين 1700 الى 1800
تقبل مرورى
galal khalifa
10-10-10, 12:01 PM
عند ميشيل عازر بالعتبة وفتح الله بشارع رمسيس وجملتها مابين 1700 الي 1800
rock
10-10-10, 02:23 PM
بلاش البندقيه دى وهات اسبانى احسن .............. بكتييييييير . تحياتى .
محمد حافظ
10-10-11, 01:53 AM
بلاش البندقيه دى وهات اسبانى احسن .............. بكتييييييير . تحياتى .
اخى ألعزيز ألاستاذ أحمد عبد ألغنى
لولا أختلاف ألآزواق لبارت ألسلع
مع كامل أحترامى لك و لخبرتك ألبندقية ألبام دى أنت ظالمها و واخد موقف غلط منها و ألبندقية دى أثبات أن ألصين تستطيع أن تنتج ألجيد و ألردئ فى أن واحد و مما أكتشفه أساتذة ألسلاح فى ألمنتدى أن هناك أصدارين من هذا ألموديل و أنت بنفسك رأيت ألفرق ألآصدار ألآول يختلف عن ألثانى فى ألجودة بكثير فأن كان حظك سيئ فى بندقية فلا تعمم ألآحكام على كل ألنوع ألبندقية دى عيبها ألوحيد وزنها و طولها ألزائد عن بقية ألبنادق أما غير كده فلا غبار عليها بندقية قوية جداً و خامات جيدة و سعر ممتاز طبعاً هاتذكر مشكلة عدم ثبات ألناشنكان ألخلفى و عدم دقة ألتجميع أؤكد لك و بشهادة عمالقة ألمنتدى أن نشانها (موس) على رأى جلال بك و أنا ضارب بيها غطا زجاجة مياه على بعد 20 متر فى ألعبور و بحضور 3 من أكبر ألرماة و خبراء ألسلاح فى ألمنتدى أسامة بك فتحى و محمد بك لبيب و سيادة ألمستشار محمد بك عبد ألرازق ألبندقية ممتازة بشرط ألثقة فى مصدرها و حسن ألآختيار و ألتعود عليها و أنك تكون حاببها
على فكرة فى ناس صينيين بيدوروا عليك فى أمبابة أستخبى
rock
10-10-11, 07:48 AM
صديقى العزيز محمد حافظ البندقيه دى مش حلوه ولولا ان البستم بتاعها كبير مكنتش هتبقى بالقوه دى خالص ..
البندقيه دى مش حلوه خالصصصصصصصصصصصصصصصصصصصصصصصصصصص.وبعدين يا محمد البندقيه دى انا جايبها فى حضور الاستاذ جلال ......... دى لوحدها كفيله انى آخد احسن بندقيه بام فى السوق ولو كانت بندقيه تطلع لجلال باشا (فى حضوره )وبالاداء ده يبقى على الدنيا السلام ......... سامحونى انا مش بطلع اشاعه بس دى البندقيه ويا كل من يستخدم البام 21 سياتى اليوم اللى لو مسكت فيه الاسبانى والالمانى والانجليزى هتحس انهامفيش مقارنة بالبنادق التانيه والكلام ده بالنسبه للدقه والخامه ............. وكان فيه عضو فى المنتدى شافها وقال رايه حتى من غير ما يضرب بيها ورايه يحترم وكان ليا الشرف انه يظبطلى البندقيه بتاعتى وبرضه معجبتوش بعد الضبط
الحكايه مش فرز يا محمد .... الموضوع كله ان كل عشر بنادق بام فيهم تلاته على الاكثر تمام التمام والباقى اى كلام وانا حظى جه فى بندقيه قويه بس مش دقيقه وانت حظك جه فى الاثنين ..... ربنا يباركلك فيها وانا عندى اجيب التركى واستحملها او البى ثرى الصينى احسن ما جيب واحده تانى ......... والغالى تمنه فيه .......... ارجو من مقتنى البام 21 ميزعلوش انا كنت بحكى اللى حصل عن تجربه عمليه ......... وتحياتى للجميع .
galal khalifa
10-10-11, 10:05 AM
صديقى العزيز محمد حافظ البندقيه دى مش حلوه ولولا ان البستم بتاعها كبير مكنتش هتبقى بالقوه دى خالص ..
البندقيه دى مش حلوه خالصصصصصصصصصصصصصصصصصصصصصصصصصصص.وبعدين يا محمد البندقيه دى انا جايبها فى حضور الاستاذ جلال ......... دى لوحدها كفيله انى آخد احسن بندقيه بام فى السوق ولو كانت بندقيه تطلع لجلال باشا (فى حضوره )وبالاداء ده يبقى على الدنيا السلام ......... سامحونى انا مش بطلع اشاعه بس دى البندقيه ويا كل من يستخدم البام 21 سياتى اليوم اللى لو مسكت فيه الاسبانى والالمانى والانجليزى هتحس انهامفيش مقارنة بالبنادق التانيه والكلام ده بالنسبه للدقه والخامه ............. وكان فيه عضو فى المنتدى شافها وقال رايه حتى من غير ما يضرب بيها ورايه يحترم وكان ليا الشرف انه يظبطلى البندقيه بتاعتى وبرضه معجبتوش بعد الضبط
الحكايه مش فرز يا محمد .... الموضوع كله ان كل عشر بنادق بام فيهم تلاته على الاكثر تمام التمام والباقى اى كلام وانا حظى جه فى بندقيه قويه بس مش دقيقه وانت حظك جه فى الاثنين ..... ربنا يباركلك فيها وانا عندى اجيب التركى واستحملها او البى ثرى الصينى احسن ما جيب واحده تانى ......... والغالى تمنه فيه .......... ارجو من مقتنى البام 21 ميزعلوش انا كنت بحكى اللى حصل عن تجربه عمليه ......... وتحياتى للجميع .



حبيبي ابو حميد ملك امبابة الجامد هاختلف معاك في رئيك المرة دية البندقبة البام احسن من بنادق كتيـــــــــــــــــــــــــــــــــر في مصر بس هي بندقية خشنة زيها زي العربية الروسي لادا قوية بس عايزة الي يتعود عليها ويفهم طريقة العانية بها وفي ناس كتير البندقية معاهم بقالها اكثر من 3 سنوات و شغالة فلة والناس بتاكل حمام ويمام
ahmed.saddik
10-10-11, 10:59 AM
السلام عليكم

استاذنا الغالي جلال باشا يهمني اعرف راي حضرتك في البندقية البام b3-2 الدبشك المنطوي واحط صورتها لباقي الاعضاء واحب اعرف رايكوا فيها للي جابها او استخدمها لاني ناوي اجيبها باذن الله بس اطمن الاول
ولو ربنا اراد واستقر رايي عليها هاجي لحضرتك على اخر الشهر باذن الله القاهرة نجيبها سوا ده بعد اذنك طبعا

اخوكم احمد صديق اللمعي

بورسعيد
http://my.tbaytel.net/coopers/XS-B3%20Review/Xisico%20XS-B3%20Review_files/image001.gif
galal khalifa
10-10-11, 12:05 PM
السلام عليكم

استاذنا الغالي جلال باشا يهمني اعرف راي حضرتك في البندقية البام b3-2 الدبشك المنطوي واحط صورتها لباقي الاعضاء واحب اعرف رايكوا فيها للي جابها او استخدمها لاني ناوي اجيبها باذن الله بس اطمن الاول
ولو ربنا اراد واستقر رايي عليها هاجي لحضرتك على اخر الشهر باذن الله القاهرة نجيبها سوا ده بعد اذنك طبعا

اخوكم احمد صديق اللمعي

بورسعيد
http://my.tbaytel.net/coopers/xs-b3%20review/xisico%20xs-b3%20review_files/image001.gif

الاخ العزيز احمد
البندقية دية مع احترامنا لها وللجميع لا تصلح للصد وانما هي بندقية زينة وضعيفة جدا جدا وسرعتها علي ما اتذكر 170 متر في العيار 1.77
وهي حاليا موجودة في بورسعيد عن سرحان اعتقد ب 600او 650 جنية
تقبل مروري
بندق
10-10-11, 12:23 PM
السلام عليكم جميعا
ازيك يا استاذ احمد اللمعي وازيك يا استاذ جلال وازيكم جميعا
الله ينور عليك استاذ جلال هي بالضبط عند سرحان شفتها الاسبوع الماضي ومن شكلها مالفنش بتعها مردتش اسئل على تمنها اصلا انا معاك هي شكل بس وانا محتار ذيك يا استاذ احمد صديق عندي بندقية تل مجري وعجباني جدا بس محتار وعاوز احدث مع الاحتفاظ بالتل طبعا محتار ai001s التركي وللا بام 21
اريدو حلا
السلام عليكم
ahmed.saddik
10-10-11, 12:50 PM
السلام عليكم

انا عن نفسي ميال للصيني لان سامع ان التركي خاماته مش قد كده

ان شاء الله ناوي اجيب يا اما البام 2-3بتعمير بعتلة لتحت


شكرا استاذ جلال على الرد وانا استقريت كده خلاص على التانية اللي انا ذكرتها بتعمير لتحت واحب اعرف راي حضرتك فيها
mimic
10-10-11, 01:09 PM
السلام عليكم ورحمة الله وبركاته ... بدام الكلام عن البام انا معايا بام وطبعا بعد نصيحة استاذ جلال اني اجبها...... البندقية والله زي الفل وعيبها الوحيد انها تقيلة وانا بضرب بيها انا وواحد معنا هنا اسمو عبد الرحمن علطول والبندقية ممتازة انا صحيح حبيت اغيرلها السوسته بس لما رحت لشريف في المحل علشان اغيرها لاقيتها زي الفل بل والاعجب ان كان معايا استاذ محمد لبيب واسامه باشا ولاقيتهم هناك وكان مع استاذ محمد لبيب ديانا 52 وضربنا بالبندقيتين البام 21 اللي معايا والديانا 52 اللي مع استاذ محمد لبيب على دبشك مكسور بتاع بندقية خرطوش من بتوع زمان اللي يعني مش بسهولة يتخرم فلاقيت ان تأثير الرشة البرومجنوم في اختراق الدبشك هوا هوا نفس تأثير الديانا اللي مع استاذ محمد لبيب... حتى قلت خلاص انا مش هغير سوستا هوا افترا وخلاص ؟؟؟ يا باشا هتها واتوكل على الله والله بندقية تخض وممتازة وفي رأيي فوق الممتازة حتى انا كنت من فترة قريبة هجيب بندقية تانية طفاسة مش أكتر بس حصل للواحد ظروف وعدلت رأيي ومجبتش حاجة ومكتفي بالبام .... والناس اللي طلعو معايا يقولولك غربان بتفقل منها وبتقع متحطش منطق وحدايات كمان وطبعا الحمام واليمام ده شيئ عادي ... والله انا لما رجعت من عند شريف عملت زي ما اسامة قالي اجربها على كتاب تخين واشوف خرمت كام صفحة منو انا ضربت لاقيتها وصلت لصفحة 267 من اصل 300 صفحة ... وبالنسبة للدقة انا بثبتها على سور البلكونة في بيت أبويا وبنشن على خرم في حيطة قدامي والمسافة تقريبا 15 او 20 متر بجبها يا اما في الخرم يا اما جنبو مفيش ملي او اتنين مللي مع العلم اني بستخدم تلسكوب جامو ... يعني والله حاجة محترمة جدا جدا هاتها وتوكل على الله.. وعلى راي استاذ جلال بيه خليفة لو انا المستورد بتاعها هخلي سعرها بي 2500 مش بي 1700 او 1800
adeltaher
10-10-19, 01:23 PM
اخى العزيز
ياتري لسه عايز تشترى بام 21
لو كده اتصل بيه على 0122318579
تحياتى
وليد الشيمى
10-10-19, 11:19 PM
السلام عليكم

استاذنا الغالي جلال باشا يهمني اعرف راي حضرتك في البندقية البام b3-2 الدبشك المنطوي واحط صورتها لباقي الاعضاء واحب اعرف رايكوا فيها للي جابها او استخدمها لاني ناوي اجيبها باذن الله بس اطمن الاول
ولو ربنا اراد واستقر رايي عليها هاجي لحضرتك على اخر الشهر باذن الله القاهرة نجيبها سوا ده بعد اذنك طبعا

اخوكم احمد صديق اللمعي

بورسعيد
http://my.tbaytel.net/coopers/xs-b3%20review/xisico%20xs-b3%20review_files/image001.gif

السلام عليكم
يا صديقى دى بندقية شبهة .. نسخة من الرشاش البورسعيدى... اول ما تطلع تصطاد بيها ح تلاقى كل عربيات الدورية بتجرى وراك.. وحلنى بقى على ما يصدقوا انها بندقية عصافير
المستشار
10-10-19, 11:26 PM
عايز اقول كلمه سر هات البام اللى مكتوب عليها فى الجنب 22 ومدون عليها الاحرف اختصار ميدن تشينا هى دى الفرز الاحسن من 21 وفى النهايه هى هى وبعدين لما تقارنها باى بندقيه فى مستوى سعرها اكيد البام تكسب
adeltaher
10-10-20, 12:00 PM
اخى العزيز
عندى بام جديدة بالكرتونة لم يضرب بها الا 20 رشة لضبط النيشان
سعرها من المحل و اللهى 1800 وانا عارضها ب 1650
لاى استفسار اتصل بى 0122318579
mo16
10-11-11, 11:07 PM
أيهما أفضل ai001s التركي وللا بام 21 مع ذكر المميزات و العيوب
adel152
10-11-12, 01:13 AM
Mo16
الأخ العزيز احمد rock
أشترى البام وأستعملها لمده وماعجبوتش لكنها عاجبه أعضاء أخرين.
أنا عندى الكرال التركى وعجبانى جدا ومش عاجبه أعضاء أخرين.
حاول تشوف وتجرب البندقيتين أكثر من مره حتى تقرر ماتشتريه.
the.desrt sniper
10-11-12, 03:28 AM
التركى من وجهة نظرى يكسب ... لان الصينى صينى .............بيفكر بالصينى هاهاا