عملها فيا الهلب وضيع عليا الطلعة و السمك

[أبو صفية]

السلام عليكم و رحمة الله و بركاته

أنا زى ما قلتلكم إمبيرح إنى رايح أصطاد سمك النهاردة فعلا طلعت و الحمد لله المصرف مكنش فيه مية خالص و السمك كتير جدا و البندقية ما بتخيبش و ربنا رزقنى شوية حلوين يجو 3 كيلو +فرخة مية و لكن لسؤ الحظ أو للنصيب الهلب شبك فى الموتوسيكل و كان حيقطع صبعى لولا و الحمد لله الموتوسيكل وقف و الهلب هوا الى إتقطع و طبعا من غيره مكنتش حعرف أجيب السمك الى بضربه دا غير الناس الى إتلمت حوليا و انا بضرب و الى يقول كلمة و الى يطفش السمك رحت واخدها من قصرها و مروح و أنا مروح لقيت شجرة جوافة فى الطريق و قصب مزروع على جسر رحت واخد حبيتين جوافة و عود قصب و فشيت فيهم غلى بصراحة ما لقيتش صاحب الأرض أسأله رحت وخدهم عما أشوفه هناك مرة تانية أبقا أساله عن المرتين دى و الى جاية و أنا راجع واحد صحبى قالى زى النار طبعا جبت جمبت سمك قلتله لا ما تقلقش أنا أكيد قابلت واحد زيك و أنا لسة خارج عمل الواجب و زيادة ما تتعبش نفسك و لا عنيك خليك إبقا إحسدنى الطلعة الجاية و أسيبكم للصور

http://imageshack.us/a/img29/803/dscf3229k.jpg

http://imageshack.us/a/img20/5540/dscf3228f.jpg3

http://imageshack.us/a/img163/6548/dscf3227iz.jpg

[mohamed2010habib]

خيرها فى غيرها و بارك الله فيما رزق و تتعوض يا قناااااص

[الرحاله]

بارك الله فيما رزق

[أبو صفية]

السلام عليكم و رحمة الله و بركاته

بعد الموقف البايخ الى عمله الهلب معانا و إحنا بنصطاد سمك بالبندقية قررت نطلع طلعة بالليل ننتقم فيها من فراخ المية و اليمام و المرادى أخدت صحبى الحساد معايا و نسيبى و طلعنا أهو قلت الإيد الى ما تعرفش تقطعها بوسها و أهو يحسد الفراخ يموتها يساعد البندقية شوية و مشينا على مصرف كنت بروحه على طول و بصراحة بالرغم من التأخير إلا إن الطلعة كانت مسلية جداضحكنا كتير و كانت صحبة حلوة قبل ما تتوالى المقالب عدينا على فلاحين وقفين و كان فيه جسر و مصرف صغير عليه شجر جوافة المهم رحنا جيبين يجى كيلوا جوافة و جينا مشيين بندور على مفتاح الموتوسيكل ما لقيناهش إتخانئنا مع بعض و سبينا للطمع فى الجوافة و روحنا ندور على المفتاح لما زهئنا واحد قال إحنا مش أكلنا الجوافة نرمى الموتوسيكل فى المصرف للمفتاح و نمشى و الحمد لله لقيناه و روحنا لشجر اليمام و ربنا كرمنا بى 9 حبات غير الى وقع فى الغاب و معرفناش نجيبه و الى ريش و طار و لله الحمد إحنا الثلاثة وقعنا فى المية إمبيرح بالتوالى و الجميع إتجرح بس كانت طلعة لذيذة طبعا أولا للصحبة و ثانيا للحصيلة الجيدة جبنا حوالى 22 فرخة مية لكن بصراحة جات فى الأخر و مسخت أوى ضربت 6 حبات فى مصرف عليه غاب كتير و ورد نيل و معرفناش نجيب غير 2 منهم قلتلهم بارك الله فيما رزق و بلاش ضرب تانى حرام نموت و نمشى و طبعا جا على هواهم لأنهم كانوا بيسترجونى نروح الساعة كانت دخلة على 3 بالليل و الجميع مش عارف حيقول إيه لجماعته الحكومة يعنى ما عدا العبد لله قالولى إنتا إترمت طوبتك من زمان و لما طلعنا على الطريق فى النور بعد الطريق الزراعى إكتشفنا إن إحنا و الموتوسيكل عبارة عن كومة تراب و طين ودم سواء الفراخ أو الجروح الى سببها الغاب و أسيبكم مع الصور و هيا مش واضحة أوى عشان الليل

http://imageshack.us/a/img833/5932/dscf3232t.jpg

http://imageshack.us/a/img405/4386/dscf3231o.jpg

http://imageshack.us/a/img525/9236/dscf3230z.jpg

[mohamed2010habib]

دايما الواحد بيرجع متبهدل بعد طلعات الصيد ... بس مزاجه بيبقى عالى و مبسوط عالاخر
بس بجد طالعه جامده يا صاحبى

[MBadr]

طلعة موفقه يا ابو صفيه تسلم ايدك

[diiie_hard]

ماشاء الله
الله ينور

[ابو مروان]

يا ابو صفية يا قناص بارك الله فيما رزق....المشى فى الغيطان بليل عايز صحبة وونس لانة مرعب..انا نمجرب الموضوع دة امبارح فى طلعة صيد سمك بالسنارة...بالتوفيق وربنا يسترها معانا

[said ali]

بسم الله ما شاء الله
ايه الجمال ده
قناص فى البحر والبر
ادام الله صيدك وزاد رزقك

[أبو صفية]

ما شاء الله عليكم جميعا و شكرا على المرور الطيب و الكلام الجميل دا و بارك الله فيكم جميعا و رزقكم من طيبات رزقه

[محمد خلف]

طلعه زي الفل يا ابو صفيه
و عقبال الي بعدها كمان

[LionHeart]

طالعه جامده يا صاحبى