الزناد باااااااااااايظ

[TheLegnedkiller]

السلام عليكم ورحمه الله وبركاته

لو سمحتم يا جماعه انا ليه واحد صاحبي معاه مسدس بالامانه انا مش عارف نوعه بس هو شكله غريب شويه

انا قلت ممكن هنا الاعضاء يفيدوني اكتر

بس هو فيه شويه عيوب

1/الزناد بايظ يعني الزناد رايح جاي مالوش لزمه

2/ قديم وعاوز تنطيف اوي اوي اوي

3/ الماسوره متحركه شويه من مكانها

الصور اهي يا جماعه

ومعلشي انا عاوز اعرف ايه الي بايظ فيه عشان اروح اصلحه

ولو هو فكر يبيعه بحاله ديه يجيب كام

مع العلم ان المسدس 8 مللي

انا من المنصوره يا جماعه ياريت الي يعرف محل اديله المسدس بحالته ديه يصلحه ياريت ميبخلشي عليه

وهو هياخد كام في التصليح ده كله

[fishtic]

دا بريتا 84 نوفا ملجورا مصري
90 % اللي بايظ فيه الدراع
حاجة تانية
رجع الشاكوش بايدك كدا شوف هيثبت مكانه ولا هيرد لوحده؟

[TheLegnedkiller]

ايه ياجماعه محدش يعرف ولا ايه

[TheLegnedkiller]

دا بريتا 84 نوفا ملجورا مصري
90 % اللي بايظ فيه الدراع
حاجة تانية
رجع الشاكوش بايدك كدا شوف هيثبت مكانه ولا هيرد لوحده؟

لا حضرتك هو انا لما ارجع الشاكوش مبيردشي الا لما احط الخزنه تاني

[TheLegnedkiller]

طب حضرتك الدراع ده اصلحه منين ويدخله بكام

[جلوك]

لو حبيت تبيعو هتبيعو بكام علشان عايز بريتا
وانشاء الله هظبط عيوبها

[fishtic]

ايه علاقة الشاكوش (الطارق) بالخزنة

[fishtic]

الدراع دا انتا تشتريه وتركبه سهل اوي
ولو عوزت اركبهولك تحت أمرك

[medozs]

لو كان تسعه ملى كنت اشتريته منك

[TheLegnedkiller]

ايه علاقة الشاكوش (الطارق) بالخزنة



معلشي والله اصلي مش مركز خالص

[TheLegnedkiller]

الدراع دا انتا تشتريه وتركبه سهل اوي
ولو عوزت اركبهولك تحت أمرك

طب حضرتك تتوقع كده يدخله في كام الدراع ده

[TheLegnedkiller]

لو حبيت تبيعو هتبيعو بكام علشان عايز بريتا
وانشاء الله هظبط عيوبها

لو كان تسعه ملى كنت اشتريته منك

لا والله المسدس مش للبيع دلوقتي

وان شاء الله لو صاحبه فكر يبيعه ان شاء الله هعرضه علي المنتدي

[TheLegnedkiller]

معلشي بقي اخر سؤال هو سعره يدخله في كام وهو بايظ

ولو صلحته يدخله في كام

وماهو سعر الدراع

[goodzila]

العيب ده يفندم حاجز طارق متاكل ثمنه 25 جنيه بس محتاج حد يركبه انا الصارحه معرفش حد في المنصوره لكن لو جبته المحله انا ممكن اشتريلك القطعه واركبهالك مش هتاخد 10 دقائق وهوه بيردلما بتحط الخزنه عشان الحاجز راكب في المجره بتاع الخزنه ممكن يطلع الدراع كمان فيه جزء متاكل ده احتمال وارد بس الاساسي حاجز طارق متاكل الو السوسه بتاعه خفيفه دول اساسي ممكن يزيد عليهم الدراع في حاله ان الزناد يبقا فيه بوش كامل تحس انه سايب يبقا كده الدراع مكسور برضه عامه لو جبته المحله انا هعملك الازم وانت قاعد مفيش مشكله وانا تحت امرك في اي حاجه

[TheLegnedkiller]

العيب ده يفندم حاجز طارق متاكل ثمنه 25 جنيه بس محتاج حد يركبه انا الصارحه معرفش حد في المنصوره لكن لو جبته المحله انا ممكن اشتريلك القطعه واركبهالك مش هتاخد 10 دقائق وهوه بيردلما بتحط الخزنه عشان الحاجز راكب في المجره بتاع الخزنه ممكن يطلع الدراع كمان فيه جزء متاكل ده احتمال وارد بس الاساسي حاجز طارق متاكل الو السوسه بتاعه خفيفه دول اساسي ممكن يزيد عليهم الدراع في حاله ان الزناد يبقا فيه بوش كامل تحس انه سايب يبقا كده الدراع مكسور برضه عامه لو جبته المحله انا هعملك الازم وانت قاعد مفيش مشكله وانا تحت امرك في اي حاجه


الف شكر لحضرتك علي الرد الجميل ده وانا ان شاء الله رحت لمحل في المنصوره عندنا

ولو معرفتش هجيلك المحله ان شاء الله ويكفيني شرف مقابله حضرتك

[mohamedatia]

اخى الفاضل
المشكله فى سوسته الزناد وتمنها حوالى 25 جنيه وسهل تركيبها بس هتاخد منك شويه وقت لان المشكله كانت عندى ولقيت السوسته انكسترت واشتريت وحده وركبتها بنفسى
خضرتك قريب من الاسكندريه ممكن تروح لورشه عم سيد محطه مصر فى النبى دنيال وان شاء الله هيعمل اللازم
وكمان المسدس محتاج شويه نظافه هات اسبراى wd-40 ورشه وسيبه شويه هتلاقى كل الاوساخ بدأت تنزلمن عليه ورشه مره كمان حتى يتم تنظيفه

[M.SHADY]

ربنا يوفقك و تعرف تصلحه و يرجع جديد ان شاء الله

[chernobyl]

الدراع 50 جنيه عندنا فى الفيوم مش عارف بقا الاسعار عندكو ايه وبنسبه للبرتا نادرة جدا وصعب تلقيها دلوقتى لانها بتتميز بخامت حديد مهوله وتحفه عنى من الافضل صلحها مش خسارة فيها المصاريف وممكن تقلبها بلميت هتجبلك 1000 جنيه لما تكون بعتها بلرخص اوى واشترى منى ومتترددش اسمع الى بقولك عليه وصلحه ومتبخلش عليه

[TheLegnedkiller]

الحمد لله رحت صلحتها عند محل الصياد الي في دكرنس

بس بالامانه الراجل تعب اوي معانا

وركبت دراع جديد وعملي شويه صيانه فيه

ودفعت في الاخر 100 جنيه ليه

وهو شغال زي الفل دلوقتي

والف شكر لكل من رد علي موضوعي ده