عودة الجامو و السمك و بقوة

[أبو صفية]

السلام عليكم و رحمة الله و بركاته

بصراحة بعد ما شفت المواضيع الكتير عن صيد السمك بالبندقية و الأرقام القياسية للأخ العزيز القبطان قلت دا ملعبى أنا و أنا الى بدعته فى المنتدى و خاصة إن شهر 9 بدأ قلت آخد بندقيتى الجامو الى صدت من الركنة و أروح أجرب إمبيرح و رحت على المصرف المعتاد و كان الصيد تمام لكن الهلب إتكسر و لقيت الكراكة بتنضف فى المصرف رحت راجع و عامل غابة تانية للهلب و دول الشوية السمك الى متصورين فى الصينية و عددهم حوالى 12 سمكة ووزنهم 3كجم إلا ربع و رحت خارج على المصرف التانى بالرغم إن الوقت كان إتأخر بعد 11 الصبح طبعا و الحمد لله السمك كان كتير و كبير و ربنا رزقنى أحلى رزق و دول كانوا 18 سمكة و وزنهم 4 كجم يعنى الحصيلة الإجمالية 30 سمكة و حوالى 7كجم إلا ربع و بيتهيألى بدا يكون كل الأرقام القياسية فى المنتدى إتكسرت و عزرا للجميع و أسيبكم للصور

http://img20.imageshack.us/img20/9600/dscf3207q.jpg

http://img440.imageshack.us/img440/6752/dscf3206g.jpg

http://img337.imageshack.us/img337/9122/dscf3205c.jpg

http://img13.imageshack.us/img13/664/dscf3204v.jpg

[IMG]http://img259.imageshack.us/img259/4342/dscf3203.jpg[/IMG

[هشام سمير]

انتا مش ملاحق
برى ولا بحرى ولا جوى ارحم نفسك شويه بقا :)
على فكره انا مبحسدش ..... انا بقر بس

[محمد خلف]

الله ينور
انا نفسي اجرب موضوع صيد السمك بالبندقيه ده بس صعب في بورسعيد لان عشان اصطاد في بحيره او مكان الميه فيه مش غويطه لازم اعدي المنفذ
ونا مش عاوز وجع دماغ مع الحكومه
وهما شادين اليومين دول شده جامده
ربنا معاهم بجد

[M.SHADY]

بسم الله ما شاء الله . ربنا يبارك لك و ان شاء الله تبقى تعزمنا فى مره على السمك الحلو ده

[القبطان المصرى 77]

ههههههههههههههههههههههههه
اوبااااااااااااااااااااااااااااا
ايه ده انت اعلنت عليا التحدى ليه بس يابو صفيه
ده انا غلبان وانت الاستاذ برده مهما كان
ربنا يبارك ويزيدك كمان وكمان يابو صفيه يارب

[أبو صفية]

انتا مش ملاحق
برى ولا بحرى ولا جوى ارحم نفسك شويه بقا :)
على فكره انا مبحسدش ..... انا بقر بس

ما يغلاش عليك الصيد يا أستاذ هشام و الله أنا بقالى فترة ما بطلعش
و الله أنا معظم الصيد بهاديبه أصحابى و خاصة السمك بس هيا الهواية زى ما حضرتك عارف

[أبو صفية]

الله ينور
انا نفسي اجرب موضوع صيد السمك بالبندقيه ده بس صعب في بورسعيد لان عشان اصطاد في بحيره او مكان الميه فيه مش غويطه لازم اعدي المنفذ
ونا مش عاوز وجع دماغ مع الحكومه
وهما شادين اليومين دول شده جامده
ربنا معاهم بجد

الله ينور عليك يا أستاذ محمد بصراحة صيد السمك بالبندقية ما ينفعش عندكم فى بورسعيد خالص لأنكم محافظة مش زراعية يعنى لا مصارف و لا ترع و بحيرة المنزلة برده ما فيهاش سمك عايم على سطح المية و البندقية الرش بتعدبها عادى من المنفذ بس زى ما بتقول بلاش وجع دماغ دا بحيرة المنزلة مشدودة شدة محترمة و ربنا يوفق الحكومة و ينضفوها صح

[أبو صفية]

بسم الله ما شاء الله . ربنا يبارك لك و ان شاء الله تبقى تعزمنا فى مره على السمك الحلو ده

و الله ما يغلى عليك حاجة يا أستاذ شادى شوف غنتا اليوم الى يناسبك و إحنا سدادين طبعا حضرتك عارف دمايطة و كرما بقا سمعتنا سبقانا

[أبو صفية]

ههههههههههههههههههههههههه
اوبااااااااااااااااااااااااااااا
ايه ده انت اعلنت عليا التحدى ليه بس يابو صفيه
ده انا غلبان وانت الاستاذ برده مهما كان
ربنا يبارك ويزيدك كمان وكمان يابو صفيه يارب

بسم الله ما شاء الله عليك بلاش تواضع و هل يخفى القمر يا أستاذنا و الله أنا عامل الموضوع دا عشان أناغشك عشان عارف إنك لازم حتعلق تعليق طيب و فكاهى كالمعهود عنك و شرفنا مرورك و ربنا يكرمك و يزيدك من رزقه

[مصطفى ابواسماعيل]

احلى تقيم والله ينور عليك

[mohamed2010habib]

ربنا يكرمك يا ابو صفيه ,,, لو فاضى اطلع معاك يوم الاثنين الجاى الصبح بالبندقيه نصطاد سمك و نتعرف يا غالى

[diiie_hard]

ماشاء الله
الله ينور يا باشا
انتي بقي بتصطاد فين ؟

[احمد عابد]

ماشاء الله عليك ياباشا وكويس اوي ان في ناس هنا من دمياط أنا كنت فاكر ان أنا بس اللي من دمياط يشرفني ان اتعرف عليهم واصتاد معاهم كمان*

[أبو صفية]

احلى تقيم والله ينور عليك

الله ينور عليك و يبارك فيك و شكرا على المرور و التقييم و الفيديو بصراحة ممتاز

[أبو صفية]

ماشاء الله عليك ياباشا وكويس اوي ان في ناس هنا من دمياط أنا كنت فاكر ان أنا بس اللي من دمياط يشرفني ان اتعرف عليهم واصتاد معاهم كمان*

شكرا على المرور الكريم و الكلام الطيب و الشرف لينا إحنا يا باشا نتشرف بمعرفتكم و الصيد معاكم

[أبو صفية]

ماشاء الله
الله ينور يا باشا
انتي بقي بتصطاد فين ؟

الله ينور عليك أنا بصطاد من ماارف و ترع عندنا فى جوار قريتنا فى محافظة دمياط

[أبو صفية]

ربنا يكرمك يا ابو صفيه ,,, لو فاضى اطلع معاك يوم الاثنين الجاى الصبح بالبندقيه نصطاد سمك و نتعرف يا غالى

الشرف لينا يا دكتور إنتا بس تأمر و علينا التنفيذ و نتشرف بك و الصيد معاك دا تليفونى 01009978598 حدد بس اليوم و تشرفنا أنا فى الغالب فاضى فترة الصبح للظهر

[Mohamed Mahmoud]

طلعة مميزة
واحلى تسعة نقط تقييم ليك يا باشا

[diiie_hard]

الله ينور عليك أنا بصطاد من ماارف و ترع عندنا فى جوار قريتنا فى محافظة دمياط

انا من دمياط بردة علشان كده بسالك
اسم المنطقة الي بتروحها ايه ؟

[أبو صفية]

طلعة مميزة
واحلى تسعة نقط تقييم ليك يا باشا

الله يبارك فيك و شكرا على المرور و على التقييم
و يا ريت تخش على موضوع الجامو و فراخ المية و تقيمنا ههههههههه

[أبو صفية]

انا من دمياط بردة علشان كده بسالك
اسم المنطقة الي بتروحها ايه ؟

أنا من قرية تبع مركز فارسكور إسمها العطوى و بصطاد من مصرف إسمه مصرف الضهرة جمبنا

[diiie_hard]

اها عرفت الضهرة يا باشا فيها احلي شبار طبعا

[عـمـر]

استاااااااااااااااااااااذ يا ابوصفية ... بس كده مش هينفع تعلن التحدى على القبطان صحيح القبطان استاذ بس انت رئيس القسم ههههههههههههه وبعدين انت من الرواد في الموضوع ده يا زعيم .... والجميل اننا بنستمتع بالتحدي ده والاجمل انكم احلى قناصين بر وبحر وجو في منتدانا الغالي ... كل التحية لك يا ابوصفية ودمت في امان الله ...

[ابو مروان]

اباااااااااااااااااااااااااا...تحدى العمالقة ابو صفية والقبطان

[hogan]

تسسسسسسسسسسسسسسسسسسسلم الايادى

[جلوك]

انت بتصتاد من انة منطقة وباطعم ام عجين

[أبو صفية]

استاااااااااااااااااااااذ يا ابوصفية ... بس كده مش هينفع تعلن التحدى على القبطان صحيح القبطان استاذ بس انت رئيس القسم ههههههههههههه وبعدين انت من الرواد في الموضوع ده يا زعيم .... والجميل اننا بنستمتع بالتحدي ده والاجمل انكم احلى قناصين بر وبحر وجو في منتدانا الغالي ... كل التحية لك يا ابوصفية ودمت في امان الله ...

لا و الله لا تحدى و لا حاجة دا إحنا بنهزر بس و المهم الجميع يكون مبسوط و ربنا يرزق الجميع و عموما لو ربنا أراد أنا طالع بكرة و ربنا يرزق الجميع

[أبو صفية]

انت بتصتاد من انة منطقة وباطعم ام عجين

أنا بصطاد بالبندقية مش بصنارة